入麵

今日公司太忙，lunch都未有時間食，下午3:00左右搵下午茶食。經過「入麵」，平日下午見下午好多人食，就拿拿聲叫外賣返上公司食。今次叫左蒙古風沙燒雞配日式撈麵+下午茶，而因為下午茶所以飲品係送嘅。全單重有9折添。等咗幾分鐘，外賣就整好啦。攞上去公司食，餸同麵係分開裝嘅。麵好大碗，我未食lunch ge我可以食佢黎填飽個肚。蒙古風沙燒雞：皮好脆，但可能煮得內左，肉硬咗少少。埋單一個下午茶包飲品$49都算抵食。…查看更多

好耐無黎過了，再黎食番清酒豬手，蒜味撈，味道仍然咁正👍👍👍 我推薦！！好鍾意佢個豬手，入味+彈口唔難咬唔卡口，好香清酒味，仲要有5-6隻，個半熟蛋都好入味。我最鍾意同佢特別的係佢個豬手係煎過+佢係熱食黎🥰🥰🥰 最啱我呢d唔太鍾意食凍野的人蒜味撈，面底量夠，味道唔會太重但味已經好夠，唔會覺得太鹹／油膩今次帶埋個朋友黎食，個蒙古牛仔肉，量同味道都中上啦🤪🤪 唔會辣，但都幾野味😆$80／人 dinner包台式飲品，2個男仔食得飽的dinner，好ok啦🤪🤪…查看更多

今日約咗喺石門睇婦科醫生 咁睇完就食嘢啦 原本諗住食餃子 但突然間見到間台灣麵好多人食 之後就比人招咗入去試下 咁佢係qr code落單 咁我叫咗個午餐set 餸加麵加杯嘢飲 叉燒太肥 麵同嘢飲都不過不失嘅 埋單夾埋66蚊 如果大家對食物無要求 其實哩間幾啱食…查看更多

大前日1-3-2024(Fri)由於請晏晝假,臨時問女同事PM有冇帶飯,一齊食個lunch,佢ok,叫我諗去食咩嘢.咁我search吓啦,搵到由荃灣搬過嚟嘅呢間,我記得當年幫趁過荃灣嗰間係唔錯(上次食評係2017年4月7日刊登嘅呢篇: https://www.openrice.com/zh/hongkong/review/%E5%83%85%E5%83%85pass-e2760105),搬咗嚟後反而未食過,於是揀呢間,PM都ok.我哋嚟到時都多人但仍有位,坐低睇menu,都研究咗一陣子,店員就走嚟話OK?我幫你用QR code落單,我答我未諗到,佢話唔緊要,落咗一位先.咁PM落完,我都落啦.我哋喺諗嘢飲時,店員極推介熱薑茶,暖胃.咁熱薑茶係要加$2.00嘅柳橙薑茶,嚟到,我先飲啖,熱騰騰嘅,亦飲到橙嘅味道,係甜甜地嘅薑茶,而薑嘅味道都幾濃.4分之後PM嘅午市套餐係$62.00嘅馬拉沙爹燒雞配薑蔥蒜撈麵,我嘅係$66.00和風芥末燒雞配日式撈麵.兩個麵都好快到嚟,我哋互相交換一件燒雞後就開動,我嘅撈麵味道係清清地;和風芥末竟然係甜,第一次食甜和風芥末,好奇怪,而燒雞就外脆.嗰半隻溏心蛋係凍,同好鹹.1.75分PM嘅馬拉沙爹燒雞呢?馬拉沙爹醬完全唔係嗰回事,味道怪怪;佢嘅薑蔥蒜撈麵呢?佢話勁重蒜味,對佢嚟講係ok嘅;而薯角係又凍又硬.0.5分我哋食完後就要飲埋杯柳橙薑茶,PM都冇乜點飲過,個店員就走嚟話俾個杯蓋佢,其實我嗰杯都未飲完,就要拎住走,PM問佢攞個杯蓋,佢竟然講成係PM主動要.服務:除咗上面講嘅之外,另一個負責收嘢嘅店員,係咁由PM同佢隔離嘅客中之間收嘢,令佢覺得好騷擾.PM話唔會再嚟.…查看更多

