凡直友里

营业中

休息中

知道元朗多野食，但自己唔熟元朗，在OpenRice 搵下搵下，就搵到呢間餐廳，仲可以訂枱，又無限時，可以同朋友好好傾下計。因為booking寫為咗慶生，所以店員confirm booking時，會告知如點甜品時，會寫上生日快樂等字。誰不知竟然有驚喜，大家不防去試試😆食物質素都好ok, 羊扒燒得好，配菜好食，個餐湯係粟米湯，非常之濃粟米味，麵包外脆內軟，好正。燒全魚非常新鮮好味，調味剛剛好，喜歡食魚的你一定要試。甜品brownie好濃朱古力味加有果仁，開心果雪糕好濃又香。個焦糖燉蛋就好滑，但係焦糖味就欠奉，不過放響寫咗字在碟上面就好靚，加咗唔少分數。多謝店員殷勤招呼，我同朋友都食得好開心😃

出菜出得勁慢，我7點鐘坐低，7點半左右叫野食，叫咗一個沙律 一個意粉 一個扒 一個蒜茸包，等到差5多8點先上個沙律，跟住一直都無野上喇，5問個員工都5知原來落漏咗個蒜茸包，之後加返落彈單到，過咗10分鐘左右就上包，個包都好食嘅都脆嘅，但係食完都無人收走個碟嘅，搞到之後上扒同個意粉就無位放，要叫佢地先會收走啲碟，水都係要叫先會幫你fill，仲要凈係fill一杯，成餐飯啲野食真係一般，但服務真係差咗啲，未必會再去食。

有一日，我經過元朗，聽到哩間餐廳竟然有人係門口玩緊音樂，我見佢咁有噱頭，就入去睇下咪環境。原來確實又幾好坐，又多啤酒可以選擇。啲味道都幾好，如果想同朋友happy hour黎酒野吹水，佢絕對係個好地方🤟🏻

7點鐘入席 餐廳非常多人 本來以為質素應該會不差結果令我十分失望！1. 餐廳侍應嚴重不足，等了五分鐘仍然未有職員過來落單。2. 上菜速度非常非常緩慢，落單後十五分鐘食物才到3. 羊架完全沒有味道，這令我極度失望，竟然可以完全沒有味道，我要點茄汁才勉強吃到4. 吃完羊架後又等五分鐘後，才有下碟菜，我不明白煮意粉需要這麼久的時間嗎？5. 環境很壓迫，餐廳不大，但食客很多，另外環境衛生像茶餐廳，但這價錢不應該是茶餐廳質素總括而言，我是不推薦這餐廳，性價比實在太差，這餐廳不值得一道菜接近200元！

平時行經呢間餐廳星期五六日晚都會好多人, 有室內亦有室外, 好似好chill方便幾個朋友黎呢到食住吹下水咁, 所以一直都想黎試下, 見好多食評都唔錯, 約埋幾個朋友就黎呢度喇!1/ 沙冰啤酒 - 面頭既沙冰好快溶, 好快就變返一般既酒😮‍💨2/ 芝士薯條 - 賣相唔錯, 但一心仲以為係粗薯條, 而食落我覺得麥當勞比佢還好🥴3/ 白汁青口 - 以為係成桶好多粒可以慢慢食, 但原來得6隻, 有兩隻的肉仲細到手指尾咁, 不過肉質嫩滑, 白汁湯味濃郁👍🏾4/ 暴龍比薩 - 好香脆而且有點辛辣, 但油份很重5/ 黑松露菌醬焗海鱸魚柳意大利飯 - 飯質黏口, 魚肉滑而入味, 但面皮略為燶🤐總括：好食但勝價比低🤡

食飯食得開心真係幾重要，好彩嚟得呢度都唔會令我失望，凡直友里真係元朗西餐嘅高質選擇！法式奶油焗蟹肉，入面蟹肉多，蟹嘅鮮味都幾重，口感唔會霉，做頭盤一流！餐湯緊係果斷加錢變蘇皮湯！佢下面係龍蝦湯，都好鮮好好飲！配搵個蘇皮一流！不過個黑松露意粉感覺就差少少了，雖然上面刨咗唔少嘅松露，但係松露味都係未夠。可能用多少少松露醬會更好！最後個甜品一流！心太軟即焗嘅，加埋佢自家做嘅開心果雪糕，好食！開心果味好濃郁！正！呢間西餐真係正！期待下次再食

