半島漁港/阿翁火鍋館 (南昌薈)

欖角骨點了我最愛的欖角骨，因為喜歡這道菜的開胃，酸酸甜甜，跟豬肉是絕配，就像名菜咕嚕肉，黑醋骨等等，而欖角骨還多了欖角的香味，更勝一籌，就是喜歡它的獨特香味。而且還用了大大件的一字骨。用手抓來相當的滋味豪邁。一麵骨的肉質相當好。骨與肉之間位置的半筋半肉是最爽口的，又滋味。吃了幾件都不覺得滯，簡直是停不了口。最重要的是有欖角的香味。它和蒜蓉都切得夠細碎，所以吃起來味道不會怪太搶的同時又吃得到，調味相當成功，單單醬汁已經夠我吃一大碗飯了。…Read More

曾經去灣仔分店食過晚飯,沒有開瓶費,今日下午想在南昌薈食,都專登打電話去酒樓問有沒有開瓶費,聽電話的服務員答話唔收,我問佢係什麼名字,好等我到店時找她可以方便安排,但她只回答話你今晚嚟度就有位,唔使book,點知去到門口一問服務員,佢話要收100蚊一支開瓶費,我就將電話查询的過程話佢知,以我了解是不收開瓶費的,但她說不是她聽電話,並回答:收100蚊一支開瓶費…Read More

5月9日大仔仔仲記得世上祇有媽媽好，所以在此酒楼提早為靚媽慶祝一年一度偉大的母親節，順帶請埋揾食肥華呢個肥爸食晚飯。今餐大仔仔在此酒楼所點嘅食品，(一)秘制靚义燒(二)沙薑雞腳(三)鑊仔爆尖椒豬頸肉(四)芥蘭炒牛肉(五) 原隻脆皮咕嚕肉，呢幾款，食品，此店做得非常出色，全是高水準出品。加上今晚此店雖然有爆場盛況，但各侍應員工，個個盡忠職守，换骨碟，加茶水，上菜速度和服移顧客態度都做得非常好，真喺值得一讚美味嘅食品，優質嘅服務，令此餐由大仔仔做東嘅頌母宴攞盡滿分。👍🏻👍🏻👍🏻👍🏻👍🏻👍🏻…Read More

皓哥生日🎂，揀咗南昌薈半島任食火鍋🍲慶生🎉，$298一個，都八成滿，枱都大。五個人可揀兩個鍋，揀咗豬骨鍋同藥膳鍋。開始先就混醬，個人鐘意大量蒜頭同少量辣椒🌶️。出去任飲櫃，選擇唔多，有啤酒🍻，我揀咗罥屎香檸檬🍋茶。隨枱送海鮮拼盤、刺身拼盤同肥牛拼盤。海鮮拼盤有蟶子、花蟹、蝦、扇貝、魷魚🦑同生蠔🦪。刺身拼盤有三文魚🍣、帶子同赤貝。刺身都新鮮，三文魚腩肥美。生蠔大隻，要碌熟先食得，一咬皓多汁，蟶子就比較細隻，蟹🦀同蝦新鮮都要慢慢剝殼，可以😌叫侍應俾鉗。肥牛正，食到飽。再叫其他食物🥘，蝦🦐滑同墨魚🦑滑正，響鈴🔔唔夠脆，再叫既肥牛就冇第一☝️水送既咁靚。雲吞大粒正。最後食菜。店員主動加湯收嘢。生日免費🆓（最少5人送生日1人）…Read More

