兩三碗車仔麵

車仔麵食由細食到大嘅我，對車仔麵有啲要求，要有細個時個種古早味先係真正嘅車仔麵，濃濃嘅湯底、超入味嘅蘿蔔豬紅豬皮等等... 近年好流行食車仔麵有花膠，其實本人覺得同車仔麵唔太襯... anyway銅鑼灣鵝頸橋熟食中心一路係我車仔麵嘅至愛，不過人在九龍，見到附近新開無耐，就外賣試吓 （因為疫情，暫時避一避堂食）份量真心多... 原來諗住點淨餸，怕唔夠飽。一打開見到大大蘿蔔，食極都仲有嘅牛筋，好似食唔完嘅瀬粉.... 心想點解唔堅持叫淨餸蘿蔔不過不失，可以再淋啲同入味啲；牛筋好好味，夠香夠淋夠入味；我亦有點大家有讚嘅墨魚春卷，雖然個紙袋油晒，食落口冇想像中咁油，就算外賣都仍然夠脆，堂食一上枱即食會更加唔錯 湯底亦不賴，都算夠濃，我今次點小辣，味道稍重。…查看更多

今日外買叫幼麵，比左粉絲都箅，唔明點解慈云山好好味，但深水埗青山道分店就差到冇朋友，今次叫羊肉串，只有一種死鹹味，雲吞又係死鹹味，一句講晒鹹死人，這個是什麼師傅，清湯變清水，上次食慈雲山好出色茄哩豬皮，又中伏，豬皮仲有臭油益味，大家唔想有腎病，千其唔好食羊肉串及雲吞麵，另買外買仲先開蓋看完正確才拿走。老闆點解深水埗店咁差，是否特許經營權店？我真心講，咁的價錢，比咁的質素，我以後都唔會再幫襯。怕怕+一肚火…查看更多

👦🏻今次同同事黎到深水埗，原本諗住食日本野，結果已經閂左門。咁唯有去發掘下仲有咩好野食，行下行下，最後就決定去試下呢間兩三碗車仔麵😎🌟車仔麵（豬頸肉+牛腩）（少辣汁🌶️）車仔麵湯底比較濃味，加上蒜香味好重🧄，比較岩鐘意食濃味野嘅朋友。豬頸肉值得一讚，份量多，醃得好入味，真係好香香茅味👍。牛腩就正常水準，不過不失。🌟墨魚春卷墨魚春卷係一道招牌菜，外層係炸春卷皮，輕輕咬落去已經好有口感，內層啖啖墨魚肉，亦都好彈牙，可以話係必點嘅菜式！…查看更多

呢間兩三碗車仔麵，絕對係慈雲山名物，宜家深水埗都有得食la🤩首先要講既係呢度既麵底選擇極多，除左米線米粉粗面幼麵呢啲之外，竟然仲有瀨粉、銀針粉、台灣麵呢啲揀😳配料選擇都多，比較多人推薦既有佢地既豬頸肉、豬扒、牛腩、墨魚春卷。而湯底方面，有得揀辣汁、少辣汁、咖喱汁，仲有得配牛腩汁、蔥、芫荽、辣菜脯。1️⃣墨魚春捲+蘿蔔烏冬（辣汁+牛腩汁+多蔥+辣菜脯）（$35）墨魚春捲係必點既！一份有兩件，即炸出黎，好香🤤大大件而且都有咁上下厚😋不過就有少少油。另外蘿蔔有四件，好多😲而且每件都好大舊，算係幾淋冇乜渣。另外呢度既辣汁加腩汁好出色！味道唔會好鹹但係好香濃，辣味係夾雜左啲蒜香，好正👍麵既份量比想像中多，所以都食得好飽。  2⃣️炸韭菜餃（$38）韭菜餃有六隻，每一隻都幾飽滿，即刻炸出黎要小心啲食🤭一咬落去中間仲熱辣辣，仲有啲肉汁添☺️  …查看更多

🍴炸韭菜餃6 隻38 蚊🔥🥟6 粒大大隻既煎餃 餃皮整得香脆 入面既韭菜豬肉新鮮熱辣辣 🐖🌿 唔會因為煎左就好乾 好食👍🏻🍴沙嗲豬頸肉出前一叮50 蚊🐖本身諗住50 蚊有 d貴 但上枱見到甘多件豬件肉就覺合理😂 豬頸肉肉質彈牙 醬汁帶 d酸同香草味 出前一叮夠爽口 沙嗲汁甜辣適中 夠哂惹味 推介👍🏻 🍴車仔麵 墨魚春捲 孜然牛柳串 河粉 40 蚊加腩汁自製墨魚捲個皮夠薄脆 墨魚彈牙 牛柳肉質 juicy夠香濃牛味 辣腩湯汁 牛肉味香🐂🌶️ 滲哂落河粉度 整體好味#牛柳 #車仔麵 #墨魚 #韭菜餃 #水餃 #出前一叮 #公仔麵 #沙嗲 #豬頸肉Score 平均分 <7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#兩三碗車仔麵深水埗青山道62b號地下~~~~~~~~~~~~…查看更多

