共食薈 (威利廣場)

共食薈 (威利廣場)，位於觀塘開源道48號威利廣場地下1號舖。 先到櫃檯點餐然後付款， 再揀位置用膳。午餐🍴 ～ 常餐，沙爹牛肉麵配蔥花火腿炒蛋，提子餐包 $53、 焗豬扒飯$61、 即磨咖啡、熱齋啡。 焗豬扒飯$61 ～ 上餐快，好多時焗飯都要等多十幾分鐘，份量多，酸酸甜甜的焗豬扒飯，幾開胃。 沙爹牛肉麵配蔥花火腿炒蛋，提子餐包 $53 ～ 沙爹味夠濃，但麵底太硬，蔥花火腿炒蛋口感軟滑， 常餐有提子餐包。 即磨咖啡 ＆ 熱齋啡 ～ 啡味香濃。 見到有新鮮出爐的蛋撻，下次來一試。🏷️溫馨提示～ 整個用餐體驗均屬個人分享意見， 只作參考😊。 …查看更多

今日Lunch特別肚餓,求其搵左公司附近一間餐廳,入去點咗佢哋廚師推介既咖哩雞排飯。個飯黎到果陣好驚喜發現餐盤上擺放咗一大塊軟嫩又多汁既雞排,整塊金黃焦脆,配上濃濃的咖哩醬汁,估唔到咁正。咖哩既味道恰到好處,唔會過於濃郁,反而係香氣四溢,與白飯完美協調。飯菜份量十分豐富,絕對可以填飽我既肚子,食物又唔會過於油膩,實在係一份非常耐食又超值既好料。即使我既胃口極大,都可以食到乾乾淨淨,完全唔會感到浪費或唔滿足。店內環境簡單但乾淨整潔,服務員態度都非常友善,令用餐體驗更添愉快。總括而言,呢間小店提供既咖哩雞排飯絕對物超所值,適合唔同口味既食客。我相信日後放Lunch都會經常再黎食～…查看更多

最近開心果熱潮越黎越勁，已經進化到中式燒餅都可開心果。但唔係個個開心果控都鐘意排長龍，咁岩觀塘茶餐廳共食薈都推出開心果燒餅，行過的話可以一試。- 開心果燒餅燒餅質地煙韌，充滿糯米香甜。開心果餡頗多，結合中式燒餅的奶黃，奶香味濃同時散發淡淡開心果香氣。開心果仁碎添加粒粒口感層次豐富!!…查看更多

位於蛋撻王內,有間cafe!裝修四正!大家買完票之後,只要把大大號碼放上檯,就有專人送餐!黑椒西冷牛扒配腸仔🤣份量十分多,女士未必食得哂!牛扒肉汁鮮嫩,令人回味!配上细蕃茄同菜,中和作用!餐飲凍檸茶😊少冰之後,茶味更香濃!…查看更多

係觀塘其實有好多早餐選擇，但好多餐廳都係一至五先開，今個禮拜六行過見到有個好特別既bakery叫Co Eat Space 共食薈，門口擺左好多包裝包同曲奇，行左入去先發覺原來係蛋撻王既餐廳。七點到十一點半才都有早餐供應，有分中式同西式，唔知係咪疫情關係，今日就得西式常餐揀。首先要喺Cashier點好餐比埋錢，佢就會比個號碼坐枱架你，自己就可以揀位坐低，侍應之後就會送餐過黎，好方便！今次我揀咗個沙嗲牛肉麵、炒蛋配牛油提子餐包（$38）。第一個驚喜係提子餐包好紮實，唔係嗰啲空氣感好重既餐包，仲有好多大大粒提子，好滿足！第二個驚喜係沙嗲牛肉既配料有洋蔥，所以啲醬食落有少少洋蔥既甜，係好特別嘅味道！至於炒蛋就不過不失。飲品就係凍奶茶，茶底同奶味唔算太濃，齋啡比較好飲。臨走見到呢度有蛋撻下午茶餐，希望遲啲可以見到常餐係配蛋撻！…查看更多

