匯寶小廚 (已結業)

继续系西环揾食，今天午饭就去到坚尼地城尾站。1. 无味精餐汤 - 青红萝卜猪骨汤：夏日炎炎够清甜，又浓又香；隔离个位人仕直情带埋个暖壶打包走。2. 豉油皇肉丝炒面：好吃的不易煮呢。炒得太肥腻吾得，太干身又难下咽；依碟炒得刚好，炒出的面带有豉味香甜，微甜的豉油（酱油）均匀沾上每条炒得干身的面条，简单朴实。而肉丝够滑吾柴，配上洋葱、芽菜，好有口感。点上辣椒醤，潻加了酸辣味，迎上芝麻香，胃口又给打开，大注吃下，酱香四溢，面条爽滑弹牙，好快就满足了口福之欲！…查看更多

芥兰炒生牛肉??此间小厨以前都经常来，最近少。今晚再食，服务及食物令人好失望。入座叫了两个小炒，等了差不多30分钟都未出菜，全店不足5张枱。问问几时出，答案是"炒紧"。之后出嘅芥兰炒牛肉，有四五件牛肉竟然是生的。埋单前叫店员睇睇呢几件生牛肉。无任何反应。去柜面埋单，店员话: 已扣咗。一句唔好意思之类嘅客气话都无？乜态度?老实讲，如果我太太唔觉意吞咗落肚出事，点算?!感觉极之不爽!…查看更多

完成工作时间不多又去试下茶餐厅先之前中午行过 好多人都食得津津有味一于去马依间有收加一 服务都几好有热茶饮 唔系度度会有依度小菜都卖精致既不过就无得加钱转套装全部散叫金牌盐焗鸡(3.5/5)都几滑既 同埋有姜蓉(少油 香滑)所以叫左个饭跟𩠌鸭脾煲仔饭(2.5/5)有成只脾 又有饭焦算系咁啦不过油鸭脾就略嫌咸如果减淡小小就非常perfect 因为得2个人试唔多不过隔离枱食既粟米斑块 姜汁炒芥兰 同埋老板推介既乳鸽 睇落都好yum yum我想继续同你食好味味既就好似美食风球咁不断jap jap jap…查看更多

唔知同历史有无关，喺卑路乍、爹核士、吉席等等「英」魂庇荫之下，西环尾特别多西洋美食，亦有唔少洋人钟意喺呢头hang out。今日行行吓坚弥地城，咁啱见到汇宝呢间港式小炒，价钱都算贴地，仲有室外座位！甚好，即刻坐低先。由于唔系太肚饿嘅关系，所以只叫咗两样嘢。先嚟肉碎蚝仔泡饭，劲大碗，应该够四个人食。最好系大得嚟亦好足料，蚝仔唔会话得两三粒，舀极都有，仲要圆卜卜好饱满，赞！肉碎亦系长舀长有，汤加咗芹菜同冬菜，走潮州路线，正！入夜感觉冻冻哋，嚟个热辣辣嘅乜乜煲就最啱。拣咗猪膶啫啫鸡煲，猪膶系厚切嘅，啤够水，煮得啱啱好，咬落几爽脆。至于鸡件就斩得碎咗啲，肉质较硬同埋食多几件觉得咸。有得街边大排档炒两味就梗系好正啦，不过呢啲有得坐出面，有啲装修嘅小炒店，其实都有另一番风味嘅！…查看更多

香港地，带着小毛孩想揾一间餐厅食饭都系一件好困难嘅事，尤其系想食中菜，今日行过坚尼地城，见到有一间小菜馆有户外坐位，已经有两、三枱客人带著毛小孩来用餐🐶，天气咁好坐outdoor好舒服。今天想食D湿湿地嘅野，叫咗个蚝仔泡饭热腾腾，蚝仔每粒饱满，汤饭加入香芹、冬菜及肉碎，提升咗汤的鲜味。出街食小菜点都要叫个煲仔菜，因为系屋企煮唔到呀嘛，叫咗猪润啫啫鸡煲，虽然猪润够厚肉弹牙，但D鸡唔够入味，有D硬，味道也偏咸。不过总括来讲都算系几OK,下次可以再试多D其他小菜。…查看更多