別忘了

今天吃的是位于太和广场「别忘了」，入门两棵樱花许愿树将你引入，浅木色装修配粉嫩樱花点缀，环境温馨又带啲少女心，好适合情侣约会同姊妹聚会，服务都够耐心周到。 汤底选择：芫荽皮蛋+麻辣 第一次尝试芫荽皮蛋汤底，原本以为会几古怪，带住好奇品出意外惊喜！汤底奶白，芫荽香味同皮蛋醇厚系意外地夹，饮落清润回甘，皮蛋煮到半融嘅状态开始浓郁甘香，完全冇违和感，衬海鲜同豚肉特别鲜甜。另一边麻香汤底够劲唔死辣，越煮越香辣，涮肉必备唔多讲啦SET.B套餐 澳洲M7牛胸腹（店家热推）：全场最靓品质！大理石纹油花，轻轻一渌 10 秒就卷起，入口即化似牛油，脂香爆炸又唔腻，配麻辣汤更突出浓郁肉味。 澳洲M7大米龙：肉质结实有嚼头，牛味比胸腹会更突出，渌耐少少都唔韧，钟意原汁原味必点。 日本鹿儿岛茶美豚梅肉：豚肉薄切匀称，脂肪比例靓，口感滑溜带少少微甜，冇咩猪膻味，点芫荽皮蛋汤鲜味会好出。 澳洲250日谷饲卡Beef：肉色深红，这款原牛味最浓，口感扎实唔柴，点少许酱油已经好正。 精选牛板腱：中间筋络分明，咬落弹牙有劲，筋肉交织口感过瘾，记得唔好渌太耐。 西班牙粟饲猪梅片：瘦肉为主但软腍唔干，猪肉味清新，怕肥腻可选呢款。 饮品： -芒橙宾治：芒果同橙肉打成果汁，甜中带微酸，果肉纤维丰富，解辣一流。 -红西柚乳酸：系我最爱！西柚酸甜撞乳酸菌清爽，开胃又消滞 人均$200左右，SET.B套餐性价比抵到饱，M7牛胸腹同大米龙的质素对得住价钱，汤底有心思尤其芫荽皮蛋惊喜满分！环境浪漫得嚟唔局促，适合三五知己慢慢涮谈。值得翻兜～ …查看更多

喺太和广场经过见到呢间餐厅叫「别忘了」，感觉好特别，同时被店内两棵好大嘅樱花许愿树吸引咗，好奇一下原来系台式任食火锅店 🤩 采用浅木色系装修，环境舒适，干净企理，有种温暖家嘅感觉，而且可以喺樱花树下打边炉，成件事好浪漫~~ 一共有四个餐可以选择，汤底款款都好想试，最后拣咗 120 分钟 Set B，酒香麻油鸡汤 x芝士牛奶汤 😎😎麻油鸡汤有香嘅芝麻味，个汤浓郁得嚟带点甘甜；芝士牛奶汤有浓浓嘅奶香味，加上芝士嘅咸香令口感更加丰富，两款汤底都系咁滋味十足 😋😋Set B 有七款肉可以任食~ 澳洲M7牛胸腹、澳洲M7大米龙、鹿儿岛茶美豚梅肉、澳洲250日谷饲卡乐Beef、牛板腱、猪梅片、羊肉卷，每款肉都好新鲜，尤其澳洲M7牛胸腹好香肉味，又够嫩滑，食足几 round！ 最惊喜系呢度嘅台式饮品都系任！饮！可以疯狂饮珍珠奶茶啦 🤣 仲有台式甜品 eg 芋圆、雪花冰、窝夫 🤤🤤🤤 有几款指定甜品只可以每位拣一款，试咗个 真 芒果雪条，啖啖都系冰冻嘅果肉，大满足！最后有书签提供，俾大家留言挂上许愿树，好有仪式感！如店名一样，希望大家别忘了身边嘅一切 ❤…查看更多

