十三少酸菜魚 (已結業)

堂食午餐食過呢間好多次，始終都未試過堂食一大盤！難得假期就黎試試！食過好幾間的酸菜魚發現呢間的辣，并不是辣椒的辣，而係由薑帶出黎的辣，與其他店舖的有少少不同。魚方面，今日就遜色左少少，食到尾d湯開始凍就有腥味，魚塊都算多湯方面，已經選擇辣湯底，但都不太辣，可以整體再辣少少同酸少少會更好酸菜方面，太少，比較碎配菜，萵筍、菇、炸蒜、芝麻整體而言性價比係高的，推薦另外，口水雞都係好好味，可以試試！…查看更多

.十三少酸菜魚 (大角咀).魚都幾好食 無骨最起碼但係有一樣係真 就係啲魚唔夠入味同埋個湯底唔夠辣我個朋友就話魚冇魚味 但我就ok既因為唔腥咁依啲就係睇個人喜好～但係口水雞OK喎 比較港式好香花生醬味好食！📍 十三少酸菜魚 (大角咀)大角咀埃華街88-102號大全樓地下B及D號舖#6merho大角咀 …查看更多

見下午冇乜人 就去食酸菜魚啦🥰好耐冇食佢 因為之前食過好腥🥲諗住再比機會 食多次 朋友order口水雞 我就order左酸菜魚 首先每人會有一碟前菜呢個蒜頭薯仔絲 幾好食👍🏻薯仔爽口 又勁多蒜味食左舊先記得影☠️個雞霉霉地😿口水汁唔夠香😢4.5/10到酸菜魚出場 午餐都有好多舊魚 好大兜 不過勁勁勁勁腥🤮平時既我都唔怕腥 但呢間真係一食就食得出兩次都勁腥 🥲不過個湯做得幾好味 有萵筍有菇好多酸菜我係咁飲湯🥰但魚就真係扣晒分😢4/10 4分係比個湯同萵筍🙂🙂…查看更多

比較少黎大角咀呢邊食野，但久聞十三少既酸菜魚好出色，所以專登嚟試吓。餐牌方面選擇唔算好多，不過唔緊要有最想食嘅酸菜魚同埋口水雞已經好足夠😍😍口水雞好夠味不過嚟到嗰陣唔係好夠凍，如果夠凍就完美😂另外酸菜魚好大碟（二人食），酸味十足，如果可以選擇辣度就更好😍食咗咁多濃味嘅嘢再飲番杯冷泡茶，爽！…查看更多

今次五點半趁住有折扣，同朋友一齊食晚飯。環境算不錯，很chill，除左地下有些不乾淨。食物質素非常唔錯，選擇唔多，但每道菜都好好味。若然酸菜魚可以再辣啲再酸啲就好啦。有折扣會再幫襯！…查看更多

好耐冇食酸菜魚，好彩大角咀這間店午餐都可以食到酸菜魚，我哋等佢開門就入去座啦，店員好有禮貌安排座位，而且座位都好寬敞好啦！點餐，雖然午餐唔算太多選擇，但我們也是為了酸菜魚而來～所以叫十三少酸菜魚（辣）我怕太辣所以問了店員可以少辣嗎？她禮貌解釋只是辣和不辣，放心不會太辣的，那麼我們決定要辣，而且午餐還配前菜及飲品！酸菜魚份量十足，而且味道適中～真的不會太辣啱我們的口味👍🏻👍🏻店員還特意問我們辣度可以嗎！非常細心👍🏻而且店員環境不會太逼夾，我們會再來的👍🏻…查看更多

