傷心酸辣粉 (裕景坊)

傷心酸辣粉一間正宗重慶風味酸辣粉麵店。家陣仲做埋火鍋放題，又10餸飯放題，仲有好多套餐選擇，豐儉由人。🐟酸菜烤魚放題 $128/位酸：酸菜的酸味會讓整道菜更加清新。鮮：魚肉的鮮美與酸菜的酸味相互融合。香：巴沙魚煎香後放湯，增添香氣。先食巴沙魚，食完跟住加湯打邊爐。自助區雪櫃擺放各款火煱配料，肉類、瓜菜菇、飲品。放題仲可以去夾十餸，款式都唔弱架，鹹蛋黃雞翼、蒸水蛋、叉燒、麻辣鴨血、麻婆豆腐、蒸魚等等…. 有老火湯，糖水，豆漿。下次要嚟挑戰this this rice10餸放題，$58/位，真係超抵食。另外散叫左D小食🥢滷水拼盤$46滷水蛋、雞翼、豬大腸、雞腎都滷得好入味。🥢鹽焗手撕雞$39雞肉嫩滑，鹽焗味道鹹香適中。🥢海蜇拼牛𦟌$46海蜇爽脆開胃，牛𦟌紥實有彈性。…查看更多

最近去傷心酸辣粉，已經有埋90分鐘雞煲同烤魚放題食🥰同暖爸一齊叫左烤魚放題，18:00-21:00就$128/位，真心唔貴！我地仲額外叫左啲小食～出面有火鍋配料自助吧，可以拎丸、菇、菜、蟹柳及麵等！飲品區無限追加，包括汽水、啤酒及茶一定包住走😚🐟酸菜烤魚90分鐘放題 $128/位條魚有啲微微燶邊，入面魚肉依然嫩滑多汁，酸菜既酸味唔會太搶，恰到好處咁帶出魚嘅鮮味，汁濃郁得黎又唔會太鹹，都幾開胃，食極都有🤤香油海蜇 $36海蜇好爽口彈牙，麻油香味好出酸辣無骨鳳爪 $32鳳爪好入味，好爽脆，仲要啖啖肉🥰酸酸辣辣地幾開胃🤤麻香雞翼 $32唔會好厚粉，雞翼好滑，外脆內軟，個口仲麻麻地😂整體依個價錢都抵食，而且有啲鋪頭有十餸飯，大家下次都可以去幫襯下🥰傷心酸辣粉 (元朗)📍香港元朗裕景坊16號祥發大廈地舖…查看更多

真係好多年冇食啦！仲記得讀書嗰陣同朋友經常放學一齊食，個個都係食得辣之人🤣👍🏻1. 環境座位都好寬敞，可能因為差唔多下午茶冇乜人，所以坐得好舒服同埋冷氣都好夠！2. 服務店舖入面嘅姨姨都好熱情同埋好有耐性同你解釋依家有啲咩嘢食選擇，又會主動問我食唔食得辣咁。3. 食物同飲品今次叫左肥腸酸辣薯粉，因為我唔係好食到太辣，所以叫咗BB辣。啱晒又想食辣，但係好似我唔太食得辣嘅人！叫咗大約10分鐘左右就已經上咗嘢食啦！同埋，仲要叫咗呢個餐係送飲品㗎！呢個價錢有咁嘅質素食物覺得已經好抵啦😱👍🏻…查看更多

以前讀書個陣耐不耐都都會去食下🍜傷心酸辣粉, 今次經過先知道原來佢地依家除咗酸辣粉仲做埋烤魚、辣🐔雞煲放題🍲‼️人均💰$128仲要冇加一⚡️ 90分鐘任食雞煲 + 火鍋 + 任飲🥤, 好抵食😍呢個價錢但係雞件都係按人頭計足半隻雞連豬肚件, 雞仲要幾滑嫩~十分驚喜💓👍🏻💯煲底可選:🐓招牌雞煲🐐秘製羊蠍子煲🌿藥膳雞煲🍄‍🟫山珍八味菌煲🔥🐓重慶麻辣雞煲🥢胡椒豬肚雞煲🐟皇牌烤魚放題火鍋配料方面有蝦🦐、魷魚🦑、蟹棒、肥牛、豬腩片、魚蛋、牛丸、黑椒腸芝士腸、響鈴、海帶、蔬菜類🥬等飲品🥤最正就係啤酒、汽水仲有佢地獨家製既芒果汁同提子汁都係無限任飲‼️ 咁既價錢, 冇得輸呀~😋…查看更多