今次我選擇左呢間餐廳同老公慶祝我哋嘅周年紀念日疫情關係好多餐廳都要10點離坐而因為我同老公都要返工嘅緣故所以我哋想搵間可以坐得耐少少嘅餐廳咁啱我哋有打針所以我哋可以坐到12點原先會擔心呢類酒吧型餐廳會好嘈始終有個小BB同行都會擔心環境太嘈但餐廳播放音樂嘅音量好適中唔會太嘈吵另外都擔心酒吧類餐廳食物會較為遜色但係估唔到竟然有驚喜呢度竟然有越來越少地方有嘅酥皮湯所以我同老公即刻order一人一個龍蝦酥皮湯龍蝦味濃郁但略嫌鹹咗少少酥皮好好味小食我哋叫咗個松露油帕馬臣芝士薯條佢係有好多芝士碎喺面，所以唔會同一般芝士薯條咁擺一陣就會成餅黐住晒，我同老公火速就清咗碟Main course我哋叫咗個龍蝦意大利飯同煎鵝肝牛柳龍蝦意大利飯隻龍蝦都好大隻好多肉可以起到好多肉出嚟食意大利飯再加埋龍蝦嘅蝦子一齊食好香好好味至於個煎鵝肝牛柳，件鵝肝一啲都唔慳皮好大件外層仲煎到好香脆好好食牛柳我哋叫咗五成熟，無over cook仲好Juicy好淋再配埋Staff介紹嘅青醬覺得好特別最後甜品我哋仲叫咗個香蕉焦糖燉蛋唔太甜連小BB都食得好開心餐廳仲有應我要求喺甜品度寫上周年紀念朱古力字除此之外仲有煙花做裝飾成個甜品又

同三五知己行食完dinner，想食翻個甜品，飲杯酒繼續暢所欲言，去元朗又新術確係一流。咁啱凡直友里有位，梗係入去。叫咗個香橙芝士凍加精選雪糕，個賣相擺盤確實唔錯，左邊係個芝士凍，中間有啲水果，右邊有球雪糕，再灑啲糖霜。佢個芝士凍都唔錯，芝士味濃，食落順滑，唔會有啲鞋口嘅顆粒感。加埋啲水果嚟食，即刻有個清爽感彈翻出嚟！同埋學芝士凍自己覺得唔算好甜，都真係幾好食。佢甜品另一個賣點係雪糕自家製，食落好正，好滑好好食！真係要試吓。夜晚飲多兩杯啤酒，食住甜品，快樂咁過咗晚！

想同朋友食住西餐chill，凡直友里確實係個好地方。叫咗dinner set，餐湯加$40換做龍蝦湯，佢個湯真係好鮮，蝦味都重，而且入面都有唔少龍蝦肉！配埋佢個好好食嘅蒜蓉包，正！叫咗個shisha tower，大家一齊chill！主菜叫咗香烤安格斯西冷牛扒配意粉，都幾大塊喎！叫咗5成熟，入面都juicy多汁，而且肉味濃。食肉獸感到滿足！加埋下面啲菜食，正！同朋友chill又點少得酒，一人一杯，傾住計，過咗個夜晚，正！

七月份我哋屋企有三個人生日，包括我自己、細妹、爸爸，近年來都係一餐飯慶祝晒今年細妹幫手搵到元朗呢間西餐廳試吓環境幾好，父母比較少去西餐廳，特別係restaurant & bar種類，比佢哋感受下chill & relaxing嘅氛圍西餐dinner set價錢係正常市價，不過在區內略嫌有點價高，特別佢唔係物有所值牛排質素有待改善！咁難得帶到屋企人一齊出去食排，居然係唔juicy、唔夠牛味、質感欠佳！其他食物都正常嘅！包括沙律嘅擺盤都算高尚，色香味俱全餐包、餐湯、青口全部不過不失，中規中矩青口頗大隻未婚夫點了豬肋骨，睇落好味過我地塊牛排不過慶祝生日好有氣氛！甜品可以寫字，打卡一流火焰🔥代替普通蠟燭🕯️注意手機食先環境氣氛熱鬧，店員服務一般，不過都有一齊唱生日歌，我們這一家都笑得很開心

食過「彌敦左岸」都想試下「凡直友里」喺元朗呢間姊妹店，大家都係主打西餐，風格都有少少似，不過menu明顯想做到唔一樣🍴炭烤澳洲M5和牛內腹牛扒8安士🥩牛扒有驚喜，牛內腹加上澳洲和牛嫩滑度剛剛好，加上炭燒，非常香口。配菜有炒雜菌、薯條、沙律，薯條略嫌唔夠脆口🍴炭燒龍蝦海鮮手造寬條麵🍝呢款手造寬條麵掛汁效果不錯，有少少辣可以刺激味蕾。龍蝦熟咗少少，感覺同意粉唔夠融合，所以建議食嘅時候先起膏拆肉，再同意粉略為攪拌，咁會好食好多😋🍴西班牙黑毛豬火腿比薩🍕Pizza嘅餅底厚薄適中，焗得好香脆，上面嘅黑毛豬火腿咸香味足夠，但又唔會太鹹。再加埋火箭菜，口感十足🍴輕煎北海道帶子意大利飯🍛賣相同平時嘅意大利飯差唔多，但特別在飯既配料，特別用咗墨魚柳、西班牙辣肉腸、燒南瓜、蘆筍、鹹蛋黃汁，非常香濃惹味🍴日式醋鯖魚•海苔沙律🥗將日、台式元素帶入西餐，除咗醋鯖魚，配材用咗海苔沙律、糖心蛋、鹵豆腐、黑豆，醬汁係日式芝醬，幾清新嘅感覺

