十勝牛和食料理

营业中

休息中

和朋友聚會，又想吃得清淡些， 十勝因此成為了我們的首選！我叫了一個三文魚沙律冷麵，味道果然不錯！值得推介呀！環境方面尚可，但由於我們一行六人，桌子方面，似乎沒有六人餐桌，因此坐得比較迫，這是美中不足的地方。但整體而言，性價比還是比較高的！可以考慮再去！

間店。建議咁啱經過「大本型」想去呢間店試下嘅朋友唔好試下幫襯呢間店！絕對，絕對，絕對，唔好幫襯！服務差到貼地！！！1. 等叫號碼入坐時，服務員係會skip左你個號碼。好彩一直有留意佢叫嘅號碼，唔係會被skip左都唔知。2. 侍應係店度游嚟游去唔知做乜。有侍應做嘢慢到好似蝸牛咁，係間店度慢慢行嚟行去，叫佢幫手催單可以係應完你後直接行左去休息區，之後仲要冇左回事。3. 漏單。點完嘢食後完全冇同客人落過單。坐左係度等左半個鐘有多，附近遲過我地落單嘅幾枱客啲嘢食已經上左仲未有我地份。問左2次催左2次都冇反應。仲要冇侍應問你落左單未之類。直至問其中一個侍應有冇落過單先去查返落單記錄。點知，係冇落單！冇落單！冇落單！嬲得濟即刻走人去左第二度食。第一次去一間咁差嘅餐廳，俾我見識到咩叫極差嘅服務！領教完，唔會再去呢間店！極度建議想去試下幫襯呢間店嘅人諗清楚！！！一粒星都唔值！！！

一行10幾人食飯，其中一個不足2歲小朋友，2位已過70歲老人家，當中一個行動不便。某位女服務生收枱鋪枱，態度惡劣，全程黑面，抹枱時更加將枱上垃圾掃到行動不便老人家身上，我已經忍住唔出聲。鋪枱戈陣掉碗碟掉到砰砰聲，嚇到小朋友不停話驚驚，起度喊，問佢咩事，無反應，更加一句對唔住亦無，超差服務員見我地人多唔想做可以唔黎我地依張枱，無必要做咁既行為，整到老人家又嚇到小朋友，完全唔可以接受非一個服務行業員應有態度，仲要已經起依間店做左一段長日子

今日全日在油塘工作，得悉大本型內有好多餐廳，怎樣都要試一試。可是工作太忙，直到兩點多才有時間吃飯，還好，剛好是下午茶時間~選擇更便宜，看到這間有二十多元的選擇就進去了。餐廳頗大，座位很多。下午茶有多個種類選擇，大多三十元或以下就有一個餐，免加一。我選了醬燒豬軟骨拉麵~上菜了~麵比我想像中還要大碗，配兩片鳴門卷，一些海帶，菜，和重點豬軟骨~好大塊，足料! 麵比較軟身，不是很爽口，但是可以接受的。湯是奶黃色的，微鹹，味道帶有煮豬軟骨的醬~ 豬軟骨的肉柔嫩有香味，骨肉分離。軟骨的部分多卻一點也不硬，咬下不怕崩牙，還爽口呢。海帶吸引了湯的精華很濃味，好吃。飲品要了熱菊花蜜，淡淡金黃色，暖暖的，菊花香味重。喝下感覺清新，味道也很清香，雖然是“蜜“卻不會過甜，剛剛好呢。這樣吃只需29元，很便宜呢。果然下午茶是最抵食的~

星期五晚，度度都多人，搵間有車位泊嘅餐廳，去左油塘大本營，揀左呢間十勝牛八點去到不用等位，一行兩人被安排一邊四人檯，檯面太細，完全唔夠位擺食物軟殼蟹手卷，三十蚊兩隻係抵，但味道一般，蟹身唔脆亦唔夠味道日式豆腐 豆腐夠滑 一客有三舊大大舊，味道不錯，唯一唔好係汁太多，成舊豆腐好似浸湯咁，破壞晒豬軟骨烏冬，豬軟骨忟得幾入味，但只得三小舊是太少，反而烏冬份量夠晒多，可怕烏冬完全唔彈牙，林滋滋，湯底就ok燒原隻魷魚，味道是可以，略嫌烤得唔夠香烤腸，肉質彈牙但味道很淡，唔值得叫石榴汁，味道好，但係完全唔凍， 又係破壞晒埋單$231；味道中等水平 ，算合理價錢，貪佢選擇多嘅可一試

價錢不貴、食物一般、服務好差！！個男主管極無禮貌，倒瀉豉油一句sorry都無，我叫佢小心些，佢仲寸我叫我小心個火煱，不知所喟！我真係想小佢，到埋單自己出去比錢，又無人招呼，真失望！

今日跟教會姊妹掃墓後，晚上我們在大本型找找食什麼晚餐，結果最後我們選了這間。原本看食評，見好幾位說食物一般，服務不好，有想過去另一間。但看多幾篇，又有些人寫不錯，最後我們還是不理大家的食評，純粹看我們自己想食什麼好了，哈哈~由於是平日，加上我們6點多就入座，人不算多，食物也好快來到，份量也不少，算是抵食的，加上服務也算不錯：基本上我們沒舉手，她們都主動不停幫我們添水呢~ 見她們服務不錯，食物也OK，所以打算打這post出來

