劉興記生煎包專門店

营业中

休息中

之前食過元朗劉興記啲汁多到好印象深刻，嗰日咁啱去開佐敦見到一間，就入去試吓睇吓係唔係一樣咁好食。今次食咗蟹粉生煎包同瀨尿蝦生煎包，兩個啲汁真係多到倒到一匙羹湯出嚟，仲要個底係脆卜卜，食落口真係好開心！蟹粉生煎包有香噴噴嘅蟹粉味，而奶油蝦生煎包就有鮮甜嘅蝦味。真係冇諗過生煎包都可以有咁豐富嘅肉餡！除此之外，同屋企人食埋小籠包、擔擔麵同埋豆沙鍋餅。小籠包都係多汁，擔擔麵同豆沙窩餅你都唔錯。但係如果要我淨係揀一樣嚟食嘅話，生煎包一定係首選！再加上當日有免費豆漿任飲，配埋生煎包真係一個好滿足嘅晏晝！

心血來潮想試生煎包就唸到劉興記生煎包，五一假期也不用等位少有，點了招牌生煎包同炸豬扒小食，共48蚊，生煎包外脆內軟爆汁有肉味，炸豬扒中規中舉，滿足我的心。 劉興記 (佐敦店)

熱愛食包的我，終於有時間黎朝聖😍😍店舖細細地，平凡的食物，蘊藏着不平凡的美味。店員好熱情招待，濕濕熱熱嘅天氣裡，送上冰冰又濃郁的豆漿，真係好耐無係出面飲過咁濃又帶少少渣的豆漿，忍唔住飲完一杯又一杯。招牌生煎包名不虛傳的生煎包，新鮮滾熱辣上枱，包底酥脆，包面薄薄，一篤開滿滿的湯汁流出黎，湯汁熱辣辣，非常鮮美，咸度適中，忍唔住食完一個又一個！招牌蟹黃生煎包秉承生煎包的基本要素，蟹黃包有滿滿的蟹黃，用料非常足，加了蟹黃的湯汁更加鮮甜，絕對係誠意之作！擔擔面湯底非常濃郁，麵條粗度適中有嚼口，面上沈上滿滿的肉碎和花生粒，還有蝦米，每一啖都令人回味無窮😋上海排骨菜飯排骨炸得非常酥脆可口，還有啖啖肉汁，配上新鮮稍後的菜飯，中和了油膩感，確實是上海菜的經典之作！

呢間嘅性價比超高🤤 好抵食！叫咗個麻醬青瓜雞絲粉皮加生煎包 $54，，麻醬落得好足，好香濃😍 青瓜雞絲嘅份量都唔少👍🏻 粉皮口感好滑 食落幾得意。另外仲叫咗蔥油雞扒拌麵加生煎包 $64 ，蔥油味好香 雞扒炸到好酥脆🤤🤤撈勻啲麵一齊食真係好正😍個生煎包湯汁多到爆🤤🤤好好味👍🏻👍🏻真係要小心啲食，如果唔係就會好似我咁噴到個鼻都係🤣 生煎包4隻$40，同小籠包上枱熱辣辣🤤 而且都係超多湯汁👍🏻

劉興記有好幾間分店，招牌生煎包真係必食，價錢抵食，食過返尋味。招牌生煎包 新鮮出焗，所以超熱要小心食，底部煎到金黃脆口，入面饀料大舊，一咬爆汁超juice，有成個匙羹咁多汁，而且，味道調得好好。真係必食。瀨尿蝦生煎包原本係想食蟹籽，可惜已賣晒，就試下新出嘅瀨尿蝦味。會有一舊瀨尿蝦係餡料入面，真材實料，但成個肉味道同質感都同招牌唔同，喜歡清淡可以試試，個人都係偏愛招牌。招脾擔擔麵 非常香口惹味，濃濃花生醬味，仲要加上大量櫻花蝦，多左鮮味，即刻昇華成碗麵。而且，麵分量都唔少，好抵食。手功豆沙窩餅煎到底同面都脆脆地，豆沙饀唔會好甜，好味。豆漿口感滑順，濃濃豆味好足料，微甜。

每次食飯時間經過都見排隊人龍好彩翻枱速度唔算慢 今晚排左15分鐘就有位 終於可以試到出名嘅生煎包喇分別有原味 蟹黃同瀨尿蝦三款生煎包小朋友先做選擇 我就三款都食晒！三款都係煎到個底好香脆 入面好爆汁食嘅時候真係要小心啲 瀨尿蝦肉mix豬肉都幾好味 配搭新鮮蟹黃都幾香 但我都係覺得原味最正小籠包唔係皮薄但餡靚 又係會一口爆汁嗰種皮有一定厚度 食落比較有口感排骨蔥油拌麵個排骨炸得好酥脆 豬扒又有厚度 食落juicy蔥油拌麵都好味 蔥香再濃啲就更正手功豆沙窩餅豆沙餡夠多又唔太甜 但個皮偏厚 唔係我杯茶豆漿唔錯 有豆味又唔太甜 食上海野一定要飲豆漿

