千之壽

朋友仔好like日本野，今次去左元朗試。叫左唔係好多野，但因為每樣都大大件，個個都好飽。前菜八爪魚幾夠味，又大隻，幾有咬感。沙律就好滿，好多生菜，雖然味道就有些淡，但勝在夠多，不過最後果些好多水係底。壽司就真係大大件，一口都食唔晒，雖然味道和新鮮情度就一般，可能飯太大件，刺身既味變得有些弱。不過，位好多，又唔係放題，唔會有人趕，同朋友吹吹水好啱。…查看更多

睇完套戲諗住入元朗食b仔既但友人又想食日本野 求奇上open rice search 就黎左依間千之壽. 係門口望入去 嘩真係咩feel都無哂 茶餐廳格局毫無日本/ 壽司店既感覺. 入到去位都唔洗等ok ge. 夠快👍 叫左雜錦刺身盛30片$270, 千之壽司盛13件$122, 魚生飯$70 同炸南瓜mix蕃薯$36 . 首先雜錦刺身盛30片3 文魚幾厚切既 甜蝦就有少少污漕d屎明顯地係d蝦上面lol 其他就麻麻過得去其次千之壽司盛13件, ookk la無咩特別好食再者到魚生飯喇, 飯就偏硬5好吃最後炸南瓜同蕃薯，就真係好難食 好硬 唔內脆外軟野食難食就算仲要食到1半熄燈叫我地調位lol 真係莫明奇妙.建議大家就排隊等田中la…查看更多

一直成日經過千之壽,但未有機會食,今日突然想食壽司,於是試一試!!附近有露天停車場7元1個鐘,最低消費2個鐘,於是泊低車,等到6點入去食,點知到了門口發覺食滿150元有1個鐘免費停車場竟然MISS 左依個優惠..我們做了第一枱客人, 坐低見到價錢不算便宜, 眼見門口寫62蚊半磅三文魚刺身, 打算試下,點知侍應話此是限外賣, 餐牌有58蚊4片三文魚,佢話同半磅無分別, 係厚切!!!三文魚是厚切,但不至於有半磅,很鮮甜,肥美,還很凍,可惜不夠喉..壽司是大件壽司,但比起元朗其他的壽司店略縑細,而且無咩特別,價錢亦頗貴!! 這個熱辣辣餃子,食落不覺有雞軟骨,但香口,外皮脆,不錯!!多粟米,多菜,有金菇,食火鍋送的!!肥牛真的一流,薄片, 有牛肉味, 新鮮已解凍, 雪花紋超靚, 嫩口!!加錢要手打烏冬,不夠彈牙,比較淋!!地方環境乾淨,有服務,但價錢可以食到更好,所以未必再來!!…查看更多

同事們特別鐘愛這間店舖的籌司，故也跟着大隊柴娃娃的食了好幾次。今次在午膳時間光顧，叫了一個切粒的魚生飯盒午餐，由於這個飯盒需用心鋪排，所以等候的時間比較長。就食物份量而語，真的很豐富，滿滿的飯和籌司，真的吃得十分十分飽，大大份，這個價錢和份量，在港九的市區很難找到，至於味道也不錯，很鮮甜﹗而且這個套餐還包了沙律和飯品，也算是實惠抵吃的。…查看更多

星期六同朋友去完HIGH TEA都好鬼飽,跟住一齊入左屯門,原來攪下攪下都9點幾,跟住佢話同埋佢細路一齊食晚飯,我地去左元朗,都成十點啦,佢地話食日本嘢,諗起呢度就嚟左,但係10點半LAST ORDER,11點關門,我地馬上叫嘢食,叫左好多啊.有壽司,燒三文魚腩,火鍋,沙律......上菜速度好快,火鍋跟左一碟肥牛再加埋份烏冬好似都係100蚊內,都好抵食喎,肥牛都好大碟的,賣相都OK,烏冬係加10幾蚊的,肥牛味道都幾好,唔老呀, 火鍋還有金菇,冬菇,白菜,紹菜,豆腐,都好多料.壽司叫左三文魚,鰻魚,魷魚,三文魚好大件,都好味,鰻魚佢地話麻麻地唔太掂,燒三文魚腩有四件,好大件肥美,我鍾意食呢個呀. 蟹子沙律細SIZE但都好大碗,味道都幾好,全部都切到好幼細,又爽甜,焗金菇都好香好味又好多的,仲有加州反卷味道OK,不過如果飯少D入面的料多D仲好味.一輪狂風掃落葉後飽晒,我地食食下中途發現左一隻小的小強,原來係會飛的小強,仕應們也俾小強弄到雞飛狗走,仕應們解釋因落完大雨,餐廳門口亦開了,所以小強走了進來,我地食得好唔安樂,後尾仕應終於成功制服了小強,終於鬆了一口氣.我地食到人地收工都未食完,真的好趕好趕呀!!…查看更多

