初遇

最近為咗搵裝修搞到個人好emo,不停係designer同屋企人之間嘈…今日捉個fd出黎同我睇傢私，之後仆返去接仔，完全諗唔到想食乜，我本身嚟呢度想食慢烤雞扒吐司，但係佢話勁肚餓想打邊爐🫠就同佢食咗個二人餐~~最surprise係食蔥油拌麵！食物鹽酥魚丸呢個我稱之為隱藏版小食大佬😂因為一般嗌lunch/ teatime唔會嗌呢啲，今次因為餐揀小食就試下佢。我一路以為佢係一粒魚蛋，一粒炸嘅魚蛋，係不經意之下，咬到爆汁😆一野飛到勁遠，好彩我哋坐埋邊😂冇噴到人！水果茶呢個真係招牌野！好好飲～葱油拌麵超surprise！真係冇諗過佢咁好食😋啲酸菜又開胃～啲葱油同醬好正～好香！啲台灣麵又爽口彈牙！勁掛汁沙茶牛肉鍋呢個真係要2個人食！佢好足料，呢個set真係岩岩好，唔會食唔晒，又唔會唔夠飽。佢有鵪鶉蛋、牛肉、肉丸、菜、金菇….肉燥飯唔食麵可以食飯，有得揀🙂鹽酥雞呢個都係必嗌！超酥脆～淡淡鹹味愛文芒果綠茶淡淡嘅芒果味～～好舒服😌可以解咗炸物嘅膩其他想係到讚一讚樓面🙏🏻因為噏錯咗綠茶，導致打單唔岩，然後同姐姐講唔好意思，佢都好快幫我換，勁有禮貌🙏🏻…查看更多

嘩嘩嘩😳勁surprise愉景新城開初遇！我真係好鐘意佢哋嘅menu! 佢開係玩具反斗城隔離，前貓頭鷹餐廳位置✨今日係後面翠豐台做完嘢，走過嚟愉景新城搵嘢食，貪佢坐得舒服😌但冇諗過呢度有初遇！1點已經係到，不過見到勁多人，有學生有Office lady~加上自己唔係咁肚餓就諗住等兩點teatime平啲😏😏點知teatime都係咁多人😂😂😂不過職員好好人呀！😳俾咗個角落頭位我哋，可以放到架餐車我哋差唔多食完嘅時候隔籬枱一家四口拎住架大BB車，職員都係安排呢邊俾佢哋放車同坐得鬆動啲如果有嚟過呢一邊都知道呢度嘅格局唔闊，但係佢哋都盡量安排適合嘅位置俾大家～食物慢烤魔鬼辣椒雞腿包其實每次去都真係好想嗌呢個，奈何我又真係怕咗佢「魔鬼辣椒」呢幾隻字😂😂😂今次有人肯同我share，就試一次！佢真係好香辣～未去到辣到接受唔到。但半份真係夠👍🏻烘過嘅多士同嫩滑嘅雞腿肉，再加上香辣嘅口感😌真係值得一試黑麻油雞翼配呀嬤控肉燥飯超級香嘅麻油雞翼😀再加上肉燥飯好好食😋烏龍茶奶蓋、藍莓奶蓋超鍾意藍莓奶蓋😂因為好鍾意佢嘅甜但同事唔鐘意甜，所以佢嗌烏龍茶半筋半腩手工麵佢俾咗啲麵我試，我初初以為佢會好硬，原來佢係好爽口！早知我都嗌麵啦😭天氣太熱，食啲湯麵係舒服啲～重點係佢有一啲酸菜好開胃🥹個湯又係勁好飲但係飲晒會好飽😂…查看更多

身為荃灣地頭龍，今日含淚公開我個私家飯堂——「初遇」！入到去個感覺好似同台灣初戀撞番正著，個胃即刻發出台語BGM～🎵今日係黎食佢地下午茶餐～🍜台中芋頭貢丸新竹米粉 ($42)貢丸大佬係咪去過健身房？彈牙到可以打乒乓球！芋頭偷偷哋化喺湯底入面，搞到碗粉變成綿綿情書。跟餐薑母茶飲完，個肚即刻變暖爐，阿媽都唔使驚我凍親！🍱黑麻油雞翅魯肉飯便當 ($56)黑麻油同對雞翼肯定談緊戀愛，入味到連骨頭都有戲！魯肉飯嘅肥瘦比例完美過數學公式，食到最後一啖飯都仲有肉汁護航。薑母茶x2，我懷疑自己係古代貴妃～💥小食暴風吸入· 鴨血 ($16)：滑過溜滑梯！冇血腥只有鮮香，似食緊黑色啫喱魔法· 臭豆腐 ($16)：聞落似地鐵故障，食落係天國通行證！外脆內爆汁，隔離枱擰頭我搖頭（享受嗰隻）· 慢烤雞腿蛋吐司 ($42)：雞腿同蛋片喺吐司被窩度攬到難分難解，切開流出金色岩漿！· 古早烤台灣香腸 ($26)(超推！)****： 叮嚀！此物有毒——會令人舉起隻手瘋狂追加！微甜焦香，咬落「啵」聲噴油，信我，叫兩份唔該！總結：價錢平過買衫，飽過食自助餐！薑母茶免費送仲要夠薑，老闆係咪計錯數？👀（溫馨提示：星期日經過見人龍請扮唔認識我）#回頭率： 每星期身體自動導航3次…查看更多

