傑星冰廳

假期見長沙灣茶餐廳都食勻晒好悶咪行過深水埗食個下午茶見呢間禁多人俾like就試下佢點知勁勁勁勁勁失望又唔係多人，得兩個人係門口等係都話繁忙時間要我地2人坐4人座一邊，迫住同個兩個人搭枱，其實之後都冇新食客，而睡大把吉枱，都唔知有幾繁忙叫左兩個下午茶餐，滿心期待睇下點樣有百幾個笑臉蜂蜜芥末醬魚柳包：個醬變左苦，個侍應一時話係個生菜/青瓜苦，一時又話係辣味唔係苦味，當食客傻瓜雞髀薯條：冇咩特別，可以不值一提不用再幫襯…查看更多

👥 一入到去坐低，已經見到店員忙到飛起，一人身兼數職：收銀、落單、上菜。即使咁忙，佢都保持住親切態度，令人感覺舒服😊店內人流不絕，座無虛席，見到咁多街坊都捧場，心諗：「揀呢間真係冇揀錯！」🥢 印尼撈麵真係超惹味，醬汁掛麵夠晒入味！炸韭菜餃外皮炸得香脆，韭菜香味濃郁；瑞士雞翼就比較普通，甜味偏淡。🍞 斑斕咖央牛油多士，呢個配搭真係非常邪惡🤣⚠️ 唯一美中不足係食物上枱時唔夠熱，影響咗整體味道同口感。☕️餐飲方要就叫左一杯熱奶茶同一杯凍奶茶，熱奶茶既茶香同奶味比例幾均衡，飲落順口又暖胃。不過凍奶茶應該就嚟錯咗杯凍鴛鴦，就唔太啱我口味啦。如果可以改善以上呢點，體驗會更加完美！…查看更多

位於深水埗汝州街的「傑星冰廳」，係一間港式茶餐廳。店內環境燈光明亮，感覺乾淨衛生餐牌上嘅選擇都幾多元化，晚市時段除咗晚市套餐，另外仲有粉麵餐、印尼撈麵餐、焗飯系列、歐陸扒餐等等全日供應粉麵餐可以選擇配一款餸或兩款餸～我就揀咗韭菜豬肉餃&煎雙蛋，蕃茄湯底米粉黑椒牛仔骨晚市套餐跟配白飯，奉送熱飲，價錢60幾蚊起，都幾抵食✨黑椒牛仔骨份量都幾充足，肉質鬆軟，牛味濃郁，加咗唔少三色椒及洋蔥一齊爆炒，增添香氣！明星撈丁印尼撈麵(大)口感軟硬適中，帶點蒜香，滋味又飽肚！配上彈牙嘅墨魚春卷及咖喱魚蛋，正呀奶茶涼粉冰港式奶茶配涼粉，口感豐富，冰凍可口雜果利賓納利賓納酸酸甜甜，配上雜果，更加好飲呢…查看更多

位於深水埗的港式冰室，環境舒適，牆上有不同的裝飾、掛飾，別有心思。供應各式常餐、麵餐、扒餐；晚市時間供應晚市小菜。食物份量大大碟，質素不俗，價錢親民，很受街坊歡迎。晚市推薦：豉椒蒸倉魚原條倉魚以豆豉調味清蒸。即點即蒸，需時蒸熟。魚肉白滑，蘸一點豉油、蔥絲，配白飯，十分開胃。粉麵餐：任選兩款餸蕃茄湯底，濃稠清甜；米線麵底，不過略為米線太軟，不是個人喜好的爽硬度；而兩款配料選了韭菜豬肉餃、餃子菜肉平均；另外一款是墨魚春卷，春卷兩大條，爽彈非常。淨食：豬潤一碗豬潤熱湯，麻油香味突出，每一片豬潤都很大塊，新鮮，沒有雪藏或腥味，還有菜心浸在湯裡，吸引了湯汁。淨食：菜心白烚菜心，配蠔油，較健康。菜心新鮮嫩綠。…查看更多