半島漁港（深海龍躉專門店）地址：南昌薈1樓F102鋪個個都話依家香港啲餐廳服務態度差，但其實都有好多好有心嘅經營者，平時都有嚟呢間半島漁港飲茶，今次同屋企人聚餐就過嚟食晚飯，6點半到見到入邊已經坐超過一半人，原來有得打邊爐放題，仲有好多晚市套餐優惠！部長服務周到主動，態度勁好！優惠四寶：~油泡龍躉球記得嚟得專門店，龍躉就一定唔可以錯過，佢哋有兩味做法，呢款就味道偏清淡、乾身，魚肉彈牙新鮮，冇諗到呢個價錢可以食到咁高質嘅龍躉，老人家都好中意。~蒜子陳皮蒸頭腩另一個做法就係呢個特色啲嘅，我個人俾我揀我會更加中意蒸龍躉，肉身相對比較滑，而且頭腩本身有一層比較爽口嘅外皮，肥美得嚟保留咗原本龍躉嘅鮮味。蒜子陳皮可以話係呢道菜最特別嘅點睛之筆，吊味之舉，屋企人一致認為呢款必食！~頭抽皇焗海蝦海蝦肥美，啲殼易剝，證明都好新鮮，份量啱啱好，每人可以食到3隻。~鮑魚玉掌煲原隻鮑魚有四粒，每人一粒啱啱好，小朋友好中意啲醬汁，撈飯一流！佢個鴨掌真係吮到回味，大大隻又入味。~1蚊文昌雞全晚最驚喜係呢個餸，本身以為一蚊雞應該唔會太大隻，點知又大隻又靚，好彩全家人都好大食，滿足到不得了，仲可以揀燒豬或者其他，不過就份量細啲。我哋食到七點幾，成間鋪頭已經滿座咁制，原來佢哋平日都咁熱鬧，我哋埋完單準備走嗰陣，侍應仲提我哋有送甜品紅豆沙，叫我哋唔使急，一人一碗大大碗紅豆沙，體驗嚟講，呢餐飯係滿分到不得了，無可挑剔，下次上嚟試下打邊爐先！…Read More

過年嘅時候叫個三千幾蚊嘅套餐，8個人食，魚翅海鮮湯竟然用冰鮮海鮮嘅帶子同蝦🙁飲落口好腥，炸蟹鉗唔夠熱同食落去亦唔新鮮，冬菇炆鵝掌，一啲都唔入味，汁同啲材料好似分開咗咁，個炒飯竟然嚟到嘅時候係一啲都唔熱，超失望！😩套餐亦都冇包嘢飲，真係同幾個朋友食完大家都講三千幾蚊唔知食緊啲乜，真係難怪啲人唔留港消費😓以後都唔會再去…Read More

星期四跟朋友吃了團年飯，第一次在半島嘗試打邊爐，真係有驚喜到我!食材真係好新鲜，好丰富！1⃣️首先可以揀雞煲或者羊腩煲。如果都唔吃嘅話，2⃣️可以直接選打邊爐的湯底，多達七種選擇。3⃣️然後會送花膠➕鮑魚，每人一份!4⃣️刺身都係每人一份，帶子好大粒，魚生好厚實!5⃣️好豐富的海鮮大餐盤6⃣️超靚的雪花牛!7⃣️肉類飲料可以無限叫8⃣️最重點的是不限時!!!工作日需要排隊，最好就提前打電話預約，如果唔係就會傻傻的在排隊。入面分開兩個區域，一個是打邊爐，另一個是點送的。…Read More

今日同家人提前食團年飯做節，去到南昌半島漁港食晚飯。好彩仲有一張枱，全場爆滿好好生意。一坐低店員就問飲咩茶，叫個鐵觀音飲住睇食咩先。今晚叫左優惠三寶（欖角骨，清蒸富貴斑，白汁明蝦球）三選一系列$1燒鵝，花膠四寶羹，松露醬鮮菌炒帶子。欖角骨-欖角味香，骨甜甜地幾好食。清蒸富貴斑-條斑都好大條，魚肉鮮甜配合蔥淋油更加香口。白汁明蝦球-蝦肉爽口彈牙，配上沙律醬都幾好食燒鵝-底座一直熱住令到燒鵝保持著夠熱，脆皮夠香口。掛住大量燒鵝即燒真係必食之選。花膠四寶羹-非常足料，清清地既羹，仲有肉絲同花膠。松露醬鮮菌炒帶子-有著大量不同種類菇，松露醬香口。帶子大大隻鮮甜好味道。仲有送既紅豆沙都煲到融入當中之外有d仲有咬口，糖水都咁出色。…Read More