趁住放假真系揾朋友食饭，佢带我去九龙区冇嘅打边炉任食🫰🏽逐样去讲首先梗系要讲吓个环境，餐厅会有啲樱花树，成个感觉好pink😂好少女，即刻谂起樱花树下😂🌟SET B 120分钟打边炉 $318唔知系咪食午市嘅关系，自助区冇晒蔬菜，改为QR code落单，唔影响我哋疯狂点单模式😌另外餐厅设有酱料区同埋炸物区，打边炉配料有面类、炸鱼皮、响铃；炸物区系熟食，有芋泥球、小酥肉、炸番薯条、春卷😙我觉得好啱食🥰-🌟芝士牛奶锅汤底叫咗芝士牛奶锅同沙茶锅，一定要讲吓芝士牛奶锅😝职员会喺你面前倒，最惊喜嘅位个汤底一开始粉红色㗎🤩滚起咗之后有浓浓嘅奶香味，成个感觉有啲似葵广芝士乌冬😂唔知大家食过未😂另外仲有一樽仔牛奶俾你觉得唔够味嘅时候可以加落去🫰🏽但系我哋食到底就觉得加清汤都已经好足够🌸-🌟沙茶锅沙茶锅就正正常常，好就好在叫两个汤底唔使加钱😙🫰🏽-🌟澳洲M7牛胸腹
专攻牛肉系基本啦🙈呢一款油脂分布好明显，肥膏位带啲爽口嘅感觉，口感唔会好单调😚唔食肥膏嘅话可以掹走佢，肉质会瘦削啲🫶🏽各有好处啦🫶🏽🌟澳洲M7大米龙
呢个又系必点，我食咗八碟就知觉得几正啦😌大米龙系澳洲M7和牛嘅一个部位，具体嚟讲系牛嘅「肩胛脊肉」或「肩臀肉」嘅一块，位于牛嘅肩同臀部之间🙈牛味浓郁，油脂分布好靓，口感软滑，唔觉食吓一嚿又一嚿😚-🌟炸鱼皮
炸鱼皮炸到脆卜卜冇淋晒！嚿嚿大大件🌸-🌟甜不辣
甜不辣味道对板，出面好难买🥹-🌟A菜
A菜煮得爽口清甜，保留咗原味，配锅底好衬。🌟娃娃菜
娃娃菜嫩滑入味，煮到腍晒朔晒汤汁，特别系可以放落去牛奶锅度🫶🏽两者好夹-🌟金菇菜
金菇菜煮到软腍，又系索汁一流🌟醉鸡
肉质嫩滑，酒味好重🤣-最开心系佢除咗打边炉配料，亦都可以用QR code拣一啲熟食😆-🌟台湾香肠
台湾香肠烤到juicy，薄薄地一片片，甜甜地好好食😆-🌟腌萝卜
腌萝卜酸甜爽口，食到好腻嘅时候食番一两片，清新解腻😝-🌟盐酥鸡
盐酥鸡炸到外脆内嫩，调味够晒香🙈有各类型台式饮品可以叫，另外亦都可以拣少甜少冰之类选项😝甜品亦都唔系Hea货，除咗一人一杯嘅MÖVENPICK雪糕之外，仲有雪花冰、芋圆、甚至窝夫🤩真系眼花撩乱，整体系觉得有啲重口味，食到尾有少少咸，其他都唔错🫶🏽…查看更多

「别忘了」装潢以简约台式风格为主导，宽敞空间配以木质装潢和绿植墙，营造出温润自然氛围，餐厅内嘅signature 樱花树装饰增添打卡趣味，室内明亮舒适，整体氛围相当到位🤗「别忘了」有4款价位嘅任食套餐，仲可以选择90/120分钟，而不价位嘅套餐则有不同品项嘅食材选择。我地今之就拣了中等价位嘅Set B 套餐😆😆任食火锅嘅重点就系可以系时间内无限畅食肉类、海鲜与自助区。「别忘了」嘅食材新鲜，选择丰富，让人目不暇给。餐厅提供多款汤底，我地选择了椰皇双子锅和芫荽皮蛋汤。椰皇双子锅汤底加入咗椰汁同椰子水，所以汤底特别浓郁带浓浓嘅椰香，涮牛肉特别好味；芫荽皮蛋汤则系香港人最爱下火口味😆，皮蛋同芫荽份量不少，食到最后连汤底都变成绿色就知几足料啦😚😚套餐的无限追加超过50款自助区美食、甜品、饮品，更是加分之处系大部分食材系用QR code 自助下单，亦都唔会有漏单嘅情况👍🏻👍🏻。自助区亦都有数款台式小食，人气炸物地瓜薯条系必食之选❤️另外仲备有台式卤肉饭🥰肉类方面就最推介牛味浓郁嘅澳洲M7牛空腹同埋油花分布平均嘅精选牛板腱，应该仲配备多款蔬菜🥬选择balance 番🫢推荐饮品爆打雷萌四季春，四季春茶底清香不涩，混入爆珠的果味爆发，入口凉爽带微酸，完美中和火锅的热辣，作为解渴之选一流💯重点系连甜品都可以任食😮有多款台式甜品，柠檬爱玉冻、芋圆仙草冰等等，可惜我哋已经食到太饱。除咗任食甜品之外，每人总会有隐藏福利，可以喺指定款式选择一款雪糕/雪条，我哋就拣咗M牌雪糕同原条芒果雪条，原条芒果雪条芒果鲜甜juicy，外层薄冰增添脆感。🤗🤗…查看更多

晚餐时间喺太和揾野食选择唔太多见到呢间咁多人比就打算入去试吓装修都空间都几好几干净见到有6成人都系打边炉但我打算快食就算边炉以外选择唔多叫左盐酥鸡麻辣鸭血汤米线鸭血有4旧 份量ok个汤底就真系辣得制唔食得辣系完全食唔到 啲辣油太劲盐酥鸡就正正常常冇咩特别野饮见佢promote可以免费转超大杯冻柠茶真系1.5只手板咁高完全饮唔哂PS：食唔到辣嘅关系，我同朋友交换咗佢碗猪扒蕃茄汤米线个茄汤真系唔得系好假嘅人造极稀嘅茄汁味猪扒分开上碗面就得米线同汤 菜都无条个人觉得dry得黎完全唔好食价钱6 70蚊都唔系好抵唔知系咪主打打边炉忽略咗其他食物质素个人觉得评分系夸张左…查看更多