十下火鍋

十下火锅真系一间好有气氛嘅火锅店😍。一入去就好似返到旧香港咁，墙上贴住老招牌、春联、旧式收音机同雪柜，啲花碗碟都充满怀旧味～🎎 全场仲一路播住经典广东歌🎶，衬埋个环境，边打边炉边听歌，气氛一流，够晒有味道。🍲 汤底：清炖山药菌菇汤 & 养生豆乳白锅山药菌菇汤真系诚意十足👏，入面有猴头菇、冬菇、虫草花、淮山同各种杂菇，汤底清香又浓郁，饮落暖笠笠，感觉好滋补🍄。越滚越出味，啲菇香渗晒出嚟，饮几多都唔觉腻。另一边嘅养生豆乳白锅就比较浓厚💪，豆乳味滑顺得嚟带少少药膳香，入面仲有蜂巢、豆腐、鸭血等配料，滚起上嚟成枱都香晒，啱晒秋冬天打边炉～🦐 游水草虾啲草虾超新鲜！🦐 肉质爽弹、虾味浓郁，虾头仲爆满虾膏🧡，一咬落去啲膏香同鲜味齐爆发，好正！🐚 象拔蚌仔象拔蚌新鲜连壳嘅，爽脆弹牙✨，放入山药菌菇汤轻轻滚一滚，食落超鲜甜～🥩 大刀手切本地牛颈脊（小）手切牛真系靓🔥，肉质软腍但唔烂。落汤十秒就啱啱熟，牛味香浓，入口即溶。配埋沙茶酱食，香气四溢，超满足🤤。🐙 咸蛋黄墨鱼滑呢个必食！非常弹牙，职员会事先将咸蛋黄同墨鱼或捞埋一齐，每啖都食到咸蛋黄🥚，咸香配上墨鱼鲜味，好有层次～🐷 日本黑豚五花腩片猪腩肉卖相靓到似花🌸，卷得一圈圈好精致。落汤滚几秒就熟，肥瘦比例啱啱好，油香丰富。食落柔软又滑，肥瘦肉连接位仲有少少脆口🤤。🥬 皇帝菜菜新鲜翠绿，滚一滚就熟，吸晒汤底嘅香味，清甜又解腻🌱。🥣 酱料台酱料由店员送上，一盘预先摆好嘅酱料台，有蒜蓉、葱花、辣椒、沙茶酱、芫茜等。沙茶酱特别香浓，混少少芫茜同辣椒，加少少麻油就超惹味～🙌 服务贴心要大赞职员👏，会主动帮你撇油，所以汤底打到尾都清爽好饮。成餐食得舒服，细节位做得好用心。💬 总结：十下火锅无论环境、食材定服务都好出色💖。怀旧风加上经典广东歌，气氛一流；食材新鲜、汤底出色，绝对值得回头再打多次～…查看更多

今日黎到装修好有风味嘅餐厅🥢汤底滋润木瓜蕃茄鲜鱼汤配酸菜辣肉锅一开波就分咗两个汤底，一边系清甜嘅木瓜蕃茄鲜鱼汤，另一边系带啲酸辣味嘅酸菜辣肉锅。木瓜汤够晒清润，饮落仲有啲鱼香，唔会过甜，条鱼尾仲有好多肉食添！酸辣𠮶边啱晒钟意重口味嘅人，辣度酸度啱啱好，唔会抢味，反而仲几开胃。本身仲有好多白肉😋🥢安格斯牛小排牛小排切得厚薄适中，渌一渌就熟，入口嫩滑唔鞋，油花分布靓，唔驶点酱已经够味。🥢黑豚肉爽呢款黑豚肉真系几有惊喜，口感弹牙，脂肪位唔多但唔会干，啱晒钟意食肉又想轻盈啲嘅人。🥢牛百叶牛百叶处理得几干净，冇怪味，涮完仲保持到爽脆口感，食落去好有咬口。🥢猪肚猪肚切得厚薄啱啱好，煮耐少少都唔会韧，仲保持到啲烟韧感，啱晒钟意食内脏嘅人。🥢虾籽虾干鲜虾滑虾滑入面啲虾肉粒粒分明，食得出唔系普通现成货，虾味够浓，配埋虾籽虾干，鲜味层次几丰富。🥢蔬菜拼盘蔬菜拼盘种类唔算多，但新鲜度高，有唐生菜、娃娃菜、粟米、萝白等等，啱晒平衡吓成餐嘅肉量。🥢竹蔗茅根清热解腻，几好饮总结：呢餐边炉食材新鲜、配搭得宜，汤底有变化，肉类、海鲜、蔬菜各有特色，简单但食得出心思。打边炉唔一定要花巧，够质素就已经好满足。…查看更多