招牌生煎包（2隻）皮薄餡靚，豬肉新鮮～個底煎得夠香脆，咬落去爆汁，熱度都足夠，推薦蟹皇生煎包（2隻）蟹味夠重，湯汁都有蟹嘅鮮味，鍾意食蟹既朋友推薦～瀨尿蝦生煎包好似話係全港首創，睇落好特別好有興趣試下。湯汁同餡都有蝦味，個餡應該加左少少賴尿蝦肉，但都係以豬肉為主。留意如果係平時唔鍾意食海鮮嘅朋友可能會覺得少腥。上海小籠包（4隻）同生煎包一樣皮薄餡靚，豬肉餡應該同生煎包係同一個餡黎嘅，食得出新鮮，湯汁幾乎滿一個湯匙麻醬青瓜絲粉皮份量充足醬料同粉皮都超多！尤其粉皮好滑溜食到停唔到口～豆漿豆漿任飲性價比高，口感杰杰地唔似係街買水汪汪嘅豆漿，足料而且飽肚

生煎包一咬爆汁，包底金黃脆口，包面軟熟，價錢又抵，每次嚟都必叫今次試埋🤍蟹黃生煎包，咬落冇招牌咁多汁，但真係見到粒粒蟹黃係入面，蟹黃飄香都相當唔錯唔夠飽仲有好多菜飯/麵條選擇🤍排骨蔥油拌麵 鐘意呢種麵條夠粗身，沾汁一流，酥炸排骨有足足一大塊抵食又好味嘅小店真係值得支持

今午，喺佐敦嘅劉興記生煎包專門店，我食咗個好滿足嘅午餐。一入去，就聞到陣陣香味，實在係太吸引啦。我點咗上海排骨菜飯，排骨好入味，肉質軟嫩，菜飯粒粒分明，好有口感。生煎包皮薄肉多，咬一口，汁水四溢，香氣撲鼻。手功豆沙窩餅甜而不膩，豆沙綿綿嘅，搭配凍豆漿，實在係完美組合。豆沙餅一碟分八片，香脆甜甜，食落又飽又可以當甜品，一舉兩得。喺呢間小店，食到咁多美食，實在係好開心。下次一定還要嚟，繼續探索更多美味。

門口見唔少人排隊而且見有套餐食就去試吓啦！ 麻醬青瓜雞絲粉皮＋生煎包(1隻）配（凍）豆漿套餐色彩鮮艷，青瓜脆嫩，雞絲鮮香，搭配上濃郁的麻醬，簡直是一場味蕾的盛宴！😋 每一口都能感受到麻醬的香濃和青瓜的清新，粉皮的滑嫩更是讓整個口感層次豐富！ 招脾生煎包（6隻）生煎包的外皮金黃酥脆，咬下去時能感受到那種酥脆的口感，裡面的肉餡鮮嫩多汁，尤其是湯汁，簡直讓人欲罷不能！😋 而且，生煎包的底部還會被煎得微焦，帶來一絲香脆！原味上海小籠包4隻原味的小籠包，皮薄餡多，咬開後湯汁四溢，鮮香撲鼻，簡直讓人垂涎欲滴！😋 裡面的肉餡一般是豬肉，搭配一些蔥姜，口感鮮嫩，湯汁濃郁。而且，吃的時候一定要小心哦，湯汁熱騰騰的，別被燙到啦！🔥

依排天氣好反覆，今日冇啦啦勁熱，同朋友搵食時，我想食下涼涼地嘅麵食。行過依間鋪頭，睇睇餐牌有涼粉皮食，仲有d人排隊，質素應該有保證，決定入去試下。麻醬手撕雞絲粉皮，有好多清新嘅青瓜絲，雞絲夠嫩唔會鞋口，滑得黎Q彈嘅粉皮配上香濃麻醬，醒胃又好味。招牌擔擔麵，麵質有咬口，掛湯一流，麵上有好多櫻花蝦嘅醬，櫻花蝦香味充斥每一啖。豆漿係適當嘅濃稠，唔會太甜，夠豆味，凍凍地，好飲又消暑。主角黎喇，生煎包！每一隻個底都煎得岩岩好，脆口得黎唔會焦，而重點係，入面勁多湯汁，勁juicy！除咗招牌生煎包，我地好貪心地試埋蟹黃同瀨尿蝦生煎包，蟹黃生煎包除咗保留招牌生煎包嘅優點外，仲額外多咗蟹黃香味，一咬已經撲鼻，而瀨尿蝦生煎包就慢慢愈食愈有瀨尿蝦嘅鮮味，兩款味道都令人十分有驚喜！🍽 劉興記生煎包專門店📌 佐敦白加士街53號地舖☎️ 3689 8681⏰ 星期一至日 12:00 - 22:00

