偶遇台北 (荃灣廣場)

营业中

休息中

酥炸海島蠔滷肉飯$88兩隻炸蠔唔錯，但飯同滷肉份量可唔可以多少少呢？ 唔飽！台式紅燒半筋半肉麵$88甘筍應該為咗色澤鮮艷，冇加埋落去煲湯，清水烚甘筍，所以湯唔夠甜；而牛腩黐牙不淋滑。麵質煙靭，但不掛湯。另加一服務費，服務是OK的，見有手抱小童喊，侍應有攞玩具氹哄👍🏼

焢肉飯，啲肉好硬好鞋，飯好濕。蛋餅冇煎香，唔脆，啲料好少，仙草奶茶，茶味淡，仙草正常。焢肉飯的焢肉要煮到軟爛入味，關鍵在於烹煮時間和火候的掌握。 一般來說，需要經過長時間的燉煮，讓肉質變得軟嫩，並且充分吸收滷汁的味道。 此外，選擇合適的五花肉部位和滷包配方也能影響焢肉的口感。襯著爌肉基底的白飯，也是美味的關鍵之一，白飯必須要香又有彈性，並且能夠在淋上滷肉肉汁還是維持一定的Q度，不會因為過度吸收滷汁而軟爛。

唔係做開乜嘢foodie乜嘢KOL荃灣廣場呢排戰場一樣，又米泰，又牛肉飯大家未必肯上到4樓食嘢今日第一次食臭豆腐，相中得4件，因為我已經食左1件先記得影相即炸，熱，脆，唔油，好食真係好熱，另一樣炸排骨都係佢嗰度啲麵好食，口感彈牙，個辣湯都不錯吃如果唔好啤酒，唔好叫，唔係好抵不過食炸嘢飲啤酒係人生樂事。甜品份量太大，2個人share 1款就夠，上次太大碗。。。浪費咗。行多2步上4樓，俾個機會佢啦PS,其實服務真心好喎

我和媽媽今晚去了偶遇台北，其實真係好好食，我最愛手打檸檬茶，真好喝二人餐讓人食指大動美味可口，我上次去已心心念念，我愛偶遇台北真的正！！！！！！！！！！！！！！！！！！！

今日收工陪朋友去荃灣廣場買野，買完就打算食埋個飯先返家😂由於大家都無idea食咩好，最後就揀左食台灣野.小鍋二人餐 $318二人餐包一款蛋餅、一款小食、一款台北小鍋、一款甜品同兩杯野飲。.台灣香腸起司蛋餅 酥炸魷魚鬚台南牛肉沙茶鍋椰汁仙草紅豆芋圓手打檸檬茶蜂蜜柚子茶.蛋餅有沙律醬……因為我唔食沙律醬，而且我食過咁多間台式餐廳嘅蛋餅都冇沙律醬！！！芝士較少，對比起其他台式餐廳就略為遜色。魷魚鬚炸得香脆幾好食，沙茶鍋入面有豬肉丸、花枝凡、肥牛、豆腐同菜等等，都幾豐富，沙茶味剛好唔會太咸。甜品芋圓個脆脆好甜，芋圓無乜味，個甜品同我想像中有出入😂😂😂.

今日一田購物日開鑼，之前係朋友社交平台見到呢間野，睇個樣又唔錯喎，最想試係炸蠔滷肉飯。本來睇呢度既食評都有d擔心呢度既員工服務態度係咪真係好似d人所講咁差。但是但啦，博下啦。點知又ok喎，有個著恤衫既疑似經理，見佢做野好快手，不停翻枱，有個蒜蓉炒菜後加，見等左有少少耐，驚係個店員唔記得左落漏單而問個男經理，見佢都有check完覆返我地。見佢都少說話做實事既人👍🏼其他員工姨姨又幾好笑容喎，問佢野又好寬容咁答我問題。到野食方面喇，叫左個炸蠔滷肉飯,個炸蠔炸得好好，粉漿薄薄，炸完個蠔都好大隻，冇縮水，咬落個蠔汁係咁滴，超好味，我會再為呢個飯再黎🫶🏻另外叫左滷水拼盤，但我同老公都覺得如果甜返少少就會好好味😋

