冲菜

私房菜予人感覺菜式精緻，因此有不少樓上飯店亦稱自己為私房菜，其實都是公開飯店有餐牌點菜的；這晚到的「冲菜」，久違了真正的私房菜，隱藏在一條寧靜街道的商廈內，沒有堂皇的門面及店名招牌，單位內裝修簡單，就只有兩三張枱，我們預訂了最具私隱的房間。平均每位幾百蚊，與老闆兼大廚 George 商議便可。涼拌魚香鮑魚海參川式頭盤，鮑魚後加放在海參上，食之前才攪勻，因此輕輕的麻辣，主要從海參上透出，我覺得味道唔錯。青芥末涼拌手撕雞沙律底層是青芥末西芹及青瓜，手撕雞鋪面，同樣食之前才攪勻，爽口清新，青芥末黏稠味溫和，成功打開味蕾。薏米陳腎冬瓜檸檬鴨湯非常醇厚味清，感覺很下火，湯渣的鴨依然好吃。香麻海鹽蒸東星斑賣相吸引，紅紅綠綠的青紅椒並不太辣，提升香味，不過本身成班應該是養的，口感厚實，有點嚡及不入味。鹽焗本灣奄仔蟹已經到了時令的尾段，蟹膏不算多。酒香炙骨頭我很喜歡這些帶少甜味的黑醋骨，味道豐富，肉質結實，鬆軟入味。金銀蛋上湯浸莧菜最後那一下健康的素菜。滑蛋鳳尾蝦煎米粉滑蛋名副其實幼滑，鳳尾蝦新鮮肉彈，不過米粉過硬非脆。紅豆涼粉雪糕一次過滿足三個願望，這個組合真有意思，吃得滿足。…查看更多

山迷長輩喺尖沙咀覓到好西，第一時間即誠邀肥肥家族過海一試。單憑店子嘅英文名「George Private Kitchen」不難估到George先生身兼主廚及老闆兩角，中文名「冲菜」原來真係直譯，因佐治哥哥姓葉名冲，店名就係咁簡單到題！私房菜設於山林道一幢商廈嘅九樓，雖則用哂全層幾個單位，但就冇刻意打通，貴客可於不同單位用餐，私隱度更高。餐店只招待會員，開瓶費全免，酒鬼們有福囉！用餐區域好似個客廳咁，光線充裕。每位席上擺有齊備嘅自用及公用餐具。由於座位有限，食客必先預先訂座並確認菜單。好客嘅冲哥飯前先同大家打個招呼，講解自己如何踏上廚藝之路，同兩位師傅陳xx及方xx夫婦嘅淵源，及其演繹菜式嘅靈感正取自陳師傅家族名作之「食經」。杞子醉蝦：打響頭炮嘅醉蝦浸浴於杞子湯內，於轉盤上散發出芬芳嘅酒香。去殼後嘅中蝦橙白紋理鮮明，醇香爽甜。