北京樓 (MOKO新世紀廣場)

营业中

休息中

北京樓比我感覺，價錢貴，食物質數一流嘅食市，但今晚太令人失望，完全無諗過呢間北京樓啲嘢會咁難食，買相唔得，食物味道唔得，比唔上一間普通嘅上海菜館，以後都唔會再幫襯。

今晚想食雞，于是就揀咗個風沙雞，聽人講呢度啲雞都唔錯，對此期望都唔低。😋有肉梗係要有菜，又揀咗個香菇小棠菜，兩個餸一葷一素，健康配搭。 風沙雞都幾大份，個賣相好靚，炸到金黃色，食起來皮脆肉嫩，蒜香味十足，最緊要係大大碟。😘😘 香菇小棠菜比平時細碟咗，味道依然咁好， 香菇好香好滑，小棠菜又好嫩，我食到炒菜嗰啲油係特別香，同我平時食開嗰啲有啲唔同。🤗🤗喺度食飯仲有個好處就係可以用yuu儲分，食咗嘅嘢就可以計分藜買嘢，一舉兩得。呢度又冇小食嘅收費，價錢實惠，想食得好，食得清淡又得，而且小菜選擇好多，係我哋晚飯的首選。👍

老細突然嗌食開年飯，佢話好想食片皮鴨，所以揀咗去北京樓。由於即興冇訂枱，6pm去到已經7成滿座，因為未齊人，所以等咗15分鐘先拎枱，結果7點先有枱可以入座。😩本來想嗌餐，但因為有人想食水煮魚，又驚單點多一個會食唔晒，所以最後全部嘢散嗌。叫咗一隻片皮鴨兩食，水煮魚，奶油津白，小籠包，素鴨同醉雞，味道只可以話係不過不失，比星光行嗰間差（星光行嗰間其實已經差咗好很多），其中個醉雞酒味好淡，奶油津白就個菜ok，鋪面啲金華火腿勁難食，而且小籠包唔夠熱，咬落冇乜汁，失敗！☹️☹️主打嘅片皮鴨算係比較ok，送嚟時個皮都仲脆，唔太油，但配菜嘅京蔥絲同青瓜絲就少得可憐，尤其係京蔥絲只係得青瓜嘅一半，可惜，而個炒鴨鬆相對就更一般，包鴨鬆嘅生菜得4、5片，完全不成比例。而水煮魚完全唔夠辣，啲魚仲少得可憐，大部分都係薯粉同萵笋絲。食完主菜有人提議食甜品，嗌咗一個拔絲香蕉，豆沙鍋餅同雪糕芒果楊枝金露（個楊枝金露等到食完其他嘢都未嚟取消咗）。個豆沙鍋餅唔似傳統豆沙鍋餅，感覺有啲似夾咗豆沙餡嘅薄餅，而個拔絲香蕉則有驚喜，唔會太甜，做到外脆內軟，外皮唔算太厚，鋪面嘅麥芽糖絲好脆口，係成餐最好食嘅嘢。之前睇食評，啲人話有畀

21/12三人共進晚餐，點了糖醋小排骨、醉雞、松子魚、茄子豆腐煲。排骨肉質太靭，一點也不好吃，茄子豆腐味道太濃烈，只有醉雞和松子魚叫可以合格，作為一間中上級食肆，食物水準令人十分失禮，加上樓面侍應戴著口罩也感到他們西口西面，說話態度亦無禮，請他們下單時，男侍應舉起手上拿着的餐牌及水壺，即是表示無手招乎我，為什麼不可以用說話說「請等等 」？而是好像要給面色你看？當晚朋友生日，到達時帶了蛋糕，想請侍應幫忙放在雪櫃，他的回答是無耐煩地答「等陣先啦」，最後請侍應取回蛋糕，以及碟和叉，送上時回應你一句「你哋夠鐘啦」🙄，其實當時仲有10分鐘先交枱，我哋係知道要準時，但咁樣對人說話太差，整晚感覺十分差，連對人基本禮貌都冇絕對不會再幫襯北京樓。絕對。

舊同學們見面選了吃北京填鴨，去到新世紀廣場5樓的北京樓， 預約了第二輪8點， 一直談話到10時打烊， 真暢快。吃了個二人套餐（$598），十分豐富。當然主角是北京填鴨半隻， 偏肥， 夠香可惜皮不脆，配青瓜, 可惜沒有山楂條， 醬汁都比較甜， 烤餅皮也比較厚身，有點失色。雞絲粉皮， 麻醬份量多， 粉皮通透， 雞絲夠細夠滑， 青瓜絲爽口。鮑魚拼花膠：鮑魚未止於溏心， 但夠軟， 火喉剛好， 鮑汁好香， 花膠厚身大片卻欠膠質。酒釀丸子：酒釀很濃帶酸味，但有點放涼了， 丸子彈牙。

