傅記飯店

呢間喺深井嘅傅記飯店係一間馳名燒鵝老店我外賣咗個燒鵝例牌下庄皮脆肉嫩入口即化個皮有炭燒嘅香氣肥瘦適中食落唔會膩食得出係新鮮製造燒鵝汁香肉滑之前我有堂食過佢嘅小菜都好出色炒菜好有鑊氣亦有海鮮來料加工服務好方便收費合理唔會亂開價師傅手勢幾好價錢合理性價比高真係10分推介比朋友另外啲夥計服務態度唔係冷冰冰嘅禮貌而係地道香港人嘅親切同熱情講嘢有火但唔失禮貌好有人情味令人感覺舒服環境雖然簡單但好有街坊味每次去都見到唔少街坊熟客證明佢哋嘅品質有保證傅記燒鵝真係值得一試食完會記得佢嘅味道係香港地少有嘅老字號保留住傳統味道同人情味如果你鍾意燒味一定唔可以錯過都係傅記係我心目中嘅燒鵝代表下次我會再試佢其他菜式希望佢繼續保持水準做多幾十年都冇問題…查看更多

昨晚諗住加餸買半斤叉燒回家， 叫個師傅比靚啲半肥瘦， 個師傅交給我時還說好靚點知回家時打開比我家人罵話做乜全部都係柴皮叉燒好硬！ 好離譜！我同自己講今生今世食糞都唔會再幫襯佢！ …查看更多

平常入到「深井」食嘢，都喺因為行山以「深井」為終點，今次就有啲唔同，到訪朋友家，再一班人落嚟「傅記」食午飯，友人話以燒鵝嚟講，「裕記」覺得喺最好，但就貴，其次心水喺「傅記」，加上相對實惠啲。諗住食晏晝飯，所以，無刻意訂枱，嚟到啱啱被人捷足先登攞咗張大枱，我哋又費事轉場，而二樓午市又唔開，所以，坐咗晌出面，雖然開晒啲風機，但確喺有點熱。一心打算試燒鵝，加上我哋有成9人，所以，都費事諗，就揀個6-8人餐（ $788），再加多半隻燒鵝湊夠成隻，加個炒飯，應該有收茶芥、加一，雖然唔喺小弟負責俾錢，但計番人頭，埋單應該大概$1,200左右，此外，仲有其他人數嘅套餐。小食有啲酸蕎頭，食落酸爽香脆，卻唔會太嗆喉，正好為一陣間食燒鵝有個準備。深井燒鵝（半隻）其實我自己本身都食過佢哋附屬茶餐廳嘅燒鵝瀨 （下午茶餐） ，知道都有一定嘅質素，個套餐本身包半隻，我哋額外加多半隻，好似要俾多$200。今次成隻燒鵝登場，當然賣相更有睇頭，而且，燒得確喺好靚仔，外皮睇落好亮麗，咬落非常甘香焦脆，鵝肉嫩滑細緻，更喺充滿油香，正呀喂！粟米魚肚羹一大鍋粟米魚肚羹，睇相都見滿滿嘅魚肚，真喺好似食極都有，而且，魚肚羹個稀杰度推得啱啱好，味道亦都唔錯，不過始終我哋坐咗出面，感覺有啲悶熱，再食過熱焫焫嘅魚肚羹，喺會有少少打折扣。翡翠龍躉球 龍躉球切得比較大件，所以，計落喺唔夠我哋一人一件，咁當然我哋自行幫佢一開二啦。啲魚肉喺幾高質素，既嫩滑，又鮮甜，又有魚味。豉油皇鵝腸一眾男士當然有唔喺三高之士啦，不過，面對咁好食嘅鵝，健康一於放喺第二位。鵝腸食落好爽脆，亦唔會有陣陣臊味，加上個豉油皇醬汁做得香濃惹味，配鵝腸真喺一流，連帶底下沾滿醬汁嘅芽菜亦都變得零舍好食。菠蘿生炒骨 小炒中生炒骨就最受人歡迎，一來好難自己屋企整，二來酸香醒胃確喺好送飯，而呢度嘅生炒骨同樣做得唔錯，外層仲有份脆口感，啲肉好鬆化 ，醬汁調教得酸香細緻，仲有喺啲菠蘿用新鮮貨色，唔係罐頭嘢。腐竹浸時蔬時蔬用咗白菜仔再加啲草菇片，而腐竹就好嫩滑，又有豆香，個上湯都好清甜，時蔬索晒湯，食落味道都變得比較清甜。清埋碟福建炒飯（影漏咗）大家都話嗌飽，份量算喺啱啱好，無嘥嘢。嚟呢啲地方食嘢服務就無乜㗎喇，相對喺經濟實惠啲，若非要坐晌出面，其實感覺會幾好。…查看更多

