八木橋日式燒肉

营业中

休息中

呢間日式放題餐廳，主打燒肉放題，提供多款放題套餐，熟成極上牛西冷等美食。我地食左霞餐，性價比高，抵食！M5 和牛西冷任食，肉汁豐富，充滿牛味，色水都好靚。重點係任食！大癲～啲食肉獸來一定食到飽😌🤤🤤😂（真係食窮你😂仲有多款口味牛板腱，肩脊肉，牛胸腹任食；多口味燒豚肉，雞中翼，雞腿肉任食；無限追加即炸天婦羅，鮮甜香脆；多款海鮮，虎蝦，扇貝，廣島蠔任燒任食，新鮮即燒，熱辣辣上檯😌👍🏻💯

喜知餐廳舉行優惠：午市霞餐成人買一送一，條件只需要現金付款。(1) 政策方面用餐120分鐘，結賬前30分鐘截單，一切都耳熟能詳。在最後時刻才被告知剩餘的食物將以每100克收取$10。詢問店員可有告示張貼，說要尋找一下。經他請示上司後，未被燒過的食物可作豁免。若是響應環保、愛惜地球；珍惜食物、控制成本，這些都是能欣然接受。當然是餐廳的規矩在一清二白的情況下。(2) 硬件方面鐵板受熱並不均勻，導致錫紙盤的食物⋯⋯抽風系統也不完善，在冷氣不是太足夠的情況下，更是見微知著。不論是二人、四人、或是六人，都是共享一爐。難以體驗燒烤放題的「奧妙」。(3)食物/飲品方面挑選種類尚算多，畢竟是位列較高的霞餐。解凍做得妥當，至於錫紙盤的燒物建議略過。調味過重，用餐後極需要補水。另外，飲品真的不多，而且種類也算陌生。硬要說餐廳的優勢，便是安排入座、簡介用餐、送餐，甚至結賬都是同一位店員，足見員工的魄力。簡而言之，敬謝不敏。

今日好朋友生日，約去咗旺角食日式燒肉，我哋研究左一陣決定咗選擇～📍日本A 4和牛•熟成牛の燒肉盛 雨（120分鐘）$1108 位～包括：A5和牛西冷、飽魚、味淋魚干、A4岩手和牛三角腩、A4岩手和牛肩胛肉、A4岩手和牛肉眼蓋肉、A4岩手和牛五花腩燒肉、A4香蔥薄切岩手和牛、韓風瓷壺醬油牛肋肉、多款炸物、多款飲品、雪糕、日式甜品……A5和牛西冷；份量十足、油花分佈平均有如雪花，入口即化，肉汁豐富。香蔥薄切和牛；將牛肉薄切，燒好捲起加大葱沾上蛋液，勁好味呀～好飽呀～食足兩小時，大滿足嘅一餐！

最近旺角開左好多新既燒肉店，但食黎食去之後都係最鍾意八木橋😚為既就係佢既肉類真係好高質，選擇又多，性價比真係好高☺️我地黎親一定叫《雨餐》😂咁先可以食盡全部唔同種類既肉😂一定要試既就係雨餐精選既A4黑毛和牛😍有後腰肉、肩胛肉、三角腩、和尚頭，有肥有瘦，有入口即溶，亦都有充滿咬口，一次過食盡唔同口感既牛肉😍呢個餐最癲一定係送原塊A5和牛西冷🤩出面賣勁貴，呢度一個餐已經食到，大大塊肉香四溢🤤A4香蔥薄切岩手和牛同瓷壺醬油牛肋肉都非常值得一試，薄切和牛可以沾生雞蛋食，牛肋肉就醃得非常入味🤤除牛肉之外都有好多其他肉類可以揀，特別推介羊架，完全唔騷而且肉汁飽滿🥰海鮮方面我最鍾意就係鮑魚、虎蝦同多春魚🤪海鮮全部都好新鮮，完全冇雪味或者腥味，又夠大隻😗其餘仲有好多小食，天婦羅呀、炸蝦多士都好正😝黎旺角一定要試下🥳

旺角呢間日式燒肉吃到飽有四種唔同價位放題供選擇，我地揀左雨套餐，可以食足120分鐘，食嗮包括和牛西冷，比目魚西京燒全部超過100品美食！西冷是牛腰上部的位置，因此肌肉少，脂肪分佈均勻，西冷有一定厚度，牛味亦較濃，蘸鹽或燒汁令肉味更突出。食牛既朋友就好岩了，除了西冷仲有極上牛板腱，牛胸腹，牛肩脊肉，原味和韓式味道都唔錯！今次最中意既係比目魚，調味出色，經過燒烤，魚肉油香滿滿，外部表皮焦脆，內裡肉質嫩滑。燒肉放題好少見到鮑魚，鮑魚好新鮮，不過肉較厚，要烤一陣，幾有咬口飲品選擇多， 需要啤酒可以加$20任飲。雪糕種類都好豐富~

