利苑酒家 (德福廣場1期)

今年食嘅第一盒月餅係 ... 利苑「雙聚嚐月禮盒」一盒有齊囝囝囡囡愛吃的流心奶黃月餅及儍媽想食的雙黃白蓮蓉月餅傳統與創新完美融合，一次過滿足哂我哋的願望儍媽也好鍾意禮盒包裝設計選用了環保紙張製作並加入小手抽，送禮自用都合適 ~~雙聚嚐月禮盒，禮盒分上下兩層上層有 4 個「迷你流心奶黃月餅」下層有 1 個「雙黃白蓮蓉月餅」奶黃月餅放入焗爐烘返熱先食一切開就見到流心內餡、外皮鬆化、奶香濃郁** 以上分享是以我的口味、體質和情況作出分享及感受，一試 / 合用與否請自行決定…查看更多

食物很不錯，服務態度奇差。1）人座只能一小時15分，門口沒有人等位也不允許我們多坐一會。2）男部長態度很不友善，未到時間已經不停眼釘著我們，很多詢問時又黑口黑面，例如問例湯情況，又不想回答，只說沒有，當時只是晩上6點幾，沒有得賣沒問題，也不該黑面說賣晒，問多句也黑面，沒有想過利苑會這樣態度對客人，不只一天，來了二次他也是這樣差的態度。3）其他利苑分店在時間上較彈性處理。而且其他分店職員也沒有這等頑劣的工作態度。怪不得敢多人北上食嘢。…查看更多

話時話，公司班高層真係對我哋唔錯😉 呢晚專誠請我哋出嚟食飯，就係為咗答謝大家早排舉手之勞嘅幫忙，認真唔話得！❤️為免嘈住其他食客，負責統籌嘅同事非常細心，特登喺「利苑」訂咗間房，等大家可以暢所欲言！話晒係 #米芝蓮推介，當然對食物質素係有啲期望！仲以為係簡簡單單食餐飯，點知菜單一早已經預備好... 有 #小秘書 至愛嘅 #龍蝦 同 #鮑魚 ... 嘩！真係好期待呀😁呢晚菜單上嘅菜式都幾多元化，不過味道就...✨有驚喜#鴻運乳豬全體 - 簡單瑋句「皮脆肉嫩」❤️#紅燒蟹肉燴生翅 - 用料都幾豐富，雖然我唔覺食到魚翅，不過入口就啖啖蟹肉，我鍾意❤️#蠔皇扣原隻鮑魚伴玉掌 - #糖心鮑魚 配上充滿骨膠原嘅 #鵝掌，係全晚最傑出嘅一道菜❤️#古法蒸老虎斑 - 身為中國人嘅我，都比較鍾意蒸魚全條上！點知師傅竟然將全條魚起晒肉先上枱，失咗原有嘅風味😅 不過真心嗰句，啲魚肉都真係幾滑嘅❤️#棗皇百合燉天山雪蓮 - 雖然 #天山雪蓮 嘅口感有啲奇怪，不過入口已經感覺到嗰份清潤，好想encore呀❤️#上湯韭皇雲吞泡伊麵 - 雲吞餡料十足，好鮮味❤️#蓮蓉蛋黃蟠桃包 - 雖然包仔細細，入口都幾豐富❤️✨一般般之作#米網黃耳夏果炒帶子 - #蘆筍 新鮮冇喳，不過啲 #帶子 就非常黐牙😅 連平時甚少撩牙嘅我，都要失禮一次🤪#上湯焗開邊龍蝦 - 蝦身比較迷你，就算淋埋特製嘅龍蝦汁上面，都係淡茂茂咁... 失望🤪#鹽香脆皮雞 - 雞肉有啲柴，冇乜特別#濃湯鮮腐竹浸菜苗 - 只可以講... 非常清淡🤪#保健生果盆 - ... 除咗個菜名有啲搞笑，其他都係正常發揮😅整體食物不過不失，不過服務員嘅殷勤程度真係值得讚賞❤️ 如果香港所有餐廳服務員都有呢個水準，我諗一定可以挽回唔少香港人心啫😉📍#利苑酒家 (九龍灣)偉業街33號德福廣場1期1樓F2號舖…查看更多

