六安居

营业中

休息中

好耐之前都已經想帶阿爸黎~因為推車仔嘅點心無乜剩~今日黎到細個嘅回憶返哂黎~阿爸表示食到傳統嘅味道~我就覺得試新野咁，因為好多點心出面都食過~同埋周圍嘅食客都會搭哂幾句，多份人情味~🔹炸粉果🔹 好好食~估唔到嘅鬆脆~入面嘅餡又好飽滿~🔹鴨腳扎🔹好大隻”腳”以為從未食過包魚肚嘅鴨腳扎~勁多料，好滿足~🔹鮮豬膶燒賣🔹真係即叫即蒸嫁，啲姨姨係即落單叫蒸~人生第一次食，原來唔係燒賣樣，好特別~🔹干蒸燒賣🔹呢個聽過個名，原來係牛肉燒賣，同就咁食牛肉球又唔同~🔹蝦腸🔹新鮮出爐~腸粉唔算滑，但反而我鍾意喎~好有咬口同索到啲豉油~🔹芝麻糕🔹同我認知嘅味道好唔同~我覺得有杏霜嘅味道~個人好鍾意~

【上環六安居｜🫖重新發現「飲茶」嘅樂趣！】宜家去飲茶嘅你，係咪拎住部📲「嘟」QR code落單呢？又或者剔剔點心紙🖊️，轉個頭就起筷？ 感覺好似好方便，但對我呢啲成日要有驚喜嘅人嚟講實在太無趣味喇！今次嚟到古色古香嘅「六安居」我要嘅驚喜返齊晒嚟！ 點心車重現眼前，車上有冇我想食嘅點心，要主動去問點心靚姐，姐姐就會係你點前逐個蒸籠蓋揭起，真係有開盲盒嘅喜悅，仲得到返一份消化咗好耐，期待嘅開心🥳「六安居」個名有少少陌生，但酒樓嘅裝潢又好熟面口，原來佢哋係「蓮香居」重新改名後嘅新名，感覺不變，依然懷舊，米芝蓮必比登推薦，點心好特色！💚蝦餃皮厚薄適中，啖啖蝦肉.💚炸雲吞炸得金黃香脆，附一碟橙色酸汁，回憶返晒嚟！.💚鳳爪水準之作，好味！.💚爽肚（豉汁豬肚粒）夠特色，出面其他酒樓真係好少見，爽肚真係爽口，而伴碟仲有素肚，口感好爽口。.💚棉花雞棉花係我勁鍾意食嘅，其實係由魚肚浸發後蒸成，魚肚滑捋捋又夠味，雞肉同冬菇都好夠風味！.💚芋角點心姐姐好貼心，見我哋兩個人，問我哋要兩件夠唔夠！芋角皮炸得好鬆化，好好味！.💚牛肉賜粉腸粉皮都好滑，唔會太厚，牛肉軟身，有芫荽係裡面，勁香。食物好食，裝修夠懷舊，充滿香

前身為老字號蓮香居，很有特色的茶樓，前幾天就同朋友去食午餐。 其實都過左兩點，但仍然人頭湧湧！ 茶樓地下係賣茶葉、糕餅等，上層就是茶樓。 上到去先記得原來要自己搵位，童年回憶立即返哂嚟。 兩個人要搵張獨立枱係不可能，所以經店員指導與其他客人拼坐。 點心要自己去點心車選啊！ 有好幾款車仔，包括蒸點心、蒸腸粉、包點、蒸糕點等，可到處看看或飲住茶等車到！ 蝦餃少不了，一籠四粒，皮薄晶凝，仲好彈牙喎！ 再來比較少見的沙翁及人見人愛炸芋角，外表唔算好精緻，但夠大粒，而且香脆好味！腸粉有叉燒、蝦、牛肉等揀，食落幾爽滑。 叉燒包同馬拉糕味道好傳統呀，香而鬆軟點心車、點心紙、印仔、懷舊點心等，好有風味，一定會再去