態度差到冇人有，垃圾餐廳請啲垃圾人我4 20分鐘之前打電話去訂快餐上海粗炒加一杯凍咖啡去到叫我等等咗成20分鐘都未有即係加埋成40分鐘啦我個Number 24號後邊嗰個男人遲我15分鐘嚟到應該係熟客26 Number都有得攞我就等咗八個字跟住佢同我講唔等得唔好要啊笨退返錢咩態度呀？以後發誓有人話去呢間餐廳即刻抵制仲要鬧衰佢，全個深井唔係得你一間餐廳有食…查看更多

今日跟家人特意入深井食燒鵝。我們選擇了傅記飯店食午飯，到達時間2點幾，不用等位。我們叫了8人餐，有粟米魚肚羮、咕嚕肉、豉油王炒鵝腸、半隻燒鵝等等。菜式份量十足，燒鵝皮脆肉嫩，非常美味。…查看更多

晚上好友9人相聚突然話去深井食晚餐，好友推薦 傅記，我們同行四人元朗打的士 三人另一架的士 ，兩人 程西鐵在轉的士 ，元朗來大概30分車程$150馬上去到 深井，在陳記門口落車 行過來 傅記 5分鐘，晚市熱鬧 大排檔氣氛，來到即可 有位，安排九人座門口，整體 環境算OK，只不過 酒杯 有啲覺得唔乾淨，服務都算熱情⋯叫左 6-8人$788晚市 小菜套餐 （唔包飯，唔包酒）半隻燒鵝皇 $275燒鵝皮脆肉嫩 ，多汁四顆星生炒骨$82都唔錯份量再多啲仲好腐竹時菜$72粟米魚肚羹 $80龍𧄌球炒西芹168鵝腸（綠豆芽墊底）108脆脆 肥鵝腸～單叫 total $785 套餐 788貴3元 ～建議單叫 可以叫自己鍾意的 菜品，唔洗 困係套餐中～ 另外加一個 小炒皇～兩隻啤酒～7碗飯～ 9人總消費$1180…查看更多

我們今天約5:30食晚飯，唸住少人可以食好少少，叫左燒鵝例牌，薑蔥魚雲，沙茶什菜，兩支啤酒：燒鵝-佢無比即燒脆香我，唔熱好一般魚云 -點果陣阿叔話有貨，等到6點同我講話無，我話左兩句點解唔早啲講，佢話佢點L知廚房，我無言嬲都極點炒什菜-等左半小時到，原來等埋三枱一次炒，出品水準差無心機坐，埋單，同應該係主持人嘅女仕講左句咁嘅服務質素食老本，佢大聲同班職員講話有客唔満意喎，然後送客永不錄用！貼＄買氣受…查看更多

重陽節登高日，當然要應節，同屋企人由荃灣行山到深井😎難得入到深井就緊係要食燒鵝啦!!😏 最出名就係裕記、陳記，但印象好耐年前食過，感覺麻麻😔所以睇左好多食評、短片後，今次我揀左少人評論嘅傅記🙊。本身自己打算入到深井應該點半鐘，可以食到傅記抵食嘅下午茶燒鵝瀨，點知行得比想像中快，嚟到都未夠1點😯。我地係衝著燒鵝而嚟，加上大家都好餓，所以最終柯打左半隻鵝、1個炒飯同1個炒粉。傅記全日無加一，不過入座會上一小碟 $12蕎頭；爽脆又夠酸。燒鵝半隻 $289燒鵝油滋滋、色澤均勻🤤。識食一定食鵝髀，肉質偏淋、唔係彈性口感、但有肉香。全隻鵝皮都好香好脆，不過半隻最好4人share，因為真係幾漏😅整體隻鵝唔係好肥、屬於偏瘦，但啱我口味😏楊州炒飯 $47 (午市價)我自己一直都唔中意食楊州炒飯，因為總覺得無鑊氣、無調味、入口似撈飯😥。不過，呢度個炒飯出乎地好味😯，完全無我擔心嘅問題，而且粒粒分明，又唔會太油，所以好快比我地清哂。🙉星洲炒米 $51 (午市價)呢個炒米由落單起計等左40分鐘，同個炒飯相差30分鐘先上枱，你無睇錯，真係等左咁耐😵。原因其實唔難估，全因當時全間餐廳得我地一枱人點星洲炒米😔，所以到上枱果陣廚房一野出3碟(我地坐近廚房)。咁味道唔駛多講啦，一個鑊炒3碟份量，熱度、調味、鑊氣等都一定比逐個炒有好大出入😐。毫無懸念，呢個炒米熱度、調味都唔均勻。本身食完個炒飯，對呢度嘅炒野充滿期待，可惜。整體大家都幾滿意呢度嘅食物質素，4人共食左$399，食飽飽又可以起程行番去荃灣。…查看更多