黃金鍋巴蝦多士：蝦多士真係食唔少，不過冇多士嘅蝦多士都係第一次食！冲哥巧妙地用咗鍋巴去代替多士，當堂冇咁油之餘仲勁脆卜卜！懷舊版多數都會原隻蝦蝦舖面，新版改配釀入以咸蛋黃炸出嘅黃金蝦膠，口感更覺彈牙，當中嘅咸香亦有提鮮之效，必吃推介也！香麻豉油皇鴨舌：鴨舌柔滑惹味，先甜後辣都幾過癮。杏汁雪耳白肺湯：呈奶白色嘅豬肺湯絲毫不油膩，香滑潤喉，如相所示，用上嘅湯料成座小山丘咁，一啲都唔講得笑！墊底嘅雪耳清香爽脆，豐厚嘅豬肺極富彈性，細佬結果掛住食湯渣連湯湯都唔記得影。海鹽蒸東星斑：已預先起骨並斬好一件件嘅蒸東星斑亮麗吸睛，厚厚嘅魚肉鮮甜無比，不過就冇咗靚魚應有嘅嫩滑感，小肥最欣賞師傅毫無保留咁加上蔥花，直令鮮味更濃郁凸出。台山焗蟹砵：冲哥介紹蟹砵嘅靈魂不在蟹，蛋蛋先之係精粹，肉蟹嘅作用只係提供啲蟹水精華，令蛋蛋發光發亮！細佬因敏感問題冇試到，席上嘅女仕們都品評混入咗豆豉及咸蛋黃嘅砵品偏咸，不過就鍾意加入粉絲嘅元素，口感滑啲，而且覺得啲蟹肉好新鮮。蘿蔔粉腸蝴蝶腩：原煲上嘅蝴蝶腩熱力十足，湯底個胡椒味濃而不俗，辣得好暖胃；主角肥瘦均勻嘅蝴蝶腩每件都睇到筋膜嘅部份，絕無花假，爽嫩潤滑，湯中仲有修長軟身嘅粉腸同入哂味嘅蘿蔔。XO醬烤花菜：大小雙肥一向怕食菜，真係超難得二人咬第一口即同時愛上此味輕盈脆嫩嘅福花菜！正菜帶有微微辣韻，轉咗兩圈已成功清碟，美味程度不言而喻！鹽殼焗雞加油飯：其實上完蟹砵雞雞已經亮過相，展示出原隻雞雞堅用鹽焗製，並交由客人用木鎚撲爛鹽殼，以證實啲鹽冇滲入隻雞入面，厚厚嘅鹽殼純粹扮演導熱體一角。XO仔怕骨自然只挑雞胸肉食，真係估唔到外表看似乾噌噌嘅鹽焗雞連雞胸都好柔潤鬆嫩，明顯啲皮下脂肪化解於雞肉及雞皮內，鹽殼當真鎖緊雞油及雞汁，確保一滴不流，功夫菜果然有料到呀！銀杏腐竹薏米糖水：傳統腐竹白果糖水微甜清潤不溜滯。尖沙咀樓上私廚「冲菜」光鮮衛生，氛圍輕鬆不拘謹，且私人空間足。主廚老闆冲哥事事親力親為，態度認真，重新演繹其師傅家傳秘笈「食經」中嘅經典粵菜可口味佳，衷心感激主人家推介，給肥肥家族多一個過海的理由！…查看更多

