兄弟邦

去開附近到食晏時間，行過見佢午市時間人流都幾旺，應該唔會太差，就入去試下。叫左午市套餐，蕃茄湯豬軟骨拉麵配柚子蜜，價錢幾抵，50蚊有交易。豬軟骨炆得好淋，入口即化，味道都幾入味，係成餐最滿意嘅部分。蕃茄湯底屬濃湯款，不過蕃茄味偏向罐頭湯感，冇乜鮮味。拉麵質感就有改善空間，偏向淋身唔夠彈牙，食落冇乜咬口。柚子蜜味道正常，冇乜特別但都算解膩。整體嚟講，套餐價錢好抵，食物水準唔算突出但性價比都叫做收貨，適合附近返工返學嘅人簡單醫肚食晏。…查看更多

這間位於旺角的日本餐廳以高性價比見稱，這次試了他們的「角切魚生飯套餐」，份量十足且價格親民。主角角切魚生飯鋪滿三文魚、吞拿魚、油甘魚和帶子，全部切成骰子大小，入口鮮甜肥美，魚生新鮮度不錯，尤其三文魚油脂豐潤，帶子鮮嫩無腥味。醋飯調味適中，不會過酸，與魚生搭配平衡。 套餐附送麵豉湯，味道不會過鹹，裏面有海帶和豆腐粒，暖胃又解膩。以這個價錢來說，食材質素和份量都超出預期，絕對是旺角區的抵食之選。 整體而言，這款角切魚生飯套餐CP值高，適合想食日本料理但又不想花大錢的食客。唯一美中不足是環境較擠逼，但以這個價位來說，性價比依然極高，值得回頭！…查看更多

食咗個三文魚丼，三文魚刺身，正常壽司飯唔錯，有少少味，癡嘅感覺啱啱好，但最估唔到嘅係竟然最出色係個Wasabi，係達到好好食嘅質素，其實食刺身，最緊要真係個豉油同Wasabi。而依間嘢個豉油同Wasabi我比一百分好似仲好食過日本食嘅Wasabi。…查看更多

咁啱喺附近朋友介紹去咗食呢間，咁我哋兩個女仔都叫咗壽喜燒，味道嚟講正正常常都幾好食，有配菜有麵豉湯，可以揀白飯或者烏冬，份量岩岩好，我就飽飽地，另一個朋友就太飽食剩d飯甘…查看更多

行開勝利道見到呢間食丼飯，又幾平，加上行到個人好熱，就入去食。角切魚生丼飯$58跟餐仲有一小碟沙律，同麵豉湯，加$2有凍飲，魚生丼都算新鮮，呢個價錢都算平。🥰🥰🥰🥰…查看更多

今日去咗兄弟邦，一坐低先點咗個三文魚丼。話說，眼前嗰份丼飯實在係太正喇！厚厚一片片三文魚，鮮嫩得滑哂口，真係賞心悅目。不過飯就嗰啲硬，多啲酢味可能會更夾。但係呢個價錢食到咁嘅水準，我真係覺得好划算啊，下次打算試下佢哋嘅其他招牌，希望同樣樹立得起口福旗幟！隔離桌嘅女仔叫咗個煙鴨胸丼，佢一邊食一邊murmur咁話味道好正，睇得出佢食得好滿足。😋雖然唔係高檔餐廳，但係呢度嘅食物質素同服務都勁滿分。環境都算OK嘅，唔使太拘謹，食飯時都可以輕鬆啲。最後杯蘋果汁真係清新得來，咁熱既天，一飲入肚，涼爽哂！🍏兄弟邦，下次又會見！希望你地繼續保持呢份誠意同美味，等我哋可以食得開心又放心！👌…查看更多

成日聽人講勝利道有好多唔錯嘅小店。呢個就係其中一間啦分兩邊門口入點了鰻魚飯套餐除咗飯之外，包括沙律菜同麵豉湯綠茶可以無限添飲鰻魚偏林，多汁洋蔥半生熟，爽脆得來唔會辣整體嚟講不錯…查看更多

平時見午餐時段超級多學生排隊，今次趁星期六大部份學生假期黎食，同埋朋友試一試佢。我叫左個牛肉飯，朋友叫咗個雞扒溫泉蛋蔥油撈丁。結果我地兩個都有一樣睇法。佢係一間學生飯堂。牛肉飯方面，肉都算夠肥但煮得比較老，牛肉汁唔夠多，飯香都普通。撈丁一樣，雞扒正常但唔特別出色，蔥油唔夠多。出前一丁普通過水就上，如果炒一炒會好啲。簡單來講，呢間餐廳賣點係平嘅日本便當，方便附近返學嘅學生。但如果特別過嚟食，唔建議。可能係旺角食會好啲。味道 6/10環境 6/10飽肚 7/10CP值 7/10回頭率5/10…查看更多

去到何文田有唔少嘢食，但今次到想試吓呢間平民嘅日本餐廳🤣雖然外表其貌不揚，但裏面嘅質素對得起個價錢有餘🫶🏾1️⃣香蔥海膽拖羅茸丼飯（$130）呢個價錢仲有湯有前菜有嘢飲，分量方面，有一大舊拖羅茸，海膽都唔少🙌🏻食落去海膽都有鮮甜味，雖然唔係咩高級嘢，但都唔會苦同腥👍🏻拖羅茸都唔錯，發揮同出面嘅日本餐廳一樣🤤2️⃣蒲燒鰻魚定食（$75）鰻魚夠多，而且燒得好味😋而且個汁好適合送飯😍雞蛋絲亦好好味🙌🏻🙌🏻📍總結：-日式小店嚟講發揮中上，價錢合理，款式又多，推介大家來一試。…查看更多