放假行過劉興記見到門口大排長龍🧍‍♀️🧍🧍‍♂️，好奇心驅使下排埋一份。😳 等咗十零廿分鐘終於到我，原來啲嘢真係好食到咁！👌 難怪啲街坊幾耐都願意等！💯蔥油雞扒菜飯 💯🍗份量十足，雞扒厚厚哋，外皮香脆，肉質嫩滑唔會乾柴，蔥油香氣濃郁！🧅 菜心青綠爽脆，啖啖都有滋味。😋麻醬青瓜雞絲粉皮 🥒🌶️麻醬香濃但唔會太漏，青瓜絲爽脆新鮮，雞絲撕得幼幼哋。粉皮彈牙有嚼勁，混埋一齊食，麻香鹹甜層次豐富，真係食完想再添！🤤原味上海小籠包（4隻） 🥟💕皮薄餡靚！輕輕拎起都唔會爛，咬開湯汁即刻湧出，好juicy！⛲ 豬肉餡香甜多汁，連個皮都吸滿晒湯汁，軟熟又唔會太韌，真係一流！👍生煎包 (跟餐)🔥🥟呢個真係驚喜！底部煎到金黃酥脆，上面軟綿綿一咬落去高湯即刻噴出嚟！💦 皮外脆內軟，絕配！凍豆漿 🥛✨香濃順滑，唔會太甜，啖啖都有豆香味。凍飲更加透心涼，消暑一流！好飲到想買多杯返屋企！😍

如果鍾意食勁多汁嘅生煎包 一定揀佢今次去咗佐敦新店 同旁邊的人龍熱店一樣尤其係食飯時間比較多人價廉物美 所以好受歡迎今次比較好彩排咗5分鐘就到我啦之前已經食過招牌生煎包 印象唔錯除咗要小心啲之外（好多汁）都冇乜缺點季節性 有時仲有蟹黃生煎包-「瀨尿蝦生煎包」外皮一樣咁酥脆但係內餡有彈牙的瀨尿蝦 湯汁一樣咁多瀨尿蝦的肉好厚身 食得好滿足瀨尿蝦湯麵 湯底好香 每碗新鮮製作比起平時擔擔麵要等耐少少但係都非常值得 等待瀨尿蝦嘅size真係估唔到咁大印象中70幾蚊 真係非常值得食仲要已經剝咗殼 CP值好高一咬開湯汁就流出嚟 好味除咗生煎包之外上海菜飯都係好受歡迎揀咗蔥油炸雞扒 勁香切好咗 方便食 $45超抵

午市嘅套餐有飯或者面配一粒生煎包，價錢都係五十幾蚊，係幾抵食第一次嚟，今次要咗佢嘅招牌排骨菜飯配一粒生煎包先講生煎包，個底煎得好脆，而且超級多汁，皮薄，有上海食嘅味道，係好味嘅但係排骨菜飯就令人覺得非常失望，因為首先個飯好乾，好似沙一樣，而且冇咩菜味，另外個排骨雖然係炸得脆，但係個肉質唔知點解仲淋個豆腐，完全唔似豬扒，開始懷疑自己食緊乜嘢肉類。。。如果要嚟食我推薦生煎包，下次可能可以試下面，但係排骨同埋菜飯絕對唔會再食

廟街美食主打香港特色，最近生煎包同小籠包都加入戰團。從小到大喜歡食上海生煎包。剛出爐的生煎包香氣四溢，多汁的肉餡鮮甜，包皮白色加金黃，頂端配以青蔥黑芝麻，可謂色香味俱全。「劉興記」的生煎包，皮薄餡厚汁多，非常好食。該店的豆漿任飲，豆漿控勝地!小籠包皮薄、餡豐、汁多、味鮮、形美著稱， 這是我吃過最好的小籠包，回味無窮!上海菜飯米飯香氣十足而且很潤口不會乾乾的。上湯小餛飩雲吞大小得宜，有金魚尾巴，餡料鮮味，一口一美味!麻醬青瓜絲手撕雞絲粉皮麻醬香、青瓜爽脆、雞肉嫩滑多汁，作開胃涼拌最正！