影片
港铁尖沙咀/尖东站 N2 出口, 步行约1分钟
继续阅读
电话号码
37217788
开饭介绍
凯悦轩融合现代艺术与20世纪传统茶馆的精髓，是品尝地道中式佳肴的理想场所。
凯悦轩呈献献界令飨客难以忘怀的经典招牌菜，另同时炮制多款时令佳肴以供品尝。无论是清新怡人的夏日菜式，还是丰盛暖胃的冬日美馔，均能将多元化的粤菜精髓发挥得淋漓尽致。
凯悦轩环境优雅舒适，落地玻璃令主厅更见开扬。餐厅另设两间分别可容纳8和12位的贵宾厅，前者更附设迷你酒吧。
继续阅读
特色
同客食饭
适合大伙人
附加资料
午餐: 第一轮: 10:00 – 12:00第二轮: 12:30 – 14:30 晚餐: 18:00 – 22:00
营业时间
今日营业
10:00 - 14:30
18:00 - 22:00
星期一至日
10:00 - 14:30
18:00 - 22:00
公众假期
10:00 - 14:30
18:00 - 22:00
公众假期前夕
10:00 - 14:30
18:00 - 22:00
以上资料只供参考，请与餐厅确认详情
有关奖赏计划
优惠
相关文章
食记 (269)
陈皮，在中医药上具有多种功效，既能帮助消化、改善消化不良、缓解胃胀气、增加食欲、还有止呕等作用；作为食疗入菜，也可用来去腥解腻、增加风味，在粤菜中更是经常会使用到。天气闷热，今个盛夏尖沙咀凯悦轩主厨(黄皓勤)，以开胃及增加食欲的「陈皮」为灵感，打造出六道特色美食；采用逾十年的优质陈皮入馔，充份发挥其特色及食疗功效，供应期由2025年8月1日至10月31日止。「远年陈皮特色菜」中有多款菜式选择，可按自己需求而选取。首先上场的「古法陈皮熏鱼」，选用肉质细腻嫩滑，柔软且厚身的百花鲈鱼，鱼肉去骨起肉后以陈皮汁腌制，之后再炸至金黄酥脆；陈皮的甘香完全渗透入鱼肉之中，配以青瓜薄片及自家制陈皮酱汁，味道香浓且滋味。口感醇厚绵滑的「十二年陈皮花胶燕窝羹」接著上场，羹汤融合了高汤的浓郁，带有陈皮的温润香气与花胶的胶质口感，搭上细腻鸡蓉和燕窝，整体味道和谐又好味。师傅采用肉质肥美软滑、肉汁丰厚的龙岗鸡来制作这味「脆皮茶香鸡」，师傅先将鸡只以慢火炸至表皮金黄酥脆，再以香片及普洱混入白饭烟熏制作，打开盖掩一刻，香气四溢令人胃口大开；鸡肉在吸尽茶香味后，变得更加香浓惹味，咬落皮脆肉嫩又多汁，令人吃后回味无穷。山椒汁野菌炒牛助骨肉～据朋友说牛肋肉松化又入味，而旁边鲜爽翠绿的蜜糖豆及香口的野茵，也提升了这味菜的滋味。甜梅菜肉松蒸豆腐～豆腐香甜滑溜，更带有阵阵豆香，非常好吃；而惹味醒胃的甜梅菜与肉松，也令这道菜更加好吃，是一道简单又美味的菜式，更是最佳下饭能手。炒得干身又有镬气的「砂窝陈皮黄鱼虾干炒饭」，饭中加入香脆的黄鱼粒、咸鲜的虾干粒及甘香的陈皮粒；在猛火快炒下，米饭干身及粒粒分明，在砂窝闷焗下，也令饭粒变成金黄香脆的饭焦，配上陈皮的香气，非常惹味又好食。