好耐無食燒肉見之前fb有介紹就膽粗粗去試經Open rice 訂位 6:00前有85折叫左$418 個套餐準時去到滿心歡喜甘入座頭盤黎到既時候系有驚喜既👉🏻個賣相成盤除左魚同海鮮之外其他真系麻麻芝士無用到 驚太膩食吾到其他野但個雞真系好乾身豚肉叫普普通通牛就真系吾得 食吾出系和牛（我認為佢系和牛既定義系之後有嗌澳洲a5和牛 個樣系一模一樣）之後每款都嗌左件黎試牛有牛味 豬有豬味甘囉但真系吾好食重點系佢個醬 一共有4款但除左個7味粉之後 其他都無嘜味好似將平時個d燒肉汁溝到勁淡甘埋單有85折 2個人加埋800蚊左右但真系吾覺有咩食過落肚因為真系吾好食 所以未食飽就走左最後 如果大家坐系有鎖匙位個邊要小心吾好掂到個位因為會比佢電親 我就比佢電左下 勁痛呢間真系無下次

夏天想BBQ但唔想熱?咁咪食燒肉囉🤣呢到其實同吃寶經過咗幾次🤪見到招牌但係唔知喺邊🫣原來上到去 經過D夾公仔轉入去就見到🤩加上依家二人以上就半價梗係揀最貴嘅“雨”嚟食啦😆吃寶如常發揮佢「廚神」嘅功架👩🏽‍🍳利用哂餐廳有嘅調味料(粉紅鹽、山葵汁、燒汁、酸汁、七味粉)喺鐵板上面烹煮咗清酒燒蠔(係清酒蜆+生蠔嘅自製食法😆)汁燒鮑魚🦪 當然仲有保留原味嘅鹽燒A5和牛西冷🥩呢D自家製嘅隱藏食法 係阿公同吃寶獨有你哋又會有咩隱藏食法嫁？😁

聽講呢間以日式燒肉為主題既日本店好出名，它位於旺角，環境舒服又特色。今日上完日文堂之後，就約了朋友過嚟試下，確實唔錯。Menu of 霞餐：<濕式熟成M5和牛西冷><高級牛肉><南非鮑魚><豬肉><羊架><宮南瓜><冬菇><虎蝦><扇貝> *******另外，仲有多口味燒豚肉，雞中翼，雞腿肉任食;無限追加即炸天婦羅，鮮甜!<濕式熟成M5和牛西冷>外觀做到非常吸睛，夠曬新鮮味道濃郁，配埋蛋醬，香蔥等等可以令到肉嘅味到增添一份層次，<虎蝦>非常creamy彈牙。<羊架>食落好香胡椒味，仲要彈牙又多汁！另外<南非鮑魚>都好有咬口啊！最後，就去到必食蔬菜啦✨<野菜>好多料，好夠鍋氣。呢間餐廳位於旺角站 B3 出口，係地鐵站出口行3分鐘就到，位置十分方便，而且性價比都算高。

近排人人都推介呢間八木橋嘅日式放題，我都唔汁輸去試吓，點知又覺得幾好味，而且待應服務態度好好，環境舒適👍🏻👍🏻👍🏻因為覺得霞餐幾吸引，所以就叫咗呢個set😍😍😍呢個set有幾樣喺想特別推介❤️首先係M5和牛西冷。呢份和牛西冷好大塊，牛肉味較濃，外圍有一圈呈白色的肉筋，入口有韌性，不錯😌😌😌 其次係韓風醬牛肋肉。呢個牛肋肉不得了，肉質鮮嫩多汁，唔會話太肥，配上韓風醬味道夾得不得了😝😝😝然後，佢地嘅三元豚肉，真係好好食，口感軟淋，真係唔錯😚😚😚最後除咗食啲炸物、蔬菜，仲叫哈根達斯雪糕做甜品，雪糕有多種唔同口味，可以滿足到我第二個胃😆😆😆

📍旺角-八木橋日式燒肉上星期同朋友去完食依間位於旺角T.O.P.嘅日式燒肉放題✨🍖覺得性價比好高！♪( ´θ｀)ノ想推介俾大家！一齊怒吃日本A4和牛吧！😋✔️🍖雨 (120分鐘放題)為咗慰勞返工返得好辛苦嘅自己 嗰日同朋友仔一齊叫咗「雨」依個餐！有超過110種食物可以仼食！頭盤會有A5和牛西冷！你哋睇吓相就會見到有幾大塊♪( ´θ｀)ノ✨🥺一路煎一路傳來陣陣牛油香 另外呢一嚿西冷肉質好林 一剪就剪得開~ 食落啲牛油香直頭滲出來🥺👍🏻！🥩牛肉脂肪分佈好平均！如果大家鍾意香口啲嘅牛可以試吓 A4黑毛和牛三角腩! 呢一款嘅牛肉，因為脂肪會比肉多 咬落去，陣陣油香！推介(///▽///)————📍旺角-八木橋日式燒肉地址: 旺角彌敦道700號T.O.P. This is Our Place 4樓409A & 409 B號舖#gluttonlifecafe #gluttonlife旺角 #旺角 #hkfoodie #yummy #food #cafe #hkcafe #hkfood #hkgoodblogger #chill #hotdog #dogfriendlyhkrestaurant

