六榕仙館

估計可能係啲酸齋齋滷味，因為呢碟係室溫的，所以我哋估計係呢碟出事！不過唔可以肯定100%係邊一啲餸出事。但係！ ！可以肯定嘅就係，我們兩人食完之後瘋狂爆裂肚瀉！係非常之極之嚴重嗰隻。 急性腸胃炎，仲要發燒！ 以後都唔敢嚟！ 大家小心！ …查看更多

踏入這間隱世齋菜館，彷彿穿越時空。今日試咗兩道鎮店經典，每口都係時光沉澱嘅味道。🍠 芋頭魚▪️ 選用靚芋頭，蒸熟後手搓成茸▪️ 塑成魚形後雙重油炸，外殼脆如金鱗▪️ 秘製醬汁用冬菇、筍粒熬煮，鮮味媲美真魚露🦪 炸蠔（全素版本）▪️ 主料用新鮮生蠔菇，撕成蠔狀醃製▪️ 脆漿加入腐皮碎，炸出麟角層次▪️ 蘸醬去膩醒胃✨ 味覺禪意：✅ 芋頭魚外脆內綿，醬汁勾芡恰到好處✅ 炸蠔菇咬開爆汁，口感幾可亂真…查看更多

每個月都要來一次的愛店所有食物都色香味全且份量十足炸物尤其出色，毫無油膩感，放久了也保持到爽脆炒類也是鑊氣十足晚市送糖水，小小一碗，是完美的句號服務周到是老店，但乾淨衛生價格相宜，晚市人均少於HKD100本身不是素食者但六榕仙館革新了我對素食的認知味道及口感的多變不亞於葷食對比過幾間傳統齋舖這間六十年代開業的出品最穩定出色是少數保留得住傳統味道的老店這裡還有特價外賣飯盒及齋餸素點心也五花八門堂食、外賣，抑或路過找點小吃也能滿足而回 。…查看更多

真係非常方便佐敦站 a 出口真係五分鐘左右可以行到。非常好彩十二點左右去到有卡位 ，七蚊一位茶 ，店員立即 送上一碟辣椒醬 備用 ， 問過 原來 唔使加一。同朋友嚟 叫咗一碟齋滷味 另外一個 豉汁涼瓜鮮竹炒麵。我朋友話齋滷味算唔錯， 硬齋都合理唔算太硬。 我自己覺得 ok啦 ，一定好過一啲 普通 齋菜館 ，算有啲誠意嘅。我就比較欣賞 炒麵，因為 炒工幾好起碼脆脆香香，加多啲汁好好味，不過鮮竹嘅做法 同其他齋菜館有啲唔同，如果佢能夠將鮮竹嘅 品質提高啲香啲效果一定更加美味。佢哋有兩層， 不過老人家就多數揀下面，拍拖嘅可以上去。茶品叫做中等啦，第一巡可以但係第二巡真係冇曬味。街坊多，聽人講已經六十幾年歷史啦。…查看更多

從外國來的朋友，想一試又近市區又地道的齋菜，小人即時想到此處。齋滷味是一的味道，麵筋之類撈酸酸甜甜的醬汁，那可以令人不快！所謂的五柳仙班，根本就只是一條炸芋頭魚！造型夠魚，炸得香口，雖好食但勁熱氣。咕嚕肉其實就是咕嚕炸腐皮，神隨是汁醬，茄汁是主場，喜見菠蘿更能突顯。素鹹魚雞粒炒飯，都不知那來鹹魚的香氣，卻竟然有假蛋？假蟹柳？全素是不是要全走呢？全無頭緒，摸不著頭腦，總之的是顏色斑斕，令人一再添欲！走老派齋菜的路線，可以一再追棒！…查看更多

傳統齋菜鋪可以話係香港買少見少。呢間佐敦傳統齋菜小鋪，我同屋企人隔一兩年都會黎幫襯，除咗鍾意食佢呢到既齋滷味，呢到既手工小菜都味道唔錯，而且份量大碟👍🏻如果屋企有老人家都鍾意食下齋既不妨帶佢地黎。雖然鋪面地方唔大，座位都比較密同細，但就係呢種傳風味，令到屋企既老人家好歡喜。齋滷味份量都算多，足夠4-5人食。一碟有齊5-6款齋，除咁一般出面都有既酸齋、麵根、叉燒、腎等，仲有齋雞、齋鮑魚，煮得入味。齋燒鵝因為齋鴨賣哂，唯有試下齋燒鵝。齋鴨係平時一層層腐皮，煎到脆卜卜個隻。面呢隻齋鵝既口感就類似齋雞，用軟身d既豆皮做，加上少少類似五香既調味，雖然個皮麵會煎到脆脆地，但個人比較鍾意齋鴨個種千層腐皮既口感。不過隻鵝既份量都好多，好夠食。發海蒲團呢味傳統齋菜唔係到到都搵到，雖然做法看似簡單，但好好食！佢既似法係用一塊大腐皮包住裡面既百合同菇菌齋菜，再係上面鋪滿發菜。裡面煮菇菌個醬汁調味好好，食到菇既鮮味，加上有百合片，食落去好清新，又唔會太淡口。呢到雖然細，但好多傳統齋菜都有得食，而且份量ok，味道唔太濃，適合老人家食，臨走時仲見到隔離枱叫咗碟羅漢齋炒麵，好大碟好多料！下次一定要再試下😋…查看更多

