影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
餐厅：初遇地点：土瓜湾菜式：台湾野餐牌：平日两点至六点有下午茶套餐，主食20选1，有米粉、吐司、拌面、饭、手工面、小锅等，好多选择。套餐配饮品6选1，可以加钱升级餐饮。另外都可以追加地道小食。红烧半筋半肉手工面 $62红烧半筋半肉手工面大大碗，手工面系白色粗身有咬口面条，个汤好清。牛筋两大条，好淋，食落满嘴骨胶原。牛腱心两大条，肉中间有好多筋，整得超淋，好好食。伴有好多咸菜同葱花。红烧半筋半肉手工面沙茶汤底 $65可以加$3要其他汤底，今日试左沙茶汤底，味道好好呀，又唔会过浓，值得一试。慢烤鸡腿蛋吐司 $42慢烤鸡腿起司蛋吐司一客两份，用纸包好，烘底吐司包住爆馅鸡腿肉，流汁蛋同酱汁，好邪恶，酱汁流到一手都系。食落外脆内多汁，绝对唔会干，食到成面都系汁。麻辣鸭血 加$16小食可以无限追加，无限一个餐只可以加一款。麻辣鸭血一客五薄片，好爽脆，味道够辣之余又唔会太辣。珍珠奶茶 加$8珍珠奶茶有好多珍珠系底，同行友人饮得津津有味。冻台湾奶茶 跟餐冻台湾奶茶叫左少甜，我觉得够甜，好滑溜，茶味唔会太浓。冻古早冬瓜茶 跟餐冻古早冬瓜茶好清甜。台面上面仲有酸菜比你自己加。之前都唔知原来土瓜湾都有初遇，食物饮品质素唔错，价钱唔贵，而且无加一，好抵食。餐厅装修光鲜，座位舒适。
继续阅读
今日黎到土瓜湾呢道都有佢既分店，一于就入黎食佢啦，废话少讲，直接入主题。今次我地叫左个二人晚餐B $188，最重要系免加一。首先点左两款小食。第一款系古早烤台湾香肠，呢个系我既最爱，平时去亲台湾都去到边一见到就买台湾香肠黎食，呢道既非常香脆可口，每啖都夹一块香蒜黎食，真系好之味。另一款小食系士林盐酥鸡，呢个非常香脆，外脆内软，而且唔会好油腻，非常享受😋。主食方面就叫左个沙茶牛肉锅，呢个大大个锅非常足料。牛肉煮到岩岩熟就马上夹起，其他配搭都十分丰富。我个人十分欣赏。跟住再点左个卤肉饭同葱油拌面，一次过满足晒两款口味，卤肉非常入味，好地道既台湾口味。唔系特登飞台湾都可以食到台湾正宗美食，非常感恩。饮品方面就选左芋香珍珠奶茶同咪大甲芋头芋圆鲜奶，呢道系真正既鲜奶制作，唔系用奶粉冲，所以营养价值丰富，非常值得饮用。成份餐都系$188，免加一，两人食非常抵食，而且好多款美食可以试到，真系天花板必食之选。
继续阅读
黎到九龙城码头呢边，可以撩拣既餐厅唔算多所以行番出去大街，见到初遇又唔驶等位就拣呢间，睇完menu就点左照烧鸡排卤肉饭，鲜水果茶。照烧鸡排卤肉饭，算唔错，份量都唔少，鸡排都算系大份同埋卤肉都算多。鸡排口感叫做ok 肉又唔会老，份量算大份。卤肉份量算ok 捞埋啲饭食都叫系足够既。鲜水果茶入边都有唔少水果，同埋少少甜既，整体系算唔错。环境方面，呢度又唔会坐得太迫同都有卡位。。。。总结。。。算唔错既鸡排卤肉饭。
继续阅读
今日喺土瓜湾收工，揾晚餐食经过店初遇台式餐厅，于是乎入去尝试一下！有好多款选择，我今次试咗佢哋嘅一品臭臭锅（中辣），有得免费跟白饭、粉丝或者亦都可以加8元改要有肉饭或王子面！不过我就简单啲选择咗粉丝加一杯鲜凤梨水果！今次试咗佢这个火锅，吸满汤的臭豆腐同埋香辣的汤底，非常好食味道配搭！一品臭臭锅（大/中/小/特辣）$ 92豚肉，鹌鹑蛋，大肠，鸭血，蛋饺，津白，金菇，甜不辣，臭豆腐鲜凤梨水果茶跟餐+ 8蚊总括黎讲，呢间店嘅菜式多元化，味道鲜美，价钱合理，经过时又想食台式餐厅，这是值得一试！
继续阅读
今日好想食台湾菜，咁啱经过附近有一间装修都几靓嘅台湾菜，于是同朋友就决定入去试吓！果然喺土瓜湾屹立不倒咁耐，都系有啲原因嘅！初遇红烧半筋半肉手工呢个招牌半斤半肉面，汤底好浓郁，上面抱住两条超大嘅牛肉同埋两条超大嘅牛筋，牛筋软腍腍入口即化，牛肉亦都好香软，肉味好浓！佢个手工面都好烟靭有咬口！慢煮乌醋猪软骨卤肉饭个人觉得呢个猪软骨好好味，佢用乌醋去烹调佢嘅猪软骨，酸酸甜甜好开胃！卤肉饭啲卤肉都好香，肥瘦适中！上面点缀嘅糖心蛋都好好食！古早花雕鸡卷食台湾菜，当然唔少得叫佢哋啲小食啦！我哋叫咗呢个花雕鸡卷，花雕酒味劲浓，鸡卷肉质紧实，每一寸鸡肉都浸满花雕酒，不错！古早起司芋泥肉松蛋饼蛋饼都系不可缺少嘅台湾小食之一！肉松蛋饼系我哋觉得最好味嘅蛋饼！佢哋蛋饼煎到好香脆里面就包裹住满满嘅肉松同芋泥，而且仲有啲溶溶哋嘅芝士，口感好丰富！炭培乌龙起司奶盖饮品方面同朋友都拣咗奶盖，佢拣嘅呢一个乌龙奶盖茶味好香，上面嘅奶盖亦都好Creamy，融合一齐饮，唔会觉得好滞！粒粒蓝莓起司奶盖另一杯我哋拣咗粒粒蓝莓芝士奶盖，蓝莓味酸酸甜甜，配埋上面浓郁嘅奶盖，好味！食咗咁多两个人买单都未够$300 ，个人认为性价比都几高，喺土瓜湾呢个平民区都算系几高质嘅餐厅！
继续阅读