八木橋日式燒肉

营业中

休息中

今日女朋友生日，想去食一餐勁嘅，然後就諗到之前聽朋友講喺旺角有一間日式燒烤，食材非常高檔豪華，有A5和牛同其他高檔和牛，而且仲係放題任食。聽落非常過癮，於是乎就喺網上做咗啲功課。呢間【八木橋日式燒肉】位於旺角彌敦道700號，裝潢係非常優雅嘅和風，從外觀嚟睇就非常豪華。同女朋友點咗個套餐，一位$1108，然後主角有A5和牛西冷，其他任食嘅選項極多。重點推介一下【A5和牛西冷】，油脂分布非常密集，稱得上極品中嘅極品，從色澤上睇就非常誘人，而且切面好厚，燒起嚟色澤均勻，到了適中嘅熟度，確實鮮嫩多汁，牛味好香濃。仲有【A4黑毛和牛薄】同【A4黑毛和牛和尚頭】，呢啲牛肉嘅級數其實一啲都唔輸A5和牛，食起嚟亦都別有一番風味，各有特色，尤其個人最鍾意【A4黑毛和牛薄】，就係非常非常薄，肉質極嫩，好似嘴唇咁。呢度仲要特別提一下佢哋嘅【有殼生蠔】，好新鮮，一啲都唔腥，富有生蠔獨有嘅鮮味，配埋醬汁食真係非常過癮。我同女朋友喺呢度度過一個愉快嘅午餐時光，女朋友食得真係好開心，畀咗佢一個難忘嘅回憶！

今日我同男朋友一齊嚟呢家日式燒肉放題食午餐👩🏻‍❤️‍👨🏾佢真係好細心，早早就訂左位，就算假日大排長龍我地都無需等位~阿姨先俾我地一碟油然有味嘅「A4黑毛和牛三角腩」。每次都覺得係全牛最大塊嘅三角腩就係味道最鮮美，一份牛味喺口腔入面擴散，加上佢香口之餘唔會膩！大隻既「有殼生蠔」係好多汁又好飽滿！每一啖都滿足到味蕾，口感creamy 又fresh，完全冇貝味😍食落口爽又豐富！呢份「A4黑毛和牛牛肩」更係人間美味😬落鐵板煎金黃，口感嘅豐富度更加突出，每一咬都充滿鮮味🤘🏻「A4黑毛和牛後腰肉」燒烤後肉香四溢👍🏻👍🏻肉厚卻又嫩滑，耀眼嘅和牛紋理橫跨整塊肉身，口感紮實豐滿，十分唇齒留香！燒烤之餘，配上一杯清涼嘅「蜜瓜沙冰」，更加提升清爽口感！整體嚟講，每一道菜都經過細心製作，而廚師就係就住每個食材嘅特性，帶出最出色嘅風味，完全物超所值！ 😋

見網上介紹呢間日式燒肉做緊優惠，趁仲有優惠食返轉燒和牛😋霞餐做緊買一送一，而高一級嘅雨餐做緊半價。最後揀左包埋任食A4和牛嘅雨餐，120分鐘，主要係半價吸引。去到先知原來早三日whatsapp訂枱可以延長至4個鐘！晚市可以坐四個鐘仲要係放題嘅日式燒肉店應該唔多。一坐低已經會送上呢個餐頭盤，有和西冷、鮑魚、比目魚西京燒、韓風醬油牛肋肉、味淋魚干仲有一盆和牛拼盤。而和牛是可以無限追加的。其他食物就用qr code網上落單。頭盤中最喜歡嘅係A4黑毛和牛後腰肉同三角腩，呢兩個部位油脂特別多，入口即溶化，好美味！另外試左澳洲M5和牛，崩沙腩及外腿肉兩個部位都好食。另外點左一啲海鮮如虎蝦、青口、蜆、扇貝、廣島蠔，肉類有一口牛、豚拖羅及mozzarella 芝士雞腿肉，燒熟嘅雞腿肉再沾上錫紙兜內溶化嘅芝士拉絲，配搭超正！蔬菜及天婦羅都有多款。值得一讚係呢度嘅店員都會主動過嚟提你某啲肉類要用咩火燒，一見塊燒烤板少少燶就好主動幫你換，差唔多半個鐘就換一次，服務不錯。飲品甜品都係無限追加。30分鐘前last order，兩個鐘時間就食得急少少，但呢個餐包任食和牛，食兩轉都抵。下次再嚟一定早幾日book枱！

