加多娜天然酵母手作麵包店

营业中

休息中

嘉多娜人氣法式布甸限量法式布甸今日好好彩，剛好開售時間前十分鐘度在附近出現，見唔算太多人，於是照排，排咗唔係好耐條隊就開始郁，店員已經預先整好左一盒盒唔同嘅組合，有啲係一盒兩個原味，有啲係一盒一原味一紅豆等不同組盒，因應各顧客嘅要求而俾貨，有限買數量，可能因為咁，所以輪候俾錢時間都縮短咗，味道方面，我自己覺得三款都各有特色，而且都好味，餡料香滑，雪凍食別有一番風味，有啲似食雪糕感覺，而個麵包皮都唔會好韌，唔會柴皮咁，係咬到的，原味價錢$15，特別口味$23，價錢可接受，而且餡料十足，唔怪之得咁多人排隊買👍🏻.#人氣#排隊美食#油麻地美食#甜品#布甸#法式#抹茶#蛋#egg#pudding#プリン#紅豆#黑芝麻#新產品#限量

剛幫襯油麻地店, 一次去買咗6樣野, 先俾錢拎住法包再去取其他餅, 負責俾鬆餅嗰女仔態度都不說,我買的是芋頭酥不是芋頭麻薯, 跟她說但她堅持話就係呢個, 我排左半小時趕住離開, 上網再看清楚真的是她弄錯, 本應可以糾正錯誤, 但佢不但堅持冇錯仲話打發我叫下一個, 自己店舖有咩買都唔清楚,我是專程去的,由排隊到但入店只逗留兩分鐘,忙著都不應用打發方式, 遇著咁劣質店員, 真令人失望！希望相關人士注意注意！

高人氣法式麵包布甸！麵包布甸已經推出左咁耐，仲以為人氣會減退少少，星期一晏晝四點半會少啲人排隊。點知我哋大概四點二十五分到，前面已經有約三十人等緊麵包布甸出爐。不過流水式作業，好快就輪到我哋去買，每人限買兩個原味、兩個抹茶，店員好好咁提醒我哋要盡快放入雪櫃、兩日之內要食晒。原味法式布甸$15- 個人鍾意原味多啲，布甸好滑，甜味啱啱好，麵包雪凍左之後有啲煙韌，真係幾好味！京都抹茶紅豆麻薯布甸$23- 呢個限定口味唔係唔好食，不過原味純粹一啲。呢個有麻薯喺入面，又有粒粒紅豆同抹茶粉係面，反而搶咗抹茶布甸嘅風頭。抹茶味道好重，因為有紅豆所以比起原味甜多少少。

終於食到嘉多利最出名嘅法式布丁包，拎左返屋企再用焗爐焗咗幾分鐘，外面係好脆嘅法包，入面係好creamy嘅蛋布丁，好滑，甜度啱啱好，一脆一軟，我覺得真係好好既combination! 其實10幾蚊一個包做到呢個效果，我覺得真係做得好好。支持

呢排酷熱天氣警告連續掛左咁耐🥵真係容易熱到病😣 揾完醫生行經呢度，心思思入去望下，不過個人又唔係太好胃口🙄咁就買兩件中式餅淺嚐下。買左椰墶$9同芋頭酥$10芋頭酥寫住要雪係雪櫃，睇樣似乎唔錯😊同亞媽兩份食，個椰墶俾到我地好大驚喜牛油味勁香濃，個底係曲奇咁好香脆，d椰絲又清香唔死甜唔太乾，好好味喎～滿心期待個芋頭酥，但係就變到好驚嚇期待嘅芋頭清香變左酸味😣仲幾大陣味下，好明顯係個餡料變左味呢個真係太大意喇！天時熱d食材就要更加倍留意，師傅整完之後冇試味就推出左產品，呢勻認真失策令我會好一排對佢嘅芋頭酥有陰影呢次雖然個椰墶好正，不過因為最後食果啖係變左味嘅芋頭酥，所以評分係ok啦..... 芋頭扣晒分