晚市自己一個去食飯，雖然係小店格局，但卡位間隔寬敞，側邊都有單人位，就算自己一個食都唔尷尬。 晚市係一個餸配一個飯，所以幾個人黎食就可以了當食小菜，呢個價錢都幾開心。我想食幾個餸但耐何我自己一個，所以點左個雜果咕嚕肉飯，平時咕嚕肉都有骨加難咬，但呢個餐廳用腩位， 好易咬而且食到脆炸感！ 雜果有用再椰果，菠蘿同檸檬加三色椒。成碟都好滿滿既肉，食到抱住個肚走😂 加左個特飲紅豆冰，淡奶比例恰好，碎冰透心涼而不稀釋豆香。飲到底勺起半杯紅豆，誠意超越連鎖店！ 下次再戰會想食豆豉倉魚，見到隔離枱條倉魚大過隻碟，所有肉都清晒…查看更多

在深水埗舊區街角，我經常會來這間充滿人情味的「傑星冰廳」。餐廳保留了傳統冰室的格局！！最特別的是設有自助生果區客人可隨意夾取西瓜、橙等時令水果，在悶熱夏天尤其幫助到客人消暑！！今次試了：🌟招牌印尼撈麵
可自由搭配配料，今次試了兩個版本：•大撈配煎蛋和椒鹽豬仔骨，煎蛋流心！•細撈配咖哩魚蛋，咖哩汁香而不辣，撈麵質地爽口，醬汁分量剛好不會過鹹！🌟歐陸扒餐
脆脆魚柳的外皮酥脆，配上司華力腸、煎蛋和忌廉汁，份量都多！整體是港式扒餐的風味！傑星冰廳的最大賣點是價錢親民（大部分餐點$40-$60）和免費生果！食物質素真的對得起價錢！服務員態度友善，充滿街坊店的人情味！飲品：紅豆冰夠經典！凍檸檬菜蜜酸甜平衡，都是穩陣之選。…查看更多

今日同朋友去咗屋企附近一間茶餐廳食晏 叫咗幾樣經典菜式 同大家詳細分享下今次嘅用餐體驗～首先登場嘅係茄汁芝士豬扒拼腸仔焗飯 一上枱就見到金黃色嘅芝士鋪滿成個飯面 🙌🏻用叉輕輕一拉就有完美拉絲效果 豬扒切得厚度適中 肉質唔會太韌 配埋微酸嘅茄汁幾開胃 🫶🏻跟住試咗五香肉丁咖哩魚蛋米線 湯底香濃得嚟唔會太鹹 咖哩味恰到好處 魚蛋彈牙有嚼勁 👅而五香肉丁嘅油香出奇地夾 米線煮得剛好 唔會太淋 吸晒湯汁之後更加好味 好滿足！小食方面 酥炸墨魚丸炸得金黃酥脆 咬落去外脆內軟 仲食到粒粒墨魚肉 🔝瑞士雞中翼煮得夠淋 甜甜哋嘅醬汁完全滲入雞肉 咬落去仲有肉汁流出嚟 水準唔錯 😎最後當然要試埋佢哋嘅斑斕咖椰鮮油多 多士烘得香脆 斑斕咖椰醬嘅香甜同冰凍牛油形成完美對比 埋單計數，兩個人食到飽飽都係百零蚊，以而家嘅物價嚟講真係算抵食 💡呢間茶餐廳食物的份量又足 絕對係街坊午餐嘅好選擇 ！傑星冰廳 (深水埗)深水埗汝州街219號地舖…查看更多

深水埗平民飯堂，中午去到好多街坊幫襯！ 讚嘆茶餐廳選擇真多，一啲都唔容易揀！ 「三眼仔👀豬扒飯」$60連飲品，豬扒煎得好香，三隻太陽蛋一篤穿就上演流心瀑布，撈埋豉油飯超正～重點係飯粒乾爽唔漿口，抵讚！ 常餐$45，豬潤通粉嘅豬潤厚身爽脆～牛油多士烘到脆卜卜。 $36有6件金黃泡泡嘅雲吞，咬落「咔嚓」聲直頭上頭，蜂蜜芥末醬仲要係靈魂所在(≧∀≦)♪ 仲有任食生果櫃，火龍果清甜、西瓜爆汁，食完可以瘋狂refill人均$70 仲要冇加一！…查看更多

