半島漁港/阿翁火鍋館

今晚同朋友約到荃灣阿翁半島漁港打邊爐。去到混下醬先就根本野，個醬汁好重要架。今日個餐有環球海鮮盤，重慶辣雞鍋，招牌鴛鴦鍋，刺身拼盤，至尊水餃皇，阿翁極級牛頸脊，雞蓉燴燕窩，再點了鱔片，脆鯇片，豬膶，鮮蝦滑，墨魚滑，鯪魚滑，炸魚皮。環球海鮮盤：有蠔，龍躉，蝦，青口，扇貝，吊筒。海鮮夠新鮮所以入邊一邊湯底都冇問題。重慶辣雞鍋：先黎個辣雞，都幾有水準夠香夠辣而雞又入味。招牌鴛鴦鍋：想清既朋友可以皮蛋芫荽湯又清熱，想濃味既就沙嗲湯底。刺身拼盤：個三文魚厚切到咁有晒口感。甜蝦新鮮爽甜，元貝厚身鮮甜，北寄貝同樣出色。至尊水餃皇：超大粒，完隻大蝦加上木耳豬肉令到口感更好，味道層次感更高。阿翁極級牛頸脊：牛頸脊油脂比例非常平均，淨係睇油脂紋路已經非常吸引。輕輕入湯10幾秒已經可以入口。牛香十足入口牛香十足。雞蓉燴燕窩：熱辣辣飲好味道。任點我哋點了鱔片，脆鯇片，豬膶，鮮蝦滑，墨魚滑，鯪魚滑，炸魚皮。鱔片都幾香鱔味，脆肉鯇同樣出色。啤酒汽水任飲選擇都多。丸，菜，麵食都五花百門。…Read More

最近同屋企人去咗荃灣嘅半島漁港食晚飯，佢哋而家做緊超吸引嘅$1小菜優惠😍 文昌雞、脆皮燒乳豬、至尊燒鵝每款只係$1(只可揀一），真係要試試🤣🍲 粉葛鯪魚赤小豆湯粉葛有清熱解毒、祛濕嘅功效，赤小豆就幫助去水腫，真係老少咸宜！飲落口感順滑，係秋冬必飲之選！🥬 蒜茸白菜仔白菜仔炒得啱啱好，保持到爽脆口感。蒜茸香氣撲鼻，炒得夠鑊氣🍛 黑椒茄子牛仔骨煲牛仔骨煮得啱啱好，肉質嫩滑唔鞋口，黑椒醬香濃惹味😛茄子吸晒醬汁，入口即溶！🐔 $1文昌雞文昌雞只需$1就食到，真係抵到爛！雞皮薄滑，雞肉嫩滑多汁，配埋薑蔥油或者豉油一齊食，正❗️…Read More

半島漁港我媽咪一向都鍾意去，成日都推出優惠，留意到最近有個星期六日優惠，佢鍾意食嘅叉燒王兩位都係$18，今晚就陪佢幫襯。我自己又想食海鮮，所以試咗個海鮮孖寶，選擇好多，選左上湯焗長腳蟹配伊麵同酥炸桶蠔。當晚超多人，好彩地方夠大，檯夠闊。職員都幾好服務，落單、加水、換碟都做到足，最後仲送左2碗我媽鐘意嘅紅豆沙糖水，開心到佢呢。 $18叉燒（細份）先講叉燒，雖然話係$18細份，但其實都唔少件，加上食精不食多，叉燒高質素，蜜糖味十足，油脂分布平均，外皮有少少焦香，入口鬆化，好好食。海鮮孖寶配呢個真係唔可以錯過，可以根據心水自由搭配，今次我揀咗炸桶蠔同上湯焗長腳蟹伊麵。2款菜式加埋先$398桶蠔外層炸得香脆，唔會太厚粉，內裡仲保持鮮嫩多汁，蠔味好濃郁又唔腥，大啖啖蠔肉好滿足，成碟鑊氣十足。一客成8隻咁多，食到我地2母女捧住個肚。上湯焗長腳蟹伊麵抵食又高質。蟹肉質新鮮無雪味，大大條蟹腳啖啖肉，夠晒過癮。上湯啱啱好，伊麵煙韌彈牙，吸晒啲鮮甜湯汁，又係好有份量，今晚呢餐真係好滿意。半島漁港咩都有得食又唔貴，人均消費都喺$200左右，仲要成日有折頭優惠，海鮮、燒味、粵菜同火鍋咩都有，確實唔錯。…Read More