千之壽係我係元朗住左2年入面食得最多次既日本野,原因都係因為唔洗等位..相比果d要等大半個鍾先食到既..我都係放棄啦我覺我呢度既刺身都新鮮,壽c都係大大件果D..不過太大件既野,食左3,4件都會食唔落其他野..不過我佢D三文魚真係幾肥美,最緊要唔洗等又食到我想食既野...哈哈大大件壽C,條3文魚好長..都算好肥美..甜蝦刺身..食落都幾新鮮..男友最鍾意食既海鮮手打烏冬..…查看更多

06/09/2011 Tuesday, around 1pm難得放假, 想開開心心同大肚太太、仔仔同家人去食下飯。 成年前聽朋友介召, 話千之壽幾好, 一直冇去試過,咪特登揸車去試下囉......Aaround 1pm 去到, 環境都OK, 舖位算大, 已坐左幾枱學生, occupy 左大約20% 枱, 見門口個餐牌都吸引點知開開心心一坐低就出事:打算叫嘢食, 一肥一瘦年青女侍應過來, 奇怪地第一句就爆我點解比兩張大人凳叠高比個仔坐...一定要個仔坐BB 凳，話餐廳冇spared, 其他人會冇凳 (犬兒剛剛三歲, 正是坐BB凳會頂腳, 坐大人凳又要跪嘅時期)。我嘗試解釋, 希望肥瘦侍應能明白, 無奈佢地越來越不友善......我話我特地第一次來光顧, 但我打算走了! 表態後侍應態度更差 冇錯, 就係為咁小事... 咁點解要爆我？ 雖然有小朋友係度，但係我都激到要嘈返兩句(之後仲要同小朋友解釋番件事) 當時環顧餐廳仲有八成吉枱, 如果full house, 我可以理解, 再者為何不可當我有多一位客人,要多張凳呢? (記住, 我只係要多張"凳",並非無理要多個位。 其他枱有唔少人三個人坐四人枱, 你又唔爆佢地？ 以前不論去過千蚊一位嘅餐廳, 或是平價街邊大排劏, 都從未遇過咁古怪嘅服務。 你唔比位我個仔, 即係叫我走啦! 定係你地止係識做學生生意? 一話你預計我一家大細淨係會叫幾個lunch set？又或者我會冇錢比? 平時依啲小事根本冇可能要我比comment, 但係今次... 如果東主有幸見到此post, 我想你知: 比$28 蚊個鐘請啲妹妹仔番黎係好難請到好伙計, 佢兩個做又28 唔做又28， 激走一枱, 做少一枱 (臨走時見佢地一臉成功嘅開心樣) 後記:之後揸車去左第二區, 收費同級嘅餐廳試下。當時已經係1:30pm, lunch hour, 人地全場爆滿, 啲侍應忙到傻, 要等位, 但係服務都好好, 好有禮貌, 食品質素都物超所值！ ( 後來留意到啲侍應大都是中年女士, 待人態度真係好好多)整體而言, 元朗千之壽時間, 電油費, parking 都浪費埋服務 1 分 (係有心趕客) 環境 3 分 (以咁嘅收費, 環境叫OK)衛生 不知道價錢 不知道 (我只係由餐牌估，如果貨真價實, 又真係抵)食物 不知道, 有生之年都冇幸一試廚師嘅手勢! …查看更多

六時多到了千之壽吃飯,可能太早,人不多,跟大馬路的壽司店大排長龍截然不同選了辣味三文魚壽司再加$18要了拉麵這裡的壽司比元朗其他店鋪的貴其他店鋪賣的是”抵食夾大件”這裡又如何先點了的辣味三文魚壽司三文魚碎沒有辣味而且感覺不太新鮮不太好吃呢!也不欲再多點其他壽司了……再來的拉麵,湯底較淡麵不夠彈牙,有點”腍”又是一般這裡的壽司已比元朗出面的貴質素又一般而且位置較偏遠實難以與元朗其他壽司店爭長短!…查看更多

元朗不少的日式食物都是抵食夾大件的.不過有時食物.不是大就等如好味..今次去呢間店位於御庭居地下.舗位很大.牆上貼滿了手寫的餐牌.欠決裝修.環境比較暗...服務也只是不過不失.... 有多款日式午餐.最貴已是我選了呢款..52元包刺身,飯同沙律..同一枝可樂.....客人主要的是學生,不能太貴......刺身...都幾豐富..不過味道當然不能同貴價刺身相提並論.味道欠決..只得三文魚有少少鮮味..雪味亦太重..立魚似模型般..硬硬的..加埋飯.我早知食烏冬.一碗醋味勁...加上凍的飯..都幾難吃的.....然而沙律都大大碟...52元至少飽肚啦...賣相也可滿足人..雖則味道欠決也合理...…查看更多

