劉興記生煎包專門店

营业中

休息中

啲生煎包又係生嘅啲粉皮硬到死除咗麻醬嘅味之外就冇其他味比門口發哥張相呃咗真心唔會再有下次老闆好似唔識管理樓面問咗門口個阿姐十幾次都唔理我完全冇人落單雞絲又少唔會推介

最近呢間劉興記好好討論度，趁住仲未係好多人排隊，即刻試下先！見到出面痴住相，係發哥都捧場食架！先落單俾錢，再搵位坐。一路食既途中一路見到佢係咁有外賣單，好難想像佢其實淨係開張左唔係好耐。  1️⃣招牌生煎包（$20/2） 個底夠脆，面頭有啲黑芝麻，咬落係真係噴汁🫢一啖咬落去果下真係唔小心啲汁噴到落檯面遠處。好彩我地係靠牆坐對面冇人😬呢個爆汁程度好滿意😆  2⃣️蟹黃生煎包（$18/1） 蟹黃版更加更加好食！面頭係白芝麻黎，吸取食上一粒生煎包既經驗，今次有小心啲咁咬開外皮，啜左啲汁先，確保唔浪費任何一滴汁！個汁已經好香蟹味，入面既餡料更加見到蟹肉同蟹粉。好正😍  3⃣️生炸雞扒蔥油拌麵（$42） 蔥油拌麵好香，會相對重口味小小但係未到覺得好鹹咁。蔥油調味重啲，而雞扒就冇咁重調味，我覺得成件事係有平衡到👍  4⃣️雞絲酸辣湯小雲吞（$32） 酸辣湯入面有木耳絲、冬菇、雞絲、豆腐，辣度偏低，酸酸地幾好食。小雲吞有六粒，一啖一粒配埋酸辣湯食味道好豐富～  5⃣️糖醋炸排骨菜飯（$46） 菜飯份量比我想像中大，菜同飯既比例幾乎係一比一👍糖醋排骨都有幾多件，醬汁酸酸甜甜好開胃，係食多幾件都唔會覺得厭既。  6⃣️百步香蔥

荃灣開了一間新餐廳，平日6點前去不用排隊，後來愈來愈多人~招牌生煎包/蟹皇生煎包生煎包底部比較厚，口感酥脆，內裡鮮嫩多汁(一隻生煎包大概倒出一湯匙湯汁)。要小心咬下去時給爆出來的汁燙傷😳 招牌味肉香比較濃，更合個人口味生炸雞扒蔥油拌麵炸雞外皮酥脆，炸粉不是很厚。蔥油味很香，麵條很彈牙~雞絲酸辣湯小雲吞雞絲酸辣湯清爽開胃，味道比想像之中酸一點~小雲吞充滿了鮮嫩的雞肉和香料 手工豆沙窩餅豆沙餡是清甜的，外皮脆脆的，咬下去有點QQ的口感，和朋友一起share吃，份量剛剛好~

招牌生煎包食剩指數：0/100之前食過上環分店幾好食，發現荃灣原來都有分店，就去食返佢最出名嘅生煎包。見到現場有師傅即叫即包，煎完出嚟嘅生煎包，又唔會好油膩。個底煎得幾脆，但係又唔會成個包都好硬。入邊一咬爆晒汁，建議用筷子先整開，唔好直接咬，如果唔係好易焫親😂價錢方面，六隻就$45，都算幾抵食嘅我就冇叫到蟹黃生煎包蟹黃就會貴啲$18/1隻.另外叫咗杯低糖豆漿$10.劉興記地址：荃灣街市街37號地舖

見到新開張好多人排隊，就諗住試一試。入到餐廳環境其實好逼，同後面枱嘅客人背脊貼背脊咁滯，不過唔緊要啦，好快食完！最緊要好食！叫咗兩個套餐，樓面係亂到黐線，豆漿嚟一杯冇嚟一杯，諗住等吓點知原來係等唔到，因為佢哋漏晒單。酸辣湯係凍嘅。同枱搭枱嘅食客佢哋嘅酸辣湯都係凍嘅。同枱兩碗酸辣湯都要換，換完都只係暖。小雲吞嚟咗兩次都係生嘅，冇錯，係兩次都係生。第三次終於熟，但食咗生豬肉，大家諗吓有咩後果。除咗生煎包真係唔洗食其他👎🏾