《半島漁港》荃灣店✨️(小) 即日煲靚湯 $128每日都吾同，今次係鯇魚瘦肉湯，飲落清潤鮮甜，夠哂火喉。✨️極品 BB豬 $1後最近嘅優惠菜，大癲! 只係$1 元。BB豬 外皮酥脆，內裡肉質鮮嫩。✨️大閘蟹 $128手掌咁大隻，肉質鮮嫩。✨️4 頭南非鮑魚(1隻) $68嗌之前去左海鮮缸度觀察過， 目测非常新鮮，就立即下單。食落肉質Q彈，用鼓油 和 油煮更顯鮮味。✨️沙薑雞腳 (小食) $68用石紙包住煮，更能鎖汁 及 保持鮮味。沙薑辣度適中，十分惹味。…Read More

和朋友來到荃灣，晚飯時間，朋友介紹話呢間酒樓水準唔錯，又有一些特價小菜，環境好乾淨，一於去試吓。文昌雞味道鮮美，皮爽肉嫩、雞味濃郁。咬落肉質Q彈，口感好結實，雞皮好爽口，不油膩，好有雞味，點一點薑蓉食好好味。沙嗲肥牛粉絲煲一向也是我的最愛，去親酒樓必叫，沙嗲醬送飯一流，肥牛嫰滑惹味，加入金菇及粉絲，吸收晒精華，正！百花蒸魚肚用籠仔上，賣相好吸引，魚肚口感軟糯，軟嫩滑潤，配上啖啖蝦膠肉，滿滿海鮮甜味。…Read More

半島漁港/阿翁火鍋館@荃灣📍荃灣眾安街68號荃灣千色匯I 6樓💵$150-$200半島漁港又有大力優惠啦，今期推出晚市套餐三寶$398，仲有1蚊一個餸，超級抵食，啱哂一家人一齊去食。💕🐓海南文昌雞 $1重點推薦$1一隻雞，嚴選海南直送文昌雞，皮爽肉滑，雞味濃郁，雞件份量十足，性價比高。🍤 白汁明蝦球例牌蝦球爽彈新鮮，裹上輕薄白汁，白汁濃淡適中，唔會蓋過蝦鮮味。 🐠 清蒸富貴斑1條清蒸火候剛好，魚肉嫩滑無腥味。附豉油皇同蔥絲，原汁原味夠鮮甜！ 🌯 金銀蛋肉鬆浸時蔬 $118使用皮蛋、鹹蛋同肉碎，搭配嫩綠時蔬浸煮，湯汁清甜帶蛋香。$118份量十足，健康又飽肚，送飯一流！ …Read More

今日黎開荃灣拍拖，見到半島漁港，之前已經試過佢個任飲任食海鮮火煱，講堅未去到打邊爐個Part，已經可以填飽你個胃，不過火煱已經食過，今次就試下佢小菜1.海鮮孖寶組合$588a.上湯澳洲焗花龍蝦（送伊麵底，芝士加$30）配清蒸海虎衫班仔（條）女朋友係龍蝦芝士控，基本上見到尼二款已經要叫硬，龍蝦肉數量中等，芝士味濃，伊多，二個人足夠吃；衫班仔蒸煮時間好好，魚肉離骨，肉質嫩滑，正2.瑤柱扒豆苗$158豆苗份量多，瑤柱淋係菜上邊，一啖菜一啖瑤柱好滿足3.海南文昌雞半隻 $88文昌雞好正，肉質嫩滑，點埋佢個醬汁好食，但切記星期一至五先係最抵食（燒味三選一（海南文昌雞，至尊燒鵝皇，極品BB豬)都只係需要$1，你無聽錯，係1蚊，六日及公眾假期會收回$88半隻至1/4隻4.茶位 $15/位總價連加一$1000店名：半島漁港/阿翁火鍋館地點：荃灣眾安街68號荃灣千色匯I 6樓…Read More