呢間燒肉放題餐廳真係幾唔錯嘅，今次揀左「霞」嚟食，佢嘅餐單真係好豐富！有好多唔同嘅牛肉部位，質感都好，每一塊牛肉都好好食，好嫩滑，燒得剛剛好，唔會太焦，肉味又好。而且佢嘅爐燒技術好好，燒出嚟嘅肉都好香口。佢嘅海鮮種類都好多，我試咗扇貝、廣島蠔、黃金螺、金菇、蜆仔、鮑魚同魚干，所有有殼嘅海鮮都洗得好乾淨口，佢哋將蠔同金菇用一個錫紙兜燒，好乾淨衛生，唔洗擔心容易燒濃。揚物都好好食，我特別鍾意佢嘅炸蝦多士，蝦同多士好搭，一口咬落去芝士都會爆開，但要小心熱。佢嘅炸餃子好正宗，原汁原味，同埋佢嘅香芋丸同蕃薯天婦羅都好有口感，外皮又脆口，好香甜。

諗住同老公夜晚食返餐好，塊牛一放落口就已經知中伏，真係勁中伏🤮🤮🤮🤮揀咗第四級，都冇樣嘢好食啲牛又鞋又冇味，所有肉類都係冇味點埋汁都係無味餐單選擇好少，只怪自己懶，冇做好功課就衝咗入去男服務員態度麻麻，黑口黑面，問多句有咩可以refill , 就話同出邊啲餐廳一樣，去邊度食都係咁😅😅人手不足，好耐先清一次枱。餐廳入邊好似大陸遊客居多星期日七點餐廳都係坐得得一半人，隔離餐廳就坐滿晒人好大對比真係唔會再幫襯

同男朋友去旺角T.O.P食燒肉放題，呢度有好多種唔同食物，包羅萬有，我哋見到乜嘢都點一啲，一邊燒一邊食，真心超正！⭐️芝士雞腿肉，芝士同雞腿肉嘅味道非常急，而且燒完芝包住整件雞腿肉！⭐️台式黑椒腸，我一直覺得台式腸特別好味，肉嘅口感比較突出，黑椒腸嘅味道微辣，令人更加開胃。⭐️雞中翼有兩種口味，法芥燒雞中翼和蒜香燒雞中翼。法芥口味有醬汁喺上面，食落去比較濕潤。蒜香雞翼比較乾身香口，蒜味非常濃郁。⭐️牛肉除咗有不同部位，可選擇外，更有不同醬汁可選擇。例如牛板腱，肩脊肉，牛胸腹，有原味，韓風，法芥和七味，韓嘅味道最重最濃，法芥的醬汁令牛肉keep到咁多汁，七味微微辣辣地有少少香味。原味可以食到最原始嘅牛肉鮮味，每款都非常好食。⭐️冬菇，杏鮑菇，左金菇，黑松露牛油雜菌，好鍾意食菇類，全部燒起嚟非常香。⭐️其他仲有西京燒比目魚，味醂魚乾，即炸天婦羅，選擇多多又好味。

好店推介！話說今日去咗食日式燒肉放題，店舖大間寬闊，侍應服務態度和藹親切，而且食物種類繁多，地點係旺角市中心T.O.P，真心正🥰1️⃣香葱和牛薄切薄切和牛口感細膩，肉質柔軟甜美，入口即融，加上配合蔥蒜同蛋，惹味之餘味道豐富👍🏻2️⃣海鮮叫咗虎蝦、多春魚、鮑魚同比目魚西京燒。基本上海鮮都好新鮮，鮑魚鮮甜美味，比目魚魚味香濃，全部任叫任燒😋3️⃣ 日本A4和牛和牛有4款部位，無限追加。全部和牛都有好靚嘅大里石花紋，肉質柔軟，油脂香味濃郁，口感細膩，真係唔錯，yummy😍4️⃣ A5和牛西冷肉質油脂分佈堪稱完美，鮮紅肉質，白雪雪的油花細緻均勻，極具光澤，肉質幼嫩細滑，肉味濃，食後齒頰留香🤭最後，值得一提就係佢地個燒烤爐火喉適中，新手燒都好適合，唔會話燒燶哂😎

嗰日諗住喺旺角快快脆搵啲嘢食，見到八木橋90 分鐘 350蚊 ，應該質素唔會太差啦，就同男朋友加埋細佬三個人入咗去食，一入到去店員態度好差，code落單，但係啲嘢又上唔齊之後仲要30分鐘前就已經截單。 基本上90分鐘其實得一個鐘。好多嘢30分鐘前叫咗去到最後都上唔齊，啲牛肉質素又唔係特別好。店員啲質素又差，基本上碟碟野都係飛上黎，環境衛生勁差，地下痴笠笠到嘔咁濟。三百幾蚊一位我覺得完全唔值，三個人食咗千幾蚊，根本就係搵啲水魚去食嘅，呢個係我中咁多次伏以黎最差嘅一次。仲要食完返到屋企肚瀉左好多次又暈又想嘔，搞到腸胃炎。 ：超級唔推介千祈唔好去食！