六安居．傳統的味道與好友去上環感受老香港的茶樓味道這裡是六安居前身為蓮香居只是換了名字，地址不變，味道不變有歷史感的裝潢有年代FEEL的枱櫈沒有加一，只有茶位人情味很濃，熱心的叔叔級店員親自介紹，仲有優惠孖寶感覺很親切我們點了一個孖寶加一碟大菜2個人吃的很滿意紅燒BB鴿(孖寶)脆到一個點一送上枱已經香噴噴即點即製，是有肉的BB鴿口感極佳，香脆嫩滑帶汁仲有傳統的淮鹽與喼汁此款喼汁是兒時的味道現在坊間少見，好正紅燒BB鴿是水準之作，指定必吃豉油王鵝腸不要看醬汁這麼深色其實一D都唔會過鹹有香蔥、薑絲、辣椒絲提味爽脆的鵝腸令人吃得開心加飯白飯又是一道飽肚回味之作上湯焗花蝦伊麵 (孖寶)WOOO ，真係又鮮甜又多汁的鮮蝦大花蝦8隻，爆汁鮮甜肉質彈牙爽口，好好食伊麵以鮮洋蔥汁提味既有香氣又不會過濃不會搶走鮮蝦的鮮甜口感非常好吃是近月我吃過最正的伊麵晚市只有茶位 HKD8，不設加一服務卻是一流的，而且充滿人情味加快了我回訪之心六安居上環德輔道西40-50號2-3樓

以前都鍾意去蓮香居飲茶❤️知道佢原班馬人會重開之後，呢晚就同屋企人上左去食飯啦😚上到去啲感覺返哂黎，侍應叔叔們好親切咁介紹我地食乜🤓蜜汁叉燒比電梯入邊嘅poster吸引住🤩所以揀咗個叉燒例牌食✨半肥瘦叉燒配麥芽糖香，仲有少少燶邊💯夠晒港式燒味嘅經典味道😋香煎蓮藕餅估唔到呢碟蓮藕餅會有咁多件🥰煎到金黃色焦脆，豬肉餡嘅軟腍配上蓮藕嘅爽脆👍海鮮粒炒飯呢碟海鮮炒飯，裏面有好多隻蝦仁，仲有啲魚肉☺️炒飯炒得有鑊氣同好香蛋香，而且粒粒分明🤩今次食完之後覺得同舊時味道一樣咁好食，期待下次下午過黎食點心😌

呢排興懷舊，所以都想試下啲舊式餐廳，估唔到晚市幾有驚喜，菜式幾好味，價錢亦合理，而且人流無日頭咁爆棚，服務亦非常及時同周到，下次想帶屋企人嚟緬懷一下日頭嘅點心車仔～叫咗個孖寶三重奏C餐（$388），包括例牌燒鵝及上湯焗龍蝦伊麵，食完覺得可以翻桌，試埋其他菜式！燒鵝好入味，鵝肉索晒鹵汁，好香花椒八角味，而且唔係太肥～上湯焗龍蝦伊麵好掛汁，有青蔥、蒜蓉及上湯嘅香味，亦夠湯汁，龍蝦非常新鮮，啖啖肉，整體份量都幾足料！我地食到咁上下，侍應仲會主動過嚟幫手換碟～晚市茶錢$8/位，無加一，而且飯後亦會奉上是日糖水，每日都唔同～

.舊式茶樓真係買少見少🥹我自己本身都好鍾意懷舊嘢💓今日突然好想飲茶..所以去咗一家位於香港既著名既傳統茶樓餐廳‼️六安居前身係蓮香居🙌🏻但味道依然一樣冇變到😋只係茶樓改咗名🙃最鍾意佢哋仲係推住車仔黎自己簡野食❤️‍🔥超級懷舊‼️諗起細個同屋企人去飲茶都係咁樣🥰佢哋嘅煎蘿蔔糕車仔令我記得細個成日行過去睇佢哋煎嘢👍🏻味道同以前一樣冇變過🥰所以都見到好多公公👵🏻🧓🏻婆婆喺度飲茶‼️價錢亦相當親民💯#得閒飲茶 #傳統茶樓 #foodie #叉燒包 #蝦餃 #燒賣

位於上環德輔道西嘅❣︎六安居❣︎即係前身老牌茶樓♥︎蓮香樓♥︎呢到嘅設計同風格，真係好有懷舊feel，好耐冇見過點心車啦😄呢度啲點心姐姐好有人情味，我想食雞包仔，佢即刻幫我叫師傅蒸，呢度仲要免加一服務費架，難怪我今日去下午茶全場爆滿，呢到嘅人情味而家真係買少見少了👍🏻❣︎鮮竹魚肚札❣︎大大塊魚肚同雞肉，內有冬菇同豬肉，用腐皮包住，足料美味😋❣︎山竹牛肉❣︎牛肉球新鮮彈牙，我最鍾意炸腐竹索晒啲喼汁連埋一齊食😋❣︎豉汁蒸鳳爪❣︎鳳爪肉質軟腍，汁醬入晒味。❣︎鮮蝦餃❣︎蝦餃皮薄適中，鮮蝦彈牙。❣︎菇粒雞包仔❣︎包皮軟熟，內餡係雞肉同冬菇粒，充滿懷舊風味。❣︎牛孖筋❣︎牛筋炆得好軟滑，汁醬好惹味，值得一試👍🏻