食物越嚟越差，份量又少，問經理跟進，她態度又差又冇禮貌仲要沒有跟進，所以以後也不再幫襯，同事也遇到的一樣，價錢比一般茶餐廳貴，貴唔緊要，但唔好食份量少又冇禮貌，一個字差！…查看更多

今日又去試下其他茶餐廳🥢， 今次到共食薈 (威利廣場) 。 店內環境光猛舒適， 自己到櫃檯落完單就可以坐低， 店員會為我們送上食物。 午餐🔸 ～ 香茅豬扒酸湯米線$56、啡走$5、 焗豬扒飯$62、 凍檸檬可樂( 忘記拍照) $8。 香茅豬扒酸湯米線的湯底酸酸辣辣幾開胃， 不過豬扒口感死實， 幸好湯底味道加分。 焗豬扒飯大大碟， 豬扒份量超多， 菠蘿🍍非常甜美。啡走和凍檸檬可樂味道正常，啡走都幾大杯喎！ 座位舒適，味道正常，下次又多一個選擇了😉。共食薈 (威利廣場) 地址: 觀塘開源道48號威利廣場地下1號舖…查看更多

同同事食晏去咗呢間越南野，叫咗個生牛肉扎肉河 $54 上枱嘅時候生牛肉全生，湯好熱，所以好快牛肉就浸到熟咗，牛肉肉質鮮美，扎肉口感爽滑，整體都唔錯，不過就冇包飲品，價錢略嫌貴咗少少…查看更多

講真唔係第一次食 之前係正正常常 最嬲係煎雙蛋 不嬲唔會全熟 仲要有兩三啖就有蛋殼 魚柳就一次比一次細 一上枱我以為佢比得半舊我 焗豆比到好似乞衣咁 如果呢度係30零蚊都算 岩岩開張個時係幾好 嚟過幾次一直以來覺得中規中矩唔錯 個早餐都唔差 但今次真心嬲左 （雙蛋好重要）大概老細覺得假日早市唔係最賺錢 就不停cutcutcut 又或者好多客都唔理食物質素 倒咗落肚就算 咁我都真係祝你生意興隆 至少我諗有啲人都會睇食物質素 因為今次黎 見到個場都幾吉 比之前人流少左幾多下 不過之後應該都唔會再留意到…查看更多

放工諗住去觀塘海濱散步，食個下午茶先。餐廳環境非常闊落寧靜，可能因為下午茶時間冇乜人散步，加上係放工時間。一進門口，就見到餐廳門口有袋裝麵包出售，而嗌餐方式與大型連鎖快餐店同出一轍，到櫃檯嗌餐即時付款，然後拎數字牌度餐桌上，就有專人送餐上枱。叫咗一個常餐A，雞粒蕃茄通粉、牛油餐包、蔥花火腿炒蛋、及配熱飲$50，下午茶時間滿$50可有9折優惠。整體來說，我最出色是熱辣辣的蕃茄雞肉通粉，舊業農鄉番茄味湯底，而且都有頗多雞肉粒，富有特色的炒蛋，但嫌牛油餐包沒有焗過，比較凍。價錢算高，但勝在環境較靜，但除非行到咁入費事行出去的話，就不如喺地鐵站附近搵間餐廳依飽個肚才進去。…查看更多

觀塘茶餐廳其中一個好選擇, 黎到門口比較多人排隊等外賣, 亦有唔少人買麵包, 但入面剛巧有位可以直接就座. 揀左餐要自己出去櫃位點餐, 但好在有人送到枱上. 招牌燒雞脾扒飯超大塊扒, 仲可以做到皮脆肉有汁, 份量好夠飽. 海南雞飯似乎係好多人嘅選擇, 價錢唔貴但雞都算滑,油飯就正常水準, 轉個頭已經聽到店員話賣清. 牛三寶河牛腩同牛肉質地都不錯, 唔會有雪味, 沙爹牛肉麵常餐就正常水平.整體黎講以性價比同款式選擇都係可以, 可以返轉頭的選擇.…查看更多