今日星期一，見呢間靜靜地，望落幾舒服甘，就打算入去試下😌😊門口嗰位黑衫既女職員完全掛住玩電話，唉，甘樣好咩？有無尊重自己既工作崗位呢？然後，佢見到我之後都係黑口黑面，零笑容🥲態度仲好差下….😟今次試左個牛肉麵，味道都還可以既。整體來講，門口呢個女職員服務態度真係完全不能接受，可一不可再！🫣🫣🥲🥲呢個價錢可以去其他店舖食仲開心。😌

偶然行過荃灣廣場搵到呢間柳暗花明又一村嘅台灣菜，俾佢嘅香味吸引到。忍唔住同同事入去一探究竟。餐牌豐儉由人最平$58到最貴嘅臭臭鍋$108，唔夠食的話仲可以追加小食。我哋三位叫咗一個麻辣牛肉麵同滷肉飯、可惜佢個蚵仔滷肉飯賣晒，本身都係望住佢呢個餸而入去。偷聽到佢哋啲夥計話下個禮拜會開始轉餐牌，希望仲有機會試到佢。滷肉飯同出面食嘅有少少唔同，睇得出佢啲米真係揀過嚟，滷肉入邊仲有少少豆卜用嚟增加口感，識落又唔鹹份量控制得啱啱好。麻辣牛肉麵有蟲草花做配襯，識落增加口感佢嘅酸菜，亦都十分出色，可惜麻辣味稍為欠奉，大概只係得譚仔嘅五小辣左右，如果嗜辣嘅朋友應該會覺得爭少少。但整體上呢個都係一個出色嘅牛肉麵。小食我哋試咗鹽酥雞、魷魚鬚同埋杏鮑菇，魷魚鬚同埋鹽酥雞，簡直就復刻咗夜市味道一樣，推薦各位一定要試吓佢個魷魚鬚。最後尾梗係食埋甜品先滿足啦，我哋揀咗椰汁仙草紅豆芋圓，紅豆好棉蜜、另外加咗少少椰汁做點綴，食到黑糖嘅原有味道，為今次完美嘅午餐畫上一個好好嘅句號！另外店員都好Nice會叫我哋申請會員儲分，食滿$100有一個印花，儲滿五個印花可以換$50 coupon，已經諗緊下次幾時再過嚟食。

星期六帶小朋友等食台灣野，想讚下門口接待姐姐好好人，安排較寬的位置比我地，仲有小禮物送俾小朋友，小朋友開心死仲留意到小朋友未扣好張BB椅幫手扣好！服務及環境都唔錯～由於有小朋友無乜影到好多相，我地叫咗個2人餐，臭臭鍋中辣真係唔錯，有菜有肉我覺得最正係個大腸，好入味！鴨血都好好味二人餐內的食堂臭臭鍋另外叫咗麻辣臭豆腐，真係辣得過癮同好正宗，真臭最後有包個甜品但已經好飽了店員清晒枱先上甜品，唔太甜啱晒我口味整體感覺幾好，下次去開荃灣會再去

星期六下午，在下午茶與晚飯之間的輕食！行過見到呢間台式餐廳比佢既甜品吸引了，就試下啦！輕輕叫左2款糖水，一款黑糖，另外是椰汁。個人認為黑糖比較好味，椰汁就冇椰汁味食落都似黑糖。兩款配料都豐富，同樣有芋圓，Q彈Q彈，有啲早餐cereal(唔理解呢個配搭🤣)椰奶紫米仙草芋圓 $48黑糖愛玉珍珠芋圓 $48叫左溫泉蛋滷肉飯，$68 唔太抵食，滷肉細粒，唔多，對比X元，後者老實多了。。。不過偶遇台北係環境靚啲，又坐得舒服影落好大碗🤭蛋餅($62)推薦大家可以點！！好足料，肉眼可見的鹽酥雞！又有芝士，台式Comfort food 👍🏻應該唔會有人有投訴🤣

難得放假約到朋友食個晏仔，見到呢間偶遇台北，就黎試下。我哋叫咗一個一人臭臭鍋set lunch，再單點一個柯仔煎同高麗菜蛋餅個一人臭臭鍋勁多料，味道好濃郁，入飯一流！！高麗菜芝士蛋餅裏面啲椰菜冇煮到太淋，有少少脆口，中和咗芝士嘅油膩不能不提個蚵仔煎，個侍應拎緊過嚟嘅時候，已經聞到好大陣香味食落液都好juicy，過海生醬（雖然唔知係咩醬）酸酸甜甜好開胃間餐廳環境光猛，啲侍應都好nice，所以都食得好開心。