又興起來北京樓食北京填鴨，因友人有信用卡折扣，便來到北京樓食隻北京填鴨；我們叫了一食北京填鴨(兩食)、小籠包、咕嚕肉、生煎包、酸辣湯、擔擔麵、蛋白杏仁茶和酒釀小丸子；咕嚕肉味道很差，份量小，甜酸汁味道唔特出，肉有雪味之餘亦炸得唔香口脆身；酸辣湯偏酸味較重，酸味蓋過辣味，不是太岩我們的口味；生煎包既包皮較為軟濕，唔夠乾身，小籠包尚可，北京填鴨不過不失，而最為驚喜是擔擔面，花生味重亦香，還帶點辣辣味道，十分惹味好食😋；因為友人有信用卡折扣優惠，所以尚算抵食，座位亦坐得闊落。

恒生信用卡做緊六折。每一間分店的款式都唔同。來得北京樓梗係要食北京填鴨啦。而旺角呢間好抵，其中一道菜是北京填鴨一隻。素方得四件。蝦同帶子各四件。蝦球好爽。燕液海皇羹本身滿一碗的，因為我哋六個人食，所以share，每人都有大半碗無偷工減料，燕窩大大嚿。重頭戲當然係北京填鴨。呢度呀一隻嘅份量。鴨依然保持應有水準，鴨皮脆，鴨肉香。皮薄餡靚，果然係我自愛。見到負責片片皮鴨的職員，密密片，冇停過手，都切得咁用心。值得一讚。無骨，食落幾方便。味道正常，冇特別好多人都唔鍾意食呢款豆苗（豌豆苗），覺得有草青味。呢碟又冇乜草青味，同豆苗不老，無渣。配埋湯底係最夾。小籠包皮薄多汁。呢碟係我哋另外叫的糖醋肉排。黃色伴碟的，係可以食嘅，貪得意試咗，不過冇味拌麵最後先上，冇影相。合桃露，第一啖好重合桃味，但係太甜，甜味搶過合桃味。冇咗合桃露嘅精髓

話說朝早同班朋友打完網球，之後因為大家都各自有節目，咁無奈地散band啦... 星期六中午喺旺角呢啲時候周圍都一定多人㗎，想搵一間坐得舒服又唔好多人嘅地方基本上都無咩可能，涼下冷氣經過新世紀廣場就諗起好耐無食過嘅北京樓，呢間酒樓喺我腦海入面都算係一間有質素保證嘅酒樓，咁就二話不說就入去食餐好少少啦，最主要係一個人都唔駛點等... 大家去過都知道，呢間嘢出名貴，點心雖然精緻，但價錢都好乸利，所以一個人都唔食得太多，求其放得落個肚就算數啦。睇完餐牌是但叫咗碗牛腩擔擔麵。喺呢的時間飲啖茶休息下，舒舒服服嘆茶不知幾寫意。受等咗一陣間碗麵就上枱喇~ 首先，講個份量先啦，份量就唔好太大期望，夠你飽一陣就算啦，普普通通啦一個人食都勉強既。賣相都幾吸引嘅，佢個紅燒牛肉係味道方面都無得挑剔嫁啦，牛腩嫩滑入味，只係份量少得幾舊，但喺呢間嘢食都唔好太天真啦，貴精不貴多咁啦。咁個擔擔麵個湯底都好香濃，但如果唔係好食得辣嘅人就要留意下啦，擔擔麵呢佢嘅烹煮時間剛剛好，入口煙韌爽口，由於湯底都比較濃稠，所以都有掛湯嘅情況，整體上味道都係有保證，不過一碗麵連茶水要過百蚊真係無下次啦，今次就當善待下自己啦~~~

北京樓最出名嘅片皮鴨質素咁差，鴨皮係淋嘅，烤餅又凍又靭，片皮鴨兩食係生菜包，一行五人每人只要得0.8塊生菜，又細塊好似芝士腸都唔夠包，冇諗過會係咁，個黑色西裝好小頭髪嘅男員工仲要話「12人一台都係得4塊，呢個係Standard嘅架啦」，就算係我無睇到都唔使咁惡掛。八點幾坐低食好似趕收工咁，樣樣都係凍嘅，水煮魚好似人哋食剩咁又凍又無餸，個煱就好大但錨極都係得辣椒，醉雞$98每人有大約有1.6 件，食唔飽，一肚氣好失望！