打邊爐本身就無分季節!最近天氣開始變冷，當然就更有理由喇約埋一家大小/朋友打邊爐喇!😜帶住小朋友，當然揀「無限時任食」，咁就唔怕照顧小朋友而自己唔夠時間食喇🥰今次我地去到位於南昌嘅半島漁巷一阿翁火鍋館，南昌站出沿天橋行就到，無論咩天氣都唔怕👍🏻入座後酒樓會因應人數跟一次性✨️刺身拼盤（包括三文魚，螺片，甜蝦…)✨️環球海鮮盤（海蝦、蟶子、扇貝、鮑魚、墨魚仔、花蟹😍)，全部都好新鮮，煮完湯底就更鮮甜😋✨️阿翁極級牛頸脊超高質👍🏻，雖然跟人頭份量，但份量十足，超大碟😋😋😋✨️炆鮑魚鵝掌其他配料選擇十分多，上菜速度十分快👍🏻飲品方面亦有多款汽水啤洒任飲😊…Read More

是日與家人來南昌薈半島漁港吃團年飯。好快就有座位，侍應好快就問了我們飲咩茶開埋鐵觀音加俾埋炒花生俾我地食。一入門口就見到掛左一排一排幾十隻鵝等燒。睇到依個畫面都教埋你要點燒鵝皇食。仲要有一個選擇係三選一只係$1,其中一樣就係燒鵝皇。再加個三寶優惠散點個湯同菜就夠了。優惠三寶有：欖角骨：味道唔錯，骨肉質好唔會太肥又易咬。清蒸富貴斑：蒸時間岩岩好，唔會過火又唔會未熟。侍應用熱豉油倒滿魚身，將龍頭豎起放更加美觀。到講下個魚肉，肉質夠滑味道夠鮮。白汁明蝦球：蝦肉實肉，肉質好，味道都好。$1燒鵝皇：4個字皮脆肉嫩。$1依個例牌都算好大碟，都冇將貨就價。照俾肉質好，唔係個d頭頭尾尾又肥個d貨式 ，優質肉質 花膠四寶羹：一人至少可飲三碗，冬菇花膠絲肉絲有大量令到羹清甜可口。松露醬鮮菌炒帶子：蜜糖豆新鮮，帶子鮮甜，菌類有好多包括雞脾菇，冬菇。最後仲有紅豆沙送同樣地甜度剛剛好仲要紅豆夠淋。另外要讚賞職員工作態度非常之好，就算好忙碌都保持好態度…Read More

喺1月11號我們公司喺呢度擺咗個聯歡晚會，當晚氣氛好，食物又好好，尤其是個燒鵝非常好味、酒樓經理同員工招呼非常滿意、各位賓客都玩得好開心😝老闆決定下年再會幫襯呢一度😂😂…Read More

╰•★★ 超值火鍋 | 半島漁港/阿翁火鍋館 (南昌薈) ★★•╯－作為火鍋控，一年365日都係火鍋日，同米菲係附近做完野，想唔到食咩，都係打邊爐最好。今次去左南昌薈嘅阿翁火鍋館，1個價錢無限時任飲任食火鍋，有部份食物只提供一次，之後可以任食火鍋配料，價錢實惠，選擇豐富，值得一試！未食火鍋前，會先黎1 round指定野食：－ 🥦蠔皇鮑魚扣玉掌 － 每位都會送上，今轉冇鴨掌，轉左做花膠，但花膠厚身，鮑魚和花膠都好入味。－ 🦐環球海鮮拼盤 － 會由廚師發辦6－8款時令海鮮提供：蝦、蟶子、生蠔、墨魚、帶子、花蟹件，全部都好新鮮。刺身拼盤 － 都係廚師發辦4款，刺身厚切新鮮－ 🐮牛頸脊 － 按人頭提供，2人份都好大份，肥瘦比例剛好， 油脂均勻，肉質嫩滑，牛味濃郁，值回票價－🥟至尊水餃皇－ 每位一隻，皮薄餡多，有大大隻蝦，好飽滿－🐑羊腩煲－ 除了以上一次性食物之外，先食煲再轉湯底打邊爐，可以叫任食雞煲，依家入冬仲可以揀羊腩煲。－♨火鍋配料－ 食完前面果part都有7－8成飽，最後就係轉湯底打邊爐。配料都有好多唔同選擇：丸類、魷魚、豆腐、響鈴、炸魚皮、各種蔬菜之類，都係好新鮮。————————————─ 𝑀𝑜𝑟𝑒 𝐼𝑛𝑓𝑜𝑟𝑚𝑎𝑡𝑖𝑜𝑛 ─📍半島漁港/阿翁火鍋館 (南昌薈)｜深水埗西邨路19號南昌薈1樓F102…Read More