節日就是給朋友出來相聚的籍口，今晚約了個好久不見的朋友相聚在油塘，交換聖誕禮物之餘藉此友誼共餐。一進來給人感覺空間大，比較簡潔的裝修，有點像普通茶餐廳，但其實它是和風餐廳。主打日式料理。我特別把它與茶杯一齊照相，目的是告訴你碗有多麼巨大，而且裡面的沙津是滿滿的，蟹子也蠻多，沒有偷工減料。急不可待把它混合較勻，夾了一口，青瓜很新鮮，清甜可口，涼涼的靑瓜沾上沙津醬加上蟹子，三種味道，三種口感，配合得天衣無縫。飯是金黃色的，粒粒分明，把炒好的飯被金黃的蛋包住，加上茄汁做伴，即美觀又美味。而且份量十足，好味又抵食，食得我心花怒放。如果一定要說不好的話就是包得不夠細緻，外露了一點飯出來，透露了神秘感。蕃薯是我至愛，所以它只要是蕃薯，低分已經是合格了，加分的是它的確是即窄的，正因為即窄所以食起來會有點油。金黃色的外表就算你不愛蕃薯也會被吸引住。本來我以為這個價錢的壽司一定是硬硬的飯配冷冷的蝦，想不到意料之外，剛窄出來的蝦被紫菜包圍，再被軟軟的白飯包圍，再灑上蟹子，美麗動人。紫菜吸收了蝦的香再與飯結合又被蟹子不停挑逗，四角關係在我口中糾纏不清。而我就享受其中。2人日式晚餐，食得飽飽結賬才＄167，重

從來未係一間餐廳受過咁多氣！裡面既女服務員態度差到好似個客殺左佢全家！係負責帶位個兩位女服務員！點左個烏冬等左一個鐘，叫左個女服務員跟一跟，佢就當你透明，另一個長髮馬尾服務生收台時，就好似想將D碗碟打爛咁制！臨埋單時，又係個長髮馬尾女，苦口苦面埋單就算，埋出來收多左一個鰻魚飯錢，我話收多左，本來叫鰻魚飯，後來改左定食，而家收左兩個飯既錢，個服務員話你地叫左就唔好改單吖嘛，我話一落單見到有定食就叫你同事改左，你同事都話冇問題，佢就問邊個同事跟啊？我買單錢你唔講？我話你地話埋單講台號，講完你直接收錢，冇比我睇單先，你而家仲怪我冇睇單？大佬！要我睇單都要比單我先得架？！我後來問，請問你地店長有冇係度？或者經理，佢話：冇啊！我地冇店長冇經理！哇！真系想打佢幾拳！以後死都唔會係度食嘢！咁既態度！成幾十歲人第一次遇見！

地方都幾大，七點半八點去都唔洗等位。叫左牛肉粒，上枱勁熱辣辣，好林好好味，仲連埋個薯蓉。當然仲有必嗌枱枱都有gei 蟹子沙律。大size $38 勁大碗，入面雖然淨係得青瓜絲，蟹柳同埋蟹子之外就冇其他，但係清清地又幾開胃好好食。今次叫左好多小食，有芝麻雞翼，炸墨魚嘴，同埋一個三色前菜（即係中華沙律、螺肉、八爪魚）個雞翼真係整得唔錯，外脆內軟，好味。另外仲叫左個壽司卷，就冇咩特別。仲有個鰻魚炒飯，好味！又平又大碟，都幾香，同埋佢上菜都好快手。4個人total 都係三百蚊到，好抵食👍🏻

一定要跟大家推介我的最愛 鰻魚炒飯!!!! 超大碟~~而且炒得好夠味~帶出到鰻魚香~!四十幾蚊就食到~正!呢個香草海鮮天使麵賣相都 OK~海鮮都幾大件 可惜意粉淡得制/.\~叫左個小食鐵板牛肉粒 ~可惜左DD牛肉粒冇乜汁~有D韌><”同燒汁味唔係整得咁好味~假日黎親呢到晚餐都起磲要等15-30分鐘位~裝修環境都幾舒服乾淨 , 服務就冇乜嫁啦, 但食物個人覺得性價比幾高=)

總結: 價錢比一般日式料理便宜。食物味道整體ok。座位都算舒服，唔會逼。蟹子沙律雖然係細，但係都好大碗。味道不錯鰻魚炒飯ok拼盤志在可以一碟有哂三樣冷盤三文魚壽司飯比較大舊牛肉飯ok刺身厚切。(食左一塊先醒起影相，原本係五塊)豚肉鍋肉就得五塊，其他全都係菜。點火鍋另送西瓜汁同三文魚壽司兩件。上面果兩塊芒果一夾就跌落黎...

行完商場好肚餓，快餐店又食到厭，想搵間多款啲嘅餐廳，坐低透下慢慢享用膳食，終於見到啦睇落似日式，壽司、飯麵連冷盤都有。「他人蓋飯」好夠份量，可以開心share ，仲有冷麵加上白芝麻醬，美味又開胃，之後都經常幫襯，可惜搜尋唔到有分店，希望快啲擴展至港九新界，多返個平靚正嘅落腳點啊！

A very disappointing experience here. I came in for a quick dinner  and ordered the beef hot pot special. To my dismay, one of the lady servers carelessly spilled the hot pot soup onto my thigh. She apologized, but did not offer to help in any way or even to help get any napkins/tissues. I then asked one of the servers to speak to the manager whom mentioned that the manager was not in today. I requested to speak to  the most senior server at the restaurant, who apologized after hearing the story

三個人去食哩間日整野，叫左六樣野加埋飲品都唔洗３舊，日整野黎講好抵，特別今次去食左個黑松露雞柳意大利飯熱食超水準其他唔太特別，不過係平，可以試多幾樣野，重有特色飲品都係６蚊起，去邊搵唔好意思既係我太餓，個飯食左先知好食影唔到