朋友知道我鐘意素食，所以推介呢間傳統老店比我，今日同老公經過所以即刻入去試吓，餐牌有幾個，花多眼亂選擇困難，所以揀咗呢個寫住新派素食嘅餐牌，唔係好肚餓，所以揀咗兩餸一湯少少哋試吓先服務員態度友善，笑容滿面，食咗食得開心啲記者1. 香薰炸脆皮鴨：上枱仲係熱辣辣嘅，賣相都唔錯，夠香唔夠脆都幾乾身，跟咗一碟酸酸甜甜嘅醬，點醬一齊食更加好味2. 法海蒲團：菜芯綑邊，腐皮包住好多料，入邊有黃耳、馬蹄、百合、雲耳、菇等等，面頭鋪滿咗唔少髪菜，呢度唔錯，老公話好好食3. 冬蓉蟹肉翅（有蛋）：賣相一般，味道比較清…查看更多

好耐都冇食齋，趁着假期清一清腸胃，朋友推薦了幾間素食店，最後就試下呢間歷史悠久的老店，這家老店位於佐敦的懷舊素食店。這間餐廳食物味道和菜式也非常傳統，不是新潮素食餐廳，係古色齋店。餐廳有上下兩層, 枱唔算少，雖然光顧大部分都是上了年紀的人士，感受老式情懷。各種食品都萛很好，廚師供應的食物是熱騰騰，份量適中，消費一般中價，有好多舊菜色，質素水準略有參次，如果能夠儘量小些油……那就更加好，需然味道稍為參次，但合乎清淡原則。偶爾去食吓齋菜，感覺也不錯，對素食者來說，係一個好地方， 如果菜式上有蛋， 也會明確指出， 方便全素者識別。餐廳裡面有一個賣點心的位置，賣的點心都係傳統的點心和中式的餅，他們出品的中式餅，不是太多素食店會做到。馳名齋滷味 $40咖喱齋味道質感還可以, 齋叉燒口感偏硬, 醬汁都偏甜，不過不失。五柳仙班 $85其實係非常邪惡又熱氣嘅炸芋頭魚配酸甜汁！一條魚大約分成10件，每一件都係外層非常香脆，裏面嘅芋泥做到好細滑，芋頭控一定要試。六榕炒麵 $77師傅炒到啲麵脆卜卜，非常足鍋氣，鋪左好多餸在上面。炒桂花素翅（有蛋）$105呢個炒翅因為幾特別，湯翅食得多，原來炒都好好食，好香又有咬口。…查看更多

以前住在旺角經常來食嘅素菜館，很喜歡食粥同羅漢齋炒麵，酸齋夠味，裝修後第一次到坊，真的好漂亮，好光猛，好舒服，一家人坐低慢食嘅素菜館，素菜好多款色又特色，又好好味，…查看更多

守齋日，不能吃熱血動物的肉 ....人在佐敦 , 行過路過「六榕仙館」就貢入去食個晚餐 ~南乳腐球荔芋飯：不論是腐竹球或是芋頭都煮得入味，芋頭夠腍仍未至於散，南乳汁香濃入味，夠水準 ~乾燒伊麵：即叫即炒，夠鑊氣，伊麵偏向 彈口，配料是冬菇、芽菜、甘筍絲， 個面煮得入味也不太鹹 ~有一個知識想講被大家知，其實虔誠天主教徒，每逢禮拜五都要守齋的；有一些兄弟姊妹在星期三、五都會守齌；在一些重要日子，更要守嚴齋 .... 多數間稱為「清水麵包齋」 ~本篇完 ~…查看更多

中秋連假既最後一日, 同長輩們去佐敦行街~長輩想食齋, 搵左幾間餐廳, 最尾揀左呢間, 因為見佢門面好有傳統齋鋪feel 😂5點零鐘入坐 (個lunch 其實都未落曬格 😂) , 嗰陣餐廳未係好多人, 姐姐得閒推介下有咩好食😂 同埋啲餸都上得好快~首先叫左個 ❤️ 齋鹵味 ($40) ❤️仲特意叫姐姐唔要咁多咖哩齋, 要多啲酸齋 😂因為遲左影相, 所以已經比人夾走左 1,2舊 😂😂😂個齋幾好食~ 有我至愛既酸齋, 咖哩齋, 素叉燒, 素鮑魚…等.跟住就有 ❤️ 五柳仙班 ($85) ❤️啱啱炸起就拎過黎, 個皮幾鬆化, 好食!!加上, 有大大碟酸甜醬, 可以瘋狂點醬食芋頭魚, 勁開心!! 😂 最後, 仲有個 ❤️ 羅漢上齋 ($95) ❤️我覺得幾足料丫, 有唔同既菇菌類, 又有竹笙黃耳雪耳雲耳, 馬蹄髪菜等等 (好耐冇食過髪菜啦 😂).鐘意濃味既人可能會覺得佢有啲淡, 但我就覺得啱啱好~如果唔係本身飽飽地, 都好想試下出面啲酥餅 😍 下次如果再黎食想試下啲豆腐同蠔~整體黎講, 今餐都唔錯丫, 呢排日日大魚大肉, 食返清淡啲都幾好呀!!同埋呢間齋鋪, 有服務之餘冇加一 (姐姐話 初一十五先有), 每位茶錢$7, 都OK 丫~ P.s. 食完呢餐之後, 到訓覺都冇再肚餓過 😂😂😂…查看更多

