冒喜 (宏利廣場)

今日係觀塘上完堂，行過見到呢間新既餐廳，一於就試下佢呢到主要都係食湯面，但見到佢既套裝好抵食，8餸湯面都係68蚊，湯底辣同唔辣都有唔少選擇首先，叫左個小食食下先，試咗個杏鮑菇，杏鮑菇口感幾滑嫩，加埋酸酸辣辣既汁，真係好開胃，好適合做前菜我地一人叫左一碗面，第一碗就試左佢呢到招牌既青二荊條湯底，其實應該就係四川辣椒，食落係好香口，辣味都好足，土豆粉食落就比較滑，配菜叫左蟹柳、肥牛、胡椒豬肚、牛黃喉、黑毛肚、油麥菜、白蘿蔔，仲有好特別既貴洲丁家脆哨，配菜既種類都好多，仲要有好多都係出面比較少見，好似胡椒豬肚同埋牛黃喉咁，而且都好爽口煮得幾好食，最特別係個脆哨，真係第一次聽呢種食物，食落細細粒似係炸過既肥肉，好香口好脆!第二碗就係蕃茄湯底，蕃薯粉就比較煙韌，配菜就叫左手搥牛肉丸、滑雞片、滑牛肉、豬大腸、黑毛肚、金菇、冰豆腐同竹輪卷，手搥牛肉丸好出色，好彈牙，而且好有牛味，一定要試!飲品方面，呢到有D健康D既我就揀左洛神花山楂蘋果，味道清新，酸酸甜甜，好解渴，另外仲有玻璃樽裝汽水飲最後，仲食咗桂花蜜烏梅冰粉作為甜品，呢個甜品清新可口，酸酸甜甜，作為解膩真係一流整體來講，呢到真係一個好地方，一黎好抵食，二黎食物都煮得好食，不失為一個好選擇…查看更多

之前係上環食過呢間車仔麵，佢係東九龍呢邊開左，方便我帶老公黎食。呢間間唔時有創意湯底，今次佢哋新出咗個青二荊條湯底，聽個名有啲特別，就試下啦！我地叫左兩個餐：🍜 吉祥套餐 1（重慶麻辣湯底 + 土豆粉） 選咗經典重慶麻辣湯底，入口就感受到濃香花椒香＋辣油香，但唔會死辣，有少少香麻感，飲落去夠惹味但唔會燥。土豆粉滑溜煙韌，掛湯能力好，幾有口感。 配料方面：墨魚丸係比較彈口、內裡有啲脆粒口感豬大腸處理得幾乾淨，無腥味，唔會好肥油麥菜＋貢菜～貢菜唔係好多地方有，好鍾意佢好脆口評分：👍🏻👍🏻👍🏻/5🍜 吉祥套餐 2（青二荊條湯底 + 刀削麵） 佢新出呢個青二荊條湯底真係有驚喜！用青椒煮成，湯底帶微酸微辣，好開胃，辣味唔霸道，但越飲越上癮。配埋貴州丁家脆哨，超香脆，吸晒湯汁咬落去仲會爆油香😍。 刀削麵咬落去有咬口，吸湯一流！配料方面：手搥牛肉丸有誠意，唔係雪藏貨，牛味突出，好彈牙滑牛肉幾嫩滑，食落仍然juicy萵筍+海帶結+冰豆腐吸晒辣味，口感豐富評分：👍🏻👍🏻👍🏻/5我地再叫左兩個小食：🥗 涼拌酸辣土豆絲 酸香爽脆，不過我覺得酸左少少～🐟 藤椒魚皮 魚皮夠爽，唔腥；藤椒香氣突出，有少少麻感，好食～評分：👍🏻👍🏻/5🍹 飲品：洛神火山楂蘋果 / 王老吉 一個微酸清潤、一個清熱去火～食咁多辣野，真係啱晒😌整體味道指數：😋😋😋/5性價比：💰💰💰/5環境：❤️❤️❤️❤️/5服務：✅✅✅/5…查看更多