由荃灣行黎深井想搵嘢食隨意地走入左呢一間傅記飯店叫左口水雞（$68）、傅記脆皮燒鵝（$170）同蝦膏雜菌炒豚肉（$92）三道菜式口水雞雖然係例牌但係實際上真係超級大碟口水雞汁調校得好好辣得黎又好惹味雞肉嫩滑但係有少少肥但係整體都好食嘅脆皮燒鵝鵝皮真係非常香脆而且食到炭火嘅香味鵝肉也蠻嫩，唔會鞋口咬落去亦充滿肉汁真係唔錯蝦膏雜菌炒豚肉炒得好有鑊氣豚肉腍滑入味雜菌香口爽脆唔油膩叫呢個餸送飯簡直一流二人連埋白飯啤酒茶錢埋單400蚊到食到勁飽價錢又唔貴由於每碟餸嘅份量都有返咁上下如果細食嘅人其實可以只叫兩個餸都夠食…查看更多

由細到大，屋企人都好鍾意嚟深井食燒鵝😋喺嗰行燒鵝店入面，我地心宜傅記😋都想同大家介紹吓😋服務態度都ok咖～飲食記錄：燒鵝按出席人數，我地會嗌1隻/半隻燒鵝，熱辣辣送上，鵝皮燒得香脆，鵝肉質厚實，唔會太肥/太瘦，價錢亦好相宜😙嗌1隻都好似唔洗500蚊🤑其他小菜就普普通通，驚喜不大，上次食完淨係影咗生炒骨🤣P.S.細個同朋友去傅記隔離嗰間食….成班中學生….俾人安排坐樓上，已經少咗啲風味，上碟隻燒鵝，又細隻又瘦………查看更多

深井食燒鵝和友人們特意揸車入深井食燒鵝，先到陳記後到裕記再到傅記...為左食去到幾盡！食咩都好，重要係同咩人一齊食😊🥰❤️.燒鵝 😋😋😋😋因為很想食，覺得好味，油分充足，皮都脆，肉香，都不錯。炒豬腸 😋😋😋豬腸食得出是飛水再炒香，可惜醬汁比得太多生粉，過濃，不過味道是夠味，腸爽口西檸雞 😋😋不夠檸檬味，酸味不足，炸雞尚算可以蒜蓉菜心 😋😋😋夠鑊氣和蒜味，但菜心過軟，扣了分。滷水鴨腳 😋😋初頭食滷水味不夠，很淡，可能送酒，都會愈食愈想食。…查看更多

今日同班friend由元朗行山行到去深井，當中最主要嘅目的，就係去食深井燒鵝( ´▽` )ﾉ當我哋猶豫緊去陳記燒鵝好吖，定係裕記燒鵝好嘅時候，其中一個好識食嘅朋友，就話不如去另外一間試吓新口味。我心諗呢個friend肯定食過，如果唔係唔會夠膽帶我哋去食， 於是乎我哋就放膽一試。入到去完全係茶餐廳一間，不過啲老夥計都幾友善，我哋一坐低，佢哋就拎咗四碗例湯俾我哋。我就因為太熱嘅關係唔想食飯，於是乎叫咗碗燒鵝米，其他朋友呢就叫咗燒鵝飯，同埋一個食齋嘅叫咗羅漢齋炒麵。我講我嗰碗燒鵝米，真係正到爆，有炭燒味，啲皮好香脆，雖然佢揼咗落碗湯米度，但係完全冇流失佢嘅燒鵝香味，好新鮮！嗰個老夥計話啱啱新鮮出爐冇呃我！食羅漢齋嘅朋友都讚口不絕，因為份量好多好足料。羅漢齋炒麵跟杯凍飲$57，而我哋燒鵝米燒鵝飯嘅就$59(都係跟杯凍飲)！為咗碗燒鵝米，我下次一定會再行過去深井！…查看更多

晚上到深井探朋友，預先訂位到傅記食晚餐。樓下本鋪坐滿了，安排我們到閣樓，還未有客人呢。先點燒鵝，半肥瘦又不膩，無得輸。椒鹽鮮魷粉很薄。客家釀豆腐好像沒甚特別，但沾著自家秘制調味醬汁，帶出豆腐香味。…查看更多

深井食燒鵝，唔一定搵陳記，傅記又平又好味幫襯過好幾次啦～因為有室外位可以帶狗狗今次在附近工作，跟同事一齊黎食lunch當然要食燒鵝啦點了份燒鵝雞飯，大大份嘩~睇相就知道雞肉同鵝肉又滑又多汁脂肪比例剛剛好，絕對是升級燒味飯如果燒鵝皮脆一點會更好…查看更多

一大班人一齊飲飲食食，摸下酒杯底。又地方夠坐又不壓迫莫過於此處深井傅記。食物不錯，招呼也不過不失。當然只付一佰幾十那可要求什麼呢！最緊要一班朋友一起說説笑笑，𣈱飲一番！這裡的燒鵝不錯，當然少不了一定要落 order 啦！菜色也很多選擇。豉油皇鵝腸，椒鹽魚扣鴨舌，豉汁蒸鱔等等。就這樣吧！過了一個歡樂的週末。…查看更多