昨天11月9日，同屋企人一行三人去飲茶，我去取票先，因為家人其中一人需用拐杖，大概11:37am 到，取票入坐時，當時門口侍應同我講，係我哋可以飲到12:45pm, 本打算可以啦，一入坐，已經聽見一個侍應sell 隔兩張枱客人，蟹粉小龍包，接著係糖水，初期覺得好平常，我家人到，我哋自己點點心，我哋點了小龍包，蝦餃，乾蒸牛肉，义燒腸，煎堆，鳳爪，一碟HKD140.- 嘅乾炒牛河，比侍應，例牌sell 你要唔要糖水，我哋不要，當時也不以為以，食嘢中，聽見啲侍應不停推介其他客人，蟹粉小龍包，做埋呢幾日，燒煵仔，杏仁茶，好似趕quota 咁，我們飲到差不多12:30pm, 我家人去了洗手間，一位侍應上前問我，要不要糖水，我推說不要，又問我食剩牛河需不需要打包，我話不需要，因為剩下紅蔥，一兩塊牛肉，牛肉又乾，好似買叮叮那款咁，亁炒牛河用紅洋蔥炒我第一次見，完全唔似剛炒完，味精又重，跟著侍應問我，同你埋咗張單先好唔好？我望一望隻錶，佢話係12:45pm 前離坐，我怕家人去了廁所都一段時間仍未回來，心中以為他們有不舒服，也不想跟那侍應糾纒下去，埋了單算，家人回來也覺奇怪咁快埋了單？咁我們離開算了，已經決定不再光顧這間，食物質素已經差了，服務又不知所謂，飲餐茶，不停聽到推銷食物，隔離枱有兩個小朋友，一位四𡻕，一位五歲，呢間酒樓連提供小朋友坐嘅凳都冇，只用兩張凳疊在一起，用餐巾綁住枱腳以防翻側，但坐位兩側係冇扶手，德福花園係一個大型住宅屋苑，咩家庭類型都有，咁大間集團式經營酒樓都冇呢啲設備，太令人失望。…查看更多

好耐冇去利苑，對上一次係疫情時去的，印象中食物都唔錯，上個禮拜又去，但係非常失望😫首先加咗好多價，宜家一個點心平均5、6十蚊，但我最接受唔到嘅係加完價仲仲要勁cut份量，cut到好離譜個種！大家睇下我影嘅圖，$52嘅北菇燒賣係差唔多公仔點心嘅大細！$50嘅煎蘿蔔糕嘅厚度只比筷子厚少少，比人地賣嘅薄一半！$52嘅紅棗膏又係別家的一半size! 仲要係味道方面都差咗好多，最差嘅係鮮竹卷，個皮硬到唔係老人家嘅我都覺得好難咬，燒賣比較多肥膏，本來應該充滿蛋香嘅揚州炒飯唔係黃色、係啡色嘅，只見到少少蛋絲，同埋炒到太乾。蘿蔔糕如果唔係太薄，都夠蘿蔔嘅，腸粉牛肉球正常。成日聽飲食業怪哂港人北上消費令佢哋生意好差，但作為消費者我見到嘅係本地飲食業普遍都貴咗又差咗。我都明白鋪租貴咗飲食業人工都貴咗，但起碼要keep住食物質素令人都覺得值得去吖！同埋老實講，我見到嘅係中產同有錢人收入都下降，所以中高端普遍消費少了（我算係中低產都被凍薪cut bonus😭），本地始終係多數港人的主場，我地多數時間係度生活，如果有錢又有好嘅選擇邊個想去gum 遠北上消費？（北區居民除外）唔該佢哋怨天怨地嘅同時都檢討下自己的質素係咪差咗！…查看更多

香港著名粵菜食府利苑酒家自1973年創立至今，一直憑著飲食及服務質素，在業界擁有「飲食少林寺」及「名人飯堂」等美譽。發展至今已成為獲獎無數的跨國飲食集團，集團目前於大中華地區包括中國內地、香港、澳門及新加坡合共營運了23間分店，並於香港大埔區設有自家中央廚房，總員工數目共多達2,500名。自2009年推出亞太區米芝蓮美食指南以來，集團已累計榮獲96顆授星，多年來亦榮獲無數獎項及殊榮，可謂實至名歸。今天光顧這家利苑德福分店最近更獲港鐵頒發的「優質顧客服務大獎2023」，酒家位於港鐵九龍灣站上蓋交通方便外，用餐環境亦十分舒適寬敞，餐牌提供大量套餐，當中有不少鮑魚﹑響螺﹑燕窩等名貴菜式，是家庭聚餐及商務宴客的首選…查看更多