今日已經是第二次來這里吃酸菜魚擺設簡潔，筷子🥢架是一粒花生🥜，開頭以為是假的，誰知是可以吃的生花心。不錯，店主挺花心思。用筆在特大餐單上畫就可以小吃我地叫左椒麻皮蛋。皮蛋吾腥臭，外層表彈牙，內里糖心膏狀，好好食終於到主角出場啦。朋友喝了很多湯是口渴也是好喝，酸酸微辣，很開胃，魚🐟肉質也不錯👍🏻我地忍吾住叫左碗飯。總結：酸菜魚夠滑夠酸但不太辣，可能系為左岩香港人口味，所以無整得咁川風味，但可以再來吃。…查看更多

星期五放工後,的晚餐特別重要👩🏻‍💻🤗係時候安撫一下疲倦的腦袋🍽 唔想去繁囂的區域,所以和朋友去了大角咀找食，勝在星期五也不用等位果然！一進去已經有位，馬上落單🙆🏻‍♀️迎接美味的酸菜魚。酸菜魚的份量比我想像中大和多，最重要是他溫度夠熱，熱辣辣喝着酸菜魚的湯暖胃又醒神。魚肉魚鮮味，食不慣淡水魚的朋友可能會嫌牠泥味太重。但我最享受的就是這種味道～魚肉沒有骨，也有透明的薯粉墊底。整體來說我覺得如果他在辣一點就好，唔係太夠辣，但味道是一流的👍🏻👍🏻👍🏻…查看更多

鍾意食川菜同酸菜魚的朋友要看過來，大角嘴這家十三少，主打酸菜魚，同時亦有一些主打的川菜，令人食過既都翻尋味。其實我都算係十三少擁躉，呢度的酸菜魚食得多，我同時鐘意佢地既川式口水雞，果個汁用來撈飯真係正到不得了，超級香，口水雞更是滑溜，送飯讓人一再回味。覺得食得heavy就點個菜，點了一個鮮魚湯浸時蔬，魚湯是新鮮熬製，都咪話唔花功夫，成個菜最精華就係個湯，絕對要飲埋佢。另外呢度仲有冷泡茶可以選擇，我們點了四季春冷泡茶，吃再多也不怕膩了。…查看更多

冇得返大陸好掛住酸菜魚😩行經大角咀諗緊食乜嘢之際，見到有間酸菜魚，見冇咩人馬上入去。佢哋嘅餐牌好簡單就咁一張過咗膠嘅餐牌，款式唔多，呢度主打就係食酸菜魚，其餘有口水雞、炆牛腩、另外有幾款小食嘅係青瓜、皮蛋、土豆絲就咁多！因為得兩個人嘅關係叫咗一個酸菜魚加寬粉，冇得揀幾辣，得辣定唔辣你揀，我個人覺得辣度岩岩好，唔會好重味，食到魚既味道，亦都唔會好油，份量都幾多唔會好少魚。另外叫左口水雞同一個皮蛋。口水雞花生味好重，再溝埋麻辣超正，忍唔住叫左個飯。…查看更多

< 🐟十三少 > 📍大角咀成日想喺香港食正宗嘅酸菜魚 不過唔係度度都好食 今日試咗呢間 午市抵食之餘都幾好食😋🐟酸菜魚 $66呢間價錢黎講好抵食 超級大碗😆😆 可以揀辣定唔辣 嗜辣嘅我地就揀咗辣🌶 唔好睇佢入面得四五條辣椒好似唔辣 其實佢嘅辣度都好夠👍🏻送飯一流😆 魚片有十幾塊 每塊都冇骨啖啖肉🤤🤤 而且好嫩滑 好味😋😋 酸同辣平衡得幾好 越食越過癮😝 跟餐仲包飲品 叫咗熱菊蜜😛🌶川式口水雞🐔 $56除咗酸菜魚我都好鍾意食口水雞🤣 呢個份量都好多😆😆 麻香味重 辣度方面酸菜魚會辣啲 呢個重椒麻味🌶 各有各好食 雞肉嫩滑 幾入味 點埋啲汁食好送飯😛 底下仲有青瓜 辣辣地幾惹味👍🏻👍🏻 另外加咗$12 飲桂花烏龍冷泡茶 個樽好靚 有淡淡嘅桂花烏龍味 唔錯😋…查看更多

