匠森串燒 (已結業)

夜晚行经成业街，睇旁边招牌发现成业工业大厦楼梯上去𠮶个位又转咗餐厅，有一间食串烧亦有其他晚饭选择嘅餐厅，而且客人唔多，环境清静，所以就入咗去食。 由于我哋唔系一大棚人去，所以无叫串烧，不过佢都有几个晚餐主食选择，大概$60-$80连饮品，晚餐嚟讲相当抵食。本身我想叫咖喱牛三宝，不过店主话当日无牛腩(或其他部位)，所以介绍我试炙烧牛舌芯饭。炙烧牛舌芯饭(送咖喱汁) ($78) ★★★★✰白饭份量好足，牛舌芯有剪碎嚟烧，细细嚿咁完全唔韧，感觉系高级嘅牛舌，质感同味道都系一流。本身觉得净系得牛舌做𩠌连汁都无有啲dry，但随即店员(应该系老板娘)送咗佢哋自家制嘅咖喱汁仲有啲薯仔俾我试。咖喱酱有啲似出面有沙嗲味嘅港式咖喱鱼蛋，非常惹味，而且𩠌饭一流。整体嚟讲呢个牛舌饭有惊喜(in a positive way)，店员态度好好，希望下次嚟试下佢哋啲串烧。…查看更多

哩一间烧烤铺系系观塘，同朋友行街无意中经过见到，就踩上去。坐低觉得环境几舒适，6点几唔系好多人，叫了鸡软骨，牛舌芯，觉得好吃，朋友喜欢吃海鲜，又叫咗*厨师推介*盲曹，川酱豆腐，肥牛金针菇卷，秋葵，蒜心，烧生蚝，讲真嘅等有滴耐，不过估唔到样样都好好味😋好吃过我之前吃嘅好多间，下次一定还会再来！…查看更多

上个礼拜放工同个闺蜜一齐去咗观塘工厦，食串烧饮下酒倾吓偈，放松吓～呢度环境简洁舒服，店舖size细细间，同友静静地倾偈饮嘢最适合，同埋位置都好方便喺观塘站落咗车行几分钟就到，呢度有肉类嘅串烧，亦都有海鲜种类嘅串烧，所以我都几钟意嚟呢度食串烧~芝士大啡菇，拉丝好吸引～蒜蓉焗生蚝，生蚝新鲜又大只，加咗蒜蓉同埋葱花，生蚝味道更加提升～烧海虾，好惹味啊，配啤酒一流～我哋仲叫咗牛舌、鸡泡鱼干，好正啊，我哋两个都食到好饱～…查看更多

位于观塘站距离只有几分钟路程，我哋已经嚟过两次，今次放工一行几人，一齐嚟食嘢饮酒倾偈，呢度嘅价钱好亲民，而且食物性价比高，餐厅简约木系风格，座位舒适～蛏子鲜甜，都几大只，火候啱啱好，唔会太韧～原本我哋净系叫咗芝士焗生蚝，生蚝size大又厚肉，真系好正，所以我哋叫多一转生蚝，哈！试吓第二只味蒜蓉生蚝，都系一样咁吸引！呢度嘅烧羊架都系我最爱，师傅手势好好烧到啱啱好，我哋仲选择咗芝士大啡菇、炸豆腐 ，好大件份量十足～今晚好饱，好丰富呀！ …查看更多

呢度每一样串烧系我眼中都好味份量大串，上菜速度都正常，因为好早去到，人流未算多，周围环境好舒服，非常干净职员会主动开大冷气最，怕大家热，非常细心。食物方面非常之多选择，而我就叫咗食牛舌芯，烧生蚝蛏子鸡肉五花腩，牛肉串，鱼腐，鸡泡鱼干羊架麻辣豆腐芦笋⋯⋯⋯乜都好味道饮品方面有生啤同支装啤酒汽水其同各种特饮同茶餐厅饮品。我觉得呢度最岩一大班朋友一齐食或三五知己倾计一流咁正嘅一间串烧店，我下次一定会再来…查看更多