最喜愛的中菜餐廳，服務滿分💯食物有心思，每次到訪都能吃到時令特色菜品，沒有重複。相比起很多收費昂貴的餐廳，呢度既性價比，心思，真係非常難能可貴。會繼續一來再來！最愛火朣神仙鴨。湯頭清澈鮮美，筍乾的甘甜與火腿的鹹香完美交融，每一口都令人回味無窮，真是暖心之選。香麻蹄筋蝴蝶腩燴伊麵，腩肉軟嫩，蹄筋Q彈，伴隨麻香調味，伊麵吸滿湯汁，口感豐富，美味無比。黃金鍋巴蝦多士，酥脆的鍋巴與鮮嫩蝦肉結合，外酥內軟，金黃誘人。每一口都是鮮美與香脆的完美享受。…查看更多

今晚席上幾位朋友是《冲菜》熟客。，小妹只來過這裡幾次，除了知道老闆 George 入廚的歷史（小妹不贅啦，網上資料詳盡），僅知他愛美食，亦愛美酒，也愛 hi-fi 和音樂，對音響器材和古典音樂認識甚深（這些可能上網找不到呢）。先講地方，小妹對一間餐廳意見有二 ：裝修：有一派的「哲學」認為食物美味，無需裝修，外貌不重要，內涵才是要點。不過簡單不是簡陋，兩者不能混為一談，好些店子，樸素而雅麗，看似隨心，卻是用心，「不重外觀」不是卑陋之藉口。當然也有另一邊的極端，就是極盡奢華，金碧輝煌，那不要緊，最怕「暴富難睇」，如果恰巧遇上食物都難吃，非但味覺捱苦，連眼睛都受罪呢。是夜房間有點簡陋，然而有一個獨立空間，可以暢所欲言，現在經營食肆成本不輕，小妹對私房菜地方不會苛評，雖然佈置可以多點心思既。衛生：坊間中菜酒樓衛生環境是一個問題，尤其是洗手間，大多「不能用」的，那是小妹怕去吃中菜的原因。《冲菜》位於商業大廈中，並未特別乾淨呢。好了，進入戲肉啦。 【 酒 】今晚三支 Bourgogne，一支美國酒，小妹十分感謝朋友備酒。**店裡沒有 Bourgogne 酒杯，用上「百搭」無腳酒杯，有大、小兩種 size 用於盛紅酒和白酒。玻璃杯 breakage 成本大，小妹理解。是夜 Bourgogne 陣容雖非Burgundy「諸神」境地，已經喝到 Grand Cru 的 Chevalier-Montrachet 和 Clos de la Roche 的話，自備酒杯無妨。先來【 潮州炸蝦棗 】人們喜歡以甜配炸物（泰國菜最愛這樣），小妹認為甜就是甜，在 savoury 的菜式中，甜是背後的支撐，不能喧賓奪主。這個蝦棗炸得通透，有點甜，唯味道尚算和諧，整體來說是個不錯「頭盤」。炸物襯 Walter Hansel 2018，Russian River Valley 的 Chardonnay 。美國的酒都是大開大合，也相當甜蜜，小妹自己不會買美國 Chardonnay 的，今晚友人特意帶來，就多飲些吧。這支酒甜不突止，口感厚滑像牛油，縱然非我所愛，送蝦棗是教人愉悅的。【 鹽焗本灣奄仔蟹 】小妹少吃蟹，皆因手藝不精，吃的話就吃大隻的、啖啖肉的那種（例如 king crab），要求精巧手藝把整隻蟹「解構」的玩意，多敬而遠之。吃一隻，還是可以的（拍照之時，蟹已剩翻小妹一隻）🙄。**蟹膏有 coffee、堅果的焦香之味，調味也得宜，味道事實很好，配以貴重的 Philippe Colin Chevalier-Montrachet 2019，門當戶對。跟之前一支 Walter Hansel 同一種提子，Chevalier-Montrachet （就方便叫她 CM 吧）果香 subtle 得多了，雖然是 Philippe Colin（他的酒不用等到天荒地老），2019 還是太新、太新啦，現在飲是有些浪費了。一年前喝過他的 2016，很「開揚」的 CM。2019 則仍然含蓄得多，其實要多點時間的 （放到 2029 年後最好），不過開了就喝吧。2019 CM 是很低調的，但底蘊中有很 concentrate 的 citrus，也又點 herbal，好似 fennel 呀。