去石門辦點事情，因時間緊迫便找間方便食肆，「入麵」個午餐牌好似唔錯就試試吧。叫了「馬拉沙爹風味豚肉」豚肉配麻香醬撈麵 加珍珠奶茶，珍珠奶茶正常，所謂「辣味之選」的豚肉，白雪雪的豚肉片淋上少少沙爹汁而矣。…查看更多

近排多左去沙田嗰頭做野，食多左嗰頭嘅餐廳🍴嗰頭啲餐廳性價比勁高😍價錢又抵，野食又大大份，味道又唔錯啵😎🤟🏻今次食嘅係一間台式餐廳😋平日嚟講人流都算多✨🧊回味醬骨架配麻香醬撈麵 $82一上枱俾佢嗰隻糖心蛋吸引咗🤣糖心蛋整得啱啱好，夠晒流心又入味😍仲有四大舊骨添！店員好細心，仲會附上一個碗同埋兩對手套🧤，我哋可以帶住手套咁樣食，方便好多！又唔會整污糟隻手添🥰肉骨好入味，住得好淋😽，好容易就咬得開😋另外，麻香醬撈麵都係呢嗰度好出名嘅一個撈麵！初頭仲以為得少少醬🫢，應該會冇咩味🥹點知原來個底仲有好多醬！完全夠晒撈勻成個面！過獎啱啱好，唔會話太杰，仲好重花生🥜味添🧊蒙古風沙燒雞配薑蔥蒜撈麵 $82望餐牌嗰陣時覺得呢個名好特別😋好好奇到底蒙古風沙即係咩味🤣上網又見到呢個都幾多人嗌！所以應該都唔錯嘅😗燒雞上面有好多辣椒🌶️粉同埋甜甜地嘅洋蔥，雞肉好亂滑，一啲都唔乾！仲有啲花生同埋提子乾做伴碟薑蔥🧅蒜撈麵都幾特別，最頂有好多生蒜🧄同埋蔥！唔會話太鹹啱啱好🥰🧊酥炸魷魚酥🦑 $30呢個小食都真係幾surprise🤩本身見佢30蚊咁平都真係冇乜期望😂但係魷魚🦑好新鮮好彈牙！😙仲要係熱辣辣🔥即叫即炸💥嚟到可以叫番個share🤟🏻🧊白桃汁綠茶加珍珠 +$3冇錯！煙韌控小編又加左珍珠啦😂飲台式飲品唔加珍珠嚟咬下就硬係差緊啲咁🫢珍珠口感幾好，唔太硬，都唔太淋！不過珍珠份量再多啲就好🤫白桃🍑味幾香！又唔會係死甜，啱啱好🫶🏻🧊冬瓜茶近排夜訓又食得多煎炸野🥵飲番杯冬瓜茶清下熱氣先😙好鍾意呢到嘅冬瓜茶比小甜🥹小編並唔係螞蟻🐜人！唔鍾意食啲超級甜嘅野🤣但外面啲冬瓜茶往往都勁甜，搞到都有小小怕😮‍💨但呢杯就啱啱好！唔太甜之外，仲有冬瓜茶嘅香味😙性價比:8.5/10好食程度😋:9/10回頭指數💓:9/10 📍入麵 (沙田)沙田石門安群街3號京瑞廣場1期1樓151號舖…查看更多