今天下午，我們去到深水埗汝州街傑星冰廳午餐。我們入到去餐廳，已經有很多客人，可見這間餐廳在這裏的知名度。#椒鹽豬仔骨蛋蓋飯 $63我點了椒鹽豬仔骨蛋蓋飯，味道鮮美，豬仔骨外脆內嫩，蛋液滑順，搭配白飯，簡直絕配。為了消暑，我選擇了少甜的凍鴛鴦，清爽解渴，完美提升了用餐的體驗。#鴛鴦扒 $72朋友則點了鴛鴦扒，肉質鮮嫩，配上特製醬汁，讓人食指大動。他還點了鴛鴦涼粉冰，清涼可口，讓人回味無窮。最後，埋單147元，這樣的價格真是經濟實惠。…查看更多

一街幾間茶餐廳，朋友揀左食傑星冰廳，入到黎覺得咁熟口面嘅，原來之前食過😆餐牌轉左但價錢無變，六十幾蚊起就有客飯，價錢相當貼地。⭐菜心炒牛肉菜心軟嫩牛肉香滑，炒得幾好食，份量仲好足添。⭐蔥爆牛扒呢個一般，蔥爆牛扒但蔥呢？得切碎左嘅蔥花，仲有青瓜片、三色椒、洋蔥、芽菜等同炒，味道ok嘅。⭐豉汁蒸䱽魚呢碟勁抵食！原條䱽魚大大條，蒸得剛好魚肉嫩滑，正😍⭐白飯好大碗飯，比其他茶仔大碗！⭐鴛鴦涼粉冰 & ⭐紅豆冰餐茶轉特飲，港式涼粉冰同紅豆冰😙無加一，抵食！…查看更多

📍 傑星冰廳 (深水埗)深水埗汝州街219號地舖✨雜果西檸雞扒💰62雞扒切成粒炸，方便進食，配上新鮮嘅雜果，酸酸甜甜，啖啖都有驚喜！西檸嘅香味更係提升咗整體味道，食完之後令人心情好好。✨酸菜豬潤炒肥腸💰78呢道菜真係一絕！酸菜嘅酸味同豬潤嘅香味融合得恰到好處，肥腸炒得剛剛好，唔會太油膩。每一口都有滿滿嘅味道，食完仲想再嚟一碗白飯。✨黑椒牛仔骨💰78牛仔骨嘅肉質非常嫩滑，黑椒醬汁味道濃郁，帶有一點微辣，真係啖啖都好過癮！同白飯簡直就係完美嘅搭配。✨鹹檸七💰跟餐加$12最後呢杯鹹檸七，真係解渴又好飲！鹹檸嘅味道加上七喜，清新醒腦，食完重想飲多杯，真係夏天必飲嘅飲品！回頭: yesss，傑星冰室嘅晚市小菜套餐，無論係味道定係份量都好滿意，絕對值得推介！…查看更多

📍 傑星冰廳 (深水埗)深水埗汝州街219號地舖👉 菜心炒牛肉💰62😋😋😋😋.8/5呢道菜心炒牛肉真係唔錯！菜心鮮嫩，牛肉夠入味，炒到啱啱好，唔會過老👉 金沙骨💰72😋😋😋😋.9/5金沙骨外脆內嫩，金黃色嘅外層好香，食落去有種酥脆嘅口感。肉質鮮美，調味又唔會太鹹，真係一啖接一啖！👉 豉椒蒸倉魚💰68😋😋😋😋.9/5倉魚好鮮，豉椒醬味道夠香，帶有一絲微辣。熱食嘅話，魚肉滑嫩，配上白飯真係超正！👉 酸菜豬潤湯💰跟餐加$8😋😋😋😋.7/5呢個湯味道濃郁，酸菜同豬潤搭配得好好。湯底清甜，飲落去暖心👉 熱杏霜💰跟餐送😋😋😋😋.7/5熱杏霜滑滑地，味道香甜，暖暖地感覺好舒服👉 花奶涼粉冰💰跟餐加$12😋😋😋😋.7/5呢個飲品清涼解暑，花奶嘅香味配上涼粉，口感滑溜回頭: 傑星晚市小菜套餐味道多樣，適合同朋友一齊分享👍🏻👍🏻…查看更多