這支酒沒有太 oaky，很 balance 的 CM。【 揚州清湯獅子頭 】湯清澈，味澄明，不膩。同《浙江軒》比，各有千秋啦，比《杭州酒家》的好十倍啦。CM 白酒用來襯獅子頭，仍然很好，而且越飲味道越出啦。**【 紅燒河鰻 】上盛食材，味道濃郁，本來不差，只是因為慢煮，肉太腍，有點溶爛 mushy 的口感。除此之外，並無挑剔。**【 香草胡椒蝦 】小妹覺得這道菜 —— 既然老闆愛音樂，用音樂去講 —— dynamic 太高，抑揚頓挫得過了點火，九層塔的香味搶盡鋒頭，胡椒也很 loud，反而令蝦味失色了。**【 蘿蔔粉腸蝴蝶腩 】這個是另一佳作，是那種湯清而味道複雜的菜式。蝴蝶腩，George 老闆說是豬的橫隔膜，的確爽滑而不韌，蘿蔔、粉腸（豬小腸最前端，即「十二指腸」）也入味，而且粉腸完全沒有不悅之味。雖然是白肉菜式，味道濃郁，flavour profile 其實挺複雜，喝 Joesph Faiveley 的 Clos de la Roche 2009 亦可以。朋友常笑小妹，喝完 Ponsot 的 Clos de la Roche 情陷得太深，其他都認為不好，實在言重了。**Faiveley 的酒一向不會差。他的 Clos de la Roche （CR） 是 negotiant 的酒（即係不是自己田的葡萄，是買回來的葡萄釀的酒）。 這支 CR，tanin 恰到好處，味道雅麗平衡，on the nose 花果芬芳，帶點矜持，酒身一貫 CR 的圓滑，而且味道光彩怡人，finish 也叫人眷戀。老實說，跟 Ponsot 是有點差距既。【 金銀蛋炒涼瓜 】普通菜式，做得甚好，君子之瓜，苦不沾人，小妹衷心讚許，沒有其他評語可以再加上去啦。**【 古法蔥油雞 】雞燜得香而滑，配以蔥油誠然尚佳，不過整體只是四平八穩，非驚人美味。**反而第四支酒是有點意外 —— Chanterêves Nuit Saint Georges (NSG) Premier Cru Les Damodes 2015。2015年的勃根地紅酒絕對品質優秀了。這一支  Chanterêves NSG 特別之處在於出眾的 berries 和 spice，比剛喝過 Faiveley 的傳統優雅低調的 CR 來得更有個性，直接了當，揚眉女子，卻不失漂亮，口感依然圓渾，差點兒把 Grand Cru 的 Faiveley 比了下去。Chanterêves 佳釀沒有辜負了 Les Damodes 一塊好田 。只是如果你喜歡傳統的 Bourgogne，可能要點時間接受 Chanterêves 的個性。【 滑蛋鳳尾蝦煎米粉 】蛋又香又滑，蝦爽而味道鮮美，只是煎米粉祜芡汁濕潤後有些靱，無傷大雅，其實應該留點白酒去配這個相當具份量的菜式。阿姐和 George 老闆都先後警告這是個很「油潤」的菜式，不能留過夜，因為過夜出油不好吃了。我們都有點 worried，不過既來之則安之，一舉消滅了她吧。**【 蛋白杏仁茶 】甜度適中，杏仁香，口感滑，味道的甜美、堅果之香和衍生的味道層次比《港灣壹號》要好得多。這樣一個甜品，無疑是個完美的句號。**【 總結 】《冲菜》不斷搬家，地方有好有壞。現在山林道的地址，環境不能算好，唯今晚有房間，吃得十分開懷。老闆不時入來交談，美食、音樂、hi-fi、美酒他都懂，令小妹獲益良多。至於食物，印象是也曾經有一排是差了的。今夜的菜式，一貫用心烹調，雖非山珍海錯，不少是要時間功夫去做的菜，有些特色食材（例如蝴蝶腩），自己在家是不會做的菜式。不抱著來品嚐人間世外的美食來的話，是很美味、合意、滿足的晚餐。今天朋友請客，當然還要感謝朋友的美酒呢。…查看更多