今日同屋企人過嚟附近行下 見到13少 呢間酸菜魚專門店 一入到門口 侍應招呼態度😇👍🏻都有量體溫 有酒精提供搓手 我哋一行三位咁岩入到黎有午市套餐提供 午市套餐餐牌係相比晚市平好多 但選擇只有三款 套餐仲有送前菜跟白飯同嘢飲 我哋嗌左一個辣一個唔辣嘅酸菜魚同埋口水雞 口水雞係唔辣嘅 啲魚份量都幾多 都幾新鮮👍🏻🤤 買單嘅時候仲要唔使+1🤑呢間餐廳對比我之前幫襯過嘅環保 係用過咗膠嘅餐牌上面寫 下完單還可以循環再用👍🏻 全場得三個侍應 後生嘅女仔服務態度good 嗰日午市其實都幾忙 佢哋都冇漏單 呢一次嘅午市套餐經驗 相當愉快 平靚正🥳👍🏻下次會再嚟幫襯…查看更多

平時間唔中都會去奧海城行下，順便嚟大角咀呢邊食好西。前排天氣開始涼，特別想食d酸辣嘢，而咁啱同事們都好鐘意食酸菜魚，我哋就揀嚟十三少試下！  食酸菜魚又點少得寬粉呢？所以落單個陣一齊叫埋，等d寬粉可以完全地索曬d汁！食之前先試咗啖湯，十分夠味，味道偏酸（不過我鐘意）有少少美中不足就係唔係好辣。至於食材方面，無論係魚、菇、萵筍、寬粉都好足料，食極都仲有，加上d魚都幾厚，又完全冇細骨，最重要係食完都冇覺口渴，呢點幾難得。除咗招牌酸菜魚，我哋仲叫咗川式口水雞。酸辣同麻辣我都好愛，有得一次過試曬2種辣真係Perfect口水雞整到啱啱好熟，肉質嫩滑但又冇血水，加上充滿濃郁麻辣味，令我幾有驚喜！至於尖椒皮蛋，個賣相好靚，舊舊晶瑩剔透，蛋黃呈金黃色，食落仲係流心，有少少Q彈嘅口感。雖然明白小店空間唔多，加上而家要配合防疫措施，變咗可以坐嘅空間又少咗。但安排比我哋嘅位真係幾窄，旁邊又有一箱二箱嘢，坐得唔太舒服。…查看更多

今日經過 十三少酸菜魚 再一次去幫襯 都係冇令我失望份量 味道 價錢 服務都值回票價這次帶左老朋友去試趁着晚市快停止的最後一晚食盡佢座下後 職員第一時間提供檸檬水及粟米粒粟米粒 好特別 挺喜歡的然後我推薦朋友食招牌酸菜魚同時也加左粉皮 … 粉皮好入味朋友食過後好鐘意仲話下次一定要再返嚟食😁我同朋友食緊嘅中途 員工好貼心幫我哋加水好窩心 服務值得欣賞到我地食完後 … 職員幫我地清乾淨枱面提供碟筷子比我地食甜品不錯 ⋯ 服務夠主動的 …查看更多

酸菜魚 味道不錯，飲完湯唔算太口渴。可惜，食$238酸菜魚連基本薯粉都無，要另購。魚片數量不多，懷疑不足夠一條魚份量，湯水就出奇地多，唔抵食唉，唔知地舖係咪話鋪租貴，減份量呢⋯⋯要搵間性價比高嘅酸菜魚，呢間一定唔算係口水雞 一樣好多醬汁，雞肉不算多，但青瓜多、仲有2隻雞翼尖添！見圖重點係，收加一服務費，連紙巾都唔提供，要額外收費，嘩，紙巾值幾錢，想拎黎抹檯都無...突然覺得茶餐廳免加一反而紙巾無限供應添，唔值得再回頭…查看更多