店名：半島漁港/阿翁火鍋館地點：荃灣眾安街68號荃灣千色匯I 6樓今日黎開荃灣千色店附近買野，見到有間半島漁港喺附近，較早前已經試過佢其他分店嘅任飲任食海鮮火鍋餐，今次決定試下佢嘅小菜1.海南文昌雞半隻 $88雞肉嫩滑，有雞味，但最重要係記住平日叫🤫只係用一蚊就可以叫到，如果唔係好似我地想食雞，但六日或公眾假期叫就要$88先有半隻🫣2.海鮮孖寶組合$588-上湯澳洲焗花龍蝦（送伊麵底，芝士加$30）伊面量多，芝士濃郁，龍蝦肉數量中等，龍蝦有鮮味，份量夠三個人食-清蒸海虎衫班仔（條）條魚蒸得幾好，魚肉離骨幾嫩滑，三個人都足夠食3.瑤柱扒豆苗$158瑤柱好多，店家整咗個瑤柱芡喺豆苗上邊，每啖入口都係瑤柱同菜苗，好滿足4.茶位 $15/位總價連加一）$1000…Read More

趁公假前夕，帶爸爸去荃灣半島漁港晚餐，餐廳平日晚竟然全場爆滿，人氣非常旺！看來$1優惠真的好吸引，香港人都喜歡吃抵食的餐廳！🍽️【上海焗阿拉斯加長腳蟹 + 薑蔥焗本灣桶蠔】$428這個是精選海鮮孖寶組合，蟹腳份量十足，而且已剪好，殼軟易食，啖啖蟹肉好鮮甜。底下鋪滿伊麵，吸晒蟹汁精華，口感滑溜。桶蠔大大隻，焗得夠香，薑蔥味濃，啖啖都好入味，海鮮控必試！🔥【至尊燒鵝 1/4隻】$1（平日限定優惠）燒鵝皮香脆，鵝肉厚實又多汁，最貼心係用小火保溫，食到尾都仲係暖笠笠，性價比爆燈，1/4隻都有好多！最後送上紅豆沙，甜度適中，紅豆煮得綿密，為豐富的一餐畫上完美句號。這晚不止食得開心，仲同爸爸傾咗好多心事，感覺好溫馨。半島漁港真係值得一試，無論係家庭聚餐定朋友聚會都啱晒！…Read More

中式酒樓，提供各式海鮮佳餚和招牌菜式，一向是商務宴請及家庭聚餐的首選，來到周末，更是熱鬧非常。這夜，我們來到位於荃灣千色匯 I期 6樓的《半島漁港/阿翁火鍋館》。酒樓裝潢選用精雕細琢的木材、大理石，以及線條流暢的金屬材質，搭配華麗的裝飾和細節，呈現出奢華的感覺。加上熱鬧的氛圍，在這裡用餐，特別有親切感。《半島漁港/阿翁火鍋館》更推出星期六日優惠，食客可以優惠價點選燒味部的其中一款食物：海南文昌雞、極品BB豬或至尊燒鵝。星期一至五惠顧，更低至「 $1優惠」，相當吸引喔！至尊燒鵝，外皮油潤有光澤，皮脆肉厚，啖啖肉，油香四溢，最細心的是至尊燒鵝一直以微溫加熱，令燒鵝保持最佳狀態，不會出現肥油凝固現象，蘸上酸梅醬，份外滋味。就連伴碟的醃蘿蔔，也相當美味！除了茄汁，豉油王及蒜蓉也是不錯的海中蝦煮理方法，而今次，我們選了豉油王焗。甫上桌已覺相當惹味， 蝦身均勻上色入味，蝦殼焗得香脆可口，豉油味適中，搭配蔥花調味，香口又惹味。金菇瑤柱扒豆苗，可算是一道傳統的名貴菜式，翠綠鮮嫩的豆苗上，淋上瑤柱芡汁，不但味香清甜，口感更是鮮嫩爽口，就連日常不愛吃菜的蝦子餅也大讚「好味」！…Read More

這是一家位於荃灣的半島宴會廳（阿翁火鍋館）自助火鍋餐廳的用餐紀錄，從點餐內容到服務細節都反映出這間餐廳的專業和多元特色。#菜式多元，食材新鮮本次用餐主要為二人火鍋放題，菜式涵蓋刺身拼盤、至尊水餃皇、阿翁極級牛頸脊、海鮮拼盤、點雞蓉鮑燕窩及茄苳蠔仔鍋等。刺身拼盤與海鮮拼盤明顯注重食材新鮮度，牛頸脊用於涮火鍋、肥瘦分明、肉味濃郁，至尊水餃皇及點雞蓉鮑燕窩則體現師傅的手藝和心思。每一道菜式都照顧到不同口味的需求，豐富而不單調。#環境舒適，服務細心餐廳環境寬敞、燈光明亮，適合家庭聚餐或小型聚會。從收據可見點單紀錄詳細、開單員工資料齊全，體現管理規範。根據食評，餐廳不限時用餐，更設有親子友善設施，令家庭客人用餐倍感自在。#整體評價與建議個人認為半島宴會廳在食材質素、菜品多樣化及服務層面均有出色表現，是追求質量及豐盛配搭的消費者理想選擇。如果能加強個別時段的人手安排與出菜速度，將能進一步提升用餐體驗。無論情侶約會、親子家庭還是朋友聚會，這裏都是值得推薦的火鍋和粵菜地點。…Read More