之前見新開好多日都有多人排隊所以無去食，今日無人就去試吓，以為多人排代表好食係我天真！落單叫招牌生煎包，收銀員入單變左蟹粉生煎包，叫佢改返，佢搞好耐又話唔係好識又話張單入左廚房，心諗是但照要反正甘多人食應該唔差，係估唔到甘難食！蟹粉生煎包其中一粒無湯，另外幾粒味道只可以講不是我口味，我個人覺得好難食，另外叫左碗小雲吞，完全無味，雲吞無味，湯無味，唔知食緊乜！個粉皮亦只可以講不是我口味！好想知之前甘多人排隊係比咩驅使？！食完無嬲咩？

根本就係打手吹捧，完全搞唔掂。 叫咗生煎六隻，生炸雞排蔥油拌麵同排骨拌麵。一嚟到，雞排未發育好咁，細得嚟都dd粉紅色。不過算，佢最少個味係正正常常。蔥油拌麵都冇咩特別，係冇蔥油味，似鼓油撈多d。似有d應該係炸過嘅蔥絲，但係係冇味嘅。生煎偏細，個底少硬。一咬都有唔少汁，但係湯汁係酸嘅。開頭以為自己問題，第二隻個汁係冇問題😢 第三隻少酸。女友話唔太覺佢食嗰三隻有事酥炸排骨仲有少粉紅色，咬落又有一種介乎調味同變壞嘅酸味。最後女友食咗少少就放棄。門口大大張發哥相 ，千祈唔好中伏。不可一不可再。

路經去旁邊買韮菜餅，見到出面有明星廣告，以為好好食，本身又是上海人，結果難食到都忍唔住評論，樣樣都好難食，生煎包，酸辣湯好似用醋同水沖出來，蔥油面冇蔥油香，就豉油撈面，未試過一間店可以咁求其應付，以後都係唔好相信呢類廣告店，呢間都係近一年最難食的店

一入門口問有無位無人應，自己坐啦，枱面無餐牌，抬頭就見收銀處勁大張紙寫先購票後享餐，出到收銀處只有4-5個餐，因為我一人所以都唔使睇其他，同收銀講要幾号餐，個收銀只係一路講一個人點做，所有野都係我，其實當時已經3點食客已經無甘多人，我已經問阿姐你落唔落到單呀？如果落唔到我就走，佢先落單，餐飲有豆漿，直到食完豆漿都未出現，要等到另一同事返工先拎過嚟，食左個麻醬雞絲粉皮，啲粉皮硬，生煎飽還可以係室溫囉！

🥟劉興記生煎包專門店🥟位於荃灣街市街，新開張冇耐，招牌仲係黐住紅紙，話晒都係生煎包專門店🥟，生煎包喺香港可以叫係專門店嘅店舖唔多，嚟到梗係要試吓啦😍🥟招牌生煎包(六隻) $45 :除咗招牌之外，仲有蟹黃生煎包，有2，4或者6隻揀，佢哋嘅招牌生煎包真係名副其實，皮薄餡靚🤤，絕對每一隻都可以做到爆湯😍，唔可以用汁嚟形容，佢係多到用湯先可以形容到，我試過一啖過，裏面嘅湯真係滿瀉🤤🤤，餡料又夠豐富，煎到底層金黃色帶焦香，食落肉質鮮嫩，簡直係鎮店之寶首選👍🏻👍🏻🐔麻醬手撕雞絲粉皮 $35 :另外叫咗佢哋嘅主食嚟試吓，呢一款麻醬手撕雞粉皮屬於涼拌類，但佢食嘅時候好似暖暖哋，冇嗰種涼拌感😩，但係麻醬都幾濃郁，雞絲都唔錯😋，份量又OK，不過粉皮有啲會黐埋一嚿嚿🤔🐔山炸雞扒蔥油撈麵 $42 :至於呢款雞扒蔥油撈麵，睇落去平平無奇，賣相又普通，但其實食落係要點下讚👍🏻，上海嘢嚟計，佢都算係正宗😆，其實喺出邊好少會食到呢本蔥油撈麵，講緊蔥油撈麵，梗係唔係中式嘅碟頭飯蔥油啦，佢哋嘅麵底係由蔥油醃製而成，所以食落有種家鄉嘅味道😌，雖然雞扒炸到唔夠香脆，不過肉幾腍身，價錢相當實惠，係唔錯嘅👍🏻👍🏻🍹低糖豆漿 $1