繼人氣布甸包之後 佢地又有全新力作✨見到有泡芙布甸新鮮出爐 即刻買左個嚟食 個外皮非常薄脆🫶🏻布甸超級軟滑 奶味同雲呢拿味都好香🥛熱辣辣嘅外皮 再加埋凍冰冰嘅內餡 真係好正💕

當自己4點幾經過油麻地，總會心思思想望下排唔排到布甸包😂呢日好好彩4:30行到去都只係排5-10分鐘就買到🥰一場黎到梗係兩隻味都試，原味同新出既抹茶紅豆麻糬各一😆究竟點處理先係最好食？🤔呢個問題糾結左好耐🙈結果我將原味用小焗爐翻熱2-3分鐘，抹茶味就雪凍食🤤🍵 抹茶紅豆麻糬布甸包$23👍🏻👍🏻👍🏻👍🏻真心推介！尤其係愛好濃郁抹茶既朋友🥰我覺得比原味更好食更有心思！布甸上灑上滿滿抹茶粉，布甸當然都係抹茶味，唔甜，每食一啖都超濃郁回甘既茶味，加上布甸上大大粒紅豆，有少少甜味中和返，就好岩我唔係咁鍾意太甜既口味😜 （可能會唔係咁岩受唔到抹茶苦味既朋友）因為冇加熱，雪凍食都好驚個包太韌，不過又出奇地接受到，都易咬開既😮美中不足係布甸入面既麻糬煙韌度不足同埋太細塊，唔係好食得出有麻糬😂🐥原味法式布甸包$15原味我有焗返熱，包會脆少少，因為我都只係焗左2-3分鐘，布甸未溶晒，仲係維持半流心狀態，質感較creamy，味道比抹茶味甜啲，唔受得苦味就揀原味穩陣啲😆2款布甸包其實都好食既，不過如果要我特登排太耐隊又唔太值得，未好食到有驚艷既感覺🙈順路經過買返個黎食就ok,下次會想試下佢既小麵包，好似都幾吸

之前嚟過好幾次，但因為要排隊所以冇買到，今次終於的起心肝排隊，但點知一排就派咗一個鐘先買到。 最後買咗兩個抹茶紅豆麻薯布丁包及兩個原味法式布丁包。抹茶紅豆麻薯布丁包：雪凍食麵包都好有口感 ，抹茶味真係好香濃，而紅豆就有淡淡的甜味，紅豆同抹茶好夾， 麻薯又好煙韌。成個包令人食完都想再食。原味法式布丁包：布丁好滑及好重奶香味。

💛嘉多利天然酵母手作麵包店 @油麻地📍油麻地碧街54號地舖想試嘉多利好耐 都知已經hit左一段時間🙈不過次次都就唔啱出爐時間去 之前試過咁啱星期日去點知原來法式布甸得星期一至六有 又試過排排下話賣曬🥹今次咁啱17:00經過見唔係好多人排隊就誤打誤撞試下排下 唔抱任何希望 點知最後排左15分鐘又成功買到🥳🔔出爐時間 星期一至六16:30▫️原味法式布甸 $15布甸好滑好香😋蛋漿好香甜🥚帶雲呢拿香 仲有流心效果🤤 法包都幾煙靭 唔會韌到咬唔到👍🏻 當時室溫食就冇咁脆 焗熱食應該會食好多 蛋香味會更出～▫️抹茶紅豆麻糬法式布甸 $22呢個餡料配搭超正✨✨ 抹茶味好濃！😍 估唔到呢個價錢都會食到咁濃既茶味🤤 紅豆🫘粒粒飽滿 而且仲係好甜😋 內餡仲有煙韌既麻糬係中間 好滿足🥰▫️明太子麵包 $17/2紫薯麻薯波波 $20/3另外都買左2款麵包試 點知都好好食 呢個價錢食到呢個質素嘅包 建議大家都買黎試吓！👅好味：4.6/5💲價錢：4.8/5🌟性價比：4.7/5👥服務：3.5/5