平時去傷心酸辣粉食粉麵就多估唔到原來佢哋都出咗雞煲放題除咗招牌雞煲之外，仲有藥膳、胡椒豬肚、椰子雞煲同烤魚今次我哋就嗌咗椰子雞煲🥥🐔湯底清甜得嚟椰香味好出 雞件份量足又夠嫩唔會煮耐咗就「鞋烚烚」✨自助區夠多選擇：- 蔬菜類：生菜、娃娃菜、金針菇、粟米...- 丸類：墨魚丸、芝士丸、龍蝦丸...- 其他：響鈴、豆卜、魚、烏冬...當然點少得豬肉同牛肉，實啱晒大胃王！ 🍹飲品櫃有唔少選擇：除咗基本汽水，紙包飲品，仲有豆漿啱晒打邊爐飲～ 💯另外散叫咗兩款小食：1️⃣ 蒜泥白肉 - 蒜香爆棚！肥瘦均勻2️⃣ 滷水拼盤 - 豬腸滷得夠淋 雞翼滷蛋入味佢哋個雞煲放題都幾有驚喜‼️湯底清甜好飲+選擇多+價錢合理約埋班friend食岩晒！…查看更多

落單個時員工冇拎紙寫低，用個腦記。我地有4個人用餐，問完一次之後又問多次，行番去㩒機佢唔記得左又問多次，過程口氣好差。野食來到時，咁就唔係我叫嘅野來（叫左一號餐同走芫荽）來左碗2號有芫荽，咁我地就同番員工講好似落錯左。之後個員工走過來好惡咁質疑我地，再西住面好大聲係間鋪講＂啊我同佢地對左兩次單＂之後係我地隔離枱執野，就大大力抌本Menu落枱。再講味道，酸辣粉得死辣完全冇酸味。普通米線個湯淡如水。炸野就唔評論，佢呢個價都預左咩料。只求填飽可以食呢間野。希望員工態度可以好少少，畢竟你冇覆單且你一直唔記得過來問，來來回回可能出錯唔緊要，但希望有番啲禮貌。…查看更多

講到我平時最鍾意幫襯嘅舖頭，一定少唔得過佢傷心酸辣粉😋點解鍾意幫襯佢？因為佢快靚正平，呢個年代廿幾三十蚊要食到一碗粉加埋一個嘢飲係食得飽嘅我諗都唔會有好多餐廳做得到🥹🥹叫咗一個粉麵餐，8號餐，墨魚條墨丸淮山麵另外仲送多一個小食都係揀返花之丸🥰當然唔少得佢個杯濃厚嘅凍奶茶如果遲多一個鐘頭嚟食仲係平到29蚊可惜今日中午約咗朋友一齊過嚟所以就係33蚊😆以前佢馬鞍山分店仲未結業嘅時候我幾乎日日都係去佢嗰度食😆而家去到邊區行下見到佢有傷心我都會入去食返個我最鍾意嘅淮山麵值得一提嘅就係四眼嗰個經理叔叔，永遠都係咁勤力咁有禮貌，我由馬鞍山到尖東到元朗都成日見到佢😆…查看更多

事隔多年，突然之間心血來潮想食～諗翻之前中學lunch成日都嗌外賣去食今晚自己一個唔知想食咩 就走左去食酸辣粉啦嗌左個加大口水雞餐同酸辣粉食食落去覺得不過不失啦！感覺上無以前中學咁好食。酸辣粉味道係夠辣，但係完全吾夠酸～點都係差感少少薯粉方法硬左小少可以再煮多一陣就好Lu口水雞方法還可以，份量都正常既不過有幾塊鞋咗少少，對我呢啲無牙婆來講，有少少難咬希望下次食會有改善啦如果吾係之後就算好想食都好難會再光顧…查看更多

元朗分店呢間放題食過兩次，第一次食食下個職員就行過黎話仲有5分鐘就到時間，第二次個職員仲離譜，話仲有三分鐘🤣我建議職員可唔可以提早15分鐘提醒d客先，因為唔係個個食飯都無時無刻望住個時間，然後佢態度好差咁話我地應該係提早10分鐘講嘅，不過佢係三分鐘嘅時候講囉LOL🤣🤣然後就要求我地即刻離開！！😂😂不會有下次😂職員先生，你都係人啦你可唔可以3-5分鐘食曬一個煲嘅野呀😂…查看更多

前幾日係銅鑼灣食完佢個麻辣雞煲覺得好好食今日又想食喇今次就去左元朗間分店而呢次叫左bb辣 因為上次叫麻辣小辣覺得同銅鑼灣分店有小小分別 唔知關唔關個辣度事銅鑼灣分店岩我口味多啲另外 元朗呢間係薯粉 銅鑼灣個間係寬粉 我個人口味比較喜歡寬粉 寬粉煙煙韌韌咁好Q彈佢個配菜唔算多選擇 不過就勝在夠平$108一位 仼食一個半鐘覺得小辣會好食啲 辣啲比較惹味當日八點九入座無乜人幾好 飲品我淨係飲左烏龍茶 如果有提供唔凍會比較好呢…查看更多

