十二味 (香港仔中心4期)

十二味真的非常好吃尤其是酸菜魚還有很多飲品每次路過都會吃十二味因為十二味不是一般的好吃員工的服務態度也十分好從我第一次吃十二味我就愛上了他的味道他們的菜式賣相也很好！…查看更多

一開始送到嚟嘅時候，我淨係留意到雞翼肥腸香鍋得雞翼冇肥腸，牛肉麻辣香鍋我仲心諗嘩都幾大盒喎面頭仲有三舊牛肉好似好足。 咁我就淨係搵咗個客服處理冇咗肥腸比錯餐嘅問題，之後客服問我話餐廳想打電話俾我同我親自協商問我接唔接受，我都未搞清楚係點樣要協商啲乜嘢，都未答應客服話可以，佢就已經打咗嚟。一嚟就同我講因為做緊200減100優惠，大約內容就係話唔方便退啦，就同我講下次補返個小食俾我，我都有同佢講屋企人唔太食辣，應該都好少嗌。咁佢就話補個唔知乜嘢糍粑俾我唔辣嘅叫我落去攞都冇問題。OK我貪方便嗌外賣，但係又要方便埋你哋咁我咪同意就算唔好大家難做。越食越唔對路夾嚟夾去個盒牛肉香鍋食極都係蓮藕。呵呵原來得上面嗰三舊係肉！！佢有優惠我除返開兩個餐都60幾70蚊一個餐食炒蓮藕芽菜薯仔辣椒大雜燴正價嗌幾多我唔知啦 喺商家一定唔會蝕之下做嘅優惠 大家自己睇清楚最後講句味道係唔差嘅都幾香但係要唔要嗌就自己決定啦下…查看更多

路經見不用等位便能入座，於是打算點個 套餐 試一試。問服務員姐姐，係咪一定要"掃碼點餐"，佢回應指替我下單也可的。不過，我也想試用他們的點餐系統，點了一個 2人套餐， 前菜主食更有甜品，相當豐富。以防浪費，其中一碗飯已選為少飯，(此乃點餐app該有的選項，對雙方都好，無謂做成浪費)而餐飲則先點一杯，因為看見鄰桌的飲品相當大杯。後來吃過主食-乾煸肥腸，辣度滿足下，需要多個飲品中和一下，便從 app 點一杯"慾望酸梅"來喝。吃完了，相當滿足下，去櫃檯結賬，並提問：我點套餐時只點了一杯飲品，後來從 app 下單 加多一杯， 能替我放到套餐內嗎？收銀姐姐回應：由於經 app 下單，所以只可以分別計算。並著我：下次如此情況，應該跟服務員下單，才可以計入套餐。既然都講到咁，明顯係我的錯，再爭拗都係要佢被迫去幫我修改張單，那我唯有承擔番這一杯後加的 酸梅汁正價 $28 …查看更多

突然間夜晚想食辣嘢，係香港仔唔算太多，咁就入去試吓依間，一入去已經知有少少伏，因為應該冷氣壞咗，食辣嘅仲要咁熱感覺上會好辛苦⋯⋯算啦都坐低咗快快手食埋就走🤣。啲碗碟都唔算太乾淨, 環境都比較亂和少少dirty (個人感覺) 。QR order 叫咗個酸菜魚，兩杯飲品，諗住佢都算大兜，原來碟大魚少😂😂都係果句佢杯嘢飲好大杯消暑一流😂 魚肉真係一般般la, 但真係好少魚肉，同埋價錢都好似有點兒貴，所以試一次算了….…查看更多

叫了三個餸，上了第一味口水雞，其餘兩個餸等了差不多半小時還沒有上，俾我們後來的客人已經吃飽走了？？？ 體驗勁差！服務員的處理也不好，一定不會有下次，味道也不是很好吃…查看更多

叫左個醬香鍋，遂個餸計錢..但豬頸肉同蓮藕都少得可憐，蓮藕只食到十塊唔夠，豬頸肉應該得5舊..雲耳同大腸都有幾粒..豆皮佔左足足7成，2百幾蚊就食左堆豆皮.....真係難怪所有人都跑番大陸食飯....俾200食個小菜，竟然咁樣交課...十二味曾經都係好鍾意食..但而家同距離合格相差太遠....性價比實在太低....應該都唔會再食了好失望。一心諗住外賣俾屋企人食當加送...真心無下次我會為左俾個差評寫夠200字…查看更多

今次點菜成品質素很差。首先差不多的食材，比以往少了很多，整整少裝一盒。其次，很多食材都是水煮一下就拌進去，根本沒有預先過油。沒炸過的食物根本不香，完全不是麻辣香鍋的味道。特別的鵪鶉蛋和牛丸，簡直就是吃水煮，無法接受！…查看更多

今次想食酸菜魚，所以選擇這間。今次叫清鮮藤椒魚，應該同酸菜魚味道，差唔多。因為未食過，所以想試一試。魚塊份量足料，加埋酸菜，大大盆端上桌，有一陣陣酸辣的香味撲鼻，份量超足夠，整體來說很好味，真正酸辣。配上香濃的湯底，微酸得來帶點魚既鮮甜。魚肉入口很嫩滑，肉味很突出。大盤魚配一碗白飯，都非常開胃， 用湯來送飯一流呀。加叫了一碟菜，不過略鹹。辣得滯，所以要食甜品，叫了冰粉，Q彈的滋味，爽滑的口感， 帶有桂花香味， 冰涼香甜，適合作為甜品。但係他的味道真係好甜。十二味餐廳原來有好多好多間分店之前喺黃大仙見到一間，中環又有。香港人真係好鍾意食酸菜魚。…查看更多