师傅以陈皮为主，制作出这味「十年陈皮鸡头米冰花炖津梨」甜品，采用清甜多汁的鸭咀梨，配上软糯鸡头米，十年陈皮及冰糖，以文火慢蒸炖；梨肉变得软腍又入味，更带有阵阵陈皮香，食落甜而不腻，生津润喉。这里的招牌甜品「脆皮流沙盏」，层次丰富，包含酥脆、烟韧和香浓于一身；上层是酥脆的菠萝皮，底下是曲奇蛋挞底，中间系烟韧的流心奶皇炸汤丸，是一味多重口感又完美结合的甜品。非常高质又美味的一餐，虽然有少少贵，但间唔中食一餐慰劳吓自己，也是应该的！#凯悦轩 (尖沙咀)地址: 香港尖沙咀河内道18号香港尖沙咀凯悦酒店3楼电话: +852 37217788
继续阅读
大家喜欢陈皮吗我就十分爱吃！除了够甘香之外陈皮更有调节肠胃帮助消化的功效，而且还可以减少胃胀气和消化不良的情况很有食疗功效。这天中午跟好友们到尖沙咀凯悦酒店的凯悦轩品尝养生午餐。先来古法陈皮熏鱼$238作为前菜！百花鲈鱼以陈皮汁腌制然后酥炸至香脆，鱼件肉质扎实索满陈皮的味道甘香迷人。十二年陈皮花胶燕窝羹$338！浓郁上汤内尽是满满细腻的鸡蓉、花胶丝及燕窝每口也超滋润嘴巴，加上矜贵的十二年陈皮这口羹香绵鲜甜之余还很养颜呢。脆皮茶香鸡$568！烹至金黄香脆的新鲜龙岗鸡以香片及普洱混入白饭来烟熏，鸡皮如薯片般香脆鸡肉则嫩溜多汁，每次品尝也极尽享受真的百吃不厌。山椒汁野菌炒牛助骨肉$358！牛助骨肉我无缘品尝但野菌和蜜糖豆就可以细心欣赏，浓郁麻香的酱汁加上这镬气真的超惹味好想饮杯啤酒啊。甜梅菜肉松蒸豆腐$228！嫩滑富豆香的豆腐口感非常丝滑，香甜梅菜于清新中洒上浓郁滋味太唰嘴喇。砂窝陈皮黄鱼虾干炒饭$328！炒饭吃下粒粒分明集咸鲜及芳香于一身，内里酥脆的黄鱼粒口感十足又鲜香，添上陈皮的甘甜又令我爬上满满的一碗。甜品环节相当丰富大家各自选上心头好，为这顿午餐来一个甜蜜的闭幕。粒酥皮流沙盏$68/4件！菠萝包皮加蛋挞底再配衬奶黄汤丸香甜可口，这个组合永垂不朽是必吃之物。十年陈皮鸡头米冰花炖津梨$98！选用清甜多汁的鸭咀梨来炮制，配合鸡头米、十年陈皮以冰糖慢炖而成，味道甜而不腻更是润喉生津好滋润耶。远年陈皮特色菜由即日起至10月31日供应，大家也趁机去叹一场养生盛宴吧。
继续阅读
呢个夏天，唔知大家冇食过凉瓜？听讲凉瓜今年都好当做，清热解毒、下火消暑就最啱。凯悦轩呢个夏天推出凉瓜为主题的限定菜单，主厨黄师傅匠心用上了中国、日本及泰国的优质凉瓜，当中有唔少苦瓜更加系第一次，如果你系苦瓜粉丝，一定不能错过。前菜话梅桂花浸杜阮凉瓜用左有只叫雷公凿之称的杜阮凉瓜，肉质最爽最脆，以盐腌过后完全无左凉瓜的苦涩嘅味，加上以话梅桂花醋来浸过，吃到的是很开胃而又包罗苦酸甜味的凉菜，夏日一流。个人当然最爱白玉凉瓜云腿扣花胶，个样非常高贵，无谂过中国白玉凉瓜味道强劲，皮厚多汁，切成厚片与花胶一同放入云南火腿与鸡件熬制的浓汤中慢煨入味，之后花胶同凉瓜之间夹著片厚厚的云南火腿提鲜，淋上浓烈的南瓜芡汁，非常完美。