放工時間路過勝利道，又想食海鮮丼飯類，雖然兄弟幫唔係勝利道唯一選擇，但相對其他選擇比較相宜，當日雖然係平日夜晚都要等位。餐牌海鮮丼飯選擇由六十幾到過百都有，視乎海鮮嘅選擇。當晚選擇咗香蔥拖羅茸丼飯，上菜見到賣相都唔錯，有麻醬沙律菜同麵豉湯隨丼飯附上。先飲啖麵豉湯，唔似其他日式菜餐廳豉豉湯內有昆布、豆腐、魚肉等，湯比較清澈，味道似用即沖包裝麵豉湯一樣。再試試麻醬沙律，沙律菜顏色唔算新鮮，麻醬落得太多，不太特別。到主菜香蔥拖羅茸丼飯，拖羅茸入口味道相對淡，吞拿魚味油脂味唔係好突出，需要日本醬油提升味道。…查看更多

啲魚生呢個價錢真係唔得囉。重點講魷魚！好腥，嗰層滑潺潺好似係未處理走曬咁，有米青味，佢令我會記住呢間舖頭嘅魷魚。帶子散零彈性唔飽滿，我吞唔落。烏冬嚟到佢係一餅嘢，我諗應該冇一齊煮過。拉麵頗硬，湯面頭好多油，但又淡口。 推薦炸物或串燒(串燒冇食到)，雞皮好食。轉行…查看更多

又到何文田覓食時間，今次try try 日式小店見到依間快滿座，當中都有不少中學生食添，就立即試試佢先！滑蛋鰻魚丼飯的$55佢算係定食，有味噌湯同麻醬沙津但丼飯係有點失望嘅鰻魚唔算多 洋蔥就唔少（其實我麻麻地食洋蔥🤣偏食的人佢仲有金菇係當中 但整體嚟講 飯比餸多食落有啲dry🥺🥺 佢仲有餐飲 我揀咗熱柚子蜜杯邊係「送」埋幾滴柚子畀我一拎起隻手 「甜蜜」無比errr... 依個價錢都還可以，下次畀多機會佢，等我試試佢其他食物…查看更多

今晚喺兄弟邦食咗久違嘅 sukiyaki，勁滿足。呢度嘅牛肉壽喜鍋，配胡麻醬沙律，白飯同麵豉湯，成 set 先至 $78，算抵食。個鍋有五種湯底選擇，我忘記咗揀，職員自動幫我揀咗最傳統嘅壽喜燒湯，呢個甜甜哋嘅味道其實係同個鍋最 match，我至 like。鍋入面嘅食材好豐富，除咗牛肉之外，仲有娃娃菜，金菇，冬菇，豆腐，芋絲，竹輪，鳴門卷同鮮雞蛋，全部都正常水準正常份量，配埋甜甜哋嘅壽喜燒湯一齊食，好滋味，最後我仲連湯都差唔多飲哂，返到屋企唔使扯水，證明冇咩味精，又係值得一讚。…查看更多

無下次！平日lunchtime都坐滿人，諗住啲野食應該ok啦，參考埋啲食評，實冇死，點知中大伏！唔知係佢真係愈做愈差定只係今次我唔好彩，就算小店呢個時候都應該做好品質，吸引多啲人食完再返黎食，先經營到落去。我好少話啲野食難食，但呢間真係令我不得不寫😢評。香蔥拖羅茸丼飯 $70我知一個有質素既拖羅茸飯都要百幾二百蚊以上，呢間既拖羅茸飯$70都冇好大期望，因為冇得比較，但諗住應該都有正常質素啦？！先不論拖羅茸好唔好食，因為連最基本既壽司飯都唔好食，佢只係一碗白飯，冇醋，冇味，冇汁，要自己淋枱面佢提供既豉油撈飯😕咁樣唔係食緊丼飯喎，同普通食茶記碟頭飯有何分別👍🏼$70真係唔值！滑蛋鰻魚丼飯 $55呢個真係食到黑人問號🤦🏼‍♀️首先佢只係比四片薄切鰻魚，同menu睇到既差好遠，感覺係比魚頭魚尾比我，諗住啲金菇、蛋、洋蔥遮蓋哂鰻魚，等你睇唔到，但真係撩黎撩去得4小片🤷🏼‍♀️啲蛋唔係滑蛋，係老蛋🤦🏼‍♀️，飯正常味道。本身跟餐有杯麵豉湯，但店員話稍後先比我，可能冇哂碗？冇湯？但佢一路都冇比我，望過黎兩次都冇比，冇可能唔記得，因為佢可以一次過記得兩枱客order既餐，唔洗寫都冇送錯，我冇提佢，因為老公話碗湯冇特別，最後唔飲賣單走算。我地見隔離枱叫左三文魚丼，有六片，厚切，好後悔冇叫，可能食三文魚丼冇咁嬲，因為menu寫明有六片。後面枱兩個人遲過我地入黎，但食15分鐘就賣單，好快🤨佢地想叫豬軟骨冇豬軟骨，想叫凍奶茶冇凍奶茶，店員話冇冰，但有凍檸茶🧐總結 冇下次！…查看更多

食左呢度起碼5年，一開頭好有驚喜，但近呢一、兩年愈做愈差，今日應該係最後一次了。以往都會成日叫外賣，成班朋友食，但近一兩年已經俾朋友投訴唔好再食。今次叫左3個飯，差到唔想講食左啲乜了，但為咗個喊喊我就打多小小。吞拿魚蓉完全入唔到口，而且無色無味，唔知食緊乜，而啲飯就好古怪，唔知點形容，完全入唔到口。全餐唯一正常既係隻蝦，正正常常無雪味但又唔係食落口會”嘩，好正呀”咁樣。回憶已成過去，希望你會有改進。…查看更多