星期六午餐，叫咗蜜汁滷排骨便堂、士林鹽酥雞（追加）、豬軟骨拌麵（蔥油）、餐飲熱桂圓紅棗茶。蜜汁滷排骨便當，味道偏鹹，炸粉略厚，份量足夠。士林鹽酥雞，味道可以，＄22/份價錢ok，同茶木比唔夠酥、香。豬軟骨拌麵，豬軟骨食落味道好似食緊薑醋，初時食幾好味，但食食吓就會覺得有啲「溜」。薑蔥拌麵味道比茶木稍為遜色。桂圓紅棗茶，有玫瑰香味，味道正常餐飲幾特別，可以免費揀桂圓紅棗茶，或者加少少錢轉其他特飲。整體來說，食物都是比茶木稍為遜色，但係以呢個價錢，又沒有加一，性價比唔錯。…查看更多

今日，閨蜜約我去位於荃灣青山公路398號愉景新城1樓1023號舖的<初遇>食下午茶，環境舒適，裝修雅緻，坐得舒服。我哋點咗🥢慢煮烏醋豬軟骨便當 $56：豬軟骨軟腍入微，烏醋酸酸甜甜，伴碟有粟米、蛋餃、紅蘿蔔及酸菜，送飯一流。🥢沙茶牛肉鍋（牛板腱，牛丸，鵪鶉蛋，蛋餃，津白，金菇，甜不辣，蜂巢豆腐）配王子麵 $94：牛板腱肉質嫩滑，牛味香濃，配料豐富，好味又好食。🥢逢甲玉米起司蛋餅 $38：蛋味香濃，玉米餡料好味。🍹大甲芋頭芋圓鮮奶 $12：芋香味濃，香滑可口。🍹冷泡台南高山烏龍茶（跟餐）：清涼好飲。…查看更多

平日會單叫，味道都算許可，據台灣食品佢算係接受，當天唔想諗食麥，就叫左套餐，真想不到套餐份量，使人十分驚訝，比對單餐（午，下，晚）好精細，真喺明白到圖中份量只供參考度理。如果有咁大樂差，一定叫單餐。經過今次體驗，真心誠意不會再勇氣叫多次套餐份量，心敗下風。…查看更多

上星期約左朋友係荃灣愉景新城食飯，大家都想回味下暑假去台灣既感覺，所以特登搵左間台灣餐廳「初遇」。好好彩趕到食下午茶，三個人食左$220幾，仲有野飲，好抵食!!!! 「一品臭臭鍋」: 好足料，有豚肉、大腸、鴨血、蛋餃，尤其是臭豆腐，外酥內嫩，津白同金茹好清爽，平衡左鍋既濃烈味道，提升左個層次。「沙茶牛肉鍋」: 完全係台灣既味道，牛板腱好嫩，牛丸好彈牙，蜂巢豆腐都好出色。「彰化黑麻油雞翅滷肉飯便當」: 黑麻油雞翅好香，肉質鮮嫩，滷肉飯好入味。雖然係下午茶餐，但份量好足，好滿足。…查看更多

我之前食過第二間分店，今次第一次過荃灣食下午茶，價錢超抵食，而且味道唔錯！荃灣分店地方唔算好大，但估唔到佢嘅下午茶人流都幾多！下午茶選擇都幾多，有面有飯，輕食都有！不過我就未食午餐，所以今次叫咗蜜汁滷排骨手工麵，我覺得幾抵食，佢既排骨好大份，應該係炸過嘅，會有少少脆，入味，但唔會好乾！而手工面湯底濃郁，而且都好大一碗，絕對唔係細細份！另外追加咗臭豆腐，我覺得呢個都幾值得食，佢一啲都唔臭，少少辣，我幾鍾意！…查看更多