股務差，份量少，價錢貴，等候時間長唔會考慮再黎食～1.我們一行六人到九龍灣利苑聚餐，侍應由我們坐下開始便不斷推薦$1588的四人餐，我們已婉拒，但仍不停推銷四個餐、湯、及其他甜品，前後至少打斷我們聚餐四次。我明白貴公司員工積極，但此舉反而令我們感到不舒服。2. 我們下單6個臘味飯，下單時只被告知製作需時，但不知道需要45分鐘，由於是午飯時間用膳，我們並不不知道要等那麽久。由於需要趕住返公司，我們希望能夠取消訂單，結果被告知不能取消。明白貴公司製作需時，但亦希望能事前溝通好等候時間，或能作出更合理的彈性安排。3.食物份量極少4.不太考慮再次光臨。…查看更多

訂了星期一，12點。商務用餐。佢哋說用餐75分鐘，1:15分鐘要交枱。OK冇問題。他們星期一開11:30，我11:45到，他們堅持要1:00還枱。我說早少少開定茶等客人，經理論後，櫃檯小姐黑曬面寫了張飛俾我入去。其實佢哋都係訂座，我按原定1:15走，對佢哋有好大影響？唔使西曬面吧！入坐後幾個服務員輪流介紹”特別貴”的湯比我，我問佢2個人會唔會太多，佢話唔會。當我落單時，是另外一個服務員說已售完，又話你地兩個人，都飲唔曬啦🤔，叫我叫其他野。11:30開門，12:00便售完，真係好攪笑。 後來又說攪錯，總之各有各說！12:45已經走過來說我夠鈡，要食快啲！我話你地炒面又末上，我係1:15交枱。佢哋竟然話我冇叫，後來又發覺原來係佢自己漏單。2個人食了$9xx，太興叉燒好食過佢。加上佢哋服務一絕，拜拜啦，冇下次！我走時還有幾張吉枱，為什麼唔可以比客人坐一陣？難怪咁多人上大陸消費，起碼當你係人！…查看更多

上嚟到這家餐廳，環境寧靜得嚟，仲帶着點子高級feel。唔洗等位就算得啦，但當晚茶飲黎得勁快，一坐低就送上嚟，已經係個好開始！食物方面，我最頂讚個片皮鴨，皮脆肉香，夠曬滋味，點埋餅同醬料一齊食，咬落去真係好有層次；流口水喇😋！然後就係招牌蜜汁叉燒了，啖啖都肥美多汁，甜嘅剛剛好，唔會攞命甜到溢出嚟，簡直係重溫童年嘅味道。但呢，口水雞就話唔上係靚炸，肉質夠滑，呷一啖開胃得嚟又過癮，不過個辣椒醬就欠缺少少火候，如果再足啲辣勁，嗰種興奮感一定上嚟。唔少得嘅點心都算得意，蘿蔔絲餅外皮酥脆，入到口即化，但填餡可以再加把勁。整體嚟講，這家餐廳個水準真係穩定過海底撈，服務員勁有耐性，對我哋每個小要求都好有禮貌答應。食下飯，有咁賞心悅目嘅環境，加上有禮嘅服務，真係食得好開心。好彩今晚打得波，肯定再返嚟搞搞肚！👍🍽🎉…查看更多

以往常曾多次去九龍灣利苑飲茶，知道11:30 入座，12:45 要離開。 但覺食物味道唔錯，服務態度也良好，所以用餐時間短都會去飲茶。但今天上午去飲茶，真令人失望！叫咗一碟例牌叉燒（$155）叉燒靱靭哋，唔得淋滑，比以往遜色！打包咗一碟芋絲春卷，外賣盒要兩蚊單（通常$1），但都冇問過我，就俾個袋又要收兩蚊，仲要+1！12:40已埋單，侍應仲再三催促我哋快啲離座，但當時尚未到12:45！😡利苑嘅服務態度點解差咗咁多？！飲過這餐茶後，我都唔想再去利苑飲茶！ 😥…查看更多

