十六座車仔麵

营业中

休息中

午餐時間經過太子，立即開電話搜尋附近餐廳，看見附近有16座車仔麵，從門口看進店已經見人頭湧湧，門口店員宣傳話午餐有半價飲品優惠，於是進店一試！我一人入座，很快有位，接過車仔麵點菜牌，第一樣當然要選擇麵底：紅菜頭麵、菠菜麵、蝦子麵、稻庭烏冬、本州刀麵都是特色麵底。當然還有其他傳統式的，但我這次選擇了紅菜頭面，吃下去並沒有濃郁的紅菜頭味，可能是因為湯底味濃，但看見面色是粉紅色的感覺比較健康呢！看見餐牌上有招牌推介：五香蝴蝶腩、牛爽、咖喱麵筋、咖喱魷魚、日本糖心蛋、滷水豬大腸、雞翼、牛脷、雞腎、牛腩。還有一些傳統配料：蘿蔔、豬紅、辣魚蛋、雞翼尖、豬皮和各式丸類等等，多樣選擇，一定有幾款合心水的。我選擇了咖喱魷魚、豬大腸和豬紅。咖喱魷魚：爽口、重咖喱味、份量算多豬紅：軟綿綿、爆汁、6粒鹵水豬大腸：少量肥膏、軟硬度適中、非常入味這裏還有醬汁免費任選：牛腩汁、滷水汁大辣、中辣和小辣，任君選擇！愛辣之人記得一定要選中辣或以上喇！

呢一天放假，出咗花墟買葉種植物，行完又未係好肚餓⋯⋯真好，見到車仔麵！ 唔飽唔餓最好食麵😁😁都少少人多，揀咗坐bar枱，呢度最少叫3個餸，我揀蘿蔔、蟹棒、豆腐卜，要米粉😋至於女友就要蘿蔔、貢丸、韮菜燕尾餃，要油麵😋 行到有點口渴，加支竹蔗矛根水添。女友碗先到，色香都唔錯，女友一食，話唔錯喎，湯底都算ok，佢好怕白雪雪無味道嘅湯底😝 蘿蔔煮得好入味，可惜唔夠靚，有少少苦🤭 但燕尾餃同貢丸都好味😋食食吓，我個碗都到了！好味😋

旺角車仔麵另一可返食之選!必叫之選一定係"咖喱魷魚" 同 "雞腸" !唔係講笑, 佢個"咖喱魷魚" 真係好好好正!  重要0既0野要講3次!   點解咁好食呢~ 就係條魷魚有口感得0黎配上0個個汁..... 不得了!!! 同有D淥到條魷魚淋一淋咁... 真係唔同級數囉~ 再講就係要講碟 "雞腸", 真係食完都忍唔住講返句雞腸讚佢 VERY GOOD!!   雞腸俾個醤汁煮到好入味, 仲散發陣陣油看, 最正就係放0係碗底0個幾條菜.  如果我食得哂會再叫多碟菜點個雞腸汁囉~~ 其他食物都有一定水準, 但就冇話非講不可.  總括0黎講, 撈麵好過湯麵. 價錢一般, 唔算特別平, 但食物有D質數我都覺得係合理, 可以一試!  

係附近上完興趣班，就同左班朋友黎食車仔麵，我地就分別叫左2個4餸麵同埋1個3餸麵，1. 菜肉燕餃+懷舊牛腩+蘿蔔+芝心丸+蝦子麵（$52）、2. 菜肉燕餃+咖喱麵筋+蘿蔔+墨魚丸+紅菜頭麵（$52）、3. 咖喱魷魚+魚皮餃+蘿蔔+湯飯（$39）。牛腩應該係牛筋腩，無渣唔韌，蘿蔔好入味，好淋而且無渣，強烈推薦，菜肉燕餃比想像中細粒，仲細粒過粒丸，但包得好實淨，味道唔錯，但可惜既係其中一粒有豬骨碎，好感度下降，芝心丸唔知係咪煮得太耐，煮到入面既芝士熔晒，冇左平時拉絲既口感，蝦子麵煮得剛剛好，唔淋唔硬，口感剛剛好間鋪標榜住無味精豬骨湯底，但唔知係咪因爲揀左腩汁，所以豬骨湯味唔濃，感覺唔到有咩特別，只係覺得冇平時個d車仔麵湯咁鹹，味道清d，所以想試真d佢地個湯底既就記住唔好揀其他xx汁！墨魚丸同普通既墨魚丸無咩太大分別，咖哩麵筋咖哩味濃，所以連個湯底都充滿咖哩味，紅菜頭麵味道清淡，紅菜頭味唔突出，岩晒想食有特色d而且又健康d蔬菜麵既人，口感方面就同蝦子麵差不多，都係彈牙得黎唔算太淋/太硬魚皮餃同普通既魚皮餃無咩分別，但咖哩魷魚就唔錯，都算彈牙，而且咖哩味都濃，至於個湯飯d飯就比較硬，而且個湯俾