同事推介話呢度嘅日式燒肉性價比好高，多款口味牛板腱、肩脊肉、牛胸腹任食，炸物、海鮮都係任攞任食！所以我即刻Book咗位同屋企人一齊去食！😇😇😇肉類非常多選擇，超愛肉食嘅我同細佬非常滿意！款式多、味道鮮嫩、仲會爆汁！和牛三角腩、和牛嫩肩肉、和牛崩沙腩都係任食嘅！脂肪嘅花紋好靚，烤個幾秒等表皮變色就ok啦，呢個時候嘅肉質細膩，可以感受到肉嘅彈牙同豐富嘅肉汁喺嘴好香！😭😭仲有值得一提嘅係呢盤牛脷👅👅👅，改變咗我對牛脷嘅睇法！牛肉味十分濃郁同埋肉質好細嫩，完全唔會覺得有腥味或者膩！炸物、小食等都係任攞任食~ 黑糖番薯燒、炸薯角、章魚小丸子都好酥脆，可以配埋番茄醬一齊食，甜甜酸酸嘅味道非常解膩~👍🏻👍👍

提到日本，燒肉肯定係大家最鍾意嘅美食之一。今日突然想食燒肉，就決定去旺角嘅「八木橋日式燒肉」試下佢哋嘅燒肉自助餐🥩😈。呢度嘅套餐真係好豐富，包咗好多唔同嘅選擇！見到都流口水🥰😋晚餐有A4黑毛和牛嘅三角腩、和尚頭、後腰肉、牛肩，仲有A5和牛西冷同埋海鮮拼盤。每一塊肉顏色都好靚，口感超豐富，真係好鮮美。😍😍真係好正肉質喺烤架上受熱，油脂瞬間融化，味道一嚐就俾人驚喜。牛肉全部同一般地方完全唔同，每一塊肉都質素超高💓🥰仲有好多配料同醬汁可以揀，絕對係和牛嘅完美搭配！😊另外，佢哋嘅海鮮拼盤都好正🦐🦑🐚，海鮮款式多到你驚，就算淨係食海鮮，都可以媲美高級餐廳，性價比真係超高，絕對值得一試！😆總括嚟講😗如果你想一大班人任食食物 又想選擇多 絕對推介呢一度🩷下次如果有朋友生日或者家庭聚會，我都會再揀呢一度啊😁🤘🏻

款式都叫做可以 肉質一般般以價錢嚟講 A餐 $200中 系不錯既～.而家通常都網燒 冇咁多油 呢一個唔係網唔好話燒需要用好多油 夾落隻碟度 成隻底都係油食食吓都望到唔想食 生菜好新鮮 鍾意嘅可以中和一下

平時同朋友聚會都會去啲西式嘅餐廳，今次輪到我話事，就梗係揀我自己鍾意食嘅嘢啦，之前去完日本，對於日式燒肉有念念不忘嘅感覺，於是就約埋班朋友一齊去咗呢一間八木橋日式燒肉，呢一間餐廳主打日式燒肉放題，仲有多款口味選擇，確實可以滿足到我嘅慾望!最推介先要數雨餐$1108，有A4黑毛和牛三角腩, A4黑毛和牛和尚頭, A4黑毛和牛牛肩, A4黑毛和牛薄切，但一定要提嘅就係A5和牛西冷，就咁見到有咁多款唔同部位嘅牛肉就已經覺得非常之吸引，本身我自己其實唔係好識分，但係基本上每塊牛肉都真係好有獨特嘅味道(雖然你而家要我講返其實我都分唔到) 但係整體嘅過程都係非常之開心同埋滿足! 自己燒嘅感覺都好爽，燒到剛剛好嘅熱度，肉質柔軟，入口即溶，好滋味！另外都想介紹一下呢一度可以食唔同嘅海鮮!!! 估唔到連海鮮都可以任食，而且海鮮嘅款式都好多!!! 我自己好鍾意其中一款海鮮更是香草墨魚仔，選用新鮮嘅墨魚仔，剛剛好，唔會太硬又咬得落，用香草調味，真係食得好滿足🤪重點介紹一下，呢一度嘅汽水，啤酒，雪糕全部都係任食，仲有好多唔同嘅天婦羅，炸物，全部都係任食當然仲有好多唔同款式嘅肉類同埋其他部位全部都係任!!! 一

呢間燒肉放題任食日本A4和牛燒肉竟然有半價優惠！頭盤一開始有一大片嘅A5和牛西冷，超誇張，同埋四款和牛燒肉拼盤，包括三角腩、肩胛肉、和尚頭、後腰肉、每款都充滿油脂，牛肉味勁濃，雖然太邪惡，但係又好好食！頭盤仲有鮑魚、味醂魚乾、醬油牛肋肉同比目魚西京燒，每樣都超好食！總體肉類品質都好好，而且食到一啲比較特別嘅部位！海鮮質素都幾好！雖然肉類以外嘅食物選擇較少，係食肉獸嘅福音。店員很殷勤幫忙換盤，服務不錯！