長週末的第二天，也是行程最豐富的一天，全日一共要走四場，好不忙碌! 上午返完教會後，前往友人家中探望可愛B女之先，一班人先來到這裡開餐。千之壽由舊B仔涼粉對面搬舖後，地方大了，一行十人也坐得舒服。而環境仍是以簡單為主，食物也仍是大件夾抵食，一份又刺身又燒魚又定食的午餐也不過$50多元。不過當日的三款午餐內容都太豐富，選擇又不太合意，所以還是散叫一客牛肉蛋飯，也才$35連一碗麵豉湯。大大碗飯來到，除了牛肉及炒滑蛋，這飯又附上不少雜菜，感覺挺健康的，而所用珍珠米又粒粒飽滿，加上微帶甜味的燒汁，味道不錯，最後清了八九成的。據反映這裡的麵豉湯十分味精，既有加$4改飲品的選擇，當然要轉了。不過飲品選擇有限，只得汽水及紙包類，當中較可取是美粒果西柚橙，就選它吧，還是那句：較健康嘛。這裡午餐不收加一，埋單就是$39，幾便宜的，也是這區住客的開餐之選。…查看更多

未夠七點，大排長龍!母親節，又帶呀媽去到屋企附近既「千之壽」食晚飯。原本諗住七點都未夠黎到應該唔晒排隊掛，點知......已經排左差唔多成廿人。囉完張籌，發覺要等成十幾張檯先到我地，因為唔想去第到(第到都應該會係咁)，所以照等，等了30分鐘。過時過節特別貴今晚係特別日子，本來唔加一既千之壽，都特登係門面大大隻字寫住「是日收加一服務費」。進場後就點野食，上菜都算快，仲會頻頻為你斟茶。「千之壽司盛」($82): 有八件壽司，分別係三文魚、辣味三文魚、八爪魚、魷魚、立魚、鰻魚、帶子以及櫻花魷魚。魚肉部分算是新鮮、飯底亦調得恰到好處。算是交代到標準貨色。「炸蝦天婦羅」四隻 ($42): 我阿媽至愛，外皮脆，內餡蝦肉爽，衰在多左d油剩。「照燒牛仔骨」($60): 照燒牛仔骨上菜時有青瓜絲沙律拌以沙律汁一齊上，d沙律汁你可以羅黎點牛仔骨。照燒醬調製得好好味，甜鹹度配合得很好。但d牛仔骨就......超多筋，真係趙極都趙唔開，我試過趙成五分鐘，都係唔得。我阿媽就吐翻出來，我就直情成舊吞左佢。今晚兩個人食左成$202.4(連加一)，都係唔係咁飽。所以話，呢度過時過節特別貴。…查看更多

朋友剛由屯門某屋企搬到元朗私樓,榮升做業主.為了祝賀她新居入伙. 今天和朋友們一起到訪她的家. 到她的家前,我們先到元朗搵搵食. 元朗這幾年,都開了不少日式料理,今天當然找其中一間試試吧.朋友仔在這一間千之壽日式料理附近上班,她和他的同事也間中也會來這一間日式料理. 今天的她便帶我們來了.之前到元朗的日式料理,大多是細細間的,幾間也是在大馬路附近.但今次朋友介紹的,不近大馬路,而且店鋪也大大的,希望食物的份量也和店鋪一樣,也是大大的.今天,我們一入座後,見到隔離枱食客的食物,份量也大大的,馬上令我們興奮,快些落order啦,很吸引呀!拿起order紙,便立即點上我最愛的壽司. 當中包括我最愛的帶子,大大件,好鮮甜呀. 還有長長的三文魚,吞拿魚,每件十一元,比起旺角,尖沙咀的日式料理,真的平得多,吸引得多.我們除了order壽司外,還order了以下食物.朋友仔便order了一個set lunch-秋刀魚+蛋豬扒+炸餃子及什錦刺身.雖然我沒有品嚐這一盒便當,但眼見朋友仔把整條秋刀魚吃得津津有味,相信秋刀魚深受我朋友愛帶,但反而炸豬扒及炸餃子就沒有吃光了.我們不知不覺地order了兩個蟹籽沙律,小的便是小便當連在一起,大的是我們另一order. 詁不到小便當跟上這一碟蟹籽沙律,份量也不小,不是在市區的豉油碟份量.Order型式的蟹籽沙律詁不到,Order型式的蟹籽沙律也是那麼大碟. 蟹籽也是豐滿的.夠誠意.另外,我們也order一客魚生飯share食. 這一碟魚生飯$62,已擁有蟹柳,甜蛋,三文魚,立魚,魷魚,甘蝦,熟蝦,吞拿魚) .單單看這一個魚生飯是有誠意的.因款類多,魚生大大件,長長的. 感覺上真的超值,有誠意. 但唯一一個很大的缺點,就是三文魚很多"根",質感很差,所以我們吐了一些三文魚渣在碟旁,如果三文魚是鮮甜的,便不會那麼浪費.我們離開千之壽後,大家也討論,今天的美食評價如何.總結是,雖然全是份量十足,但可惜刺身不太靚,最終也減了分. 這一點,千之壽真的要好好檢討一下了,因相信三文魚是每一天日本料理最暢銷的刺身之一.…查看更多