今日愉景行完街，見到呢間台灣野就試下。套餐： $188 套餐B主食： 一品臭臭鍋（中辣）＋ 滷肉飯 ＋ 蔥油拌麵小食： 古早烤香腸、麻辣鴨血飲品： 大甲芋頭芋圓鮮奶、鮮柳橙四季春整體評價： 主打鍋物出色，值得一試。重點推薦：· 一品臭臭鍋（中辣）： 湯底惹味，臭豆腐入味，大腸處理得乾淨，料足豐富，食得過癮。· 滷肉飯 & 小食： 滷肉飯香濃，烤香腸同鴨血都係地道台灣風味，無令人失望。其他：飲品叫咗芋頭鮮奶同四季春，正常解渴。總結：性價比唔錯，會為咗個臭臭鍋同小食再回頭。…查看更多

平日夜晚都多人幫襯，好彩早少少到，如果唔係就要等位，叫咗二人套餐B，幾豐富，仲要唔使加一，抵食~🔘沙茶牛肉鍋有牛板腱、牛丸、鵪鶉蛋、蛋餃、金菇、甜不辣同蚱巢豆腐等等…鍾意佢多蔬菜，湯底本身都好夠味~🔘滷肉飯肥瘦相間嘅五花肉，唔會切得太碎，個汁撈飯一流~🔘蔥油拌麵拌麵醬汁可以揀蔥油或者麻辣口味，加咗滷肉汁、酸菜同蔥花，麵嘅質感係煙靭有咬口~🔘士林鹽酥雞炸得香脆， size剛好可以一口一件~🔘古早烤台灣香腸肥瘦適中，唔會好肥膩，重口味啲可以加埋生蒜一齊食~🔘大甲芋頭芋圓鮮奶🔘台灣奶茶食台灣菜點少得台灣飲品，兩杯都叫咗少甜，味道偏清淡少少~…查看更多

荃灣超抵食台式料理好彩晚市時間早咗少少嚟，七點打後勁多人排隊！🍱 二人套餐B $188這個套餐相當划算～🥘 一品臭臭鍋可以選擇不同的辣度，我們選了中辣。鍋裡有超多配料，包括豬肉、娃娃菜、金菇、豆腐、臭豆腐、粟米和蛋餃，所有食材都入味十足，讓人一口接一口。🍚 滷肉飯經典台式滷肉飯，肉質軟嫩，醬汁濃郁。🍜 蔥油拌麵這道麵條充滿台灣的麻辣風味，配搭酸菜，開胃十足。🍽️ 地道小食（任選兩款）士林鹽酥雞
外脆內嫩，口感極佳！古早烤台灣香腸
香脆的香腸搭配蒜頭一起吃，香氣四溢，令人回味無窮。🥤 飲品（任選兩杯）黑糖珍珠奶茶
甜而不膩，非常受歡迎。大甲芋頭芋圓鮮奶
這款飲品香滑可口，特別適合喜愛芋頭的朋友。🍗 夜市烤手工雞卷 $38這道菜有著淡淡的醉雕雞味道，風味獨特。🌶️ 麻辣鴨血 $28麻辣的口感搭配鴨血，讓人忍不住想多點幾份。🍠 花蓮地瓜酥 $28香脆可口的地瓜酥，作為小食絕對合適。📍初遇 (荃灣)荃灣青山公路398號愉景新城1樓1023號舗#荃灣美食 #台式料理 #台灣小吃 #夜市美食 #划算套餐…查看更多

自己一個去荃灣IKEA，經過愉景新城，見到有間台灣餐廳下午茶勁爆場，望望餐牌十分之抵，最平一個set先三十幾蚊起，仲有免費熱飲，可加錢升級特飲，而且外賣自取仲有88折。❤️慢煮烏醋豬軟骨便當足料夠晒大碗，原來仲配有一件蛋餃、粟米、紅蘿蔔同酸菜，豬軟骨份量多而且炆得非常入味，烏醋帶微微酸香，肉質嫩滑帶少少膠質，配飯真係好開胃。❤️嘉義手工蛋餃 （追加）蛋餃四隻份量啱啱好，蛋皮煎得香口又唔厚，入口啖啖肉，而且又唔膩。🧋珍珠奶茶茶底夠香，唔會太甜，珍珠煙韌彈牙。成個Tea Set 份量一d都唔偷工減料，而且味道好岩我口味，CP值高！初遇青山公路398號愉景新城1樓1023號舗…查看更多

