影片
以上资料只供参考，请与餐厅确认详情
石塘咀真系冇乜好食嘅牛腩面云吞面舖，尤其是夜晚过咗食饭时间，见佢未收就买个牛腩捞面，返到去一开个盒吓咗一跳。真系未食过啲牛腩面可以切幼条切到咁样。基本上你可以睇到将旧牛腩上下层切咗一半。跟住再砌幼条！其实有冇夸张啲？而家啲嘢虽然话贵，但系都唔使切到咁样，唔讲个卖相，味道普普通通冇乜牛腩味。我本身都几钟意食牛腩面，有时去湾仔，香港仔都会叫牛腩。旺角太子𠮶边都食过，但呢间真系实在太夸张。唔知其他食品点，但系牛腩牛杂面就真系劝你唔好叫。
继续阅读
收工行过见到呢区少有既牛什粉面店，于是好期待甘入去叫左个牛腩米，点知碗野一来到，净系望个样已经无左一半胃口，个D牛腩瘦到呢…跟住食左一旧，好似煲完既汤渣甘，汤底又咸，米粉又碎，真系比啊旺都吾食，即刻起身走人，呢档野真系祝它“生意兴隆”
继续阅读
成日行过都见到有唔少人食，系区内牛杂粉面店唔多。去到果时差唔多两点，刚好有卡位，例牌都系叫牛杂面多葱。$34 份量都几多，卖相唔错。葱花有芹菜粒，够香。 面底浸一阵仍然够爽弹。牛杂相对就比较一般，基本上都已经入晒味，金钱肚都切得几大件，食落较淋身。牛肠有肥唔错，但牛膀就唔太得。汤底偏咸，食完有少少口干。整体系不过不失，$34可以接受，但唔算特别出色。
继续阅读
隔离检测完，行经依间旧式店食叫左招牌八宝转河粉，见到好多料选择都算ok咁啱听到客人同店员讲潮州话几有人情味八宝好快就有得食都几大碗下鱼蛋 鱼片 墨鱼丸 好食，食得出都系拎货果d，同平时街市买既一样牛腩：好食😋忟得好耐，淋淋地牛根腩：根位劲正！有软淋云吞： 好足料！馅料丰富咬落去有虾🍤好足料牛肚： 唔错，最仲意食潮州辣酱油加油完全系升华左小小都好够辣唔知点解餐牌标示系46，埋单果阵系47果阵傻下傻下比左钱走人
继续阅读
旦求一饱可以试吓，如果对食物有要求切勿到此⋯云吞米粉，唔系大地鱼汤底，而且汤底亦唔会有乜嘢特别，叫做有D味道咁啦，所以放咗大量酸醋加味⋯有2粒云吞系冻嘅，真系唔系好敢食，好在米粉煮得唔太淋，还有一分爽口，填饱个肚就算啦⋯花生酱奶油多，张相明明系厚多士，点解嚟咗又系另外一会事，吹胀⋯终于知道乜嘢叫做茶冇茶，连柠檬都系冇味，经典中既经典⋯呢间嘢真系试过一次无下次，虽然系平总数$55，但都要有D良心，其实真系好想叫个厨自己试吓D嘢⋯
继续阅读
您可能会有兴趣的...