 -第二次嚟堂食，上次食過燒雞粒都係覺得骨架好啲🍝【回味醬骨架配麻香醬撈麵】 $64 (8.3/10)有半隻溏心蛋，雖然價錢少貴，但骨架都好入味幾好食，店員有比埋手套好貼心，麻香醬就係麻醬再偏少少香辣咁嘅味，好食🥃【珍珠奶茶】 配餐$0 (7.0/10)味道偏淡，冇咩茶味，珍珠偏淋 -📍【入麵 Entrance】沙田石門安群街3號京瑞廣場1期1樓151號舖🕑Mon to Sun 11:00 ~ 17:30, 18:00~21:00            …查看更多

晚市套餐：蒙古風沙燒雞配口水汁撈麵珍珠奶茶🧋八十二蚊晚餐黎講算抵食👍燒雞都幾大份，上面有啲炸蒜 幾香吓口水汁撈麵 嗰汁係甜甜地好少辣珍珠奶茶係唔洗加錢 同飲品店買嘅差唔多味…查看更多

去到餐廳，環境四四方方、四四正正，簡單實用的設計。呢度用手機點餐，有晚市套餐 — 主菜配麵和飲品，另加錢追加小食。🦆 薑母鴨套餐 (HK$90)．鴨肉，多肉少骨，肉質都比較軟腍、有嚼勁，但一啲都唔韌．薑片巳經煮到無晒辣味（定係我個身太凍所以唔覺得辣呢？🤔）．湯嘅味道濃厚，幾好飲㗎，可惜比較油膩🥬 肉燥娃娃菜 (跟餐 +HK$14)．呢餐我先食菜，清甜、低卡、高纖、具飽足感又可解薑母鴨的油膩．配有肉燥，豐富娃娃菜的味道🍜 薑蔥蒜撈麵．少麵，不過份量都不少喔！．薑蔥蒜，夠多，夠味道，不過配埋粟米粒就有啲怪🍵 熱白桃汁綠茶．杯飲品夠熱，出煙㗎！．茶清香，配搭本身好甜的白桃汁，好彩要求少甜咋…查看更多

本身諗住求其喺京瑞搵啲野食，經過間鋪見到有下午茶，門口個阿姐又招呼我咁，就決定食依間。見佢餐牌選擇其實同午餐都差唔多，我揀左個回味醬骨架麵，撈麵嘅選擇有4款，不過因為唔食得辣，就揀左個日式撈麵，另外餐飲仲可以配珍珠奶茶，唔洗額外加錢。不得不說野食送到嘅速度非常快，叫完無耐已經有得食。日式撈麵都幾大碟，麵質爽身而且掛汁，唔會太dry。至於個麵汁就正正常常，好似平時日式燒汁咁甜甜地，我諗如果想特別啲嘅話可能叫口水汁會比較惹味。個主菜醬骨架有兩件，可能因為下午茶關係，見平時啲人食午餐嘅話應該會有3件。個醬骨架幾大舊，食落都幾似豬軟骨，啲肉好淋味道濃郁，個人覺得幾好食，唔怪得睇食評咁多人會揀依道餸，佢成為全個餐嘅重點(個撈麵同佢相比，味道就顯得有啲普通)。雖然成個餐睇落有啲頹，但勝在食物分量夠多，而且仲有杯珍珠奶茶送，都幾抵食。如果想揀個飽肚又快速嘅餐食，依間餐廳未嘗唔係一個選擇。…查看更多

1️⃣回味醬骨架 $642️⃣口水汁撈麵 3️⃣白桃綠茶先有幾塊排骨係唔熱嘅同埋超大塊有d”難”食,肉好鞋唔入味個麵偏向淋身 個淋都好一般我覺得粒糖心蛋最好食吃1️⃣ 蒙古風沙風味 牛仔肉 $66⛔️2️⃣麻香醬 3️⃣荔枝玉露肉係幾滑身 配埋個汁OK嘅 同理埋肉份量超小 有d配料花生提子乾 66蚊我都係唔會encore！嘢飲都冇乜味🤣完全唔使特登嚟 路過嘅話應該都有其他選擇🤭如果佢四五十蚊嘅話會合理啲📍沙田石門安群街3號京瑞廣場1期1樓151號舖…查看更多

