匠森串燒 (已結業)

夜晚行經成業街，睇旁邊招牌發現成業工業大廈樓梯上去嗰個位又轉咗餐廳，有一間食串燒亦有其他晚飯選擇嘅餐廳，而且客人唔多，環境清靜，所以就入咗去食。 由於我哋唔係一大棚人去，所以無叫串燒，不過佢都有幾個晚餐主食選擇，大概$60-$80連飲品，晚餐嚟講相當抵食。本身我想叫咖喱牛三寶，不過店主話當日無牛腩(或其他部位)，所以介紹我試炙燒牛舌芯飯。炙燒牛舌芯飯(送咖喱汁) ($78) ★★★★✰白飯份量好足，牛舌芯有剪碎嚟燒，細細嚿咁完全唔韌，感覺係高級嘅牛舌，質感同味道都係一流。本身覺得淨係得牛舌做餸連汁都無有啲dry，但隨即店員(應該係老闆娘)送咗佢哋自家製嘅咖喱汁仲有啲薯仔俾我試。咖喱醬有啲似出面有沙嗲味嘅港式咖喱魚蛋，非常惹味，而且餸飯一流。整體嚟講呢個牛舌飯有驚喜(in a positive way)，店員態度好好，希望下次嚟試下佢哋啲串燒。…查看更多

哩一間燒烤鋪系係觀塘，同朋友行街無意中經過見到，就踩上去。坐低覺得環境幾舒適，6點幾唔系好多人，叫了雞軟骨，牛舌芯，覺得好吃，朋友喜歡吃海鮮，又叫咗*廚師推介*盲曹，川醬豆腐，肥牛金針菇卷，秋葵，蒜心，燒生蚝，講真嘅等有滴耐，不過估唔到樣樣都好好味😋好吃過我之前吃嘅好多間，下次一定還會再來！…查看更多

上個禮拜放工同個閨蜜一齊去咗觀塘工廈，食串燒飲下酒傾吓偈，放鬆吓～呢度環境簡潔舒服，店舖size細細間，同友靜靜地傾偈飲嘢最適合，同埋位置都好方便喺觀塘站落咗車行幾分鐘就到，呢度有肉類嘅串燒，亦都有海鮮種類嘅串燒，所以我都幾鍾意嚟呢度食串燒~芝士大啡菇，拉絲好吸引～蒜蓉焗生蠔，生蠔新鮮又大隻，加咗蒜蓉同埋蔥花，生蠔味道更加提升～燒海蝦，好惹味啊，配啤酒一流～我哋仲叫咗牛舌、雞泡魚乾，好正啊，我哋兩個都食到好飽～…查看更多

位於觀塘站距離只有幾分鐘路程，我哋已經嚟過兩次，今次放工一行幾人，一齊嚟食嘢飲酒傾偈，呢度嘅價錢好親民，而且食物性價比高，餐廳簡約木系風格，座位舒適～蟶子鮮甜，都幾大隻，火候啱啱好，唔會太韌～原本我哋淨係叫咗芝士焗生蠔，生蠔size大又厚肉，真係好正，所以我哋叫多一轉生蠔，哈！試吓第二隻味蒜蓉生蠔，都係一樣咁吸引！呢度嘅燒羊架都係我最愛，師傅手勢好好燒到啱啱好，我哋仲選擇咗芝士大啡菇、炸豆腐 ，好大件份量十足～今晚好飽，好豐富呀！ …查看更多

呢度每一樣串燒係我眼中都好味份量大串，上菜速度都正常，因為好早去到，人流未算多，周圍環境好舒服，非常乾淨職員會主動開大冷氣最，怕大家熱，非常細心。食物方面非常之多選擇，而我就叫咗食牛舌芯，燒生蠔蟶子雞肉五花腩，牛肉串，魚腐，雞泡魚乾羊架麻辣豆腐蘆筍⋯⋯⋯乜都好味道飲品方面有生啤同支裝啤酒汽水其同各種特飲同茶餐廳飲品。我覺得呢度最岩一大班朋友一齊食或三五知己傾計一流咁正嘅一間串燒店，我下次一定會再來…查看更多