今日黎到愉景新城見到「初遇」裝修幾靚menu既二人餐好似又幾抵就入左去食我地叫左套餐B揀左沙茶牛肉鍋🥩佢好似打邊爐咁原鍋上🤣湯底有淡淡既沙茶味仲有另加既沙茶醬個人最喜愛佢既蜂巢豆腐！索哂啲湯汁 夠哂入味跟餐叫左滷肉飯同蔥油拌麵🍚🍜滷肉唔會太肥蔥油嘅份量都啱啱好呢個二人餐仲可以揀兩款小食烤台灣香腸🥓最終係配搭蒜片一齊食蒜片嘅刺激感同香腸嘅軟糯感交融顯得更特別滷肉A菜以油麥菜為主 上邊鋪滿滷肉🥬好有台灣風味仲可以揀兩杯飲品古早冬瓜茶同大甲芋頭芋圓鮮奶🍹🥤同時滿足咗想飲廢水同食甜品嘅胃整體意見座位舒服 空間咁大樣樣食物都好味值得再幫襯😋…查看更多

Budget 既情況之下，見到愉景新城有台灣菜，咁就入左去試下。 下午茶時間完全唔需要等候，檯面有D小小油，但樓面好快就抹乾淨。 落單準確，很有效率。 我個落單既鹽酥雞飯好快就到，第一擔食雞，梅子粉同胡椒粉好多，立即咳左出黎。雞肉比較柴，有小小over cook。 唔知點解會送一塊炸既台灣蛋餃，我比較prefer佢比多一舊雞我。 肉鬆同個飯唔係太match，但我可能會有其他食客比較鍾意（maybe) 鹵肉係第二個最重要既角色，我覺得其實唔太差，但比起其他比較（出名）既而言，肉味同香味或者仲差小小。 可以讚既係佢唔係用肉碎，而係用五花切好，再滷煮過。起碼係有心整的。 個人而言唔太鍾意粟米加係個飯裡面，但一切都當然係個人喜好（my fault） 排骨麵既排骨，整體係好入味道的，我覺得如果切好完全去骨灰更好牛肉湯既味道不錯，幾入味。整體而言 我會話排骨麵比鹽酥雞滷肉飯更值得推薦。 …查看更多

初遇前幾日去開荃灣愉景新城玩「美國冒險樂園」，玩完之後見到地下果層新開三個月左右嘅台灣菜餐廳叫「初遇」，呢間餐廳下午茶超抵食，咁啱係下午茶時段，就入咗去食下午茶啦！1.蜜汁滷排骨手工麵$48+芋香珍珠奶茶$8+麻辣臭豆腐（6件）$16（9/10）下午茶揀咗蜜汁滷排骨手工麵，果塊蜜汁滷排骨好大塊，味道甜甜地好入味，肉質唔鞋好嫩滑，手工麵幾彈牙煙韌，加咗$8揀咗杯芋香珍珠奶茶，珍珠煙韌無硬心，甜度適中，再追加一款地道小食係麻辣臭豆腐，一共有6小件，比我想像中細件，整體都ok！2.慢烤雞腿蛋吐司$42+黑糖珍珠奶茶$12+古早花雕雞卷（2件）$16（10/10）下午茶揀咗慢烤雞腿蛋吐司，吐司外面有烘過，少少脆脆地，入面烤雞腿肉肉質超嫩滑，仲有一大塊熟蛋，加咗$12揀咗杯黑糖珍珠奶茶，珍珠煙韌無硬心，甜度無其他分店咁甜，再追加一款地道小食係古早花雕雞卷，一共有2件，每1件雞卷嘅花雕酒味都好入味，每次嚟到都會必叫！3.麻辣鮮雞鍋（特辣）配珍珠米飯$82（9/10）呢個麻辣鮮雞鍋叫咗特辣，特辣係會食到滿頭大汗，仲要叫店員拎兩杯水，用水洗走辣味都搞唔掂，呢個鍋入面有有10舊雞件、2粒鵪鶉蛋、津白、金菇、1舊甜不辣、2舊蛋餃、2舊蜂巢豆腐同1舊粟米等，仲要配埋珍珠米飯，份量相當多，如果食得辣嘅你一定要試下特辣，會辣到你跳舞，哈哈！2人總共價錢$224個人口味總評分：9.33/10@dparkhk 地址：荃灣青山公路398號愉景新城1樓1023號舗Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#初遇 #荃灣 #荃灣好去處 #荃灣美食 #無障礙餐廳 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多