講明先，我係冇受邀試食的，全部自費。最近去咗上環嘅六安居，呢間老字號嘅茶樓，雖然服務一般，但點心真係唔錯，分享下俾大家**蝦餃**：蝦餃皮薄餡靚，蝦肉鮮甜爽口，係傳統蝦餃嘅味道。唔算驚艷，但係穩陣。**燒賣**：燒賣幾紮實，豬肉鮮甜，仲有啲蝦粒，味道豐富，入口有層次感。**叉燒包**：叉燒包嘅包皮鬆軟，叉燒餡甜而不膩，幾有香港舊式茶樓嘅風味。**煎蘿蔔糕**：蘿蔔糕煎得外脆內軟，蘿蔔味濃，入面有啲細細粒嘅臘味，口感豐富。**鳳爪**：鳳爪煮得幾入味，口感嫩滑，不過有啲油膩。至於服務，真係有待改善，店員態度唔算好，有時叫埋單都要等一陣。不過，考慮到係老字號，味道仲保持到水準，都算值得一試。唔介意服務嘅話，可以去試下佢哋嘅點心，尤其係蝦餃同燒賣。

住西環嘅朋友話可以帶我體驗下古早味嘅港式茶樓，呢間六安居原身為老字號蓮香居，有幾十年的歷史。年初改佐名，仲係老伙計們經營來飲茶🫖都係爺爺奶奶同埋街坊居多，有一種關於時間沈澱的情懷在一般飲茶午市仲保留了推車仔嘅文化有好多點心，晚市都係粵菜比較多！今天巧好係晚上來，我地嗌左筍殼魚孖寶套餐，有蔥油筍殼魚同蜜汁叉燒外加點佐一份小菜冰鎮鵝掌翼蔥油浸筍殼魚外表鋪了些許蔥姜絲，搭配著魚豉油，讓魚嘅鮮味又有了一個提升，外酥里嫩，外殼一點都唔油系比較意外👍蜜汁叉燒係有肥有瘦以此遞進，肥瘦相間係我最鍾意的部位，整體偏鹹口，都算味道唔錯冰鎮鵝掌翼是用花雕酒進行泡制的，酒味很濃，冰冰涼涼都幾啱宜家呢個天氣食，係幾開胃嘅小菜

今日嚟到一間具香港代表性的傳統茶樓，帶我回到童年時嘅回憶。除咗點心，佢地嘅懷舊菜式都好值得一試。家鄉煎釀鯪魚我媽好鍾意食魚，但又怕食到魚骨，呢款菜式一早將魚肉與骨分離，再把魚肉做成魚蓉，再重新釀入魚皮，保留完整魚形。每一口都啖啖肉，鮮味又彈牙，滿足埋口感。雞蛋焗魚腸知道呢個工序多，係屋企基本上不會自己整。魚腸處理得好，完全食唔到有腥味，帶有陳皮香，入口甘香滑溜，雞蛋焗到金黃色，厚身又不老。金錢雞原來不是雞。。。平時又係好少見，我覺得口感似叉燒，味道似雞肝。侍應話原來係將雞肝、肥肉、瘦肉串在一起，再用叉燒汁慢火燒制，呢款菜式即將失傳，侍應話有呢款菜式就要叫。西米布甸要提早預留。啖啖奶黃香，西米軟糯，內裏仲有小驚喜-栗蓉，又夠新鮮熱辣，難以抗拒。

位於西營盤站有百年老字號《蓮香居》現改名《六安居》由原班人馬接手重新開業，保留傳統人手推車仔賣點心，充滿懷舊味風格，味道都不變。茗茶$16/位，全日不收加一，坐滿街坊食客。我們點左：魚肚札：厚厚魚肚索蝦膠和肉碎，超級美味👍燒賣：冬菇味香，豬肉質鮮甜。蝦餃：蝦肉爽口，夾肉碎和筍絲，提升美味😋春卷：炸得脆口，餡料足。山竹牛肉：真材實料沒加有太多粉，牛肉味香。干蒸牛肉：皮薄肉味香。生炒牛肉飯$58，（2:30-4:00開心時光），鑊氣足炒得香噴噴，飯粒粒分明很爽口，牛肉嫩滑美味好吃😋