呢个鸳鸯凉瓜子姜豚肉卷样子相对逊色，不过味道就最复杂，猪腩肉同来自中国白玉凉瓜，加上子姜、甘笋条和唐芹条，炸完再同日本凉瓜片及浓郁的豆豉汁同炒，食到两款凉瓜嘅口感之余又可以比较，不过个人都系钟意日本嘅苦瓜多啲，唔知下次师傅会唔会用日本嘅凉瓜去整扣花胶，日本𠮶种鲜甜味道似乎更能突显出其他菜式嘅味道。除左苦瓜menu外，朋友推荐脆皮茶香鸡，师傅将原只龙岗鸡慢油炸熟，加上香片及普洱混入白饭，将原只龙岗鸡熏制十分钟，加入左白饭的茶叶令鸡肉吸收完全的茶香，之后再将全只龙岗鸡炸至金黄，皮脆肉嫩，而且个皮同鸡肉都食到茶叶薰香味，好精彩。唔记得有冇试过呢度嘅烧味，就算平时自助餐有嘅话都未必食，头先食完𠮶脆味茶香鸡意犹未尽，今日嘅蜜汁叉烧，睇得出师傅嘅烧嘢功力。Menu入面仲有鱼汤浸竹笙芦笋，呢个又系超级出色，非常简单，芦笋完全吸收晒鱼汤嘅鲜甜，一定好食。单尾朋友点嘅鲍鱼汁炆粗面，浓烈嘅鲍鱼汁非常挂面，又系色香味俱全，简单嘅菜式都做得咁出色就知道点解我一班朋友一路都咁钟意去呢间餐厅。甜点都系凉瓜，以冬蜜及杜阮凉瓜汁制成的蜂蜜凉瓜冻糕，翠绿色的凉瓜冻糕，内藏细碎凉又脆的凉瓜肉，中层是丝滑的奶冻，夏日炎炎，再送一口甘凉的凉瓜甜品，清新口腔最好。加上呢度最爱嘅蛋白杏仁茶，好完美的weekend lunch 。如果大家都有兴趣食呢个凉瓜Menu，记得七月底前一定要去啦。
继续阅读
我呢条中佬虽然几废但系都好钟意养生㗎！所以养生菜对我嚟讲系正嘢嚟，呢日晏昼返工前就同老婆大人去食咗餐用陈皮煮嘅养生菜。地点好方便就喺尖沙咀凯悦酒店嘅凯悦轩，钟意嚟呢度食系因为师傅嘅功架真系好扎实，而且成日推出新菜式每次都好有惊喜。今次就系嚟食佢新推出嘅陈皮菜！第一味系古法陈皮熏鱼，浓油赤酱本来就系好腻但师傅加咗陈皮之后即刻变得清新咗，食落去唔会太咸有一朕朕陈皮果香真系食得好开胃。十二年陈皮花胶燕窝羹我觉得男、女都好啱食！ 碗羹入面有好多鸡茸同埋花胶丝仲有好多养颜嘅燕窝，成碗都系鸡肉嘅香味食完感觉后生咗几年呀。今次又再食到脆皮茶香鸡真系好幸福呀！一打开个煲盖系劲香嘅烟熏味冲出嚟，呢啲咪叫做色香味俱全啰。呢只鸡老土啲讲句就系皮脆肉嫩，连骨头都入晒味越食越香，所以每次嚟都会好想食佢。呢碟山椒汁野菌炒牛肋肉真系劲惹味！伴碟嘅蜜糖豆同埋啲菇有香滑嘅又有爽甜，加埋香滑有质感嘅牛肋肉真系可以扒两碗饭呀。讲到送饭呢碟甜梅菜肉松蒸豆腐都系好正嘅选择！豆腐滑到跣口加埋我好钟意食嘅梅菜呢碟𩠌真系very good呀。一路忍住冇嗌白饭系因为要食砂锅陈皮黄鱼虾干炒饭！啲饭炒得好爽口一啲都唔油腻，入面有好多香喷喷嘅陈皮丝，加埋啲虾干同埋煎到好香脆嘅黄鱼粒，食落去又鲜又香真系好鬼滋味。甜品都走唔甩要食陈皮整嘅！呢个系超清甜嘅十年陈皮鸡头米冰花炖津梨，天津鸭梨食落去劲爆汁加埋陈皮嘅甘味真系好香甜。另外仲叫咗碗是日糖水姜汁番薯嚟食！姜汁糖水啱啱好唔会辣得好紧要，番薯有粉又淋好香甜继续滋润。整多粒招牌嘅酥皮流沙盏叹下！呢个蛋挞加菠萝包嘅混合体真系好有创意，入面嘅奶黄流沙好鬼香甜真系食极都唔厌正呀喂。
