十勝牛和食料理

营业中

休息中

呢間吔不可一不可再，我本身對食物要求唔高，但係啲吔真係唔係人食，鰻魚飯啲飯好似隔夜飯，牛肉烏冬啲牛肉好似牛肉乾，連一人火煱個煱都係煮唔滾啲湯，魚生就更加衰過放題，我食左都有啲驚肚痛，重要啲員工好似個個都係暑期工咁，基本上零service，做到咁我真係覺得呢間吔唔做好過，所以強烈支持大家唔好黎食👎👎👎

中午在大本型十勝牛叫咗個日式叉燒拉麵，啲麵煮得太林，個叉燒切到大過塊豬排，勁難食。個師傅應該未學該未學滿師，如果唔係啲麵唔會煮到爛晒，同時叫咗一杯菊蜜和一杯檸蜜，都來錯兩杯都係菊蜜。

由朋友介紹 自已係油塘甘耐都冇食過 就想去試下 在下午茶時段會比較平我叫咗個鰻魚壽司配日式烏冬，又幾扺 $24 送菊花蜜。D烏冬幾好味 有海帶 ，但上壽司上得太慢 鰻魚壽司感覺有刺 還可以 後黎叫咗個三文魚手卷$12 好好食 啱三文魚幾大塊 去到手卷下面都有 而且超鮮 好好好味 油脂5會過多 入口即溶嘅feeling 個wasabi 陣味好濃 （我叫個fd試俾我睇） 可惜嘅係d碗執完全部擺曬係整手壽前面嘅工作台 影響食欲 服務員又5係幾好 叫2個手卷 想交紙交咗半日 個個都話陣間過黎 好彩我慢慢食啫 要求高嘅就5好黎啦 只想揾地方填包個肚又5想甘貴嘅就黎啦

第一次黎呢到食下午茶  14:20已經大排長龍lu~ 好彩店面幾大  唔洗等好耐呢個係日式咖喱豬扒飯  以為下午茶通常都徵細細份  點知佢都好大碟味道唔錯既  冇乜配料  薯仔感覺似係冰鮮果種’ 假’ 薯仔   黎既時候唔夠熱 豬扒都幾冧 唔會話好乾好難咬另外我地叫左個豬軟骨拉面  個湯都算入味  豬軟骨份量都幾多  幾好咬口 面質都係平時食開果種 軟硬度都適中 飲品我就揀左菊花蜜  佢D蜜糖味蓋過左大部份既菊花香  可能我個人唔太中意菊花  所以我覺得岩岩好 幾潤既感覺!個人覺得呢間性價比非常高! 可以一試!

有約會於油塘，順便找地方吃晚飯，剛好附近有間叫十勝牛的和食料理，見餐廳座位都算舒適，決定在此用餐，餐牌顯得有點殘舊， 朋友點了份曰式餃子烏冬，小鍋用迷你gas爐燒著食用， 小型木桶盛著金菇、名門卷、豆腐等，連餃子及烏冬份量相當足夠，餃子皮略厚，不過夠大隻， 豬骨湯的味道也不錯，六十八元連西瓜汁一杯，收費公道。 我倆share食用再点其它小吃。鹽燒多春鱼，香口惹味， 天婦羅蝦做得肉爽槳脆， 三文鱼刺身連冰上，而且厚切肥美甘香，四十元收費又是吸引， 最差的是雞翼串， 燒得未夠焦香，雞皮的油份没有揮發，吃得滿口油腻。綜合餐廳的食物質數算不錯，取價公道，當晚人手充足，服務不是很好，但問题不大，下次會再去試其它食物的。

呢間野，態度惡劣，唔衛生，執枱夠膽死執一半唔執一半，唔叫佢執都無反應。三文魚同帶子刺身啲魚霉到呢，仲衰過去街市同爭鮮買果啲。呢啲都算，最過份係有條友响大廳side board隔離公然呻鼻涕，之後仲要上菜畀另一台客，見到都心寒。最離譜係雪到我個蛋糕變冰都話唔關佢事，個樣仲串串貢，真係好好笑。我諗佢以為我地唔想畀錢，其實我地只係想佢承認過失，避免同樣事情再發生啫。佢仲唔認錯，堅持話自己個雪櫃有温度計(哼，雪櫃唔會壞嘅咩？dna都唔敢話係100%肯定吧？)。唔緊要，我唔會再同你嘈，那個所謂負責人話自己係5間分店最大嘅，佢係股東喎。佢係老細，就可以咁對客人，冇問題，我以後唔會再幫襯佢，但係佢好聰明地將原先話要收的切餅費冇打入張單度，可能就係令我唔可以有一個明明確確的證據去投訴佢地吧。我沒有要求賠我蛋糕錢已經很好了，還是在餐廳中罵人，太過份了。現在只想告訴大家，想用餐之餘獲贈一肚火嘅，請踴躍去試。真心講句，油塘仲有大把好野食，做咩要嚟呢度貼錢買難受，食咗都背脊骨落喇。其實我連一粒星都唔想畀，只係系统唔得，唯有選一星

來到大本型覓食，因為抵食其實食過好多次，都唔記得寫，今次終於記得了!同老公兩口子食都唔食得多，每次都是叫少少，但已經好飽!今次叫了餃子火煱，我們食了幾次煱物，發現li個先有烏冬，配豬骨湯底，好抵食，仲包兩件壽司，一杯果汁沙冰，食完都飽了一半!再叫了幾款壽司，海膽my 飛佛，勁抵食新鮮!賣相唔會一pat野，芒果xx卷卷，用了熟甜甜芒果，上面加了少量蟹子，食落口有唔同口感及層次，最後大食少少ge老公叫了十幾蚊三文魚手卷，脹住個肥腩走出門口!