撈啊撈！今日要同大家分享個間我每次食過都仲想再去一轉嘅川味激戰場！🌶️ 首先，我嘅開胃前菜係酸菜魚，湯頭酸酸地好夠kick，啖啖魚肉，咬落超級滑溜，而且無骨頭咁多，真係食得好過癮。🍲 再嚟個乾煸肥腸，佢個辣香噴噴，件件豬腸外焦內韌，洗得又乾淨，食完成口都係留住果粒麻香，真係正到爆！💥 而家講下嗰碟川香回鍋肉，肉片咁滑咁嫩，包住一啖尚有醬香味道，同白飯一齊食真係無得輸！🥩最後要提個香辣鍋，呢個先至係今晚嘅重頭戲！🔥 中辣啱啱好，夠辣又唔會辣到翻，萵筍、鹵水肥腸、午餐肉冚冚家噴出嘅鑊氣，令人一試難忘！隔籬枱嘅酸菜魚都好似吸引著我，下次一定要再嚟個趟！走過路過，千祈唔好錯過，好戲仲喺後頭呢！十二味，你食過未呀？🤤🥬🍳…查看更多

午餐星期一至五11點半至4點，星期六，日11點半至5點供應，餸菜份量大，疏菜多，飯軟硬適中，好有飯香，午餐菜色選擇多，但無Wifi，酸菜魚，水煮牛肉，香鍋，麻婆豆腐，滕椒米線都好好味。…查看更多

天氣降溫特別想食辣嘢，同朋友去搵醜菜魚食，十二味開咗一段時間都未食過一於去試下。午飯時間都多人，十二點半去到要等位，位置唔算太多不過夠闊落，坐得舒服嘅。我哋點咗一個酸菜魚米線餐，同口水雞飯餐，跟餐有一盒檸檬茶，QR code落單，辣度有得揀。酸菜魚份量十足，魚片厚切，口感嫩滑有魚味，無偷工減料。口水雞都一樣有驚喜，唔係得幾舊，底下面舖咗好多青瓜，入晒味，送飯一流！地址香港仔南寧街11號香港仔中心4期地下7號舖…查看更多

十二味，鍾意川菜既一定認識，以好味、豐富見稱，香港仔店，座位都ok舒服，可以慢慢食慢慢坐😌酸菜魚、水煮、香鍋、涼菜、小炒都相當吸引🌶️但今日係掛住香鍋而黎既！食辣前飲返枝藍妹清啤，又涼又爽🍻經典香辣鍋(小辣多麻)🪄每次見到都會覺得真係超巨型，啲香料多到，啲配料多到😻今日對牛感覺良好，揀個我既川菜至愛：嫩牛肉🐮嫩牛肉配麻辣果然係唔會令人失望，超夾，又嫩又惹味❣️食麻辣不論香鍋定火鍋，都係必食🤞🏻繼續食牛，牛舌，好大舊，超掛到麻辣汁，好濃味😝牛栢葉，個牛栢葉細細塊，吸晒啲麻辣精華係入面，吸味又掛汁，好滋味🌟娃娃菜，好掛汁，保留少少甜咁，正🥬🤤仲要保持爽身，有口感又好味💗四季豆，麻辣必食，煮腍左加埋啲汁好正😊牛氣沖天既一餐！🔥食辣食牛都可以好正，止一止個香鍋癮、川菜癮😌十二味仲有推一啲新熱菜，下次再試😘…查看更多

補祝父親節同屋企人近近地食餐因為爸爸鍾意食酸菜魚所以就揀咗呢一間我哋叫咗一份烤魚同一份酸菜魚烤魚本身入面已經有配料如果唔夠可以另外再加我哋叫咗小辣但已經好辣😂😂酸菜魚就好好味因為烤魚已經叫左辣所以酸菜魚就叫咗唔辣入面有薯粉好入味我哋叫咗二至三人份量啲魚好滑…查看更多

酸菜魚和熱情果飲品，讓我有些好評和一些建議。首先是酸菜魚，份量比較一般，但是配菜的份量相對來說比較多，口感還可以。但是，飯的份量比較少，讓人感到有些不夠飽足，希望能夠加強飯的份量。另外，熱情果飲品的份量比較大，味道也很不錯，是一個非常適合夏天飲用的飲品。然而，整體來說，餐廳的熱情度和服務態度都非常好，讓用餐體驗更加愉悅。總體來說，這家餐廳的酸菜魚口感還可以，但是份量比較少，飯的份量也可以加強。熱情果飲品份量多，口感不錯，是一個不錯的選擇。餐廳的環境不錯，服務也很好，值得一試。…查看更多

夜晚例牌都要等位店內空間比較狹窄兩個人坐二人枱叫條魚加d配菜都無位佢求其攞張圓凳過嚟幫我晾住啲配菜期間隔籬枱有個人喺度咳啲口水噴晒落我啲配菜睇落都唔開胃烤魚係唔錯嘅，但係喺香港仔黎講價錢比較偏貴…查看更多