當日去到大約中午12點半左右～好彩都唔洗等坐😚店員都好好安排左個靠牆位比我，坐得幾舒服☺️🍖🍜 回味醬骨架 口水汁撈麵 $64🧋 珍珠奶茶 跟餐免費估唔到呢個餐可以咁大份🤣🤣🤣🤣 最後大胃小編麵係食唔晒既🤯回味醬骨架有三大件，店員好細心會比埋手套🤭有需要可以好狂野地成舊骨拎起黎食😳啲肉好淋，好入味😌口水汁撈麵就略嫌唔係好濃口水汁味，不過咁平都冇野好講😆 仲要啲麵大份到完全冇可能會食得晒🙈跟餐送埋野飲，小編見珍奶唔洗加錢，當然要一叫😎冇出面啲連鎖集團咁好飲，但搵野咬下都唔錯既😝🔎 評分：可以一試👍🏼…查看更多

小入呢頭食嘢見到好多餐廳呢間最多人諗住應該無伏見多選擇，一於試試我叫左個好難食嘅麻香丈撈面少汁真係好難食係求其落一大pat 花生丈撈埋而成嘅汁好無誠意丫😭個豬肉又肥脂肉真心好好奇，點解禁多人食嫁！我估係我叫果個特別不合自己口味姐！推介如喜好花生丈口昧此口昩必叫！不過好油膩感超重，食完好滯仲有杯台式飲品，50分真心覺得超無誠意嘅個感受好差 食左個花生丈真接面豬肉片全是脂肪的好不值的午餐多人食絕對不是指標…查看更多

原本係朋友話介紹好食嘅，未正式入去試，見到啲菜式都特別，但因為阿姐態度無法旨再留係到幫襯，原本已經預到好遲先入去拎位，就係驚坐係到等好耐，冇諗過阿姐都仲咁唔耐煩，等一陣已經滾水淥腳話人哋霸住佢張檯，俾啲說話人哋聽，咩食飯時間唔好霸住人哋張檯，啊請問你問我幾多位個時，唔係見到得我一個人係到咩？同埋都係10-15分鐘內嘅事，入去無耐已經調咗位一次，俾另外啲客坐咗先，我都冇出聲肯調，調完又係到催我啲人幾時嚟，唔好霸住佢張檯，呢度我已經嬲嬲地，之後有客嚟又叫返我出去等，有檯俾返我，話有客嚟俾咗佢哋先，咁啱我朋友就到咗啦，我真係多謝你唔食啦🙏🏻讓返張檯俾你做生意啦。麻煩你咁趕，唔願意俾啲客等嘅，請唔好俾啲客入咗去先，仲成日叫啲客調嚟調去，人哋肯合作就算啦，仲俾說話人哋聽…查看更多

Intro: 京瑞廣場廣場都好多野食揀唔落手，而今次再幫襯專賣撈麵餐廳，仲有台式飲品嘅選擇，今次試下佢地嘅日式風味，唔知會唔會比蒙古風味更好～___________________🍽 日式燒汁風味豚肉+日式撈麵💰 62 ⭐️8/10✍🏻 日式燒汁味好濃，濃到有少少鹹，但味道係幾夾豚肉；✍🏻 豚肉份量多、肥肉少，但肉質真係勁滑溜；✍🏻 撈麵好掛汁而份量多，個人認為口水汁更出色；✍🏻 仲送左半粒糖心蛋，仲有流心嘅效果。🍹荔枝玉露（少冰少甜）💰免費加配 ⭐️8/10✍🏻 味道好過罐裝嘅嘅荔枝玉露，無氣會比有氣嘅好；✍🏻 好多粒粒甜椰果，最夾荔枝味嘅飲品。___________________🏠 入麵📍 沙田石門安群街3號京瑞廣場1期1樓151號舖⭐️ 8/10___________________…查看更多