放假帶屋企人去上環傳統酒樓飲茶，香港越來越少呢啲懷舊嘅酒樓，仲有點心車同埋煎蘿蔔糕腸粉車，一路嗌點心一路推車仔，好有人情味，而且傳統點心越嚟越少，完全充滿香港傳統嘅酒樓就更加少之又少，所以屋企人都好雀躍，而且點心都好多元化，唔使驚攞唔到點心，仲可以食到平時好少食到嘅點心臘腸卷：而家好少酒樓仲可以見到臘腸卷，簡簡單單嘅臘腸，外圍就包住饅頭嘅質地，咬開臘腸，油脂就會比包吸收，相當邪惡蛋撻仔：小編極力推介蛋撻仔，雖然擺咗一陣，但係外皮都好鬆脆，而且雞蛋漿做得好好，好滑同埋裏面好Creamy煎蘿蔔糕，芋頭糕，馬蹄糕：軟綿綿嘅蘿蔔糕，越食就越上癮，至於芋頭糕同馬蹄糕都唔錯芝麻糕：平時見到出面嘅多數都係芝麻卷，但今次我哋見到嘅係芝麻糕裏面有淡淡的杏仁茶香，出奇配搭沙翁：炸得好鬆軟，唔會有油漬嘅味道，而且雖然有好多堂，但係都唔會話太甜炸雲吞：雲吞呢就有三大隻，再配上甜酸醬，而且呢都係炸得好金黃好鬆軟，完全冇油益嘅味道蝦餃+燒賣：新鮮出爐，大大粒，蝦餃皮薄，燒賣好彈牙而且酒樓呢仲補一流好多嘅傳統啦，例如斟茶嘅水煲都充滿歷史，茶壺同茶杯都係🤭

#鼠尾草食飲玩 #sagefoodiehk正宗🥰 × 港味🤤 × 茶樓🔥人生中，點都要試一次去有點心車嘅酒樓🥰！最正宗嘅香港風味，就可以喺呢度體驗到。全部點心都係喺車仔上面揀，仲可以同侍應落單一啲即蒸點心✨。豬肚豬腰真係好有特色，而且完全冇內臟味，豉椒醬嘅調味好香🤤。呢度嘅棉花雞超級鬆軟，魚肚又綿又吸收晒冬菇汁🔥。新鮮豬潤燒賣味道超濃超邪惡，下面嘅燒賣好彈牙💖。沙翁味道超級港式，甜甜香香，又有砂糖嘅脆口同埋蛋香💗。雲吞超級脆卜卜，點埋甜酸醬好香口😚。蛋撻嘅蛋漿好嫩滑，去埋酥皮好有港式風味🇭🇰。💰沙翁($23)💰雲吞($32)💰豬肚豬腰($32)💰棉花雞($37)💰蛋撻($35)💰新鮮豬潤燒賣($32)

難得今天與同事出外用膳，我們一致決定去茶樓最後選擇了這間傳統茶樓 — 六安居雖然上環附近有很多茶樓，惟六安居可能是這區唯一一間保留傳統特式的茶樓後來上網一查，發現原來它前身就是百年老店蓮香居這裡仍然沿用傳統推點心車，顧客拿着點心卡去揀選點心還有伙計用大水煲斟茶加水這些都是我們小時候去茶樓的體驗，滿載童年回憶點心價錢由小點$23、中點$28、大點$32、特點$35至頂點$37，茗茶茶芥每位$16以上環區茶樓，以及百年老店的名氣來說，可說是CP值很高牛孖根茶樓很少見的一道點心，牛筋軟滑彈牙，調味出色，份量亦很多。蝦餃 蝦餃外皮晶瑩剔透，餡料是以蝦肉與豬肉混合，非常彈牙。牛肉燒賣燒賣皮薄，包著滿滿的牛肉餡，牛肉味濃。蛋撻仔蛋撻仔的牛油皮很香脆，蛋香味濃郁，是今天最出色的點心。菠蘿海鮮炒飯炒飯鑊氣夠，令炒蛋的香味散發出來，海鮮炒飯配料多，又不會太油，味道不錯。老香港飲茶的體驗現在買少見少，但在這裡可以體驗滿滿的人情味很推薦大家過來體驗一下。