克茗冰室

营业中

休息中

之前有同事帶我去堂食，發覺食物好有質素，夠份量，同埋茶餐廳黎講環境算乾淨。之前佢無外賣速遞，今日無意中發現佢係一個外賣平台出現，所以即管試下佢既外賣。一見到佢個包裝就覺得好企理，入面全部食物都包裝妥當，啲盒全部好乾爽。我全部特別要求都做足，肥叉同轉米粉。由於我好鍾意食較軟滑既米粉，所以佢呢個米粉真係一流，軟滑得黎亦有少少彈牙。叉燒半肥瘦，軟軟淋淋，好有蜜味，燒得好香有燶角（雖然我個人不太好燶角）。好欣賞佢個丹麥吐司，牛油味好香，唔會有一陣「花香味」（唔識形容陣味，大概似President牛油的味道吧）唯一隻煎蛋熟左啲，不過味道都好食。

🍋克茗最最有名的小熊檸檬茶終於喝到了，打工人精神提成，看見可愛的小熊公仔。情緒價值拉滿👍🏻相對深圳店，檸茶味更濃郁，少甜少冰更好喝。🤎💛牛肉叉燒滑蛋飯🧡雞扒意粉正宗茶記口味，主要都係想飲小熊檸茶🧸

在尖沙咀寶勒巷這間分店已經幫襯超過半年，每次早餐都係食佢哋菠蘿油，但係最近兩個月已經三次發覺早餐質素每況愈下，跟之前明顯唔同，他們用的菠蘿包應該是已放隔夜、我們落單嘅時候他們放進微波爐或者焗爐，但口感極差，面頭菠蘿酥皮已經溶化，奶茶亦只是暖不熱、當面同店員投訴及反映，她只是聽了未有作出任何反應，唯有找數埋單以後唔幫襯。

【油尖旺區】【克茗冰室】講呢間嘢係有趣嘅，喺大陸扮港式茶餐廳然後再開嚟香港，感覺就好似啲「港式豉油西餐」開去外國一樣。上次見呢間嘢係喺中山，用晒港鐵啲 logo、香港街牌等等嚟做裝修，嗰次就冇食到佢嘅。然而，今次喺尖沙咀見到佢，既然有機會就食一次啦，冇嘢嘅。叫個「皇牌常餐」，要 $52 嘅「黯然銷魂叉燒麵」，啲叉燒係好難食嘅豬肉，個麵就係正常公仔麵，冇乜特別。配菜係多士、煎蛋，我轉咗炒蛋，多士都係正常水準，不過不失。而啲蛋係炒得滑嘅，只可惜食落係毫無蛋味，我唔明究竟點樣整呢隻蛋出嚟。餐飲加 $7 可以轉「小熊檸檬茶」，我要咗少甜少冰。其實都係整色整水嘢，對杯嘢飲嘅味道毫無幫助，影相打咭就有用咁解。反而我另外叫咗份「有脆小食」，叫咗 $19 嘅「舊金山西多士」，西多夾鹹蛋黃，呢個就有新意喇。埋單 $78，唔太推薦大家去食。。。（地址：尖沙咀寶勒巷21-23號地下1號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #t

一入冰室，十分侷促，座位好窄。見到新開張，有8折優惠，便去嘗試。叫一杯凍奶茶多甜：無茶味，唔多甜，只夠凍。食牛肉通，炒蛋，火腿。樣樣都一般。再叫一口西多，只得四粒細正方體西多士。糖漿不足，夠脆， 無什麽突出。

經過尖沙咀，見到呢間新開茶餐廳做七折優惠就試下，點知就出事。叫咗個自家推介嘅晚餐义燒牛肉滑蛋飯跟凍檸茶，上菜一望，份量似D下午茶餐，見到D份量小得可憐嘅一塊塊薄薄黑黑啡啡嘅肉同滑蛋，我就諗點解唔見有牛肉同义燒，一問之下，原來喺豬肉片扮义燒再扮牛肉，唔喺香港食開個種义燒亦冇牛肉，食落又乾又硬又柴，好難食。杯凍檸茶喺冇檸檬味亦冇乜茶味。間餐廳喺冇冷氣嘅，我心諗去老麥食個豬柳蛋餐好過你好多。呢個唔喺义燒亦冇牛肉嘅自家推介义燒牛肉滑蛋飯會唔會構成誤導呢？做飲食回頭客好重要，你咁樣取考做生意，祝你好運！