半島漁港/阿翁火鍋館

今晚同朋友约到荃湾阿翁半岛渔港打边炉。去到混下酱先就根本野，个酱汁好重要架。今日个餐有环球海鲜盘，重庆辣鸡锅，招牌鸳鸯锅，刺身拼盘，至尊水饺皇，阿翁极级牛颈脊，鸡蓉烩燕窝，再点了鳝片，脆鲩片，猪膶，鲜虾滑，墨鱼滑，鲮鱼滑，炸鱼皮。环球海鲜盘：有蚝，龙趸，虾，青口，扇贝，吊筒。海鲜够新鲜所以入边一边汤底都冇问题。重庆辣鸡锅：先黎个辣鸡，都几有水准够香够辣而鸡又入味。招牌鸳鸯锅：想清既朋友可以皮蛋芫荽汤又清热，想浓味既就沙嗲汤底。刺身拼盘：个三文鱼厚切到咁有晒口感。甜虾新鲜爽甜，元贝厚身鲜甜，北寄贝同样出色。至尊水饺皇：超大粒，完只大虾加上木耳猪肉令到口感更好，味道层次感更高。阿翁极级牛颈脊：牛颈脊油脂比例非常平均，净系睇油脂纹路已经非常吸引。轻轻入汤10几秒已经可以入口。牛香十足入口牛香十足。鸡蓉烩燕窝：热辣辣饮好味道。任点我哋点了鳝片，脆鲩片，猪膶，鲜虾滑，墨鱼滑，鲮鱼滑，炸鱼皮。鳝片都几香鳝味，脆肉鲩同样出色。啤酒汽水任饮选择都多。丸，菜，面食都五花百门。…查看更多

最近同屋企人去咗荃湾嘅半岛渔港食晚饭，佢哋而家做紧超吸引嘅$1小菜优惠😍 文昌鸡、脆皮烧乳猪、至尊烧鹅每款只系$1(只可拣一），真系要试试🤣🍲 粉葛鲮鱼赤小豆汤粉葛有清热解毒、祛湿嘅功效，赤小豆就帮助去水肿，真系老少咸宜！饮落口感顺滑，系秋冬必饮之选！🥬 蒜茸白菜仔白菜仔炒得啱啱好，保持到爽脆口感。蒜茸香气扑鼻，炒得够镬气🍛 黑椒茄子牛仔骨煲牛仔骨煮得啱啱好，肉质嫩滑唔鞋口，黑椒酱香浓惹味😛茄子吸晒酱汁，入口即溶！🐔 $1文昌鸡文昌鸡只需$1就食到，真系抵到烂！鸡皮薄滑，鸡肉嫩滑多汁，配埋姜葱油或者豉油一齐食，正❗️…查看更多

半岛渔港我妈咪一向都钟意去，成日都推出优惠，留意到最近有个星期六日优惠，佢钟意食嘅叉烧王两位都系$18，今晚就陪佢帮衬。我自己又想食海鲜，所以试咗个海鲜孖宝，选择好多，选左上汤焗长脚蟹配伊面同酥炸桶蚝。当晚超多人，好彩地方够大，台够阔。职员都几好服务，落单、加水、换碟都做到足，最后仲送左2碗我妈钟意嘅红豆沙糖水，开心到佢呢。 $18叉烧（细份）先讲叉烧，虽然话系$18细份，但其实都唔少件，加上食精不食多，叉烧高质素，蜜糖味十足，油脂分布平均，外皮有少少焦香，入口松化，好好食。海鲜孖宝配呢个真系唔可以错过，可以根据心水自由搭配，今次我拣咗炸桶蚝同上汤焗长脚蟹伊面。2款菜式加埋先$398桶蚝外层炸得香脆，唔会太厚粉，内里仲保持鲜嫩多汁，蚝味好浓郁又唔腥，大啖啖蚝肉好满足，成碟镬气十足。一客成8只咁多，食到我地2母女捧住个肚。上汤焗长脚蟹伊面抵食又高质。蟹肉质新鲜无雪味，大大条蟹脚啖啖肉，够晒过瘾。上汤啱啱好，伊面烟韧弹牙，吸晒啲鲜甜汤汁，又系好有份量，今晚呢餐真系好满意。半岛渔港咩都有得食又唔贵，人均消费都喺$200左右，仲要成日有折头优惠，海鲜、烧味、粤菜同火锅咩都有，确实唔错。…查看更多

《半岛渔港》荃湾店✨️(小) 即日煲靓汤 $128每日都吾同，今次系鲩鱼瘦肉汤，饮落清润鲜甜，够哂火喉。✨️极品 BB猪 $1后最近嘅优惠菜，大癫! 只系$1 元。BB猪 外皮酥脆，内里肉质鲜嫩。✨️大闸蟹 $128手掌咁大只，肉质鲜嫩。✨️4 头南非鲍鱼(1只) $68嗌之前去左海鲜缸度观察过， 目测非常新鲜，就立即下单。食落肉质Q弹，用鼓油 和 油煮更显鲜味。✨️沙姜鸡脚 (小食) $68用石纸包住煮，更能锁汁 及 保持鲜味。沙姜辣度适中，十分惹味。…查看更多

和朋友来到荃湾，晚饭时间，朋友介绍话呢间酒楼水准唔错，又有一些特价小菜，环境好干净，一于去试吓。文昌鸡味道鲜美，皮爽肉嫩、鸡味浓郁。咬落肉质Q弹，口感好结实，鸡皮好爽口，不油腻，好有鸡味，点一点姜蓉食好好味。沙嗲肥牛粉丝煲一向也是我的最爱，去亲酒楼必叫，沙嗲酱送饭一流，肥牛嫰滑惹味，加入金菇及粉丝，吸收晒精华，正！百花蒸鱼肚用笼仔上，卖相好吸引，鱼肚口感软糯，软嫩滑润，配上啖啖虾胶肉，满满海鲜甜味。…查看更多