12點半左右去到… 見到得一兩台客其實已經有點卻步..因為以前食佢係要等位..不過細佬想食就照樣坐底食佢啦..叫左重慶小麵 (小辣)配料揀左牛柏葉豬紅豬紅有5舊望落幾大粒好似唔錯咁..但一入口就嚇親😵‍💫得陣腥味 完全無醃過 感覺好奇怪估計一直都用清水浸住..而牛柏葉都是完全白烚的 有清水的味道惟一值得讚既係都算爽口重慶湯底好少 味道亦退步了..以前既香味都沒有了 同埋淡左好多以前食都唔係咁差無下次了…..…查看更多

🌟酥香脆豬腩+健康冷泡茶+傷心酸辣粉$68酥香脆豬腩可以揀香辣粉或者甜酸醬，我哋都唔係好食得辣，所以就揀咗甜酸醬。冷泡茶可以揀白桃烏龍茶/四季春茶，我揀咗四季春茶。豬腩都炸得幾脆。🌟招牌口水雞飯 加大$75我哋都怕太辣，所以叫咗BB辣。BB辣都有啲辣，所以如果唔食得辣嘅朋友就記住叫BB辣或者唔辣口水雞比得多花生🥜😋加大個份量真係好多👍🏼👍🏼呢個餐叫咗凍奶茶+$5🌟豬骨湯麵$30之後叫餸再加錢牛肚+$11金菇+$8生菜+$8叫三個餸就免費跟嘢飲呢個餐要咗熱咖啡好大碗麵呀，啲配料好食😋好多花生、蔥碎😛😋😋🌟小食 海蜇牛展$45份量都唔少，海蜇好爽口。…查看更多

最近先知道傷心酸辣粉部份分店推出任食放題，而且價錢相宜，已經好多年無食過傷心酸辣粉，一於去試下啦。餐廳坐位比較少，枱與枱之間的距離都非常之窄，坐得唔算舒服，餐廳冷氣亦唔算好涼。今次揀了麻辣烤魚，二人份量的魚都大條及新鮮，今次點了小辣，個人覺得完全無辣味。至於打邊爐的食材及飲品選擇很多，以$88任食（無加一）90分鐘確係無得輸放題是自助形式，湯放在調味料區，要加湯就可以自己去拎。丸及牛肉質素都係一般，食完之後好口渴，味精較多。…查看更多

之前曾經試過呢度既涼菜同埋土豆絲今次試試佢既胡椒豬肚雞煲因為見到門口貼有自助火鍋 價錢亦都相當抵食個胡椒豬肚雞煲湯底非常好味而且豬肚好好食 雞都好滑所以點都要推薦一下美中不足係配料唔多 不過自選配料可以再拎雞肉所以都可以回頭多幾次可能因為唔多自助火鍋個湯底整得咁好味另外如果咁岩天氣凍既時候去食 更加會好味好多岩哂約埋一班朋友去烚下烚下每位99蚊 有120分鐘真係抵過元朗其他既自助火鍋 兼且又好食最後結論:值得推薦 性價比真係高…查看更多

老實講Hei同Emi咁大個人都未食過傷心酸辣粉，成日聽人地食，今次都係我地第一次試，一食原來大家講既傷心酸辣粉係咁既味😂除左主食米線之外，餐牌都好多款小食選擇，每樣都好平好抵食，唔怪得我地去到買外賣個陣客人不停出出入入🧐.酥香脆豬腩套餐 HKD68呢個係新推出既套餐，就諗住試下新嘢😆五花腩肉炸過之後好香脆，不過就唔係好食到肉，反而膏比較多，但送麵黎講都ok的。當然如果怕肥膏既朋友建議可以試下其他餸😝另外麵我地叫左薯粉底，薯粉好滑嫩嫩，食個陣要好小心，我好鍾意佢d topping尤其榨菜！超爽而且好香😋平時食開隔離X仔既二小辣，呢度叫小辣都唔會好辣～ 套餐仲有杯夏日特飲，四季春冷泡茶、白桃烏龍冷泡茶、西柚汁特飲、菠蘿汁特飲，四款特飲之中揀左白桃，都幾清新解解脆豬腩既油膩感重慶麻辣雞煲（小）HKD141見到佢既雞煲/酸菜魚堂食有放題其實好吸引，不過疫情下想安在家中食雞煲都有外賣架！我地叫左個細雞煲，有半隻雞🐔佢既汁好惹味，洋蔥好甜，想叫返碗白飯😂同樣叫左小辣，都唔算好辣，鍾意食辣既朋友可以大膽d挑戰高辣度！麻辣無骨鳳爪 HKD38呢個鳳爪既汁好辣，比上述介紹既小辣辣左一倍，食完喉嚨有麻辣感，一份例牌鳳爪數量都幾多，都起碼有10隻👍🏻鹽焗手撕雞 HKD39另外仲叫左份例牌手撕雞，唔會好鹹.傷心酸辣粉地址 ｜元朗裕景坊16號祥發大廈地下📍分店：新蒲崗、銅鑼灣、旺角、粉嶺、深水埗、天水圍、北角、觀塘…查看更多