劉興記生煎包專門店📍街市街37號地舖上次去太多人放棄左🤣但太想食所以✨今次12點就到左，排左3個人就到我lu（≧∇≦）招牌生煎包即叫即做🔥每粒生煎包都大大粒！肉汁多到好誇張，一夾就bid曬出黎（≧∇≦）生煎封口的一面金黃脆脆，另一面軟軟的，一啖咬下去都是滿滿鮮肉湯汁，口感豐富，精彩！蟹皇生煎包🦀蟹粉同鮮肉結合！黃金色既蟹油滿瀉，鮮味Max ! 記得加小小醋，美味再升級💓排骨蔥油拌麵🍜炸肉排大大片，一啲都唔油膩，可以點橙橙地色既辣醬~ 麵比肉更出色，口感爽口Q彈，每一條都蘸滿了蔥油的香味！✨ 一定要趁熱撈！如果加溏心太陽蛋就更好o(^▽^)o麻醬手撕雞絲粉皮個麻醬極濃厚！加埋辣椒油🌶️就更惹味！記得撈勻到每一塊滑Iulu粉皮都沾上~雞絲酸辣湯湯底的酸刺激著味蕾，愈食愈開胃！配料好豐富，足料雞絲，木耳，酸荀~

間舖頭都雖然唔大。但係都多人！今日第一日黎就食左 豆沙餅 蔥油餅 同埋生煎包。 啲生煎包脆底！ 餡香 ！睇到舖頭好多後生仔。 本來以為經驗會唔夠 。但係超出預料。 見到廚房， 同埋啲後生都好比力 ！希望間舖頭可以越做越好 ，以後會繼續買， 繼續幫襯！！

今晚經過荃灣街市街見到開咗一間新開嘅上海小店，見到都好多人幫襯我就買咗酸辣湯小雲吞丶生煎包及蔥油拌麵，食酸辣湯小雲吞時發現個口感有啲怪怪地同平時啲雲吞口感好似唔同再食第二粒時真係覺得個口感好奇怪就劏開一半睇吓發現裹面啲肉同個皮都係生嘅，完全係將啲生嘅小雲吞放落個碗到倒啲酸辣湯落去焗熟佢簡直離譜，攪到我食咗生豬肉落肚🤬🤬🤬

見到新開咪試吓，點知一試就中伏😆生煎包牛丸咁嘅size ，細雲吞真係細到魚旦咁再細粒啲😅豆漿熱嘅，場內無冷氣🙄熱到一個點。職員仲要無禮貌，十問九唔應。我真心明白點解香港嘅食肆會執笠。食一次就已經足夠⋯⋯

見到IG 有介紹，睇相同片都吸引，以為都正正常常，其實係foodie 剪片同拍攝技巧太好了。因為唔係好餓，所以兩個人剩係叫左套餐，套餐係生煎包加迷你酸辣湯，再另加生炸雞扒。首先黎係生煎包，用堂食碟裝，之後黎嘅酸辣湯係外賣兜裝。生煎包我覺得個皮好硬，底燶咗啲，剩係feel 到湯汁好熱，除始之外唔覺有咩咁特別。酸辣湯個樣同碗仔翅冇分別，同埋唔明點解堂食要用外賣兜，明明見到隔籬枱食麵係有堂食碗。再嚟係生炸雞扒，個雞扒細到我懷疑佢未發育，得3,4舊仔，因為太失望，嗱嗱聲食完就走，相都冇乜影。冇下次。