之前去過一次【冒喜】食過冒菜，覺得價錢合理、味道唔錯，所以今次再同朋友去觀塘新分店食晚飯。每個套餐都係可以自選任意搭配，我地就叫左銅錢套餐、配4款食材，某D食材需要另外加錢。🍅 生椰番茄湯底（配魚腐、豬大腸、貴州丁家脆哨、豆皮、土豆粉）湯底好有驚喜！番茄嘅酸甜撞上椰香，濃郁得嚟帶少少creamy～魚腐吸飽湯汁超入味，豬大腸洗得乾淨冇異味，脆哨炸到卜卜脆，加埋滑溜嘅土豆粉，口感豐富到爆！🔥 重慶麻辣湯（配潮汕手搥牛肉丸、滑牛肉、海帶結、蓮藕片、蕃薯粉）麻辣湯底正宗，花椒同辣椒嘅比例啱啱好，麻得過癮！手搥牛肉丸彈牙爆汁，滑牛肉嫩到滑，蓮藕片爽脆索辣，蕃薯粉掛湯一流，嗜辣必試～🌶️ 重慶麻辣湯（配墨魚丸、王中王火腿腸、冰豆腐、金菇、土豆粉）墨魚丸鮮味十足，火腿腸童年回憶，冰豆腐吸辣汁勁刺激，金菇同土豆粉係索湯神器，食到鼻水出都停唔到口～🍣 日式芥末海茸拌冷盤小食超開胃！海茸脆卜卜，芥末醬攻鼻但唔嗆喉，加咗少少芝麻提香，食完麻辣嘢清下味蕾啱晒～❄️ 自家製桂花蜜烏梅冰粉冰粉滑溜溜，烏梅酸甜解辣，桂花蜜清香，飯後甜品首選！🍎 洛神花山楂蘋果洛神花嘅酸香同蘋果嘅清甜平衡得啱啱好，山楂助消化，解膩一流～🍹 酸梅青檸烏龍茶烏龍茶底醇厚，酸梅同青檸雙重酸爽。☕ 王老吉食麻辣點少得佢！經典涼茶降火，甜度適中，拯救被辣到噴火嘅舌頭～…查看更多

牛頭角嘅「冒喜✨」絕對令我一試難忘，多款自選湯底加配料，選擇夠多，價錢又唔貴，性價比爆燈，啱晒鍾意食辣既我。😋最抵食既八寶套餐，$68就有八款配料任你揀，湯底同麵條都可以自選，米線、刀削麵、紅薯粉乜都有，啱晒唔同口味。👍 配料方面有成三十幾款咁多！個人推介滑牛肉、潮汕牛肉丸、丁家脆哨同豬大腸，全部都好有特色，食落口感一流。✨最特別係脆哨，係貴州既非物質文化遺產美食，係必點之選。湯底選擇都好多，有青二荊條湯、重慶麻辣、生椰蕃茄、酸辣湯、黃金酸菜等等，有辣有唔辣任你揀，更有一款合心水。🍀除咗主食，佢哋仲有四川涼拌小食，好似藤椒魚皮、麻辣蓮藕、惹味杏鮑菇，全部都好開胃🍜最後一定要食埋佢哋嘅甜品——桂花蜜烏梅冰粉，甜甜地又有解辣效果，食完真係大滿足😌。…查看更多

想食四川粉麵，位於牛頭角宏利廣場嘅「冒喜✨」絕對係唔錯嘅選擇，佢哋既湯底款式及粉面配料夠晒多，款款好味有質素，而且優錢夠親民，絶對推薦。八寶套餐係最佳選擇，只係$68已經有八款配料，可以選擇唔同款式嘅湯底，仲可以加不同款式嘅麵條例如米線、刀削麵等等。配料方便有差不多30多款選擇，其中滑牛肉、潮汕手錘牛肉丸、貴州丁家脆哨、豬大腸等等都係必食推介。湯底方面，有重慶麻辣湯、生椰蕃茄湯、黃金酸菜湯等等，有辣有唔辣，梗有一款啱口味。四川涼拌小食，包括藤椒魚皮、麻辣蓮藕片、惹味杏鮑菇等等，有傳統又好味。最後仲可以食埋四川甜品，桂花蜜烏梅冰粉，甜度適中，解辣一流👍。…查看更多

牛魔王套餐⋯⋯有肥牛，滑牛肉，牛丸，黑毛肚，牛黃喉 …..養生白胡椒湯…帶微嗆味，不辣；肥牛滑嫩，牛丸彈牙，黑毛肚爽脆，非常滿足😌自選套餐可以有四餸六餸八餸不過八餸感覺看似抵啲🤣🤣每碗上桌時色澤豐富，滿佈蔥花、蒜末與香菜，芝麻點綴其間！青二荊條湯，湯底喝來麻香四溢，椒味突出，不油不膩，入口溫潤且不重鹹！麻辣蓮藕片及麻辣椒椒魚皮十分搶鏡。蓮藕片爽脆，花椒麻香，醬汁帶點甜味。魚皮則外層帶麻辣香，內裡保持滑彈！…查看更多

