半島冰室

Visited this Cha Chaan Teng in Fortress Hill with my sis and my friend during afternoon tea time before going to the Oil Street Art Space. .We all ordered an Afternoon Tea Set. I ordered Baked Beef Tongue with Tomato & Cheese with Rice (HKD41). The rice and beef tongue was covered thoroughly with tomato sauce and cheese, and the cheese was really stringy. The beef tongue came in two large pieces, which had a tender texture and was savoury. I added HKD3 for a Cold Milk Tea. The milk tea had a fragrance milk aroma and blended nicely with the tea. My sis ordered Baked Chicken & Vegetables with Cream Cheese in Portuguese Style with Rice (HKD41). It looked extremely creamy and its slightly burnt surface enhanced its attractiveness. My friend ordered Rice with Honey Barbecue Pork & Pan-fried Egg with Scallion Oil (HKD46). The barbecue pork looked slightly dry. Didn't know abt the taste coz I didnt try. .The resto was quite crowded and super popular, we had to wait for a while before entering. The price was economical for their afternoon set, and the resto was efficient, providing good quality food. …查看更多

每次經過都見到有一大班人排隊，今次都唔例外，店員都好好，入去之前會問定你食咩先安排入座，好彩只係排咗10分鐘就入到去。我哋就叫咗個全包宴🍞🔹芝士煎蛋豬扒包 $36加$8配印尼撈麵芝士煎蛋豬扒包係半島冰室名物，第一次黎既我地一定要試試！豬扒勁厚身，芝士流晒出黎，賣相好吸引😋男仔黎講食晒成個應該都少飽。不過豬扒有少少乾，唔夠醬汁，令到成個包都乾乾地。另外加配既印尼撈麵同平時做法唔同，佢地落左比較少既調味，用黎配其他食物應該唔錯。🔹半島三文治 $43加$6配蒜蓉包半島三文治即係公司三文治，有四舊同埋勁足料😋有生菜、蕃茄、芝士、火腿、午餐肉同雞蛋，最有印象係佢個午餐肉，係煎咗先整三文治🤤每一啖食落去都勁多料勁豐富，正🤩最值得一提就係加$6叫咗個蒜蓉包😍佢係半塊厚麵包，仲要兩面都搽咗蒜蓉醬先去烘🤤勁正，一定要加錢食😋🔹黃金粒粒花生醬西多士 $34呢個西多同其他茶餐廳唔同之處係真係粒粒花生粒係個西多入面😍勁有口感，而且花生醬唔會話好甜。男朋友就覺得糖漿啱啱好，我就食開西多係多糖漿，之後叫咗個店員加糖漿，以為佢用隻碟仔分開上，點知佢一Pat唧落嚟，落咗勁多，但我男朋友就食咗兩舊勁甜嘅西多🤣呢間小店值得一提嘅係佢嘅分工真係好唔錯，佢哋配合得好好。我哋食唔晒叫咗一個外賣盒，一個店員就同廚房講，之後廚房拎咗會叫「食物盒拎咗」，之後pack緊外賣嘅店員就會話「邊個要食物盒？」之後店員就會拎過嚟。…查看更多

朋友帶我去食炮台山美食，果然冇介紹錯，長期排隊😂記得餐廳只是做早市到午市，6點就收工啦，冇晚市㗎！想食大閘蟹午餐那個，太遲sell off，唔係既話好期待，邊度午餐價錢食個大閘蟹？！仲要係冇膏冇黃即換。其他餐都好味，點左雞扒餐，嫩口香脆的雞肉好正，唯一唔好就係雞扒太細啦，唔夠食～朋友點炸豬扒真係超大塊，大過塊面😂😂😂係香酥脆豬扒～…查看更多

中午十二點前到，都有八人在排隊。三人位比較難安排，十五分鐘等候時間還可以。是日午餐竟然有大閘蟹，仲要係「冇膏包換」！隻蟹目測只有三両，肉餅就厚身兼大大塊。首先品嘗爆出的蟹膏，再將一小塊肉餅配一啖飯送口中。試想吓蛋黃配肉餅有幾夾，而家係一啖蟹膏加柔潤的蒸豬肉，口感豐富，真係食得招積！調校得宜的豉油更是畫龍點睛，很有驚喜。$75包餐茶價錢合理。第一次到訪，餐廳地方淺窄，環境一般，服務不算差，亦不會有「趕客」現象。唯洗手間的衛生程度就有很大的改善空間⋯⋯…查看更多