继续阅读
📍凯悦轩粤式盛宴：陈皮入馔，匠心演绎传统养生风味 🍽️✨.今个夏天，尖沙咀凯悦酒店嘅 凯悦轩 推出以「陈皮」为主题嘅限定菜单🤤由主厨 黄皓勤 精心设计六道养生美馔🧑🏻🍳将传统瑰宝陈皮嘅芬芳与食疗价值完美融入粤菜之中📌选用超过十年嘅顶级陈皮，唔单止香气馥郁，更能健脾开胃、润肺化痰，每一道菜都系味道与健康嘅完美结合💯即日起至 10月31日 ，大家都可以品尝到呢份独特嘅滋味💥 .🥢古法陈皮熏鱼选用肉质细嫩、鱼刺少嘅 百花鲈鱼 ，去骨起肉后以陈皮汁腌制，再酥炸至金黄香脆。鱼肉外层松化，内里依然保持鲜嫩多汁，搭配青瓜薄片同 自家制陈皮酱汁 ，酸甜甘香层次分明，陈皮嘅回甘令人一试难忘！🍲 十二年陈皮花胶燕窝羹用浓郁上汤做基底，加入 鸡蓉、花胶丝、燕窝 同 12年陈皮 慢火熬煮，每一啖都充满胶质，口感丝滑绵密。陈皮嘅柑橘清香平衡咗花胶同燕窝嘅丰腴，滋味醇厚得嚟又唔会腻喉，滋阴养颜，绝对系女士恩物💆♀️✨🍗 招牌脆皮茶香鸡灵感源自日本玄米茶，主厨先将 龙岗鸡 慢油炸熟，再以 香片、普洱混合白饭熏制 ，令鸡肉吸收晒茶叶嘅芳香。外皮炸至金黄酥脆，咬落「咔滋」有声，而肉质依然嫩滑多汁，带住淡淡茶香，风味独特得嚟又唔会抢走鸡味，正🍵🐔🌶️ 山椒汁野菌炒牛肋肉牛肋肉切至薄片，口感软嫩带少少嚼劲，搭配 杏鲍菇、茶树菇 等野菌爆炒，再淋上微辣嘅山椒汁，辛香开胃。山椒嘅麻香同陈皮嘅甘甜意外地夹，惹味得嚟又唔会太腻🔥🥢 甜梅菜肉松蒸豆腐嫩滑嘅 山水豆腐 铺满 手剁猪肉松 同 甜梅菜 ，蒸至入味。豆腐入口即化，梅菜嘅咸甜同肉香完美融合，加埋陈皮碎提味，层次丰富，系一道好有家的味道嘅暖心菜💛🍚 砂窝陈皮黄鱼虾干炒饭镬气十足嘅炒饭！师傅用猛火快炒，饭粒 干爽分明 ，再加入 酥脆黄鱼粒、咸鲜虾干 同 陈皮粒 ，香气逼人。上枱前用砂窝焗一阵，底部形成金黄饭焦，脆口又惹味，陈皮嘅柑橘香画龙点睛，食到最后一啖都唔会腻🔥🍐 甜品：十年陈皮鸡头米冰花炖津梨清甜嘅 鸭咀梨 去核炖煮，加入 鸡头米 同 十年陈皮 ，慢火熬至梨肉晶莹剔透，入口即化。糖水甜而不腻，陈皮香气悠长，润喉又解暑，为呢餐养生盛宴画上完美句号❄️🍯🌟 总评凯悦轩今次嘅陈皮菜单，将传统养生智慧同现代烹调手法结合🎊每道菜都展现出陈皮唔同层次嘅风味🤩我最钟意 脆皮茶香鸡 同 砂窝炒饭 ，镬气足又够特色，而炖津梨嘅清润更系夏日必食👏🏻大家绝对要嚟试吓🙋🏻♀️.📍 地址：尖沙咀河内道18号香港尖沙咀凯悦酒店3楼⏰ 供应期：即日起至2025年10月31日.#凯悦轩 #粤菜 #陈皮料理 #养生美食 #香港美食
继续阅读