呢個牛魔王套餐，雖然話微辣，但對我來說其實都好鬼辣，我食晒啲餸，個面食咗兩三啖，就放棄咗啦，我平時都食得微酸辣或微麻辣，但佢呢個微辣俾我平時食開嗰啲微辣一啲都唔微，可能因為每間餐廳對定義微辣的標準都唔一樣，所以雖然話微辣，但我對比起上嚟，就一啲都唔微！基本上，個人覺得材料十足，麵質彈口，湯底味道不錯，如果能夠無咁辣就更好。另外，餐廳有提供其他不辣湯底的麵給顧客選擇。自家製洛神花茶，嗰人覺得有點太甜。…查看更多

最近我同朋友去咗一間位於觀塘嘅食冒菜嘅餐廳叫咗佢哋幾樣嘢同大家介紹吓八寶套餐真係唔錯！首先，蟹籽蟹粉丸好滑，蟹味濃郁，咬落去仲有啲彈性，真係好正。胡椒豬肚就有啲微辣，味道夠香，搭配啲脆鯛魚片，口感對比好有層次，魚片炸得金黃香脆，食落去超滿足。至於鴨血同冰豆腐，兩者都好清新，鴨血嫩滑，豆腐吸收咗湯底嘅味道，食落去非常開胃。蓮藕片同貢菜更加唔可以少，脆口又健康，增添咗整體嘅口感。最後，芫茜添咗啲清香，真係一個好嘅配搭。呢個青二荊條湯微辣，土豆粉口感滑，湯底味道濃郁，十分暖胃，配合主菜一齊食好啱。銅錢套餐再講返銅錢套餐，潮汕手搥牛肉丸超級好食，肉質鮮嫩，滑牛肉又香又嫩，搭配豬大腸，味道更加豐富，而貴州丁家脆哨則為整個套餐增添咗啲特別嘅風味。特濃清雞湯真係一絕，米線吸收咗湯底嘅精華，食完之後令人心情愉快。自家製桂花蜜烏梅冰粉最後，甜品方面，自家製桂花蜜烏梅冰粉清新可口，味道唔會太甜，正好作為收尾，令人回味無窮。…查看更多

最近口痕好想食辣嘢，於是就約咗朋友食冒喜！冒喜分店都好多，今次我地去咗牛頭角分店！我哋兩個都叫咗八寶套餐，好豐富！而且仲試咗佢哋新推出嘅青二荊條湯，呢款辣椒都幾麻幾辣幾過癮，食到最後會有少少酸辣，而且越食越入味！配料方面我哋試咗：滑牛肉、鴨血、毛肚、豬大腸、牛黃喉、貴州丁家脆哨、潮汕手錘牛肉丸、貢菜、萵筍、芋絲、海帶結！其實每款都好食，好入味，推薦必試牛肉丸、毛肚、黃喉，素菜方面一定要食貢菜，爽爽脆脆，勁入味😍而且佢哋都有特色新品脆哨，好香脆，有油脂香👍🏻試咗佢哋嘅小食魚皮，好爽脆，又係勁入味😚因為今餐都比較辣，配返佢哋嘅酸梅烏龍茶就啱晒…查看更多

在觀塘尋覓正宗川味，找到這家標榜四川風味的專門店。整體用餐體驗舒適，店內裝潢簡潔明亮，空間感足，最令人驚喜的是竟設有戶外座位區，在不算太悶熱的晚上，坐戶外吹著微風享用麻辣料理，別有一番風味，為都市中的用餐增添了幾分閒適感。說到食物，必須大力推薦他們的「炸支竹」！這道看似簡單的前菜/配菜，實則做得非常出色。支竹炸得金黃酥脆，火候掌控得宜，入口是滿滿的「咔嚓」聲，香氣四溢。更難得的是，即使泡在紅油或湯汁中一陣子，依然能保持相當的脆度，吸飽了麻辣鮮香的湯汁後，外酥內軟韌，豆香與川味醬汁完美融合，層次豐富，令人忍不住一吃再吃，絕對是必點之選，為餐桌上的亮點。然而，有兩道菜則需要謹慎考慮。首先是「豬大腸」（無論是乾鍋、爆炒或滷水形式），這次的體驗並不理想。大腸處理得算是乾淨無異味，但最大的問題在於口感——過於硬韌，欠缺應有的軟糯彈牙。咀嚼起來頗費力，即使經過麻辣烹煮，也未能使其變得軟化入味，感覺像是久煮不爛，頗為失望，與期望中入口即化或Q彈的口感相去甚遠，實屬不推介。另一道是「牛丸」（如在湯品或火鍋中），同樣在口感上未達標。牛丸吃起來不夠彈牙爽口，質地偏於鬆散或粉感，缺乏牛肉丸應有的緊實嚼勁和肉汁感，風味也較為平淡，未能為菜式加分。值得一讚的是職員的服務態度。從帶位、點餐到上菜，都顯得友善有禮，反應迅速。即使店內忙碌，也能保持耐心，主動添加茶水，詢問需求，讓整體用餐感受更加分。總結來說，這家觀塘川菜館在環境（尤其戶外座位）和服務上表現優良，招牌的「炸支竹」確實出色，值得專程一試。但對於追求口感的朋友，「豬大腸」的硬韌和「牛丸」的欠彈牙則是明顯短板，建議可跳過這兩道，轉而嘗試其他招牌川味小炒或水煮系列，相信能獲得更滿足的四川風味體驗。…查看更多