哩間車仔麵環境企企理理，黎到個時有啲早冇咩人仲驚有伏，坐低之後好快就full咗😀有啲餸係幾特別，係其他車仔麵店係搵唔到😆☑️蠔油冬菇$12 //墨魚頭$14 //墨魚春卷$14 +油麵 $12湯底叫咗少少辣🌶同加腩汁，啲麵索哂啲湯底好濃郁，軟硬適中👍🏻蠔油冬菇一上黎真係嚇親，兩大舊超大舊，我都係第一次見甘大既冬菇，炆到好腍，而且超入味，真係好正😋😋墨魚頭都大舊，爽口得黎又唔會難咬👍🏻墨魚春卷又有兩大舊，炸到好香口，外脆內軟😆每款餸都好大件同份量多，性價比超高❗️…查看更多

喺深水埗最出名就梗係嗰間有兩三間鋪嘅車仔麵鋪不過今日選擇行遠少少試依間車仔面平日下午茶時間嚟 無人直接入入面光猛 企理 乾淨 膠板間隔做足晒啲筷子獨立包裝如果多人坐應該都會少少迫炸韭菜餃上枱襯熱食咗先熱辣辣有肉汁爆出嚟辣到口 必叫餃子汁就好似無乜味湯叫咗加腩汁同加少辣餐牌度寫係雞煲出嚟嘅湯底但飲唔出 好味嘅 係食完覺得少少口渴全部餸各12-16蚊不等自己叫咗牛筋同炸墨魚餅牛筋有幾舊大大舊 炆得淋同入味炸墨魚餅炸得香口 如果唔係全打溶佢加返少少粒粒食落就更好味…查看更多

-哩間車仔麪店，由慈雲山開到嚟深水埗，小有名氣，身為麪控嘅我當然要會一會佢🙊👍🏻-除咗加咗車仔麵必要嘅腩汁，我叫咗蘿蔔、牛腩同溏心蛋💕🐣 可以一讚嘅係，餸同麵嘅份量好多，勁大碗，我叫咗小辣汁，聞落好大陣蒜香💕🤤-白蘿蔔同牛腩食落就知炆煮嘅時間啱啱好，超稔又入味🥢💕 我覺得白蘿蔔係必點👍🏻 溏心蛋都好正，不過略嫌比湯底搶曬風頭🙊-張生點左牛柳串、五香豬扒同墨魚頭，個份量仲大啲🤣 豬扒唔錯，唔會嚡熠熠，而且出面比較少見，我覺得可以一試🤤-牛柳串份量都唔少，啖啖肉，不過燒得老咗小小🥲 墨魚頭夠曬咬口，肥嘟嘟又爽口，反而有驚喜🥰💕-整體嚟講，我覺得性價比唔錯🤭✌🏻 份量多、價錢唔貴，不過食完總覺得好大陣蒜味，唔鐘意蒜嘅朋友建議唔好要辣汁😄…查看更多

這段青山道和順寧道有很多食肆，就只欠車仔麵。近來終於等到了，今晚見不用排隊就入來試試。地方整潔，而我背脊沒有貼住其他人背脊。餸的價錢$9-14，淨餸三個餸起，麵類兩個餸起。✿五香牛筋，豬大腸 ($14)，溏心蛋($12)，響鈴卷($9)辣汁，腩汁，辣菜脯豬腸有少少肥而不膩，沒有異味，份量頗多。響鈴卷也ok，不是很油膩那種。蘿蔔可能是隨淨餸附上，都算入味、無渣，不是太腍✿烏冬，胡椒豬扒($14)，香菇貢丸($10)，甜酸齋($9)，少辣汁，腩汁，辣菜脯貢丸彈牙入味，可惜份量不多，甜酸齋質地韌軟，沒有浸到太軟腍，個人覺得如果酸一點更好。辣菜脯另外上，小辣爽脆有鹹香✿總括來說食物環境都ok，會回頭。…查看更多