中午時分食飯，一個中年男夥計，推介所謂「蟹粉小籠包」。一時冇問價錢，答應他叫了三隻，直覺上以為係一籠三隻。上菜後，發現是各自放在碗內的一個匙羹大的小籠包。賣相很差，而且個蟹粉小籠包得一個匙羹大。食落去入邊冇汁，唔覺什麼蟹粉，竟然埋單時發覺是$62 1隻，咁樣搵人笨，完全當人係傻嘅。之前同一個夥計又介紹一個商務套餐。一個XO醬炒墨魚片。嗰啲蜜糖10分老，墨魚片又十分之韌，仲有一個小食係沙拉螺頭， 10分難食。重配一個所謂龍蝦湯的米線，入邊大部份材料只有米線，個湯底完全唔覺什麼龍蝦汁。不過最嬲都係嗰個$62的一隻蟹粉小籠包，咁唔老實做生意，唔怪之得香港人唔喺香港消費。…查看更多

初頭見到啲評語好差，也担心會否中伏。但老人家好想去，就試試吧！食物質素义燒- ok燒腩仔 - 有水準忘了什麼菜的水晶餃，好細粒，味道ok 食物水準是無問題，只是趕少少，不可以嘆茶，慢慢傾，用餐時間是1小時15 分鐘。所以要嘆茶，就不要去呢間啦，食個快飯，就無問題。這是呢間公司嘅管理層的決定，所以真係唔好難為d 員工，人哋都係搵兩餐啫。由攞位時，門口的支客已經好緊張同我講，要12:45 還枱。坐低後，也溫馨提示多一次。也有來推銷湯水，我明白這是指定動作，禮貌地回答唔需要，謝謝，就可以了。每次舉手找人來，侍應是飛僕埋來，坦白講，我感受到他們好大壓力，好繃緊。因為他們要滿足公司的要求，一個午巿，要返幾轉客。所以他們毫不放鬆咁招呼客人。服務態度是好的，也是欣賞的。12:40 有人過來請我們埋單先，我們都好識做即埋。…查看更多

飲茶1小時15分鐘還枱，不到1小時已經催你埋單，還以為自己去咗食快餐。仲要硬sale你飲湯、食套餐及天山雪蓮糖水。食物價錢都唔平，可惜質素及服務都唔得。下次一定唔會再幫襯。…查看更多

來到2022年最後一日，同大人飲個茶先。今日去左利苑飲茶，去到啱啱好1點，唔算多人，等左5分鐘就好快有位。我地叫左呢d點心： 魚蓉粥：入邊落左果皮，d魚係拆左骨之後整做魚蓉，我估計應該係用鯇魚做。大人本身唔多食魚，但佢話黎利苑一定要食呢個粥，就知呢個粥有料到。個粥幾綿，魚有薑味唔腥，呢個推介 炸魷魚： 個粉漿有少少厚，面有椒鹽粉，魷魚算甜，但唔係最新鮮 （我比較咀刁，食開新鮮生猛魷魚所以街食一般都唔會最新鮮） 燒排骨：叉燒汁味，叉燒會滑同淋d，但燒排骨另有風味，軟骨好食 燒賣：賣想一般，唔算好成形，味道搭夠，香菇味重，一啖一件 凰爪:正常水準，唔會蒸到一patpat 棗皇糕：每年新年必買返屋企，以前用籠上，依家用碟上，夠熱，細左，中間椰汁糕，面係紅棗糕，唔會死甜，推介 。但係我唔記得影相total 327…查看更多

午餐時段只可book12:45pm -2:00pm, 以為茶樓之後會落場，可以再坐下，點知12:45安排了入座，坐下已1:00pm,1:40pm就話会不会先埋單，之后每5mins就過來問走未，仲慘過公司放lunch,以為自己食緊麥當勞，吾係，正式來講麥記是不會趕人的。如果你想以昂貴價錢感受香港特色快餐感受，記得幫襯！問職員的時候只係好冷淡，有嘢你去同佢公司反映，唔好問佢，話做生意呀咁，好似係我欠左佢地咁…查看更多