一行六人食私房菜～呢個酒香花螺，用咗唔知花雕定係黃酒去浸過花螺加上芫荽，酒嘅味道唔會喧賓奪主反而突出左海鮮嘅甜味介紹返呢個江南百花雞，係老闆嘅得意之作，每日淨係會做一碟。要將成隻雞去骨去跟留返個雞皮（仲唔可以穿），將蝦膠釀入去。嗰啲雞肉呢就煮成個汁加上西蘭花。聽講係以前西關大少們食嘅粵菜。呢個台山焗蟹砵，下面係蒸水蛋。蟹膏嘅香味完全滲入咗個蛋度～鮮味無限。我最鍾意呢一道菜，睇落好簡單，但所有嘢都要新鮮同埋交到時間啱啱好酒糟馬友係食唔到酒糟嘅味道，但成條魚竟然係去咗骨，同埋非常之嫩滑。師傅嘅刀工同埋食材嘅新鮮可見一班成餐飯都好滿意…查看更多

有長輩請食飯，想坐得舒舒服服，又唔介意價錢，所以上網搵左尖沙咀冲菜。由聯絡訂立到選擇菜式，都可以自選配搭，感覺唔錯，以前食過好幾間私房菜都冇做，可能有d師傅退休，有d頂唔住個疫情。先講幾樣冇影相既：酒香花螺，酒香味及調味岩岩好，唔會浸到好實，可以。黃金鍋巴蝦多士，脆口，蝦滑彈牙/味道適中，幾好。豬肺湯，真係一人一碗，湯渣一大碟（唔算好多豬肺）我覺得收咁既價錢可以煲/燉多少少，會飲得滿足d，係夠濃同好飲既，豬肺洗得好乾淨。油浸野生筍壳魚，浸得過左龍……唔係岩岩痴骨，岩岩熟夠滑果隻，失望！古法燻鷹鯧，有煙燻香味，魚亦脆口入味，唔錯。蜜汁火方：似係用慢煮既方法煮金華火腿咁，非常之濃味，重咸重甜，要夾少少配埋個饅頭仔食，ok啦，如飲酒就一流因為好重味！蟹釀橙，蟹肉既鮮比甜橙味蓋過左，見人見智………我地一行十二人都覺得唔好食，老闆解釋呢個係食懷舊既宮廷菜，我個人就唔推介喇！四季豆………咪炒四季豆囉……鹽壳焗雞，賣相一流，雞夠滑，油飯/薑蓉都好食，唔錯。腰果露，第一次食好特別，少少甜幾得意！食後感，好多年前見朋友仔上去食，睇相都覺得唔錯。到自己初次去食，係咪咁大驚喜呢，就真係一般般；我明白一分錢一分貨，但我就覺得價錢略略貴少少……但計埋尖沙咀呢個地點……算合理既！自帶酒水，12個人飲左9支。…查看更多

多謝酒友 carry，帶我地試下呢間隱世私房菜，佢係喺一橦商廈入面，所以格局其實唔係好似一間餐廳，佢係可以BYOB，亦都係點解我地嚟左呢度食飯嘅主要原因。 菜係訂枱嘅時候已經寫好晒喇，等齊人就開飯~ 酒香花螺，將啲螺肉拆晒出嚟再溝薑線同酒汁而成，三種味道同層次加埋效果幾好，拆左肉之後會搞到不停咁食停唔到。檸檬葉炒甜粟，一個外表非常簡單嘅菜，但係係出奇地好食，可惜嘅係，呢個菜係全晚精華之一。牛脷酥，佢唔係油炸鬼個friend，其實係牛脷天婦羅，配埋秋葵、紅椒以及南瓜嘅天婦羅，牛脷天婦羅有驚喜，係我覺得全晚最好食嘅野之一，但份量同擺盤上有啲「妹仔大過主人婆」嘅感覺。清蒸７両大閘蟹公，係咪真係７両我係有懷疑，無論目測以及上手嘅感覺都同平時嘅７両有唔同，蟹質素就幾好，都食得過癮。古法燻鷹䱽，呢個就真係最晚之最喇。煙燻味加上面嘅蜜糖汁味，魚肉厚實口感都好好。 焗𧐢仔砵，初頭以為係魚腸，原來係𧐢仔，呢個我就一般，下面仲有大量紫蘇，味道都幾濃，加埋個味我覺有啲怪。金銀肘子，其實即係元蹄，只係唔係紅燒，呢個都整得好腍幾入味幾好食。欖角宜賓芽菜炒四季豆，無乜特別，即係炒四季豆囉～ 江南百花雞，一道好出名嘅手工廣東菜，製作過程一啲都唔容易，但係呢次就有啲失望，入面嘅饀料好霉，芡汁亦過多，令到口感同味道都唔係幾好。另外，以私房菜玩法 以及 收貴嚟講，佢都真係坐得好迫，一個人要去廁所幾乎要半枱人起身先搞得掂，同隔離枱嘅距離亦係非常近，同埋以佢嘅食物質素嚟講佢係有啲貴。 菜色雖然有特色但係質素唔算好出色…查看更多

