八拾台式串燒火鍋酒場

前排经过旺角嘅创兴广场，发现2/F 新开左间台式串烧火㶽店🔥所以有日朋友话想食串烧，我就二话不说带佢黎呢间八拾台式串烧😋同埋餐厅好细心，会将烤好嘅串烧都放喺一个小火炉上保持住食物嘅热度👍🏻餐厅系用生烧方式烧串烧，有别于坊间其他串烧店先炸后烧，所以串烧会比较湿润！仲有，呢度好啱一D夜收工嘅朋友嚟食宵夜，营业时间竟然开到成凌晨4点😮烤生蚝🦪生蚝鲜嫩多汁，烤后嘅香气更为浓郁，用左大量蒜蓉黎一齐烤，一定系绝配啊👍🏻烤鱿鱼须🦑一份有成10串，正啊😋鱿鱼须烤至弹牙，外层微脆，内里仍保持弹性。烤韭菜💚韭菜烤至微焦，香气四溢，保持了韭菜嘅脆口感。盐烤鸡颈肉💛竟然呢度连鸡颈肉呢d 罕见部位都有，烤得恰到好处，肉质鲜嫩，油脂适中。盐烧厚切牛舌芯🔥牛舌厚切，口感滑嫩，肉质鲜美。烤地扪菠萝🍍烧菠萝外皮微焦，内里鲜嫩多汁。经过烧烤嘅菠萝，糖分稍微焦化，增添香气同口感嘅层次。…查看更多

呢一间旺角新开嘅火锅串烧舖头，营业时间去到凌晨四点，啱晒年轻人聚脚饮酒吹水！我哋今次嚟到冇食打边炉，净系试咗佢哋嘅串烧，留意番佢哋嘅串烧系采用生烧方式烧，同坊间嘅串烧舖采用先炸后烧嘅方法唔一样，所以上菜时间真系会比较耐一啲～今次试咗几款串烧海鲜，分别系烤鱿鱼须(10串)🦑$48、生蚝 🦪$28、烤台湾白鳝🐟 $48，生蚝同埋白鳝都算肥美厚肉～另外都嗌咗几款唔同嘅肉类同埋蔬菜，分别有猪仔髀2只🐷 $38、盐烧厚切牛舌芯🐮 $48、烤胸口油🐂 $48、盐烤鸡颈肉 🐔 $28、烤猪颈肉🐷 $18、烤韭菜🥬 $18，咁多款入面就最欣赏佢哋嘅烧韭菜，佢哋嘅韭菜唔会烧到太干身，而且用嘅韭菜部位都系比较嫩一d 既，唔会有食到黐晒牙嘅情况～…查看更多

呢间旺角新开嘅串烧店都几抵食～串烧都系大概$10-20，人均唔使$200都食得好饱🤤餐厅是采用生烧方式烧串烧，唔似坊间串烧店先炸后烧，所以串烧会较湿润😋大推盐烧厚切牛舌芯‼️大大旧牛舌弹牙得黎又好软嫩，超好味👍🏻烤鸡横隔膜肉质带微微筋膜感，师傅烧得焦香脆口，咬落去先脆后嫩，油脂香混埋调味超惹味🤤 五花肉串肥瘦三层分明，有猪油特有嘅焦脆感～中山脆肉鲩皮脆肉弹仲有鱼鲜味，完全无泥味！八拾炒面镬气十足，面条沾满蛋香同肉碎，宵夜食呢碟超满足～惊喜位系锡纸金针菇🍄蒜蓉香爆棚，挂汁能力💯…查看更多

收工去咗旺角创兴广场呢间新开既「八拾」～餐厅用生烧方式烧串烧，食落d串烧真系juicy d咁。八拾煎饺（$68）有成10只咁多!!! 煎到底脆卜卜，咬落去肉汁爆出嚟，点埋醋食超开胃！肉燥饭（$78）几大碗，卤肉咸香得嚟唔会太腻，捞饭食停唔到口。 串烧方面，鸡皮饺子串（$28）脆内软嘅口感好过瘾；盐烧鸡心（$28）烧得刚刚好，爽口弹牙又冇腥味；鸡全翼（$18）真系抵食，皮脆肉嫩仲好多汁！ 白鳝皮脆肉弹👍🏻最正系甜品，烤年糕（$16）外皮脆脆哋，入面烟韧软糯，点炼奶食简直系邪恶；烤小馒头（$16）香脆松软，仲有台湾肠（$18）好有地道风味，食完成个人都开心晒！ 整体嚟讲价钱合理，味道有水准，环境都几舒服，系宵夜吹水嘅好地方。…查看更多

星期五晚，餐厅都只有4成满。7点半入纸点单，等成45分钟，到8:15先开始上菜，好慢，好混乱，各枱人都开始鼓燥，店家只能抱歉说厨房处理不到。店员自己也很混乱，认不得枱号，有上错菜。因为忙，上菜是掉到你枱上的。或者随便放下不是你枱的菜在你枱上，回头再拿走送去另一枱。等到1小时多也只上了3-4串，不想再等，未上齐野我也直接埋单。但单论食物的话，串烧是烧得好的，上菜够热，调味也不错。然后我直接去了附近其他餐厅再吃一餐。…查看更多