平時喺觀塘碼頭附近返工，周圍有好多人，尤其係lunch time, 要搵間附近就腳而且味道不錯嘅餐廳好難, 呢間餐廳係我平時同同事去光顧嘅，餐廳離公司範圍只係5分鐘，十分方便，而且份量都幾充足，所以平時lunch ime 都好多人來食嘢, 而且裝修新淨，價格比其他餐廳划算，食物多元化。 餐廳朝早都有開，專給返工人士提供早餐，我就未食過，每次都係最後一刻返到。話說今日食嘅係馬拉咖哩雞脾扒飯$60, 加多塊薯餅就加$3, 凍飲都係$3，上餐一碟係餸，咖哩汁都偏多，另一碟淨飯，就可以自己選擇要多少汁，整體來說味道不錯，會係我平時食晏嘅選擇。…查看更多

共食薈的門口不起眼，要不是門外放了幾個座地餐牌，也不知道這是一間食肆。走進去，也以為只是一間麵包店，原來是快餐店。我們吃下午茶。Honey點了腿蛋治 / 配沙津 / 熱奶茶 $30腿蛋治烘底 +$1腿蛋治的麵包比較薄，而且塗了很多牛油，有點油膩。沙律就不錯，份量不少，不會水汪汪。奶茶的奶有點羶，不是我喜歡的類型。我點了酸辣水餃米線 $51凍檸茶 +$3這碗米線很大碗，材料也不少，有鹹酸菜、豆卜、雲耳、韭菜、兩隻餃子和三四隻蝦仁。蝦仁的肉比較實，但有蝦味，不似西式的雪藏蝦，只有爽口沒有蝦味。水餃是灣仔碼頭。酸辣湯也不錯，好開胃。檸茶好大杯。看見好多人都叫蛋撻。Honey點了酥皮蛋撻 $7.5，幾好，酥皮鬆化而不油膩。我就點了半熟芝士撻 $10- - - 喜出望外，很好！半熟芝士撻，嫩嫩的芝士心，有淡淡的檸檬香，很好喎！也不貴。…查看更多

原來人老咗，真係唔係咁容易適應生活嘅小轉變😏就算係 #返工、#買早餐 咁少嘅事，對 #小秘書 嚟講都有啲R頭🤪 以往有 七手八腳萌店長 為我安排 #健康早餐，不過11月之後，已經好耐無食過😑 搬咗過嚟，我間中都有做嚟比自己食嘅，不過返工時候，又點會成日咁得閒吖😑今日見反正遲到，就一於買個 #大早餐 慰勞吓自己😅 呢頭無咩選擇，見 Co:eat Space 共食薈 外表都幾乾淨，就試吓啦。諗住簡簡單單買個#仿鮑魚絲火腿通粉 啦，點知個餐原來仲跟埋 #煎雙蛋、#迷你豬仔包、#熱飲。#豬仔包 外皮脆脆地，配埋薄薄一層#牛油，夠哂飽肚😚 不過 #師傅 居然獨立用個 #外賣膠盒 裝住對 #煎雙蛋，雖然係可以保持 #蛋黃 #流心，但係都真係幾唔環保😅 至於碗 #通粉，#仿鮑魚絲、#火腿 夠哂足料，但係 #師傅 似乎加咗 #大量味精 喺湯裡面，好咸囉😰…查看更多

在觀塘帝盛酒店這一帶就真的無什麼可以選擇，樓下果2間據說好食，但午餐價錢驚內，行遠d數間茶記在開飯啦食評幾乎一面倒皆是劣🤦🤦🤦十字路口的共食薈一般茶記格局，但每碟飯平均都在60蚊，就算是碟頭飯咖喱雞扒，蕃茄雞扒都是扣在60蚊呢個水線位🤧🤧🤧好在今日外出有飯錢津貼。。。🤖雞是老雞掛。。。要鬥牙力。。。旁邊的醃菜蘿蔔反而仲好食，油飯好乾🤔🤔🤔原本是叫了檸檬茶，來到反而是奶茶，不過錯有錯著奶茶味道唔錯，比雞飯仲好食🤣…查看更多