放工要去做運動，為咗唔好食咁濟，同男朋友去食車仔麵，係太子行行下就見到呢間十六座車仔麵，就試下。首先麵嘅種類唔只得一般普通車仔麵店食到嘅粗麵幼面等等，仲有三種自家制嘅麵，有紅菜頭麵、菠菜麵同蝦子麵。豬紅、韮菜燕餃、鹵水牛俐、腩汁、小辣、菠菜麵男朋友叫咗自家制嘅菠菜麵，食落同幼麵差不多。豬紅夠入味，無奇怪味。鹵水牛俐就真係鹵得非常之入味，一啲都唔韌，值得一讚，如果份量可以再多少少就好喇。👍🏻韮菜燕餃就一般般，韮菜味唔夠濃，亦都比起一般燕餃細隻啲。而我就叫咗豬紅、咖哩魷魚、鹵水豆腐、腩汁、小辣、粗麵。咖哩魷魚同鹵水豆腐都唔錯，夠哂入味之餘，魷魚唔會韌。而豆腐都食落都唔會好似出面啲鹵水豆腐咁實同鞋。總括呢間車仔麵絕對有誠意，好多自家制嘅餸都做得唔錯，絕對好食過深水埗 _ 記！！！

再嚐十六座車仔麵 今日去完迪迪尼好攰，天氣唔穩定又唔想行咁遠，求其係屋企附近食碗野就算，就決定去十六座食 呢間十六座嘅客量比旺角分店少，環境亦比較安靜，不過冷氣就凍左d😅 我叫左咖哩魷魚，冬菇，通菜，生菜，韭菜餃，小辣乾撈 講講食物味道先🤓 ♦️咖哩魷魚🦑 : 唔韌，但無乜特別♦️冬菇 : 好入味，每次必叫♦️韭菜餃 : 好細隻，就細到好似超市買到嘅家庭裝迷你餃子咁上下，唔需要專登嗌 整體黎講，餸菜嘅份量比較少，性價比低，如果唔介意環境衛生的話，附近會有其他車仔麵比你選擇🤓

兩個人去食，食左兩個麵加個菜。一個叫紅菜頭麵，一個係普通幼麵，紅菜頭麵除左係紅色，影響食慾之外，味道一d分別都無。建議唔好貪特別叫呢d特色野。我地果日12:00去食，金沙青、牛爽、牛腩呢d比較吸引既野，全部賣晒。其他都係普普通通，無咩特別，剩係價錢比較貴，而且座位好逼。另外，無水吧，無得飲檸茶果d，剩係可以飲氣水😐

太子有好多餐廳，中西日韓乜都有，有時真係花多眼亂。呢晚冇乜特別，就揀左間平平常常既車仔麵檔食。餐牌如下，一般車仔麵檔既野食都有得揀。招牌菜有金沙青，蝴蝶腩，燕餃等等。順帶一提，叫四個餸，飲品半價。我個人好鍾意食飯，一於搞搞新意思，係車仔麵檔叫飯食！我叫左湯飯，菜，蝴蝶腩，雞翼同冬菇。有得加辣汁同鹵水汁，我唔係好食得辣，就加左鹵汁算。菜份量少左D，雞翼幾入味，蝴蝶腩都ok不過比較韌，最出色係個冬菇，好入味同埋口感好好。半價加豆漿。總結就平平常常啦，不過埋單都成57蚊，車仔麵黎講有D貴。

呢日 #小秘書 特登去 #花墟 訂個 #盆花 送比朋友，賀佢 #開張大吉❤️ 好彩剛剛搞拈🌧個天先至嚟落雨😅反正 #小秘書 好耐都無喺呢頭搵食，一於行落去 #花園街 一帶，睇吓有咩新發現👀 其實附近有幾間餐室我都好想去懷舊吓，不過人總係貪新鮮嘅😆 見到前面開咗間 16座車仔麵，牆壁上嘅 #粉筆畫 又畫得幾靚、幾特別... 唔講咁多，就試吓新嘢啦！#餐廳 都幾環保，將每份 #餐牌 都 #過膠，方便 #客人 落單之餘，輕輕擦掉 #蠟筆印，之後 #餐牌 又可以 #循環再用👍🏻 呢日 #HappyDay 我叫咗個 極 #邪惡嘅組合😏 #魚皮餃、#牛腩、#豬腸、#豬紅 配 #粗麵🥢 麵底爽滑、整體食物質素都唔錯，尤其係 #豬腸🐷 就連坐我隔離嗰個都話 #師傅 唔公平... 😅點解我哋幾個都配給到「腸頭」，佢竟然無🤣笑咗！盡管我只係要求 #師博 加「小小辣汁」比我，但係已經超乎 #小秘書極限🥵 唯有以半價都要六蚊(叫四餸麵或以上飲品半價)叫支 #細可樂 嚟解渴啦😅