久違了的朋友飯局，約了在荃灣千色𣿬等。朋友話要去打邊爐，咁樣我哋一定係半島漁港 • 阿翁火鍋館 。真心所有食材新鮮，份量又足。淨係兩人份量手切牛，都夠晒大碟。佢不但牛肉味濃而且好淋好新鮮大大盤海鮮，我至愛係大大隻蠔，未食已經流晒口水。仲有厚原海班，皮勁爽勁彈牙！天氣轉涼，今次叫了藥膳湯底，少少醉雞的藥材味。又係我至愛，勁新鮮鱔片又係厚切三文魚腩，每一啖都係滿足感⋯⋯嘩⋯⋯仲有糖水送㖭！所以我哋一定會繼續支持你…Read More

之前都食過其他分店，有優惠又再次揀咗再嚟食！🦆 +$1 至尊燒鵝 2人份量為1/4隻，鵝皮金黃酥脆，肉質嫩滑多汁，之前都食過，每次都會點的梅子醬，味道酸甜更加解膩！而家用優惠價+$1就加到多一碟燒味/海鮮小菜！晚市真係超抵食👍🏼👍🏼👍🏼🥇 必食海鮮孖寶 可以自由選擇兩款菜式，有魚有菜有海鮮有家禽肉類揀；·薑蒽焗台山桶蠔煲蠔大得很！外層煎得微香微脆，但內裡依然保持鮮嫩多汁。肉質飽滿鮮甜，配上薑蒽爆香，香氣撲鼻，熱辣辣上桌超有鑊氣🔥·紅燒妙齡乳鴿（2隻）皮脆肉嫩、嫩滑多汁、味道濃郁鮮美。紅燒的醬香完全入味，港式經典的小菜之一🍤 啫啫三蝦芥蘭煲用了蝦仁、蝦乾、蝦膏3種鮮味，芥蘭保持了清脆的口感，同時吸滿蝦香和醬汁，鹹香惹味👍🏼👍🏼晚市叔叔仲送咗兩碗紅豆沙！👍🏼👍🏼👍🏼…Read More

半島漁港酒家向來人氣超旺，一到飯點全場坐滿，熱熱鬧鬧的氛圍特別有烟火氣，聚餐超有feel！這裡不僅氛圍好，性價比更是驚喜。萬事優惠活動裡，一蚊就能拿下半隻至尊燒鵝——鵝皮烤得金脆油亮，咬著滿是油香，肉質嫩而不柴，鹹香超入味。還有398元的三寶套餐也超值，菠蘿咕嚕肉酸甜開胃，肉塊外脆里嫩；清蒸富貴斑鮮嫩無腥，鎖住滿滿魚鮮；白汁明蝦球蝦肉彈牙，白汁濃醇掛汁均勻。不管是一人食還是約伴，在這都能吃得滿意又划算！…Read More

半島漁港以前都食過，但係荃灣分店就第一次食，沒有訂位，來到就有位，但係都幾旺，都有六成左右滿座。餐牌最吸引嘅就係一蚊餐點，我哋就揀咗極品BB乳豬，由於我哋係五至七位，所以就可以一蚊有半隻。BB豬個皮好脆，唔會話太肥，唔會全部都係肥膏食唔到，半隻份量都OK ，一定夠食。沙拉骨真係估唔到係有咁多沙律醬，未見過比沙律醬覆蓋晒嘅沙拉骨，好Heavy，但係啲骨係幾好食的，唔係太肥，都多肉。錦江海皇豆腐煲，都幾多料。長腳蟹係自己出去魚缸嗰度揀，蒸完之後，估唔到職員仲會幫我哋剪埋，佢會幫我哋剪晒殼，起晒肉，跟住放返啲肉落去，等我哋上枱之後可以影相，跟住就可以直接食，慳返好多功夫，服務唔錯，而且個蟹蓋有好多膏，蟹肉都鮮甜。…Read More