LUNCH 時間沒有有這裡吃過， 點了叫了兩個學生餐，另外兩個午市餐，這間十勝牛主要都是吃日式，LUNCH 時間都比較多人一般等5-10分鐘可以入去。日式咖哩炸蝦飯好大碟呀，汁都好多，多汁撈飯真的唔錯。大蝦脆口而且唔會太乾身，咖哩味道適中食落去輕微辣剛剛好。煙三文魚野菜沙律伴七味雞扒~~碟就是夠大，不大食既人就好喇，雞扒份量都很多，如果沙律菜再多少少就好喇!三文魚兩片這次的不是煙三文魚的，是三文魚但是我比較喜歡食。 學生餐的照燒雞扒飯，味道不錯厚度大小剛易入口。燒牛扒飯~這個餐既牛扒肉很淋，肉而且很入味仲有碗面鼓湯。我來到一定要點這個軟殼蟹手卷，一來到要快點吃，軟殼蟹炸得脆口，紫菜就不是太脆但仍然好好食。雞翼串一碟有4隻串起，肉味很夠加上檸檬汁好醒胃。 雞腎串點了盬燒就是比較香口，咬落都很有口感。 還有個餐有熱菊花蜜，秋冬天當然要滋潤下，味道不會太甜就是熱的更加有香味。埋單4位都係 $215 ，太抵食喇，飽飽出門口，點了食物而且要送到枱上真的很快很爽手。

下午茶時間，店裡人不少，以為就算不是好好味也應該可以一般水準。結果感覺中伏了。帶子刺生($45)端上來時感覺好大碗……冰！冰鎮帶子刺生，看來不俗。細看一下，用來盛放的碗是崩的，立時心裡一沉。食店最忌用崩碗，不少報告都指出崩碗或崩的盛器在缺口位置容易留有細箘，而且崩碗讓人感覺求其。餐牌上標註明有8片的，沒錯，真的有8片，但其實只是將2隻帶子開邊再切半。被騙了！豬骨湯烏冬配蟹柳壽司（下午茶餐）（$27）螢光橙色蟹籽，完全不脆的紫菜。沒心做，不如唔好做豬骨湯烏冬，湯淡得像清水海帶麵粉湯多於豬骨湯；烏冬削。一個字：差！菊花蜜（餐飲）外購濃縮製成品開水，沒技術可言。味道算是最正常。

有一友人住油塘，所以都常來大本營搵食之前成日去FOOD COURT食，但原來FOOD COURT下一層收埋左一間日式餐廳煙肉汁蜆肉烏冬就係我是日晚餐個汁偏濃，但唔係幾食到煙肉味，似濃味白汁(同埋真係有幾多汁)烏冬都幾有咬口，普普通通蜆肉比我想像中既多，但係細細粒因為個汁太濃味，都食唔出佢新唔新鮮呢間餐廳有好多野都好抵食，但味道水準唔高

豬軟骨拉麵份量比之前小只得兩小件。沙嗲牛肉又係得兩小件，湯底咸。因之前食開嘅份量都唔係咁小，所以就問服務員點解份量比之前小，佢問完返嚟就話以後都係得兩件，我覺得不可以因價錢平而將份量减小。

今日想去試新口味下午茶，於是去左屋企附近既十勝牛。我刻意揀左個份量唔太多既餐，首先講下個前菜，係兩件蟹柳寿司黎既，飯握得好實，但飯既質地一D都唔硬，有適當既醋酸味，而蟹柳大大條，幾新鮮。黎到主菜，湯底係奶白色既豬骨湯，咸味適中，而烏冬係最普通果隻，無乜韌度既，一咬就斷，如果煙韌D會更好，但烏冬本身都好滑，吸收埋湯汁，味道好夠，配合埋幾片新鮮海苔點綴，好日式既感覺。最後飲返杯清甜既熱菊蜜，真係劃上完美句號。

午餐時段光顧十勝牛和食料理確是一個不錯的選擇! 午餐選擇多, 價格合理, 約$40-50, 蟹子沙律蔬菜新鮮爽口, 看得出蔬菜不是預先刨或切定, 而是即叫即做, 兩種反卷中的軟殼蟹及蝦皇炸得香脆, 若你是cheese lover, 不要錯過芝士海鮮焗飯及鐵板燒芝士豆腐, 芝士焗飯上有頗多海鮮如蝦及青口等, 味道濃淡得宜, 希望日後如有機會去十勝牛的其他分店, 食物亦能有一定水準! =]

蟹子沙律雖然好大份，但係入邊蟹子唔覺得多好多。牛肉火鍋都配咗好多配菜，肉質唔算新鮮。跟火鍋送既三文魚壽司既飯一夾就散曬。唯一覺得好食既就係雞肉炒飯。    同埋要提提既就係服務質素，態度還好，但係次次想叫人都要等好耐，動作都好慢，同其他菜一起叫既西瓜汁差唔多食完先黎。其他都算係一般般，同相同價位既其他餐廳比起身差咗d。

今日中午黎到十勝牛，學生lunch set $25,有湯烏冬同定食，加3蚊有凍飲，比起和亭同富田，都幾平，我叫咗日式咖哩豬排飯，好啦，等咗一陣，野食黎到，啲豬排都幾香口，但落好硬，份量都ok多，而飯稍硬，加上唔夠熱，咖哩汁既味道唔錯，但係太少汁啦，唔夠撈飯態度方面：服務員都係啲後生仔女，態度唔太好，一坐低就“要咩啊！“實在令人嚇一跳，上菜時，服務員更倒瀉汁，真令人無奈==