當晚menu由負責人George哥操刀 菜式如下👇🏻 - 酒香花螺  - 煎封梅香馬友 (重鹹香 一定要餸酒‼️) - 山瑞蒸羊 (古法潮汕手工菜 山瑞香港唔係成日有 非常滋陰補身) - 煙燻小黃花魚 (偏油) - 焗𧐢仔砵🌟 (面頭鋪滿火炙脆口油炸鬼😋 蓋住嘅係鮮甜嘅蠔仔加乾身嘅粉絲 成件事幾有口感👍🏻) - 紅燉蘿蔔  - 天九魚唇紅燒肉🌟 (魚唇咬落煙韌口感似年糕 紅燒肉香口肥瘦比例剛好🤤) - 銀杏腐竹薏米糖水🌟 (腐竹煲到溶晒味道香濃😙)…查看更多

一班酒友聚頭, 可以免開瓶費嘅餐廳就係最好不過, 今次酒友們就揀呢間係山林道盡頭嘅上樓私房菜預訂嘅時候已經揀好菜式, 一齊就開席酒香花螺 - 已經處理好冇哂殼, 啖啖螺肉加酒香, 食指大動檸檬葉炒甜粟 - 比想像中好食, 加檸檬葉更香牛脷酥 - 左邊啡色先係牛脷, 另外再有南瓜、甜紅椒、秋葵, 配料多過牛脷好多清蒸7両大閘蟹公 - 就咁睇就偏細, 而且膏都係偏少唔夠甘香熟成胡椒銀杏烏雞燉豬肚湯 - 胡椒解大閘蟹寒涼, 足料鮮甜古法燻鷹䱽 - 是晚MVP, 除咗用上海式煙薰魚做法, 表面加上蜜汁調味, 魚肉結實香濃焗𧐢仔砵 - 蛋漿焗蠔仔, 下層有粉絲同芫荽, 唔抗拒芫荽但個蠔味搶哂金銀肘子 - 炆到十分軟腍入味, 不過伴碟小唐菜就硬咗D, 而且芡汁太多太油膩欖角宜賓芽菜炒四季豆 - 廚師講欖角有再加入宜賓芽菜(四川四大醃菜之一)後製過, 惹味唔會過鹹江南百花雞- 全晚最失望菜式, 雞肉好似白烚雞胸般粗榎, 蝦肉唔夠彈牙座位安排13人坐12位比較親密, 酒杯數量唔夠都降低用餐體驗…查看更多

我在疫情期間十多個月去了冲菜不下十多次，这是第一次寫。也带了不下二十多個朋友到访。以我個人及朋友们的feedback . 比较推荐几個菜色。前菜酒釀花缧，酒香及汁十分特别。黑毛猪义烧鳯肝，香煎馬友送whisky, prefect match . 也是其他地方無机会吃的前菜。另外，人多時可以试他们古法鹽焗鸡及油饭，油浸魚，鳖蒸羊及川味土豆甲鱼，颇特别。葱油雞，豆瓣肉蟹也不错。他们也有红鱘米糕，合时吃也不错。不时也有時令菜，可以問問老闆George . 如果一班好友带上好酒（免开瓶），轻松吃饭的好去處。當然香港也可以去不少酒店及high street 餐厅。但這里比较cosy ，食物質素好，值得時不時到访。…查看更多

中秋節諗住同屋企人去食餐飯啦！奶奶話想食中餐，於是我地就上網搵左D私房菜，不過中秋節全部都full booking😑 呢間沖菜我自己都收藏左好耐，終於book到今日就嚟試下今日我地5個人，menu $3600呢個宋嫂魚羹有D腥，好少魚，失望呢條馬友係甜，用酒糟蒸係出奇制勝，大家都知道其實馬友好平呢個蟹燉橙聽聞係signature，當你以為裡面會有好多蟹肉，會好失望😞老闆話呢個菜式的典故係以前得皇帝先有橙食🙄，所以食橙先係重點🤪講到尾就係比個橙你食，我唔識欣賞😏全晚最高分係呢個雞油飯我地隔離枱幾個女仔都無set menu，D嘢睇落幾好食，下次試下散叫先！…查看更多

