元気寿司 (京瑞廣場2期)

🍣元氣壽司高速線 港女至愛😝夜晚係附近揼完骨冇咩好食就揀咗元氣由於差唔多9點，我見冇乜人仲以為佢要收鋪一入到去就任坐咁 一個人食咁就坐bar枱由於好餓嘅關係，都叫到成枱都係，冇乜人嘅好處就係可以放幾個位都冇人理你🙂‍↕️元氣經常都會有update，所以唔會食到厭。同埋有一set3件，我就覺得呢啲好好嘅選擇，因為可以一次過食3款唔同味，唔洗夾硬食2件一樣😝仲有天氣凍嘅關係，叫左個烏冬，加埋七味粉，即刻成個人暖哂😌…查看更多

最近外賣平台有買滿300半價嘅優惠卷 我set好時間搶咗一張見到元氣壽司都有粉參與即刻落單買佢嘅外賣嚟食吓 作為一個三文魚愛好者 叫咗個雜錦三文魚壽司盛b 一共12件壽司 有厚切三文魚 三文魚腩 炙燒黑椒三文魚 脆蒜燒三文魚 三文魚籽軍艦 同辣味三文魚軍艦仲叫咗個經典壽司盛A 一共22件壽司 有吞拿魚 三文魚 蒲燒鰻魚 脆蒜炙燒鰈魚 帆立貝 墨魚 甜蝦 炙燒刺身蝦 炙烤赤魷 北寄貝 小柱軍艦 鹽蔥赤海蝦軍艦 即使係外賣送到過嚟 啲壽司都擺得好靚仔 一望到就好有食慾！ 好好味！ 埋單都只係236蚊！…查看更多

小朋友上完興趣班後，成日都話要食壽司，終於開咗間元氣。次次黎到元氣，叫到成枱嘢，薯條、雞軟骨都幾唔錯，小朋友最鍾意食蟹柳卷，每一次嚟元氣起碼叫三碟以上，壽司反而普通。整體黎講算合格。…查看更多

這篇文章的標題是，近排食多咗《元氣》。原因為何? 就是因為我公司附近開左間《元氣》，也頓時成為了大家 team lunch 的其中一個勝地。那天，同事吹雞，我們一班人就火速地在 Apps 攞定位，一夠鐘就跑過去，以最充足既時間，吃壽司午餐。《元氣》早已經不是迴轉了，大家用手機掃了 QR Code，就可以開心地各自點餐。然後，所點的食品就會由一部子彈火車運送過來。所以，現在的《元氣》已不再是《元氣迴轉壽司》而是《元氣高速列車》。用自己的手機去點餐有一個好處，就是你會清楚知道自己點過些什麼。一班人來食時，不會攞錯人地既，也不怕忘記自己點了些什麼。我就是一份芝麻八爪魚來做當日既日式午餐前菜小點。這一個芝麻八爪魚，夠大隻，也夠多醬，而且芝麻味亦夠香。當日，印象好似是 promote 緊油甘魚。所以大家都點了同油甘魚有關的食品。而我點的其中一個，是油甘魚刺身。《元氣》的魚，夠新鮮，而當日的油甘魚夠晒爽甜，十分之可口。另一個是長鰭吞拿魚刺身，入口非常之香滑，魚的鮮味也非常之濃烈。雖不是最頂級是吞拿魚，但我這次得到的，都算是高級的一次享受。吃好刺身，就慢慢地吃壽司。只中一份是蝦貝三點，有螺片壽司、赤貝壽司同甜蝦壽司。除螺片既口感比較奇怪之外，其餘兩個都好好味。甜蝦的海水味十足，不需要點醬油都美味滿分。再多來一份油甘魚，油甘魚腩壽司。一入口，魚腩內的魚油可以說是爆出來。若不包飯，直接刺身咁食，一定更滿足，那魚油香會更精彩地在口腔內停留。日本鯛魚壽司，一吃就感受到那魚肉的香滑。肉質上，也是一流的，入口除了滑之外，也有一定的煙韌感，是很有口感的海魚魚肉，夠鮮味，肉質結實，味道美。此時，我突然感覺到，這魚肉煎香再食，或是整條以中式蒸熟來食，一樣咁美味。最後來的壽司是青森熟帆立貝壽司。帆立貝熟食有熟食的好，因為煮熟了會很香口。但刺身食就會多了幾分的香滑口感。對比之下，若是配壽司，刺身會是比較合適。唔夠飽啊，我後加了一客腐皮烏冬。湯底是鮮甜的，腐皮也是鮮甜的，烏冬吸了汁之後也保持一定的煙韌感，夠飽肚之餘又鮮甜可口，真不錯。因為就腳，因為好味道，近排真係食多咗《元氣》。始終，《元氣》既出品，稱得上是大眾化兼有保證，唔會食得唔開心。…查看更多