同朋友食生日飯，揀左北京樓食片皮鴨，鴨架可以打包拎走，朋友話返去拆肉拆到好多🤭另外叫左醉雞同雞絲粉皮都好好味蒜泥白肉有驚喜，夾埋青瓜圈埋好方便隔離枱叫左個湯好香，唔記得咩名，我地都落咗單，朋友話下次黎都要叫，d菜同粉絲吸晒精華好出色另外小籠包同炒年糕都還好

上次去咗北京樓食午市套餐覺得有啲過飽, 今日又好想食北京填鴨, 就直接嗌咗烤北京填鴨, 一次過食過夠原隻北京填鴨有二食, 分別係片皮鴨同埋炒鴨崧<片皮鴨>上次片皮鴨雞半隻, 份量已經好多, 今次食全隻嘅片皮鴨望落份量冇兩倍咁多, 但多咗好多鴨肉仲以為鴨皮會多一倍添配料同樣都係鴨餅、甜醬、青瓜同大蔥, 兩個人食真係超級飽<炒鴨崧>炒鴨崧係鴨碎同芹菜、紅蘿蔔等等炒埋一齊, 再放喺生菜片上高食, 味道甜中帶鹹, 都幾特別兩個人食成隻北京填鴨認真有啲過飽, 建議可以加多個人一齊食

北京樓，北京菜菜廳，午市做茶市做埋粵式點心，環境一流，一家人飲茶夠晒闊落舒適服務都好好，等位唔算太耐，位於MOKO可以拎完飛行下奶湯鮮竹卷 💖💖💖💖💖💖💖🤍🤍🤍蒸點心拼盤 💖💖💖💖🤍🤍🤍🤍🤍🤍蝦餃 💖💖💖💖💖💖💖💖🤍🤍螺片綿花雞 💖💖💖💖🤍🤍🤍🤍🤍🤍奶湯鮮竹卷，雖然係粵式點心但都加左啲特色，就係奶湯，濃過上湯但無蠔油咁咸，味道幾好蒸點心拼盤，以燒賣蝦餃同蒸餃為主，蒸餃味道都唔錯，正常既，燒賣算OK，蝦餃屬於荀味較濃，蝦味都好夠，幾好味既蝦餃貪心既叫拼盤啱晒，螺片棉花雞，份量幾大，螺片又幾夾，雞肉又滑又好味，肉質好唔錯飲茶唔錯既地方

HSBC做緊6折餐。感覺去咗食團體餐，全部人都食緊同一個餐，又迫。有張長枱阿姐就係度不停片鴨，一隻隻鴨就放哂係枱等比人片。我地比較黑仔。到我地隻鴨嚟到已經淋咗同凍咗

好想食片皮鴨前排同朋友行經北京樓, 見二人午市套餐人均消費唔洗兩舊水好心動, 襯開心星期五去左食晏二人午市套餐包含胡麻醬什菜蘋果沙律、時菜鮮魚羹、北京宮保蝦球、烤北京填鴨(半隻)、北京人家小葱拌麵、無錫灌湯小籠包同桂花酒釀小丸子, 真係好抵食<烤北京填鴨(半隻)>烤北京填鴨新鮮熱辣辣超好食外皮烤得好香脆, 鴨肉夠肥美, 加入甜醬同青瓜, 再用皮包裹住咁食超正<時菜鮮魚羹>湯羹雖然比較清, 但勝在料多而且幾濃稠<無錫灌湯小籠包>小籠包皮薄爆汁無得輸<北京宮保蝦球>蝦球雖然大大隻, 但味道偏甜, 口味過重<胡麻醬什菜蘋果沙律>沙律都中規中矩, 而且中餐出現呢道菜認真好奇怪<北京人家小葱拌麵>小葱拌麵真係好乾好掛, sorry 拌唔開<桂花酒釀小丸子>最後嘅桂花酒釀小丸子反而幾唔錯, 散發出陣陣桂花清香

來到旺角Moko，見到北京樓有午市優惠套餐，二位用都應該夠3個人食，就入了去試下茶位 $15/位胡麻醬什菜蘋果沙律，沙律上有不少松子仁，幾好食時菜鮮魚羹，普普通通，都有不少魚蓉大大粒北京人家小蔥拌麵，um…..醬油下了不少，但卻缺少了蔥油的那種油香、蔥香，麵質似是上海麵，偏腍身北京宮爆蝦球，外皮脆，不辣，甜甜地，幾開胃無錫灌湯小籠色，皮薄多汁，不錯片皮鴨，主角嚟啦！份量不少，肉質較乾，附上的薄餅有8片桂花酒釀小丸子，我只吃當中的丸子，但丸子只有5粒😂總括而言，味道只叫做「尚可」，只是價錢上的確幾震撼而已