今日同朋友出黎慶祝佢生日，見到呢間和牛放題店，諗起前幾日咁岩系IG見到餐廳既宣傳片，所以就book定枱同佢去慶祝！佢地既餐牌名都幾特別，系根據天氣黎改名，本來仲煩惱緊食邊個餐，咁岩呢排日日都落大雨，我地就好搞笑地決定揀「雨餐」黎食。前菜先上左味醂魚乾，好快就上埋A5和牛，之後就有海鮮拼盤，未食完又嚟埋A4黑毛和牛。呢個餐仲有110+既食物可以任點任食，由A4和牛到生蠔都可以任點！和牛既紋理都出靚，入口幾嫩，幾有咬口。海鮮方面都幾多種類，望落都新鮮。佢地仲提供無限食既Häagen-Dazs雪糕，我地當然吾執輸，瘋狂地食和牛呢啲貴價野。基本上只要多嗌幾碟和牛同Haagen dazs 雪糕已經回咗本，不過有得食當然食多啲，話哂都比左錢。雖然呢個餐有120分鐘食但系我哋食左100分鐘左右都已經投降。

記得我第一次食燒肉係在日本～喺香港嘅今日～自然要揀一間好品質嘅日式燒肉店懷念呢種味道😎而家就帶大家一齊來「八木橋日式燒肉」喺旺角嘆一頓燒肉放題午餐！首先上枱嘅係和牛外腿肉😋😋每一塊牛肉都係切得恰到好處～用來做燒肉嘅話真係啱啱好～基本上只不過喺個爐上面燒 一燒🔥好快就已經即刻食得!肉香四溢～夠嫩滑～每一口都滿滿的牛肉香味～好滿足👍至於呢一個套餐有好多唔同嘅款式可以任食～我自己出乎意料地鍾意呢一度嘅忌廉蟹肉薯餅⬅️由內到外全部都係濃醇嘅蟹肉鮮味～搵埋上面嘅忌廉再添上啲薯餅～滋味更增添咗好多🤤跟住就係和牛崩沙腩🐂讚不絕口～和牛沙腩叫呢個部位真係冇得輸嘅～讓滋味再提升一個層次！！ 不論係油脂～定係本身牛肉嘅香味都係好吸引!!再黎就係炸香芋丸🤝🏻🤝🏻入口即溶嘅香芋釀～充滿滿滿的芋頭香～配合香煎嘅外皮～味道實在係太誘人🤤最後～呢一度嘅飲品同埋雪糕全部都係任飲任食🙌🏻食吓食吓覺得有啲飽嘅話～食個甜品～又可以重新再嚟過Hahah😆😆真係好爽!總括而言～呢間日式燒肉放題嘅餐廳～賣相加味道都一流👍🏻👍🏻下次有機會一定要再嚟試試其他套餐嘅燒肉～推介畀所有鐘意日式燒肉嘅你❤️❤️

今日同家人喺旺角行街時發現咗呢間日式燒肉，睇咗個餐牌發現系任食任飲嘅，而且仲系頂級牛肉，所以決定去試下😆我哋睇咗個餐牌，決定點咗最吸引嘅$1108 雨餐🤩【A4黑毛和牛薄切】師傅嘅切工好好，每一片都好均勻，烤過之後嘅牛肉，更加濃郁鮮甜，每一啖都可以食到牛肉汁，口感特別豐富😍【A4 黑毛和牛和尚頭】呢份牛肉嘅肉質特別滑嫩多汁，入口即化，入口之後仲帶有天然嘅肉甜味，每一啖食得特別滿足😋【A4黑毛和牛牛肩】和牛牛肩肉特別有嚼勁，烤咗之後，更加酥脆爽口，咔滋咔滋，仲唔失牛肉嘅濃郁香氣，真系太爽啦！【A5 和牛西冷】A5和牛特別特別細膩滑嫩，食落去唔會有粗糙嘅感覺，配埋檸檬酸酸甜甜，特別開胃🤤【南瓜片同香菇】我哋仲烤咗南瓜🎃片同香菇🍄，特別清甜可口，食材亦都好新鮮，特別好食，我哋仲多點咗幾次👍家人都食得好開心，食品亦都好新鮮，非常推薦大家✌🏼