之前聽過這間半島午市好受歡迎，大牌長龍，生意仲好到食埋隔離間鋪。今早在附近的學校出席家長會，完會食個快飯。還未到中午12點，兩個人唔使等位但要 share 枱。Menu 好簡單，除了 5-6 個是日午餐選擇，就有幾 set 酸菜魚 粉麵，同幾款炒飯。我倆選了：招牌老壇酸菜魚拌魚蛋湯米綫（配 長洲芒果糯米糍），熱檸茶鵝肝油渣炸鱔粒叉燒炒飯，熱鴛鴦阿姐問糯米糍要一齊上定後上，我地選了後上（强烈建議大家唔好咁揀）大概 5 分鐘上齊主菜。招牌老壇酸菜魚拌魚蛋湯米綫 好大盤，魚片口感好，魚蛋也好捻。但米綫好似有少少爛。鵝肝油渣炸鱔粒叉燒炒飯 個人覺得係 highlight，鵝肝油渣好大粒，鱔粒都夠，飯炒得乾身，幾好，但如果上枱時熱d會更好，因這次上枱時聞唔到香味。熱鴦麻麻，無香味，有d鞋口。最後，就係傾下傾下，因爲夠鐘攞車，所以我直接去了埋單，竟然完全忘記了長洲芒果糯米糍！埋單時阿姐也無提我，自己理虧了。下次在附近揾地方食個快飯，會考慮再來的。…查看更多

行過見到佢有個醉雞鍋加封門柳，諗住入去試試，一入到去我坐中間個位，我一放低啲嘢轉頭又叫我去搭枱，跟住佢一上個爐已經唔係好夠位，仲要分開兩個煲一個裝雞腳湯另一個浸住酒嘅雞，個夥計着咗火之後就將個醉雞放咗上個煲度，個雞腳湯就放喺枱面，之後再上埋牛肉，我就已經覺得怪怪地，煮咗幾分鐘之後先話俾我知佢放錯咗，應該係放個雞腳湯啱，跟住我問佢攞豉油佢竟然冇，其實味道唔係差，不過啲夥計好唔掂，我諗自己未必會再幫襯。…查看更多

排隊排咗大約40分鐘 叫咗一個頭等餐味道如果五分係滿分大約4.2左右 不過最令我驚嘆嘅係佢哋嘅服務態度極好 令人好舒服 控制人流嘅能力亦都好強簡單來講 呢一度值得你長時間去排隊等待…查看更多

我係半島冰室長期食客，一直覺得半島lunch 出品唔錯。有一晚心血來潮想去半島冰室- 小菜部 試試個晚餐，但一踏入去已經覺得好伏。當晚小菜部人流稀疏，本身諗住搵個冇咁當風嘅位坐低，但收銀姐姐態度惡劣話：＂你唔可以坐嗰度，要坐返門口呢度！＂。 OK，我聽你講坐返門口位，但你冇客 應該俾我揀返適當嘅位置坐😪落單時，我表示想要飲凍檸茶少甜少冰， 誰不知樓面姐姐竟然話：＂晚市得返正常凍檸茶，因為師傅已經放工，沖定晒所有正常凍檸茶，少甜少冰要特製我哋而家做唔到！＂ 。 心諗唔係啊嘛，一間咁有名嘅茶記竟然凍檸茶都要沖定咁唔專業🥲🥲🥲 。 落完單，等上菜等了又等，半個鐘都未出到一個餐。 然後問收銀姐姐我等咗好耐幾時有？ 收銀姐姐態度勁串話：＂芙蓉蛋 我哋即時煮 等耐啲係正常＂ 好彩最尾好幸運，等多5分鐘到終於上到菜。唉！ 本身諗住收工開開心心食個飯 點知去半島冰室小菜部係去受氣攞苦嚟辛， 我勸告大家去半島冰室食lunch 可以 但千祈唔好去小菜部PS: 半島老闆可唔可以教教收銀姐姐態度唔好咁差，作為食客都係想開開心心食餐飯啫，點解你又要單單打打？…查看更多

因要去炮台山睇醫生，睇完都2點幾，見咁多食肆，就揀一間嚟嘅時候多人排隊的。既然是冰室，位置較密，已經預咗，所以冇乜問題，但求食物美味。 冰室提供多種菜式選擇，午餐、下午茶餐，而我見枱面貼的這四款餐頗特別，便揀其中一個（撈麵餐）試吓。碗仔翅先上，味道唔錯，見有好多肉絲及冬菇，而濃度亦啱啱好，不會太稠。惟一問題不夠熱，只是微溫。跟著牛筋腩撈麵上枱，一望便知中伏。啲醬已凝結，凍嘅。牛筋軟而牛腩只是普通，這碟麵如果夠熱，都只是合格，凍冰冰可以話十分之難食。因趕時間，我求其食少少便算。餐飲叫了檸茶，正正常常。不過，雖然我這個餐難食，但旁邊客人叫的午餐（腰果雞丁）卻是即炒，望落熱辣辣。…查看更多