冇一串唔好食，食過兩次今日食咗雞皮串，新鮮燒蠔個燒蠔好出色，亦都好新鮮啊，再配合埋百香果梳打特飲呢個價錢實在太抵食，又冇收+1 觀塘區嚟講真係算係好食老闆用心燒 每串都有唔同味，跟住唔係剩係得一種辣粉嘅味道…查看更多

大閘蟹季節！梗係要食吓啦觀塘做完嘢就同阿媽嚟咗呢間串燒Crossover大閘蟹放題嘅餐廳到dinner ✨大閘蟹都肥美，多膏🤭💕大概3-4両重，重點係任食‼️我鍾意食蟹乸嘅膏，香龍軟綿綿，有甘香仲要係熱辣辣上枱！我見到有啲comment話等好耐，但係我嗰日食又唔覺喎，每人都食咗四隻～✨肉碎豆腐超好食！😘😘🥰😍外皮炸到脆卜卜，未試過食咁嘅豆腐同埋好佩服廚師可以整到，因為豆腐勁易爛！✨泰式燒魚係用鹽焗嘅煮法，本身已經有咸香😚加埋泰式辣汁，令到成件事更加鮮味✨生蠔、元貝、蝦滿滿的juice，好新鮮！😆就咁普通加蒜蓉就已經好食蝦有四隻，上面加咗椒鹽去燒，好惹味！✨茄子、韮菜、牛肉、翠玉瓜茄子一疏疏咁樣撕落嚟，好治愉韮菜唔un，無渣牛肉質素都OK，好香～📍匠森串燒觀塘成業街15-17號成運工業大廈1樓3室…查看更多

我哋三個女子，一齊去食個所謂蟹放題再加串燒廚師發板，$288/位，結果係定時約每20分鐘每人派一隻蟹，我哋ok，但串燒勁少，臨尾仲要無電，仲要無同客溝通，只係我哋自己發現問嘅，連最尾嘅茄子同燒雜菜，我哋都無心機等嘞！我哋三個一般食量嘅女子都竟然唔夠飽，快快食個下場好過！點知仲被叫住要另比加一！雖然係我哋唔知要比加一，亦係我哋選擇唔等，寧願最後兩個燒茄子同燒雜菜都放棄，快快食多一場填肚，但餐廳又好意思追收！其實嘢食味道ok，蟹亦唔少膏，$288ok，但真係唔飽！唔怪得朋友話openrice咁多負評！不過已預付個set錢，無辦法唔去，當買個教訓！返嚟睇返openrice其他食評，其他早幾星期出post食客有飯食，仲有被告知出面有嘢食攞，我哋係完全唔知囉！侍應無提過！定取消埋！😮‍💨…查看更多

我哋一行三條女又搵野食，正喎！又大閘蟹放題又廚師發板串燒，見個套餐餐單幾豐富，應該ok 啩....點知....我哋book左6：45pm 時段，樽裝汽水自己攞，啤酒要另外收費。坐咗一陣，職員開始上菜，首先每人一隻大閘蟹，係熱辣辣嘅，應該即蒸好，幾多膏唔錯。職員每隔十零分鐘會上另一轉大閘蟹，共食左5轉。串燒由廚師發板，但見每枱果個爐仔+兩舊點燈籠都嫌細嘅蠟燭仔，驚驚哋...但見餐單都幾多野食，心諗應該都ok啩， 點知...我哋只食左生蠔、蜆、蝦、牛肉粒、雞肉、翠玉瓜 <STOP >於是我問職員串燒係咪完啦，佢話仲有茄子 & 咩菜 （當時聽得唔清楚）唔係啩，咁少！我哋三條女食量一般，唔飽喎！我哋再等左一陣，嘩！水吧位置無左燈嘅？！廚房入面黑蚊蚊嘅？！𠵱！開始無冷氣嘅？！只見職員行嚟行去好忙，於是小妹向職員詢問先知原來電源有問題搶救中雖然說好的茄子&咩菜未到，唔知要等幾耐，就算到咗都係唔飽，決定走人。朋友訂座時已俾晒錢，我哋咪走出餐廳門囉，點知畀個職員嗌返轉頭，小姐你哋未俾曬錢，要收加一！頂！嘢食未到齊仲要收容一，條氣好唔順！總括：- 大閘蟹由職員分配，唔係放題，想食真放題唔建議嚟呢度- 串燒種類跟餐單不符，廚師發板可圈可點- 餐廳無濕紙巾提供，差！p.s.三條女最後大滿足，因為轉場食pancake …查看更多

