北京水餃店

💬睇完套有关湾仔码头臧姑娘嘅电影《#水饺皇后 》立即好想食番碗典型嘅北京式水饺🥟，行行下去到尖沙咀柯士甸路，呢间开业多年嘅水饺店 。.💬小店经营都系得老板同老板娘主力负责日常运作，卖嘅都系大家熟悉嘅旧模样，𠮶种即叫即包即渌即上枱嘅方式，同样大家一定食过嘅𠮶种味道唔会陌生 。环境系比较简陋，而服务态度又不要强求太多 。.———————————————————————————.🥢猪扒水饺面🍜💬单点咗一碗双拼面，猪扒系刚炸起，切好另上，唔会浸腍；北京水饺皮系比较厚实，一碗有4粒，馅料系饱满，有菜有肉；上覆加咗雪菜，让汤面食起上嚟无咁淡同单调；别说这种做法没有与时并进，墨守成规，其实因为这才是「原味道」 。…查看更多

口痕痕好想食嘢添，行到柯士甸道有咩好食。 今次揾到一间手工饺子铺，真系饺店啦。 d水饺大大只，加多杯新鲜豆浆，无得顶。 平时食既都系雪藏饺子多，宜家可以食到人手包既美味饺子，正呀！呢间店虽然细小，但环境干净同上餐快，唔洗等。食物方面都以饺子同面食为主。份量足够，而且味道香浓。 喜欢屋企食火锅既朋友可以外卖生饺子，反到屋企烚下烚下先。…查看更多

【油尖旺区】【北京水饺】圣诞节𠮶晚同大学同学耀哥喺尖沙咀三角公厕附近食饭，食完饭之后喺附近行吓，见到呢间餐厅，就有啲兴趣。呢晚发现自己一个又系喺呢头，就胆粗粗走入去食。入到去发现环境都几污糟，谂住系特色嘢就冇所谓，照食，先叫碗 $50 嘅「正宗北京水饺」。佢讲明有韭菜嘅，味道可以，冇惊喜。咁食得嘢就梗系叫杯嘢饮吓，就叫咗 $8 嘅「冻豆浆」，系唔好饮嘅，差过平时成日讲𠮶啲一般料。再叫咗两样小食，首先系 $23 嘅「羊肉大葱馅饼」。食北方嘢都几期待佢哋嘅羊肉产品，但系好可惜呢碟几令我失望。跟住系 $17 嘅「豆沙锅饼」，谂住呢个够稳阵，点知发现佢个皮同羊肉馅饼好似一样，味道亦都麻麻。埋单系 $98，我畀钱嘅时候，排我前面有个大陆人。佢用微信支付，成功畀钱。到我畀钱𠮶阵，我就一定要畀现金，唔准畀微信，我完全唔明系咩操作。。。（地址：尖沙咀柯士甸路17号丰乐大厦地下1号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺区 #尖东 #尖沙咀 #红磡 #1am红馆 #北京水饺 #北京水饺店 #正宗北京水饺 #韭菜 #冻豆浆 #羊肉大葱馅饼 #豆沙锅饼 #1am1667 #1ambackup…查看更多

食物一般，服务态度超差，自己间店细，人地坐好，又不停洗食客掉位，出入要隔篱𠮶位起身让位置出离，呢个类似事头婆嘅物体，系咁话个客企起身阻住佢㖞，跟住人哋点菜，佢又话啲客睇清楚，呢间店真系好巴闭咁款㖞。话完呢个客就话第二个客真系好得闲啰。…查看更多

人生第一篇食评。睇到以往的评论都知呢度卫生麻麻，谂住过咗咁多年，可能员工唔同会有改善，点知真系谂多咗。坐底一刻，枱面系完全无抹过，充满汤渍。食物嚟到，饮咗两啖汤更加惊吓！只羮+汤碗系用到甩漆的！食完一定好「健康」！连门面招呼客人嘅餐具都咁，完全想像唔到厨房用具会点！服务态度亦极劣，老板员工完全唔志在，食饭过程中有两个客被闹，一个系听唔到员工上菜问系边枱叫，一个系唔识喺地下杂物堆中拎餐具。一路食一路后悔点解要贪平入嚟。…查看更多