最近去咗深水埗嘅半島漁港同家人晚餐，全因佢依家做緊$1 有一款小菜嘅大優惠😍 餐廳環境舒適，服務態度仲一流，侍應都非常主動服務我地，氣氛非常不錯。首先食嘅係海南文昌街半隻雞，只需$1就可以享用！雞肉鮮嫩多汁，配上特製嘅醬料，味道更加出色。這道菜真係超值😋然後係蒜片薯仔牛柳粒，薯仔粒煎至外脆內軟，牛柳粒肉質軟腍，完全唔靭，味道仲好濃郁❗️漁香茄子牛仔煲嘅茄子煮得軟滑入味，牛仔均勻沾滿漁香醬，令整道菜更加美味。最後係蒜蓉炒白菜仔，新鮮嘅白菜仔配上蒜蓉，炒至香氣四溢，口感清爽！最尾仲有一人一碗免費嘅紅豆沙，價錢同服務真係超好！…Read More

今日同朋友去南昌行街，行到攰攰哋，天氣又突然轉涼，梗係要打邊爐暖吓身啦！🍲 我哋去咗南昌薈嘅半島漁港/阿翁火鍋館，無限時任飲任食。一坐低，嗌份雞煲，之後餐廳就送上每人一份炆鮑魚西蘭花。鮑魚炆得入味，彈牙爽口；之後就到刺身拼盤，有三文魚、帶子、蝦同赤貝，新鮮厚切，好滿足！而海鮮拼盤都唔少嘢，有蟶子、生蠔、鮮蝦、蟹、墨魚，全部都好新鮮。打邊爐我一定要食牛，呢度嘅牛頸脊，油脂分佈均勻，肉質鮮嫩，牛味濃郁。另外至尊水餃皇皮夠薄，蝦肉爽口彈牙！任食區嘅嘢食真係琳瑯滿目，有各式各樣嘅丸類、海鮮、肉類、餃子、蔬菜同埋麵類，例如青口、美國雪花肥牛、墨魚滑、響鈴、炸魚皮、公仔麵等等，而飲品方面都好多選擇，有汽水、啤酒等等。整體嚟講，餐廳環境舒適，食物質素高，下次會再嚟！…Read More

早前行過南昌薈「半島漁港」酒樓門口，俾佢個晚市優惠$1 BB豬/燒鵝/文昌雞吸引住，我哋今晚係為個$1燒鵝而黎😂未夠七點嚟到，已經見有成七成枱坐滿咗，好熱鬧！今日嘅例湯係赤小豆粉葛，好適合依家嘅天氣飲，我哋點咗個細嘅，兩個人每人分到兩碗，湯好足料又清潤，重另上埋d湯渣。$1 燒鵝超有驚喜，份量比預期多，圖中相片已經有舊落左肚😁今晚真好彩分到隻燒鵝髀，皮薄香脆，中間有層油脂，鵝肉頗嫩，肉味香濃。另外加分嘅係份燒鵝用個玻璃兜盛載，下面一直有支蠟燭溫熱住，保持住燒鵝嘅溫度。半島小炒王好惹味，韭菜炒得好香又爽口，夾雜着炸過嘅白飯魚、腰果、蝦仁、菜脯等食材，送飯一流！XO醬螺片珊瑚蚌，整個菜色的味道唔錯，螺片同珊瑚蚌數量都唔少，翠玉瓜同荷蘭豆入晒味得黎又唔乾身，感覺好味得黎又健康。最後仲有足料綠豆沙同椰汁桂花糕送，超滿足，捧住個肚走，下次要嚟試埋個冬瓜盅先！…Read More