喺東九龍搵地道車仔麵，冒喜真是一個好選擇！嗌咗吉祥套餐 1 重慶麻辣湯底配土豆粉，湯底花椒香濃，微麻微辣好惹味但唔會過火，土豆粉滑溜煙靭，掛湯一流。配料有墨魚丸，彈牙有脆粒口感；豬大腸乾淨無腥味；仲有貢菜同油麥菜，脆口開胃。仲叫咗青二荊條湯底配刀削麵，湯底微酸微辣好開胃，貴州丁家脆哨香脆爆汁，手搥牛肉丸牛味濃，滑牛肉嫩滑 juicy。刀削麵咬口十足，吸湯好正！小食嘅藤椒魚皮爽口無腥，藤椒香麻好食。涼拌酸辣土豆絲酸爽可口，但略為酸咗啲。環境乾淨有特色，店員服務親切，適合愛辣嘅朋友！…查看更多

1.冒喜八寶套餐 湯底生椰蕃茄湯底濃稠滑順，椰奶的綿密感與番茄的微果肉質地結合，入口有層次，味道酸甜鮮明，主食土豆粉粗粉條彈牙有嚼勁，表面滑溜易掛湯，久泡仍保持韌性，味道清香，土豆粉質地與濃湯形成對比，令口感豐富。食材蟹籽蟹粉丸外層彈牙，咬開後蟹粉爆漿，蟹籽增添脆卜卜口感，鮮味濃郁。竹輪卷吸湯後外軟內微韌，帶甜味與湯底呼應。五花腩片突出豬肉的鲜甜，肥肉部分柔嫩油潤，瘦肉部分香軟。豬大腸滷製軟糯無腥，肥厚部位油脂香與番茄酸解膩。貴州丁家脆哨酥脆鹹香，豬油渣香氣濃烈。毛肚新鮮爽脆，輕涮保留嚼勁。雲耳脆滑清爽，芫荽清香提味，平衡整體厚重感。惹味杏鮑菇（小食）厚切菇肉多汁，外皮微焦脆，咬下似肉質纖維感，麻辣調味，鹹甜帶辛香，菇類鮮味突出，口感豐富嫩滑。酸梅青檸烏龍茶（飲品）烏龍茶底輕盈，青檸微澀，酸梅碎粒增加口感，味道酸甜，烏龍焙火香襯托，酸梅鹹味與青檸清新解膩，尾韻回甘，完美中和套餐濃郁感，夏日消暑首選。2.冒喜八寶套餐 湯底養生白胡椒湯底濃郁帶微稠感，白胡椒研磨細緻，入口先感受到溫潤的骨湯質地，味道是白胡椒的辛香暖胃，帶有豬骨熬製的鮮甜底韻，只有微微辣度。主食番薯粉夠粗，咬勁十足，能掛住白胡椒湯的香味，入口Q彈好味。食材漁腐外層蓬鬆多孔，咬下爆湯汁，鮮甜帶脆感。潮州手搥牛肉丸緊實彈牙，牛脂香濃郁。潮汕蒜香墨魚丸海味鮮明，蒜末與墨魚膠的甜味交融。美國肥牛薄切涮煮後柔嫩，脂肪紋路融化滲出奶香。滑牛肉經醃製，肉味香濃突出湯底韻味。鴨血氣孔細密如布丁，無腥味，湯汁滲入後形成外辣內鮮的對比。炸枝竹吸湯能力極強，外層軟爛、內層保留腐竹脆性。萵筍切厚片保持脆度，清甜濃味。洛神花山楂蘋果 （飲品）冷飲更佳，微黏稠來自山楂果膠，蘋果丁沉底增加咀嚼感，洛神花的莓果酸香，山楂提供深沉酸度與回甘，蘋果甜味緩衝酸澀，適合解辣去膩。…查看更多