晚上喺小菜部食咗個鐵板牛柳. 個汁超級鹹. 側邊堆薯條，醬汁多到水浸咁款. 見到已經唔開胃，最後為免浪費食物，攞咗杯水勉強食完啲牛柳. 但係嗰堆薯條真係完全食唔到. 本人幫襯半島冰室多年，自問算是一個忠實顧客. COVID期間半島冰室曾經一度做晚市. 當年夜晚喺半島打邊爐，真係好正. 所以小菜部剛剛開業的時候. 實在是充滿期待. 好可惜，小菜部的服務和食物水準長期強差人意. 開業初期時時漏單，食物雖然不及半島冰室午市吸引，但水準尚算可以. 因此每次都跟自己說多給他一次機會. 之後斷斷續續都有幫襯過小菜部. 但是食物水準越嚟越差. 睇番開業時要排隊食飯，到後來幫襯的人越來越少，相信街坊們都有同感. 今日的晚市食物水準之低，已經是不能食用的水平。所以今天絕對是本人最後一次幫襯小菜部.麻煩將小菜部同半島冰室分開，以免影衰半島冰室多年辛苦建立的名聲…查看更多

平日朝早九點幾到，排五分鐘入座算好彩。見隔籬枱個個叫女神餐，我偏試基本款——點知中伏。沙嗲牛肉煎蛋米粉 ($42)沙嗲汁稀如水，牛肉碎濕濕冇焦香，同屋企樓下茶記冇分別。煎蛋邊緣脆但蛋黃全熟，撈湯食冇驚喜。諗住冰室基本功穩陣，結果失望。 熱鴛鴦走奶 ($20)上枱仲滾緊！吹足五分鐘先啜到一口，苦澀味衝喉嚨，飲完成個鐘舌頭仲有陣燶味。🌟 女神餐 ($56 )睇住師傅捧出：→ 鮮茄湯通粉：茄茸落足，雞湯底飲到微膠質，牛肉冇鬆肉粉怪味→ 炒蛋多士：蛋滑但多士凍咗，牛油凝住唔化…查看更多

第一次和朋友來晚餐，不用等位，入座方便。食物很香口，服務員面帶笑容，也很健談，感覺歡樂。朋友從外地回香港，想吃茶餐廳，沒有令我朋友失望！我們渡過一個愉快的晚上。…查看更多

半島冰室是一個充滿本地特色的冰室，長期都要排長龍。由於午餐食到好飽，所以下午茶試左半島公司三文治。這裡的三文治料多好食，食材又新鮮，配搭完美麵包外脆內軟，完美包裹著豐富的食材；有餐肉、煎蛋、火腿、番茄、生菜芝士等材料，每一口都好豐富，又好好食，令人回味無窮。剩係睇賣相都已經好想再去食到🤤🤤🤤真係好好食既公司三文治…查看更多

呢間冰室長期都大排長龍，今日要去試吓究竟佢有啲咩咁特別。首先見到嘅係佢啲套餐名好特別😂「暖男餐」「女神餐」。不過我叫咗嘅係午餐「香煎厚切豬鞍」。🐖塊豬扒果然係好夠厚切，而且食落一啲都唔鞋唔韌，但係又唔會好似乸過咁樣好假。大大塊份量十足。🦞唔小心偷影到少少對面嗰個人叫咗半島龍蝦沙律，估唔到真係有半隻咁樣嘅龍蝦，好似好高級咁，下次我都要試吓先得！…查看更多

終於安排到一次過去港島去食想食嘅嘢，呢間係我一直都好想食嘅茶記之一，決心點都要嚟食！晏晝三點幾係無人排隊，直入，正！呢一間係一間屬於新派啲嘅茶餐廳，除咗經典你諗得出嘅茶餐廳有嘅嘢食之外，仲有啲新諗頭嘅餐都可以點，本身想食「女神餐」，可惜又係賣晒🙈蔥油蜜汁叉燒煎蛋意粉，蔥油非常之香，蜜汁叉燒係肥瘦均勻之餘，仲好Juicy，煎蛋正常水準，本身唔係特別好蔥油，但係配意粉原來都唔錯👍🏻 要大讚杯奶茶好好飲，茶底搽底夠厚，奶同茶比例平均，掂👏🏻我坐得最近收銀處，最要讚賞嘅係所有店員都好有禮貌，欣賞聽電話嘅職員好有口德，聽得出無論遇到乜嘢類型嘅客人，都能以禮相待🥰…查看更多