今晚想食港式打边炉，见到呢度嘅评语几好，所以就嚟试吓。一入到餐厅，装修风格好有旧香港时代感觉，用上装修风格好有旧香港时代感觉，用上麻雀枱、旧式雪柜、旧式电话做装饰。见Menu 有个二人餐都只系每位$328。汤底方面可以拣鸳鸯锅：滋润木瓜蕃茄鲜鱼汤，真系用上原条的鱼先煎后煮汤，加上酸酸地嘅蕃茄同埋木瓜嘅鲜甜，职员仲好细心话个鱼啱啱煎好要再煮吓先熟先可以落料。先饮个汤都好入味。十下麻辣汤就咁睇佢嘅配料辣椒好充足，以为会好辣，点知又唔会太辣，好啱我口味。食物方面有：手切本地牛颈脊，份量都几多，牛肉鲜红，入口系好有牛味同咬口。花雕醉鸡，渌𠮶阵时都唔觉有花雕味，估唔到入口𠮶个花雕味好香，而且佢嘅鸡肉都比想像中嫩滑。十下三宝滑发菜蚝豉滑，鲜虾咸蛋滑，墨鱼滑，每款有两大粒，我最中意鲜虾咸蛋滑，超级弹牙有鲜味，真系超级大粒。凤城水饺，有四粒，个皮好薄，然后里面嘅馅好足料。麻辣鸭血，呢个系唔使打边炉就咁食都得，好烟靭得来个麻辣味入晒入鸭血度，呢个怕辣嘅朋友要留意啦。脆炸响铃，呢个唔会有油益味。三星葱酱爆贡丸，要小心啲食，真系好似食神套电影咁爆汁。怀旧果皮鱼蛋，烟烟韧韧个种。蔬菜拼盘，份量超大，有粟米、冬菇、娃娃菜、生菜仲有白萝卜，全部都新鲜鲜甜。饮品加$15要咗竹蔗茅根，有一大jar，两个人饮刚刚好。要大赞呢度嘅冷气非常之够，所有职员都非常细心主动，唔使讲佢都会主动加汤👍👍…查看更多

朋友食过一次夜晚 话气氛好正有精选二人餐 性价比好高-约咗今日去食lunch 除咗米线套餐人均消费50至60左右-仲有火锅lunch set 性价比非常高今次应承请佢食饭 所以就嗌多碟靓牛-环境好有大排档feel但系最紧要冷气充足先够舒服呢度又有气氛 又够凉爽汤底方面拣咗一个胡椒汤另一款系麻辣汤-首先要赞吓佢哋嘅 手切 牛颈脊$168 /细感觉上比起我喺九龙城买嘅质素更加好果然系本地靓牛厚薄适中 肉质超靓完全值呢个价份量都唔少呢个虾滑大大大推个名叫做「虾籽虾干鲜虾滑」$78劲新鲜 食得出真系新鲜打质素好高 仲有粒粒虾籽更加香大过粒乒乓波🏓午市套餐就可以拣牛肉或者猪肉 平均唔使$100 一位有齐饮品 汤底粉面另外仲可以加配料劲钟意佢哋嘅金牌牛丸系爆汁𠮶只 劲正 一次过可以试到唔同的配料例如蔬菜 沙白 几大只仲有猪颈肉 牛柏叶等等平时比较少打边炉有猪颈肉配埋胡椒汤底都几正 劲饱肚怀旧雪柜水晶灯 估唔到感觉都好夹啱晒打卡影相 lunch都几多人 但系都坐得舒服嘅比较阔落啲 地点又几方便㖞时代广场行过嚟都系两三分钟一人套餐 锅底 好快滚 呢个设计唔错因为可以防风 自己一个食都开心…查看更多

Happy Friday 想揾间餐厅🍴食得开心啲，就黎左灯龙街入面嘅永光中心觅食！呢间十下火锅食物及服务质素向来都几好，当然要入嚟食啦～精选二人餐 (餐厅建议3人食, 所以全部都系女士既话, 呢个二人餐绝对合适)汤底：卜卜蚬煲一上汤底，中间系一球蒜蓉伴随住超大只嘅蚬肉，每一只都好新鲜，无任何沙粒，师傅清洗得好干净～大刀手切本地牛颈脊（小）厚切牛颈脊，食落去好浓郁嘅牛味，而且唔会有太多筋，一啲都唔鞋口，基本上不用蘸任何酱汁，都食得牛肉嘅鲜嫩～蟹肉蟹粉饺蟹肉蟹粉香浓饱满, 咬落去整个口腔都充斥住蟹的鲜味, 清香甘甜, 每一口都是享受, 真系非常满足肥美大沙白除左本身个汤底有沙白之外, 套餐仲包埋大量沙白, 所以基本上3个人食呢个餐绝对足够, 尤其全部都系女士~十下三宝滑店员好好服务, 会帮客户将蟹籽拌匀, 然后放落汤底煮~鲜打咸蛋黄墨鱼滑: 有微微的咸蛋黄, 而最重要既系, 墨鱼滑真系非常弹牙! 食得出师傅绝对系即场手打!虾籽虾干虾滑: 平时虾籽虾滑食得多, 加埋虾干真系第1次, 真系好浓郁虾味, 绝对系真材实料~发财好市牛筋滑: 包含左蚝豉和发菜, 牛筋本身已经弹牙, 变成牛筋滑, 再拌匀蚝豉和发菜, 鲜味提升更高层次~顶级野生竹笙超级大条, 食落去吸收晒汤底既海鲜精华, 非常满足~酱爆濑尿牛丸一咬落去会有酱汁吱出黎, 所以咬落去真系小心烫口, 要慢慢食!不过真系好juicy既牛丸~怀旧果皮鱼蛋好浓郁既果皮香味, 而且鱼蛋也挺弹牙的~再有餐厅播放住各种怀旧金曲衬托住, 真系好有怀旧风~紫菜响铃响铃入面包住紫菜, 再放入汤底一起煮, 基本上煮5秒左右就可以即食,有外软内脆既感觉~蔬菜拼盘有清甜萝卜, 翠绿生菜, 新鲜娃娃菜, 大粒冬菇, 爽甜粟米~前面食得咁丰富, 当然要食返D蔬菜平衡一下~竹蔗茅根打边炉当然最不能缺少既生津解渴既饮品啦!系潮湿闷热既夏天，饮返一渣竹蔗茅根, 绝对可以清热降火、滋润身体!…查看更多