喺牛頭角附近做完嘢，同友人想食米線，決定試下這間標榜冒菜的冒喜。 店內裝修行懷舊風，一入店內看見大大隻字寫住靈魂是湯底，令人期待。舖頭是以QR落單，湯底有辣和唔辣，我自己和友人均選了8喜套餐，顧名思義是可以選八個餸。我自己選了重慶麻辣湯底小辣，麵底係米線，配以牛丸、墨丸、蟹籽丸、豆卜、魚腐、娃娃菜、火腿腸和貴州脆哨，好吃的是牛丸有牛味及實淨，其他配料正常，值得一提是貴州脆哨，其實是炸豬皮配以麻辣湯底吃脆口惹味，麻辣湯底食得耐開始辣，叫了洛神花山楂蘋果特飲，解辣一流。友人嘅湯底是生椰蕃茄湯底是椰汁再加蕃茄味的湯底，天氣炎熱來說，生津開胃，麵底是刀削麵，湯底味道濃郁，配料有牛丸、墨丸、午餐肉、火腿腸、枝竹、魚腐、豆卜、芝士腸等。友人表示魚腐和豆卜吸了湯底嘅蕃茄味，不經不覺吃了成碗麵。另外，叫了惹味杏鮑菇小食，份量都幾多，微辣果然是惹味之選。總括而言，這個價錢是上班族快靚正醫肚之選。…查看更多

八寶套餐 - 地獄蕃茄湯米線 即係八餸麵！大胃王必食大碗到我嚇親配料揀左滑雞片、滑牛肉、豬大腸、貴州丁家脆哨、鴨血、貢菜、雲耳、白蘿蔔片一擺低已經聞到濃濃既蕃茄酸香，湯底用新鮮蕃茄熬製，加入川味辣椒 又辣又酸～層次豐富！米線滑得來有咬口滑雞片比左雞髀肉嫩滑唔鞋口、豬大腸洗得好乾淨無異味又大塊，咬落爽彈 、丁家貴州脆哨炸到脆卜卜入口油香爆發💫鹹香惹味、鴨血滑溜無腥味、貢菜多到食極都食唔完 超脆咬到好攰、雲耳增加爽脆口感😋😋🐮牛魔王套餐 - 青二荊條湯刀削麵配料已經預設好肥牛、滑牛肉、潮汕手搥牛肉丸、黑毛肚、牛黃喉 + 秘製沾醬湯底用青二荊條辣椒熬製，麻香突出但唔會死辣麻辣控一定要衝 呢個湯底真係好好食！！麻得黎香 啖啖都咁香又唔會太辣搞到成碗都勁惹味刀削麵厚薄均勻 掛湯力強！ 潮汕牛肉丸彈牙爆汁，牛味濃郁 黑毛肚爽脆冇異味 牛黃喉切得薄身，口感似海哲非常易咬秘製沾醬係店家自製唔係買現成醬帶蒜香同芝麻香 勁似細個食撈撈個隻味！細個回憶返哂黎點肉食非常惹味再昇華左😋😋😋…查看更多

做完運動突然好想食辣野就去左冒喜試試佢地嘅麻辣燙！叫左個八寶套餐😋配料揀左潮汕手搥牛肉丸、墨魚丸、豬大腸、萵筍、娃娃菜、雲耳同貴州丁家脆哨。仲叫多左一份涼拌酸辣土豆絲同酸梅青檸烏龍茶🫡麻辣湯底叫左小辣，個辣味唔係啲死辣，辣得好香😍食到唔同嘅香料味，好有層次。蒜同蔥令到個湯頭更惹味👍豬腸同手搥牛肉丸最好味！豬腸清洗得好乾淨😊唔會有怪味，而且唔係用最肥個part所以唔會食到成口油！配埋個麻辣湯勁好送飯❤️手搥牛肉丸超彈牙多汁！🤩🤩咬開就見到啲肉汁流出黎！而且肉味非常濃郁，食到好足料🥳貴州丁家脆哨見佢個名好有趣，抱住個嘗鮮嘅心態試試☺️Google左原來係醃製左嘅肥豬肉再油炸而成。脆卜卜咁好似食緊零食，每一啖都食到好香嘅豬油味🐷而且經炸哂啲油出黎所以唔會話好油膩！都幾值得試試👀涼拌酸辣土豆絲真係好surprise🤩本身酸辣汁已經好高質好惹味！但個土豆絲先係最surprise,👍👍口感勁爽脆✨而且好索汁，每一啖都可以掛哂啲酸辣汁！酸梅青檸烏龍茶嘅配搭好清新🍋酸酸甜甜咁好醒胃。有果香之餘仲保留到菜嘅香醇🍵食完辣野飲真係好爽！…查看更多