疫情關係，在課程開始時的期都以網上上課後，近期終於開始實體上課。雖然網上上課較方便，但我較喜歡上實體課，皆因能更認識同學仔，傾吓講吓，整件事有趣得多。同學發起每月一晚食好啲亦飲吓酒，求之不得! 剛剛的週五晚大家便殺上山林道沖菜，不亦樂乎!前菜先來一客涼拌魚香鮑魚海參，辣辣哋幾醒胃。接著是黃金鍋巴蝦多士。今時今日不多地方有蝦多士供應，這裡的很香口，係正嘅。蜜汁鳳肝黑毛豬叉燒，叉燒我覺得好過利苑。胡椒銀杏燉豬肚湯，老闆沖哥特地出來介紹湯無下鹽無下雞粉，只以計算鹹菜多寡來調味。這講求手工，效果亦好好，喝完不口渴。油浸荀殼並不像別的酒家變了油炸荀殼，吃起來嫩滑，啖啖肉。豆酥黃金北海道元貝，隻隻飽滿。豆酥真是用新鮮黃豆做，而不是用弄完豆漿後的豆渣做，吃起來較鮮味鬆化。梅乾菜東坡肉，席間同學說是男人恩物，皆因無益老婆通常唔俾叫，當晚大家都破戒，當晚的好甘香，不感到油膩。梅菜蒸三寸芯後，來了隻獅頭鵝。感覺和灣仔鹵八飯店的差不多。鹵八飯店的其實不錯，是贊美。飯後加上腐竹薏米糖水，不太甜，味道剛好。酒逢知己千杯少，平日和太太在家開一支太多，難得當日有酒腳，盡興地飲。我嚮往的生活，是間中朋友來到家中，吃簡單外賣，但飲返幾杯傾吓偈，一樂也。太太說，老闆沖哥是因有感出街找不到好嘢食，便把心一橫開餐廳，是誠意之作。當晚每人七百五十元，不收開瓶費，性價比算高。相比起高價西餐靜靜吃，我更喜愛圍著圓檯熱鬧吃。當晚很盡興。失落的時候，便吃好一點調劑，有治癒作用。小平@花墟道十八號…查看更多

朋友公司食團年，刻意揀呢間店食嘢，滿心歡喜，專登晏晝唔食嘢等夜晚呢餐食。先睇睇菜單上菜是誰唔跟菜單， 老闆話跟煮食時間邊樣菜先煮好邊樣上先會好食啲第一道菜 潮式清燉白鱔開始食之前侍應講，話食食嘢唔好講嘢，我哋問佢點解，佢話因為條鱔好多骨，如果以湯嚟計，呢個湯只有鹹酸菜未完全食唔到任何甜味或者其他魚味，同埋條鱔真係超多骨 ，我好多朋友啲嘢食咗一啖先其餘嘅已經冇食第二度菜 酒香花螺其實未到冇任何特別，喺屋企應該都煮到， 侍應話連埋啲薑一齊食好食啲，食落感覺是醉雞做法，只不過係螺做主角第三度菜 黃金鍋巴蝦多士好牽強咁講佢只不過係將多士換咗米通， 跟住老闆又行入嚟問好得意咁講話多士換咗米通，冇吸咁多油，其實食囉咪又係咁多油， 多唔多油本身根本就係煮食溫度問題， 面頭嗰陣用鹹蛋黃但係鹹蛋黃完全冇味，我嘗試提議叫佢試下海膽舖喺面拎去會出未好多，跟住佢又話成本問題佢哋唔會用咁貴食材去煮嘢食畀啲客第四度菜 宋嫂魚羹食之前侍應先上胡椒粉同醋，即刻知道已經奶嘢，因為其實好食根本唔需要加呢啲嘢，一打開個蓋聞到魚腥味， 後面已經唔想講🤫第五度菜 桂花陳酒精雞小弟對食雞都幾有研究， 但係我想講就算幾好食，或者己普通嘅雞，擺得上枱面連最基本都嘅嘢都未做好，就係清洗乾淨成隻雞，雞皮有好多毛， 開頭畀老闆睇老闆話係喎有少少毛，但係隻雞一切開成隻雞都有唔整乾淨嘅毛，連基本都未做好第六度菜 香露焗大蝦正如圖所見，蝦同芹菜味，少少霉第七道菜 蟹釀橙其實睇樣都估到，食落去真正如果嘅一樣， 回甘味好重，真係好q苦，浪費曬啲食材， 我真係忍唔住同個老闆講話呢尾崇真係好苦， 大陸仔回應話我哋飲咗酒 ，但係我想同大家講其實我哋有一半人都係唔飲酒其實仲有其他嘢食我已經唔想影了，認真呢計呢餐飯應該係2020年開年最難忘嘅一餐飯…查看更多