sushi 賣相好三文魚 - 好長下 $11 件玉子 - 好厚身 , 望落去好靚 又新鮮饅魚 / 腐皮 / tuna - ok舊飯size 剛好! 唔係好大 , 唔洗怕食飯食到飽雜菌豆腐湯好足料 - 推介炸蝦反卷 唔好食 , d 飯好似梅晒咁, 1 d 都唔fresh雖然係平 ( 約$48 / 8件) , 但係唔想再試蟹子沙律 都ok 但係蟹子 有怪味饅魚炒飯都唔錯 好香服務mama地 , 好似經常迴避眼神, 唔想做野環境亦mama地overall 都係俾笑臉 , 以咁ge價錢 都算係咁啦…查看更多

久聞元朗的大大件壽司，也看過食友在那一家元朗打出名堂出去闖一闖的大大件試食會的作出一致性的否定。今次不是試OR TOP 3的人氣日式店，朋友帶我來這一間千之壽，出奇地比我想像中好(未吃還以為會哭臉)，可能是因為我們避重就輕，熟食的比例多，還要點易整又好吃的。大是元朗日式食店的賣點，這兒份量不會比下去。第一道上的是蟹子沙津，嘩了一聲，這個是多少人的份量??好彩也是沙律醬加菜絲和栗米為主，味道也很難會差吧。上面的蟹子吃下去還有SOKSOK 聲，不是什麼只是顏色一PATPAT 的貨色。第一碟過關。這的確是沒有日式的影子的大份量大堆頭小食海鮮薯蓉，好在薯香味出奇地香，很可能是那CREAM 夠香呢。海鮮有青口和蝦等等，只是蝦不見彈，蟹柳感覺到蟹的影子，不是魚肉來的，味覺出錯了?三文魚不錯，鮮味夠，帶子味道尚可，不是大而無當。甘蝦就的確一般，無論是拆蝦殼的完整度，又或是鮮味，也是比較失色。之後一人一件壽司，我選了鰻魚的，鰻魚明顯地肥美度不夠，勝在醬汁和烤工也不錯，這個也免強過關。凍豆腐夠凍夠滑，汁不會太鹹，對此要求不高。差點切走一半肉的雞翼，看上去闊身了，但吃下去就很薄身，這樣的做法就是會更加入味，因為中間的肉也可以加醬汁煎一煎，不好的地方就是欠缺了雞翼飽滿肥美的感覺。牛油金菇是好吃的，它的味道令我想到去BBQ場之前，總會有人包個不停的牛油金菇，我想這一次的做法也是差不多，用鍚紙包著比平常多的牛油金菇，上抬還充滿熱力，又如何會差呢。少點一些壽司刺身，轉方向點其他的熟食，沒有用”日式的框框” 框著，不正宗的也不一定要狠批，我發現此處還是有吸引力的，起碼我吃到平均地不錯的。大家勁點壽司刺身又不好吃的話，不要走來怪我介紹錯。…查看更多

小女子第一次寫食評, 請多多指教!平日食開酒泉, 但見友人推薦呢間日本食店同埋慶祝生日, 就去左食la!!6點半去到.....得一個客!食物水準會有幾好?由於要等屋企人放工, 成8點先叫野食, 但係d staff都冇不滿sushi: overall 都okay, 係蟹子比較散蟹子salad:好足料...讚讚讚!!加州反卷:好普通.....蟹子得好少!!非翠螺:好好味, 好鮮甜!雞軟骨:岩岩炸起....好香好野味!crab broccoli with cheese and cream sauce:好咸,好heavy, 仲好似蝦醬味咁!拎起d broccoli下面勁多水咖哩豬扒飯:分開左2個上,,,,,欣賞佢咁細心!但我係食野唔係食細心咖哩一pat pat, 好唔掂!!!火灸三文魚:賣相還可以, 但食落就.............p.s: 日本soysauce較咸&wasabi有d怪味!!!5個人食左成$500, 唔多抵試一次就夠了…查看更多