今日早左放工，行左去油麻地，見到嘉多娜出面只有幾個人排隊等比錢，緊係試下出名既"法式麵包布甸 " 等左10分鐘就買到！原來佢仲有抺茶紅豆麻糬布甸，可惜賣晒...法式麵包布甸 買完先知原來係凍食，未諗住當飯後甜品！放左係雪柜約2~3個鐘，拎出黎第一口緊係食布甸先，布甸有好軟滑，仲好creamy, custard 香濃😋法包外皮香，可能放係雪櫃雪得耐，皮邊帶點韌，但麵包都仲好鬆軟，連同布甸食係好配合！整體黎講，布甸真係唔錯，麵包冇想像中咁好食；如果下次再買，應該要即時食先試出真水準😊

呢度除咗招牌法式布甸麵包 最近推出嘅泡芙布甸都超高人氣✨內餡嘅布甸切開好流心 又軟滑 超濃郁蛋香味 食落唔會好甜膩🍮🥚不過唯一唔好就係個泡芙好腍 唔夠脆 都係鍾意外脆內煙韌嘅法包多啲🥖🫶🏻

日日都排長龍排到洗曬版， 忍唔住要試下。終於買到2個法式布丁， 返到屋企做飯後甜品😌😋😋一個有翻熱一個無翻熱， 試下唔同效果， 我覺得翻熱後食比較好味，包更趣， 布丁更香滑😋排左咁耐就試埋佢其他包， 買左一袋剛出爐芝士吐司，外面好多脆芝士， 入面又包左好多芝士粒，大大個， 食足幾日早餐🤪軟心的乳酪芝士包真係好好食，又軟又香， 排完隊即刻忍唔住食左😂

呢間排隊已經排到街知巷聞，大家已經預咗唔排就冇得買，而綠茶布甸包呢仲要限量供應，之前嚟過幾次都買唔到，今日閒日嚟到仲要早少少排隊，買到一個試吓，返到屋企急不及待即刻試，相都未影好就食，但點知好失望。以為會係原味布甸包再加少少綠茶味，但原來食落係好重嘅綠茶味，冇甜味，反而有啲綠茶嘅苦苦地嘅味，我就唔係太適合，中間粒麻薯又唔係好煙靭，都比較失色。最正常就係布甸包上面嘅紅豆，甜嘅不過好似係糖浸咁，總括嚟講綠茶布甸包試一次就夠，都係食返原味好味好多。

人氣大熱嘅餅店😍😍 多得屋企人，終於都試到啦！逢星期一至六，4:30pm 開售；4:15 pm 去排隊；每人每款限買兩個，所以都買晒兩款返屋企試吓！京都抹茶紅豆麻薯法式布甸 $23 📎每日150 個都幾重抹茶味，紅豆🫘好大粒😊 裡面嘅麻糬都幾大舊，煙煙韌韌；可能係抹茶粉嘅關係，不過食到尾嘅時候就有少少苦苦地；原味法式布甸 $15 📎每日300 個兩個比較，始終都係原味比較好味😋😋 但原味就比抹茶嘅甜，奶香味比較重。

朋友看完中醫竟然去排隊買嘉多利！偷2個來吃～布甸包看上去很吸引！😍麻糬球好像生煎包！抹茶紅豆布甸包（$23）- 法包加抹茶布甸和大粒紅豆！看上去超級好吃的樣子！可是讓人非常失望！😫 4:30出爐，紅豆是凍的能理解，但整個包和布甸都是冷的！感覺就是弄好了一大堆然後4:30推出來⋯⋯法包有點韌，抹茶布甸漿是很濃抹茶色，吃下去一點甜味都沒有，澀澀的苦味～如果不是有紅豆的甜，完全沒辦法吃下一整個！中間有椰汁味的麻糬，很煙韌～以為是冷的所以不太好吃，叮熱它再試，法包是有比較好吃，但布甸漿整個就變成了一pat pat，完全不像布甸，係漿不是醬⋯⋯而抹茶的澀在熱了後更明顯⋯⋯真的有一點點甜，感覺會比較好吃啦～（朋友說原味的是正常味道，好吃也有蛋香，但我試不到）椰汁麻糬球 （$10）- 外皮非常酥脆！裡面有紅豆蓉、肉鬆、鹹蛋黃和椰汁麻糬，熱熱的吃下去，有點甜又有點鹹，蠻特別的，也算蠻好吃～（只是我個人對肉鬆麻麻，未必會再encore）