友誼餐 $550好耐都冇食齋，趁着農曆十五清一清腸胃🥗蟹肉燴素翅(有蛋)🍲姐姐一拎上黎就幫我地分好一碗碗，完全影唔切相😂總共都分到6碗，素翅好爽口👍🏻羅漢上齋有雜菇、菜心、粟米芯、髮菜、馬蹄、雪耳，估唔到有黃耳係入面，但味道偏淡，適合老人家小朋友或者健康人士食。蜜豆鮮百合🫛味道都係偏淡，蜜豆整得好翠綠又好甜，配埋鮮百合係健康之選。翠塘豆腐(有蛋)🥚下面係蒸蛋白，上面有雜菇、素蟹柳、豆腐等，濕濕地撈飯一流🍚荔卷拼香煎腐皮卷本身係荔卷拼脆奶，不過同枱有人唔食奶，所以姐姐就幫我哋轉左香煎腐皮卷。兩樣煎完都冇乜油，又香口又夠脆，荔卷好香芋頭味食完都唔會滯。日式烏冬普通醬油炒日式烏冬，冇乜特別，但係好大碟一定夠飽。友誼餐本身包左以上六道菜，我哋另外仲叫咗酸齋，雖然唔算好大碟，不過每樣都有啲同埋味道都唔錯。…查看更多

我耐唔耐都幫襯外賣齋加餸，食左好多年，幾個月時間個價就差成10蚊，通漲加價無所謂，但份量少得過份，到底睇個阿姐心情靚唔靚比多啲你定係你間店有標準答案，野食係唔錯，但價錢一啲都唔合理原本媽媽好喜歡食佐敦六榕仙館的齋鹵味，今日買完極之唔開心，40元買一盒齋鹵味，妳估有幾多份量呢？買完竟然得12塊酸齋及9塊齋鴨，當然我選擇要2款。但都唔係得咁少嘩❓離晒譜。真係攪到心情都差埋，真係要重新物色過好食又公道老實店舖…查看更多

本身想去別的店, 明知十五齋期定必人多, 我卻忘了訂座, 唯有看看附近其他餐廳的情況, 基本上每間餐廳都有人龍, 只是看那一間比較快, 最後就試試這間歷史悠久的老店。前面人龍大約有幾張桌, 餐廳有上下兩層, 桌子不算少, 不久已經可以進入。餐廳只有基本裝潢, 另外十分環保, 幾乎沒有冷氣, 都是全靠風扇, 怕熱的朋友要多留意。馳名齋滷味 $40咖喱齋味道質感還可以, 齋叉燒口感偏硬, 醬汁也偏甜, 我只吃了一件就算了。我們點了一個三人餐, 包含一湯三菜 $350五柳仙班外皮不算很脆, 明顯芋頭很多堆得蠻實, 比起其他餐廳的比較容易飽肚, 而菜拿上來時都不是在最熱的狀態。羅漢上齋比較淡而無味, 正常冬菇都應該炆到入味狀態, 可惜這裡沒有, 菇味亦不重, 其他配菜也差不多, 我也只是吃了幾口就沒再吃了。菠蘿咕嚕肉味道倒是跟真咕嚕肉相似, 用麵筋煮成, 之前吃過用猴頭菇用合桃煮的, 相比之下這個沒有什麼驚喜與誠意, 而且吃到有非常輕微的辣味, 這個倒是怪怪的。金湯海皇翅都是偏淡味, 我們加了少許鹽大大提升了味道, 不過仍然只屬正常水平。整體是失望的, 因為畢竟歷史悠久的老店, 屹立多年應該是有原因, 或許是人情味? 當然口味每人不同, 只是我覺得這間店的菜不是我歡喜的。…查看更多

我已經食了這間餐廳很多次了，因為這間餐廳的職員很友善，他們會主動同我地傾偈，職員的服務態度很好，他們會不停幫我哋加水。另外，這間餐廳嘅食物質素也很好，佢地啲齋嘅肉食落去唔似齋，我以為自己食緊肉，我知道唔係咁容易可以整到。依間餐廳嘅食物真係好好味，係我食過以來其中一間最好食嘅齋館，強烈推介！…查看更多