平時好少寫食評，但今次遇到服務態度滿分既經理就要讚下😄話說攞飛前就想食火鍋二人餐，我地八點幾先坐低，點知唔見個二人餐餐牌，就出返門口搵但冇左，問員工先話賣曬。咁我地就諗住叫其他啦，點知經理就過黎同我地解釋原來只係甜品冇曬芋圓，都可以照叫二人餐。最後我地都照要，落完單過左一陣員工走黎同我地講經理話請我地一碗飯同兩杯台式飲品，我地都估唔到😳經理服務態度滿分💯食物質素都唔錯，價錢又唔貴👍最後個甜品都有比多啲其他料，味道讚份量多😋(差唔多係燈x滷x兩倍)

今日去咗荃灣嘅「偶遇台北」食飯，呢間餐廳外觀普普通通，冇咩特別搶眼嘅裝修，但入面就好有台灣小餐館嘅氛圍。先講下個手打鳳梨檸檬茶，嗰個酸甜度調配得啱啱好，鳳梨嘅香甜同檸檬嘅清新完美融合，入口清爽解膩，比起我喺其他主打台式飲品嘅店舖飲過嘅，呢杯唔會太甜，仲有陣陣果香殘留在口腔，真係唔錯。酥炸魷魚鬚炸得好香脆，外層炸漿薄而均勻，咬，魷魚鬚本身彈牙有嚼勁，味道調味得岩岩好，唔會太鹹。同之前喺某間主打西式炸物嘅餐廳食嘅相比，呢度嘅魷魚鬚冇嗰種油膩感，更加惹味。感覺佢好似加咗啲鹹蛋醬。滷肉飯就比較中規中矩喇，滷肉肥瘦適中，滷汁香濃，拌飯一流，但同我喺台北當地食嘅正宗滷肉飯相比，總覺得差咁啲靈魂，好似滷汁嘅香料味唔夠濃郁。至於食堂臭臭鍋，料好豐富，有豬肉、豆腐、蔬菜、丸子等等，個湯底好夠味，有臭豆腐獨特嘅“臭香”味，食落去好過癮。但有個小缺點，就係分量有啲少，對於大胃王嚟講可能唔太夠喉。價錢方面，呢幾樣嘢加埋都唔算貴，性價比都幾高。講真，每次食台灣菜都會有種懷念嘅感覺，記得以前去台灣旅行嘅時候，周圍去覓食，食過好多地道美食。呢間「偶遇台北」雖然唔算百分百正宗，但都能夠勾起我當時嘅美好回憶，好似就算唔

難得Lunch Time約到朋友，去左荃灣行商場，好耐無行過荃廣，有D鋪頭執左，搵左好幾間餐廳，有D未開張，有D就新嘅。行多幾層真正偶遇間叫＜偶遇台北＞，見環境唔錯，就入試下快閃Lunch。我地叫左＜鹽酥雞扒配滷肉飯＞同埋＜紅燒牛肉麵＞。＜紅燒牛肉麵＞湯味濃淡得宜，不會有味精味，牛肉不粗嚡，份量適中。＜鹽酥雞扒配滷肉飯＞雞扒鬆軟，不油膩，滷肉較少不太咸，份量適中。2個餐配了熱飲＜桂圓紅祖茶＞不用加錢，普通甜甜地茶飲不作介紹。總結味道不錯，份量適中，男士食量大點未必夠飽，價錢大概$65至80左右，商場價錢尚算OK。

▵偶遇台北▵今次係第二次嚟，星期日嘅夜晚周圍都排隊之下 呢間見比較少人等，就一於攞張飛等兩張好快就安排到入座，食物價錢同質素10分合理都值得在encore。最緊要老公冇詐型😂不過如果可以有兒童餐就更加好，我就嗌咗個紅燒牛肉麵，不過個湯底有輕微辣 小朋友就覺得好辣，所以冇食。咁老公就唯有潷少少滷肉飯俾佢。所以如果有個度身訂造嘅兒童餐咁就完美了😆起碼大人唔使就個小朋友可以嗌自己想食嘅嘢因為我嗌個紅燒牛肉麵本來就係見佢冇辣椒喺隔離，所以嗌呢個就返比小朋友食，點知都係有啲辣😆但係員工嘅服務質素係唔錯，起碼唔係見到嘢唔做，係而家好難得嘅現狀經理嘅服務亦都好到位。唯一缺點嘅就係餐廳嘅飲品，飲咗兩次珍珠奶茶，個茶底都係好一般☹️