如果唔係放題就唔好用放題兩個字廚師發板, 冇得要求食乜嘢, 亦都冇得要求數量, 大閘蟹亦唔係放題, 每次好似補給咁中央發配, 呢種模式真係好孤寒, 好肉酸！出面擺咗兩個熱菜嘅儀器, 但係係吉嘅, 入面冇嘢嘅, 連其他食評講嘅枝豆和饅頭都冇唔係放題就唔好用放題兩個字去誤導人哋, 請研究清楚放題兩個字係點解先好用“放題”呢兩個字！搞到食嘢要chok住chok住咁樣, 冇得接住去食, 餓住等, 90分鐘入面大部分時間都係等待嘢食嘅時間, 咁樣都要每位320蚊加一, 唔會再有下次, 食到好鬼嬲…查看更多

大閘蟹任食，加廚師發辦串燒全晚食咗四隻蟹，質素OK，但上得勁慢，坐多個食串燒方面淨係得咗幾串，長期嗰碟都係空嘅另一方面，全場得一張枱有嘢食，話係升級套餐，野食上唔停手，但係望返餐牌，其實係冇呢個餐，即係益自己友，呃人嚟食Openrice 價錢288，未收加入一，連埋加一三百幾，認真唔抵食喺IG見到呢間餐廳，以為好多嘢食，買套餐券嘅時候，個簡介亦都寫好多，但嚟到其實係得好少，希望大家認真睇吓呢個post ，唔好再中伏…查看更多

又到左期待已久既大閘蟹季，因為openrice眾多好評而選擇左呢間餐廳，沒諗到因此貢獻出第一次劣評到放題店大家坐低第一句都係問，紙呢？呢度既店員會答你：「我們既串燒係廚師發辦架，會派落你地碟」Wow，廚師發辦，第一次發現呢個term有幾positive。現實上，兌換劵上寫既蠔啊扇貝基於「廚師發辦」既關係通通都係冇既，而且按人頭每樣一串。我今日用90分鐘時間內品嘗到以下既精選串燒：一隻青口兩串翠玉瓜（一塊瓜切半為一串一條多春魚一隻蝦一碗蜆一串雞軟骨一串牛肉（三粒一串雞肉（兩粒一舊粟米一條茄子（二人share一串韮菜（二人share平心而言，串燒質素唔差，但唔清楚係師傅能力還是控制成本問題，每樣串燒需要等待十幾分鐘。當然，「廚房發辦」本來就決定好菜式同預好人頭，師傅燒得慢呢個理由合唔合理就見仁見智喇。串燒都控制成本到咁，主角大閘蟹當然唔例外，不過兌換劵有寫到一次一隻，每12-18分鐘左右會派隻，都算係既，但派發後餘下的再分發就沒可能既，因為已經控制好每人4隻，所以到底叫唔叫得做大閘蟹放題，真係好有誤導成份。90分鐘放題大部分時間都係同朋友眼金金咁等野食上，雖然串燒質素唔錯，但唔老實既舖頭都係無謂再幫襯。…查看更多