黎到呢間麵檔，貪心嘅我同朋友又叫到成枱野食。包括招牌豬頸肉、墨魚春捲、麻辣豬耳銀汁粉，同蒜辣雞翼尖、鮑汁魚肚、胡椒豬扒、墨魚頭麵，另外叫多杯凍豆漿。餸超多選擇唔多講，湯底有得簡辣定唔辣/要香辣咖喱，又有莞荽、葱花、辣菜脯，算係几多調味配料。加上麵類又係有好多選擇，連銀針粉都有，真係中意點食都得！整體食物味道我覺得係高質嘅。豬扒同豬頸肉好香，麻辣豬耳亦香口，我亦幾中意鮑汁魚肚。特別想提提嘅係墨魚春捲，我覺得好特別好好食！雖然比較多油，但真係好香口。墨魚與春捲中層有層黏黏質感，好好食！其他食物都正常，質素值得推介。不過尼間麵檔有個唔好處，就係坐得好唔舒服。地方細比較逼之餘，凳非常硬，patpat少d肉就會坐到痛。總結，如果唔特別追求坐得舒不舒適，黎尼度食野食物係正嘅!…查看更多

- 瀨粉配肥牛片蘿蔔 腩汁 少辣汁 $33見比較少地方有得叫瀨粉所以就叫左黎試肥牛片 夠大塊 有一定厚度 但薄身啲應該會好味啲蘿蔔好清甜 無渣又夠淋 推薦！🙌🏻- 河粉配豬紅通菜 腩汁 辣汁 $31所有麵食其實都會跟少量蔥花 而我就揀左多蔥一上枱第一下反應係：嘩 真係多蔥到咁🤣🤣基本上係鋪到成碗都係 鍾意食蔥既朋友記得揀多蔥！逄親食粉麵我都一定會叫豬紅 呢間夠滑夠入味💯湯底黎講佢係偏重口味的 加埋辣菜脯食會更加惹味佢既辣汁雖然唔係麻辣果種但食落都夠辣架😳但個人食完之後有少許口渴 （但男朋友覺得正常唔會太鹹）- 自製墨魚春卷 $14招牌果然係招牌！真係好好食呀～～驚艷既係佢既炸粉係好薄 一咬落去就食到啲墨魚 夠彈牙！大家一定要叫呢個黎試下🤩呢個價錢同呢個質素都幾滿意！下次應該會回頭試埋佢個招牌豬頸肉☺…查看更多

外賣叫左豬頸肉及大花菇揀左少辣湯底大花菇好值得試！厚肉多汁、非常大、索晒湯汁、軟淋得黎有咬口，口感好好！份量又多，食極都仲有 豬頸肉好厚切，夠實淨，又係好多塊 少辣湯底連埋勁多芫茜好惹味忍唔住飲左啲湯但之後都冇口渴仲可以揀加辣菜脯 麵量足夠 呢個質素咁既價錢非常抵食深水埗又多一個好去處上網見到佢本店係慈雲山而且係良心小店今次食完比我既感覺：佢係一碗奔放地道既車仔麵而唔係果種好溫和斯文既新派下次去堂食再試清楚啲…查看更多

Tried out this newly opened cart noodles. Portion was big. Happy to see they gave lots of parsley and the spicy “choi po” was just a perfect match with the whole thing.Ordered:1) mushrooms - four big chunks2) veg - normal3) squid - very chewy and nice4) pig blood - so so, the texture was soft5) 魚肚 - must eat 正, it was nicely cooked, texture was perfect.I ordered 米線，but it was a bit too soft. It will be better if it was more chewy. Room for improvement.The soup was nice and spicy.Will go there again for sure.…查看更多

等咗 好耐 好耐 好耐位, 等位嘅時候 真係好曬好曬 好曬, 熱到個人幾乎冇心機食飯了… 可能佢冇咁曬嘅時候 去食會比較好啊…簡咗 墨魚春卷 同埋 韭菜餃 黎配銀針粉, 本身感覺較清淡, 加入辣菜圃後 即時好食得多了!!! 沙嗲三寶 我哋揀咗 豬紅、墨魚頭 同埋 豬腸, Haha 呢個真係好辣好辣好辣, 全部食物嘅質感都唔錯, 感覺乾淨放心~韭菜餃 餡料足 味道香濃芝士粟米餃 口感唔錯 唔膩墨魚春卷 沒有傳說中嘅震撼 不過不失 麵底嘅飯量都唔少, 大家都食到好飽呢～…查看更多

聞名就不如見吓面，整體食物質素新鮮，墨魚頭、同麻辣小食非叫不可，分量足夠無偷雞，水吧出品合格⋯⋯⋯不過樣樣要講清楚啲，人客唔多，出品都唔算快，食物到咗自己check吓，有冇增加或減少，好彩男店員彬彬有禮，但各女店員黑口黑面，帶同一對手套，抹枱係佢、執嘢、攞貨又係佢、攞食物送枱都係佢，睇到都覺得核突，送食物到枱又粒聲都唔出，放低轉身就走咗去，（可能嫌工作太多，太忙唔想做啦）所以咪成日送錯枱囉⋯⋯食物幾得都好，服務點都係要有啲，除非你間店已經去到超神級啦！…查看更多