呢日黎花墟買花，發現到呢間舖，門面幾得意，好有懷舊氣息。但係當時門口人龍頗長，因為趕時間，就買外賣一試。原本唸住食碗麵醫下肚，驚喜發現係餐牌上除左多款不同麵食，竟然有飯食，澱粉派的我無慮即決。辣魚蛋，鹵水豆腐，韭菜餃，牛爽，各有千秋，魚蛋係彈牙，韭菜較的的骰骰，但係好飽滿，我當場都見有人外賣打邊爐用，牛爽係招牌，店員話每日限量，真係幾爽脆，讚。鹵水豆腐亦都入味無投訴。從來無試過用飯去配車仔餸，但又出奇地夾，感覺好滿足。下次條龍無咁長，要再入去現場感受下。

個r姐5識計數，自己出舖後才發現收多左錢，所以食客要小心，否則唔抵，下面係小弟食既食物，兩張單寫明73加43，點計都係116蚊先正確，但同我話120蚊，走時忙住拎散紙，一時就俾個姐仔呃左我錢了。下面係我叫的面食，有相爲証，唔係吹水，想平反一下不是因爲好介意，不過今晚有點夜，人客唔多，但都計錯，即係平日大機計錯出錯機會多，各位市民留意下了。其他食物來說是可以的，辣到刺激流汗，百幾食到飽死，個人傻high high

自細好鐘意好鍾意食車仔麵，發現原來旺角開咗間16座車仔麵。嘩不得了喇，新派嘅車仔麵有好多唔同嘅面底，我揀咗菠菜麵。😋😋😋再加魚蛋，豬腸、豬紅、唐生菜。個辣汁好惹味啊，仲有個湯底好好飲。雖然都唔平（實際我唔記得左幾多錢啊）但係食物質素好高，唔怪得咁多人幫襯啦。落單嘅時候叫埋嘢飲，會有半價。我都試過佢秘製嘅牛脷同牛爽，其他地方好少有㗎。不過有一次我叫咗刀削麵，呢度啲刀削麵原來林㗎😂😂😂下次都係叫返波菜麵啦😂😂😂

平時經過呢條街已經好想食呢間車仔麵，只係每次見到門口都要排隊所以就唔入去今日食lunch期間經過見到冇咩人，即刻入去試試先！揀咗我最愛嘅滷水流心蛋，糖心雞翼，牛舌粒，通菜。朋友嗌左菜肉餃，豬紅，蘿蔔不過碗麵上枱有啲失望呀，首先係個份量勁少呀，不過心諗可能好好味呢點知個流心蛋已經好失望，一啲味都冇，仲要話係滷水流心蛋糖心雞翼只係得個甜味，無咩特別滷水牛舌就更加失望，因為切到勁細粒，得嗰幾舊，太少喇了通菜都係得個幾條朋友碗菜肉餃啲粉皮太厚，豬紅亦都好散身，蘿蔔就正正常常。一間孤寒嘅車仔麵以後唔會去嚕！

💁🏻‍♀️十六座車仔麵 (太子)🍴-年初五都要開工，真係初四咁嘅樣，撞正有同事last day,於是午飯時間就叫咗車仔麵食。今次係我第一次食呢間車仔麵，價錢都算平，未到就不過不失啦。 小辣米線加牛丸、滷水豆腐、豬紅（ $37 ）🌶.小丸子唔係好食得辣，於是叫咗小辣，而呢個小辣連我都覺得唔辣，哈哈。一開嗰時，有啲失望，因為份量唔太多，牛丸就得兩粒，孤寒左少少啵😢湯底味道都唔錯，唔算太重口味，米線都夠爽口，值得一讚嘅係，佢嘅滷水豆腐同埋豬紅都幾足料，但係豬紅食落去係食散嘅，而且要醃得唔太夠入味，有點遜色。太子嘅車仔麵來講，個人都係鍾意春潤堂多啲🙈。 📍十六座車仔麵 (太子)#太子 花園街215號地舖#小丸子搵食記 #小丸子太子-

這間車仔麵、富有傳統懷舊的特色，好有藝術的感覺，重點是平民價錢。木系風格配上古代紅色的筷子筒，都幾得意😊🥢推介食物會用影出嚟貼喺桌牆角這個五香蝴蝶腩，見到張相都已經想食。這間店都夠環保同聰明，食物牌過了膠，之後可以用紅色的蠟筆🖍️點食物。不會浪費咁多紙張,環保♻️喔😘我㸃了淨係食餸，魷魚🦑一流水準，好爽口咖喱味又入味，真是好好好食😳😊吾係誇張，我以後來必㸃。朱紅同冬菇味道也甜，入味的不過無魷魚🦑咁好味😘得咁誇張😅我朋友加麵食，我試左少少麵味道都可以，咁的平民價格，食到好的質素，有好的環境都算係咁啦🥢🥢🥢