約了朋友傾計gathering這裏是最好的推介，可以食西餐又可以飲番杯。這裏的炭燒雞中翼和豬頸肉味道不錯，火候控制得剛剛好好，肉質不會燒得太乾，咬落多汁入味！配啤酒一流！帶子意大利飯，飯粒軟綿綿口感不錯，帶子肉粒外邊煎得微焦香口，厚肉鮮甜🤤

.好耐冇踏足元朗，今次特登入黎搵個好耐冇見巴朋友食飯.去左又新街覓食，想搵間環境情調唔錯，坐得舒服傾計既餐廳，就揀左呢間。.先叫兩杯飲品White Sangria 白酒生瓜呀 （白酒、Rum、菠蘿汁、蘋果汁、桃、芒果、梳打、雜果）西班牙果酒做法，新鮮果粒雜果汁配以白酒，好夾.Water Breeze 水風西瓜、薄荷葉、檸檬汁、梳打一杯令人感到清新既飲品，岩夏天飲.叫左一走小食share，再每人一個set dinner香蒜辣椒特級初榨橄欖油煎虎蝦（5件）·烤蒜蓉包 $128虎蝦新鮮，而個醬汁有蒜頭辣椒同橄欖油香好惹味，用黎沾蒜蓉包食係非常夾！.Set dinner - Starter法式奶油焗蟹肉·鮮刨黑松露菌頂層焗到香脆，中間既奶油拌蟹肉好豐富好香.海膽·韃靼牛肉泡菜金杯呢個牛肉tartar加上海膽，配以沙律醬汁，好有層次好好味.Main course香煎蘇格蘭鮮三文魚柳 $188大大塊厚身三文魚柳先封煎，再放入蔬菜清湯，令三文魚肉加添濕潤感.香烤阿根廷草飼安格斯西冷牛扒 $238西冷牛扒煎得好香，牛扒五成熟度剛好，配以烤煮雜菜同炸薯條.估唔到又新街都有出色高質西餐食，最緊要價錢好相宜

上星期同朋友約食飯，我哋好鍾意試元朗唔同餐廳，覺得好多小店都內藏寶藏😋今次就嚟咗呢間 凡直友里，個名好有趣，佢個凡字都係stand for FUN😆😆。入到去係西餐廳格局，適逢奧運期間電視又播住viu🥰開心！Menu好多都好吸引，我哋最後叫咗烤西班牙黑毛豬扒Set配意粉，Starter 要三文魚子吞拿魚他他脆多士&龍蝦濃湯，另外叫咗個澳洲M5和牛牛膝肉自家製手造寬條麵，松露菌油帕馬臣芝士薯條先嚟Starter ～三文魚子吞拿魚他他脆多士感覺好精緻，望落好似細細件，但其實分別搽上兩塊多士好足料！味道都好fresh，個人好鍾意呢個配搭，真心幾開胃～龍蝦濃湯雖然要加錢但都覺得好值，因為龍蝦味重同埋感覺係落足料先製作到。烤西班牙黑毛豬扒Set配意粉由於叫咗薯條，所以揀咗配意粉，佢係有少少咬口而有汁，所以又唔會太硬身。塊豬扒厚得嚟唔會太韌，肉質唔鞋，唔錯唔錯！另外叫咗個澳洲M5和牛牛膝肉自家製手造寬條麵因為好想試手製寬條麵，又想試多啲唔同嘅嘢，所以叫咗呢個。上網睇話牛膝肉即係牛大腿上嘅肉，由於經常運動，所以要長時間炖煮，如果唔係會好硬好韌，但呢個牛膝肉食落完全無呢個問題，唔會太韌，證明煮得幾好

元朗好食既餐廳好多，但要搵間可以飲酒chill 下，食物質素又ok 既餐廳就唔容易，今晚個fd 帶我黎呢間凡直友里，都幾喜出望外～我哋4個人叫左兩個set dinner同兩個小食，份量都幾多～食完好滿足😊先講下個跟餐starter 🔶紐西蘭青口配藍芝士忌廉汁青口都鮮甜，應該都幾新鮮，配芝士忌廉汁好夾，好smooth, 不過得3隻唔係好多喉😂🔶三文魚子、吞拿魚他他脆多士攞盤好靚～唔講以為去左食高級日式料理～個吞拿魚他他醬唔係完全打成蓉，入面有仲有啲吞拿魚粒粒，上面再加左幾片爽口青瓜，配搭脆多士，口感層次豐富🔶餐湯-龍蝦湯(+$40)我哋決定加$40試下個龍蝦湯～味道濃郁，質地好creamy! 仲有隻爽口大蝦～不錯！🔶香烤羊扒($188)一碟有3件羊扒，都幾大件，叫左5成熟，煎得啱啱好，中間好嫩好多汁～而且完全無騷味，好味～唯一美中不足係無薄荷醬。🔶M5和牛牛膝肉手造寬條麵($178)個寛條麵上面舖滿超多芝士，芝士控大愛！牛膝肉煮得好淋好入味！個手造寬條麵幾煙韌，己有好感，個汁都好掛麵～🔶松露油帕馬臣芝士薯條($78)又係超～～～多芝士，堆到成坐山咁，見到都開心，薯條即炸熱辣辣，好正！🔶凡