同屋企人嚟深水埗買嘢，搞掂就順便喺附近食埋晏先走。路經汝州街，見到有間「傑星冰廳」，門面光鮮又就腳，一於不作他選。揀咗豉椒倉魚飯 同 一客粉麵餐。套餐奉送熱飲，轉凍飲+$3，汽水+$8、特飲+$12。條倉魚蒸得唔錯，火候控制得啱啱好，肉滑得嚟又有魚鮮，夾埋啲蔥絲同豆豉一齊食，真係冇得輸！ 粉麵餐揀咗招牌豬潤拼鮮蝦雲吞米線，豬潤好厚身，灼至僅熟，入口爽嫩不老。雲吞大大粒，皮薄餡靚，入面嘅鮮蝦好爽彈，配埋煙韌滑溜嘅米線吃，口感一流！另外仲點咗個馳名豬扒包同咖喱魚蛋，塊豬扒醃得相當入味，肥瘦適中，鮮嫩又有肉汁。魚蛋真材實料，食落彈牙又有魚味，加上索晒啲咖喱汁，濃香惹味。飲品點咗咖啡紅豆冰 同 紅豆涼粉奶茶，兩杯都好正，咖啡濃香又唔會過甜、紅豆渾圓有咬口、涼粉軟糯有彈性、奶茶順滑有茶香。…查看更多

📍深水埗的傑星冰廳✨以其地道的廣東小菜著稱。這裡的環境輕鬆舒適，是個與朋友聚餐的理想地點。今天，我們一同品嚐了幾道招牌菜，真是讓人回味無窮！✴️鮮蝦雲吞 🦐鮮蝦雲吞的皮薄透亮，包著新鮮的蝦仁，口感彈牙，每一口都能感受到蝦肉的鮮甜。湯底清淡卻不失鮮味，與雲吞相得益彰。吃的時候，蝦肉的鮮香在口中蔓延，配合清湯，令人心情愉悅。✴️瑞士雞中翼煎雙蛋米粉 🍳這道瑞士雞中翼煎雙蛋米粉，色香味俱全。雞翼肉質鮮嫩多汁，搭配煎蛋的香滑，口感層次分明。米粉吸收了雞肉和蛋的精華，味道濃郁，卻不油膩，吃起來十分過癮。每一口都是滿滿的幸福感！✴️豉椒蒸䱽魚 🐟豉椒蒸䱽魚的魚肉鮮嫩，蒸得恰到好處，保持了魚的鮮甜。豉椒醬的味道濃郁，帶有微微的香辣，為魚肉增添了不少風味。搭配著蒸魚的清香，讓人忍不住一口接一口。這道菜不僅美味，還非常健康，是真正的海鮮愛好者必試之選。✴️菜心炒牛肉 🥩菜心炒牛肉是一道極為經典的廣東菜，牛肉切得薄厚適中，炒至剛好熟透，保持了肉質的滑嫩。菜心則清脆爽口，色澤鮮綠，與牛肉搭配，形成完美的口感對比。這道菜的醬汁與牛肉的香味結合，令人胃口大開。✴️斑斕咖央西多士 🍞最後，我們品嚐了斑斕咖央西多士，這道甜品真是讓人驚艷。外層金黃酥脆，內裡則是柔軟的咖央，口感豐富。斑斕的香氣與咖央的甜味交織在一起，令每一口都充滿了幸福的滋味。這道甜品不僅視覺上吸引，更是在味覺上讓人留連忘返。總結而言，傑星冰廳的每一道菜都展現了廣東料理的獨特魅力，不論是小吃還是主菜，皆讓人感受到地道的風味🍽️傑星冰廳✨📍深水埗汝洲街219號地舖…查看更多

今日晏晝，可能早出街，肚仔打鼓咁嘈，咪走咗去深水埗醫肚囉。傑星近A2地鐵口，都幾易搵㗎。搵個位坐低，諗都唔使諗就叫咗個午餐E，係豉椒䱽魚飯，再加杯熱奶茶。豉椒䱽魚飯一嚟到，嘩，好大條香噴噴，啲豉椒味勁惹味，撈埋啲飯一齊食，真係正到dum dum聲！啲䱽魚都蒸得好入口好新鮮，唔會太乾，啱啱好。至於杯熱奶茶呢，茶味夠濃，奶又夠滑，飲落去暖笠笠，成個人都舒服晒。不過講真，傑星冰廳嘅座位都唔算話太多，但好在剛剛有人走，我夠晒行運。街坊生意好多人食，裝修有親切感。總之，如果你想搵間夠晒local嘅冰室，食啲夠晒港式嘅嘢食，咁傑星冰廳絕對係一個唔錯嘅選擇。下次得閒，我都會再去幫襯㗎！…查看更多