朋友帶我嚟試試連鎖店以外嘅日式燒肉放題，整體體驗好好，和牛質素同配料選擇都好充足。首先先食個和牛拼盤，有5種不同部位：A4黑毛和牛和尚頭、A4黑毛和牛牛肩、A4黑毛和牛三角腩、A4黑毛和牛後腰肉同埋A4黑毛和牛薄切。每個部位都有獨特口感，我自己就覺得三角腩有牛味得嚟油脂感適中。 另外有隻日本蛋，燒肉沾上蛋漿之後口感更滑。之後再食海鮮，有燒鮑魚、比目魚柳、雞泡魚乾同鰻魚。跟menu上嘅時間指示燒出嚟嘅鮑魚肉質食落唔靭，表面燒到金黃色。店員都好helpful，時不時嚟幫手燒下，仲示範拆鮑魚方法😆。其他食物例如牛油雜菌，菜類都仲有好多選擇。另外不同部位嘅澳洲和牛、牛舌，海鮮例如扇貝、廣島蠔同墨魚仔都可以無限refill.即食嘅天婦羅🍤正常發揮，一貫放題水準。出面都有自助吧有任飲飲品同雪糕。總括嚟講，和牛質素好，食物選擇多，係令人滿意嘅日式燒肉。

獨自一個人午餐唔知要食咩，都冇咩想法，早上因為公事忙到不可開交，下午就閒來冇事，覺得想食一餐勁嘅。喺openrice睇見推介呢間高級日式燒肉嘅放題，真係好吸引我，因為有好多平時食唔到嘅高級食 材，選擇多，而且好多都係任食，喺食呢方面絕對唔會客氣，所以毫不猶豫就打算午餐食buffet。呢度裝潢真係好優雅，就好似去咗日本高級料理店咁，而且仲有啲可愛嘅擺設! 我呢度係點咗【雨餐】，總共係$1108，需要注意一點就係雖然係放題，有啲肉係一次性唔係任食嘅 ，但係任食任攞嘅高級牛肉種類好多。【A5和牛西冷】係今次嘅主角，外觀睇落肉質細膩，油脂好多，產生嘅雪花好靚，肥而不膩，烤起嚟 香味十足，確實食得到同平時街市買嘅牛肉唔同嘅味道。呢度仲有【A4黑毛和牛】嘅各部位，有幾個部位我個人特別鍾意，就係【和尚頭】、【後腰肉】同【三 角腩】，各個部位嘅口感都畀你有唔同嘅享受，最鍾意嘅就係【和尚頭】嘅細膩，仲有【後腰肉】咀嚼 嘅勁道。【扇貝】非常新鮮，食咗油脂多嘅牛肉，再嚟一口海鮮，可以解膩又可以提鮮，胃口大開。午餐buffet我自己真係食得好過癮，大家都可以嚟試一試!!

一人下晝去旺角搵午餐，見到八木橋日式燒肉店特別多人，就好奇去睇菜單，結果發現咗雨餐，只需要$1108，任食任飲，重點系仲系我最愛嘅牛肉，必食🍽️我點咗【A5和牛西冷】，仲未烤就見到牛肉脂肪分佈均勻，特別誘人😍烤過之後，牛肉嘅肉香味撲鼻而來，特別多汁，太愛啦！仲有【A4黑毛和牛後腰肉】，肉質細嫩，咬落去特別爽脆，仲帶有肉香味，特別開胃🤤我仲叫咗【A4黑毛和牛牛肩】，牛肉特別多汁，每一啖都好鮮甜，真系太贊啦👍【A4黑毛和牛三角腩】，特別鮮甜，烤過之後再配上醬料，入口即化，太好味啦，忍唔住多點咗幾盤😍😍仲有我最愛嘅【扇貝】，特別有彈性，烤咗之後依然保留佢嘅鮮美多汁，口感特別豐富🤤一個人嘅午餐真系好享受，尤其系食材新鮮好味，價錢仲好合理，下次要拉埋男朋友一齊去！

同事介紹咗一家喺旺角嘅日式燒烤店【八木橋日式燒烤】，話係任食任飲嘅燒烤店，啱啱今日有空就去試嚇😄服務員推薦咗【比目魚西京燒】，比目魚肉質細嫩，烤咗之後仲帶有淡淡嘅焦脆，魚肉鮮嫩多汁，口感特別豐富好食😋鮑魚新鮮，帶有甘甜嘅味道，細膩嘅甜味同鮮味相結合，味道清新。☺️同事仲推薦咗我【牛油粟米】，新鮮嘅粟米粒烤咗之後帶有甜美嘅味道，配埋牛油奶香，形成咗一種好獨特嘅風味，真係回味無窮😍不可錯過嘅【和牛三角腩】同【和牛外腿肉】，牛肉鮮嫩多汁，特別有嚼勁，每一啖都帶有濃郁嘅肉香味！和牛三角腩嘅脂肪分布均勻，入口即化，而和牛外腿肉有著豐富嘅肉味，烤咗之後散發嘅香氣真係令人難忘😋我點嘅$438套餐性價比好高，食材新鮮鮮甜，每一道菜都好啱我胃口🤩