轉眼出來工作已經20年。舊同事很有心，發起聚會。大家都想方便傾計，所以選擇私房菜，我就提議了「沖菜」。是日菜單非常豐富。野山椒糟醉豬手 — 非常貼心完全起骨，店長話係用優質的花雕製作，要浸過夜才爽口。食落清爽、酒味平衡。重點「野山椒」反而食不出特色。蜜汁鳳尾魚 — 非常香脆而不油膩，連骨完條食。我一直以為鳳尾魚是上海嘢。店長解釋原來本地也有，而且只能野生，是故休漁期結束之後才有供應。黃金鍋巴蝦多士 — 香口、味濃、熱辣辣。送冰凍白酒一流。蜜汁鳳肝黑毛豬叉燒 — 叉燒不錯，稍嫌肥肉比例太高，雖然爽口、較香，但畢竟不太健康。雞肝則不太受歡迎，剩了很多。川芎天麻燉大魚頭 — 非常正斗！店長強調原汁原味，不加任何調味，鹽都冇落，鹹味都來自火腿。湯料一大盤，朋友好鍾意食魚頭，食到唔停口。個湯感覺好滋補，忍唔住打包。豆酥銀雪魚 — 類似避風塘炒蟹的做法，不過不辣的。今日已經有幾味香口嘢，雖然好乾身唔會油淋淋，但係都係膩膩地。蟹釀橙 — 其中一個招牌菜。店長親自出馬，選用「臍橙」，要小心手工除去核和依，壤入蟹肉及蟹黃，鮮與甜配搭得不錯。醬烤花菜 — 醬汁炒的椰菜花，個人覺得前面的菜味道已經好豐富，如果菜清一點更佳。鹽殻焗雞+油飯 — 幾得意，要用槌敲開鹽殼。原來斬出來都幾大隻雞。大家都好飽，所以都剩比較多。杏仁茶/腰果露 — 個人不喜歡甜品，不過杏仁茶唔太甜。我都飲晒。當年初出茅蘆，大家在第一份工作相遇，是一種緣份。在一起去美國 Training 後，作為顧問，就難免開始了各自的四海漂泊。不過，這無阻大家的感情。今晚閒話家常、細說當年點滴，彷彿回到當年，相當愉快～咁有意義的聚會，我帶了一瓶 1999 年 Saint Julien 產區的 Chateau Lagrange。1999 正是我們上班的年份，轉眼20年。大家一起舉杯，正如同事所言，「大家飲嘅係青春啊」😂…查看更多

公司食爆數飯 老闆帶我地薯仔們去食私房菜🤭🤭我地食兩圍 俾左間私房我地 自己圍威喂👏🏼👏🏼今晚嘅菜單料理分別有：1️⃣野山椒糟醉豬手2️⃣蜜汁鳳肝叉燒3️⃣黃金鍋巴蝦多士4️⃣宋嫂魚羹5️⃣香麻海青斑6️⃣東坡肘子7️⃣蟹釀橙8️⃣金銀蛋上湯浸莧菜9️⃣客家蒸鹹獅頭鵝🔟銀杏腐竹薏米糖水呢個豬手炆得超入味 好淋呢碟叉燒可以送成碗飯🤤🤤值得一試 …查看更多