因為鍾意食大閘蟹，所以每年都會去試不同的大閘蟹放題！今年第一次食大閘蟹放題，對「方題」依兩個字又有新認知！同餐廳所描述我和朋友都得覺得太大出入，蟹全部都係乸一隻公蟹都冇，餐廳內文話有3-4兩🤔但真實只得最多2.5兩。其實細都唔緊要出快小小呀！放題90分鐘只出得四隻，出得非常慢！😫另外個廚師發辦串燒😂真心笑了～同出蟹的速度差不多！90分鐘5串6串？慢到全晚坐多過食～重點係依様冇，個樣又冇～附圖已經⚔️冇嘅嘢～重要個饅頭仔喺一大盤蒸到乾晒而唔係炸嘅！🥀附圖係3位加起的蟹蓋～小食一樣都冇～唯一就係汽水係任飲💁🏼‍♀️…查看更多

被「大閘蟹同埋串燒放題」所吸引既我同埋你！請留意除左大閘蟹係即蒸即上 (其實係ok, 有膏，每10-12分鐘都有一隻。我地每人食左5隻）串燒係每樣一串咁上。冇得自己QR code落單想食咩就嗌咩，每枱都會由職員上，每人一串…..最後只係黎左以下呢幾樣….出面亦冇咩食物可以攞，只有饅頭同埋枝豆….可能係我誤會左佢字面意思，又可能係今日燒得比較慢 (職員都有解釋，然後比多兩隻蟹我地；亦有比我地食多三個字）….. 但真係唔夠飽😂😂😂😂😂希望大家訂餐前三思，亦希望呢篇食評幫到大家有返啲合理期望😂…查看更多

話說喺IG上面見到有個Foodie嘅介紹特登嚟呢度試咗佢個放題點知係大伏嘅開始我哋本身約6:30嘅時段等咗10幾分鐘都未有任何餐牌俾我哋去到坐低直至6點9都未有嘢食我哋就問佢其實係咪會有餐牌我哋需要叫？始終都係一間放題佢就話唔係食物係由佢哋決定咁係唔係叫放題？？？亦都見到6點9嘅人到咗坐低七點開始大家都未有任何嘢可以食佢就叫我哋去出邊嘅放題區度拎嘢食佢仲好溫馨提示我哋坐到8點就要交枱而出邊嘅放題區就只有枝豆同埋饅頭同時間佢叫我哋去出邊飲品雪櫃度拎嘢飲飲住嘢先我哋就拎咗asahi啤酒坐低等咗半個鐘7點鐘終於上咗蟹同埋一個蛋撻份量嘅清酒蜆中途亦都上咗3轉蟹夾埋每人食咗3隻然後7:30上咗翠玉瓜再過多半個鐘頭終於有兩隻蝦上枱途中發現身邊所有圍住每一台都喺度鬧緊個侍應因為大家都等咗半個鐘頭都只係得兩隻蟹食然後佢再邀請我哋過去雪櫃嗰度攞嘢飲放題然後我哋再去飲多咗一支啤酒過多咗半個鐘頭，佢竟然再上菜今次上菜嘅係兩個饅頭唔知你有冇留意我一開始post嗰張相呢兩個饅頭好明顯就係出邊夾淨嘅最後佢好寬宏大量咁樣將我哋張單由8:00交枱自己提出改到8:15交枱最後仲想多咗同我手指一樣長度嘅一條魚留意番係要兩個人share食我仲喺度諗緊會唔會人哋一早喺餐牌度寫定其實唔係放題？係廚師發辦？😀😀😀結果發現佢真係寫放題不過我成餐淨係食咗我圈住嗰啲嘢個饅頭仲要係冇炸過😀8:15我哋準時埋單結果埋單係$780原來佢係連最初介紹我哋去雪櫃度飲住嘢先雪櫃最低嘅每一支啤酒都係收錢我身為一個46kg嘅女仔完全食唔飽返到屋企仲要煮多咗個辛辣麵😀呢間嘢真係冇嘢好講完全唔關乎佢食物質素嘅問題係根本係一個大騙局Ps. 我以後唔會再信ig foodiePs. 呢篇嘢係我食住辛辣麵嘅時候打😀只係希望唔好有第二個人好似我咁傻俾佢呃咗祝福大家…查看更多