偶遇台北 (荃灣廣場)

有一段時間冇喺香港食台灣嘢，咁啱見到呢一間看似台灣小食嘅餐廳，就入去試一試。睇過餐牌，午餐價錢並不便宜，order咗個酥炸海島蠔滷肉飯($88)同台式紅燒半筋半肉麵($88),價錢包括一杯台式熱飲(揀咗桂圓紅棗茶）。 個滷肉飯同個牛肉麵嘅賣相都相當唔錯。但滷肉飯只有兩隻蠔，炸得唔錯，而滷肉嘅份量也極之少，基本上係食完都唔會飽嘅。至於個牛肉麵，牛肉並非如台灣般用上牛腱，而係類似牛肋肉；個粗麵比較腍，冇嚼口；個湯有啲藥味，比較奇怪。個桂圓紅棗茶就十分之行貨，應該係即沖嗰種。買單嘅時候發覺原來仲要加一，即係話平均要接近$100一個午餐，絕對係物非所值，應該唔會再幫襯😥。…查看更多

原身想食樓下間老厝邊 點知執左😭誤打誤撞就黎左呢間偶遇台北 見有個2人餐所以入去試下入到去職員都好有禮貌~我地嗌左蟹柳粟米起司蛋餅-好食！🤩不過略嫌太多沙律醬😮‍💨蓋過左蛋餅同其他材料既味道酥炸魷魚鬚-有驚喜！🤩炸粉唔厚！又唔會超油！但有少少咸🤣番茄雜錦豚肉鍋-味道無話好驚喜 正正常常 都好食既 但2人份量黎講的確少左啲😫話晒都無主食 所以焗住要加錢加個飯先飽😣如果兩個女仔細食都可以接受既🙈最後我地加左$48試埋個滷肉飯 個人覺得加$15要個白飯仲好🤣椰汁仙草紅豆芋圓-正正常常 愈食愈覺得有啲甜手打檸檬茶蜂蜜柚子茶最後埋單$403 呢個價錢黎講份量真係有啲少🫠經過可以試吓既~…查看更多

放工時間不多，本來黎到荃灣廣場本來以為要等位，竟然不用等位，心裏懷着不仿一時既心態😄，食落要encore! 紅燒半筋半肉牛肉麵$85D麵一食就知係手工好QQ，個湯夠濃郁，筋同肉都夠淋，冇得輸🤣💪非常推介！！！…查看更多

一開始新開張嘅時候，滷肉飯好好味，可以係話我食過最好味嘅滷肉飯滷肉又肥又黏口，入口即溶好可惜而家嘅滷肉飯已經唔同咗，瘦肉比例多咗好多，變成咗一碗勁普通嘅滷肉飯，唔知係咪轉咗師傅呢？然後一開始嘅臭臭鍋隻味係勁香，辣度啱晒香港人嘅程度，少少辣，但係而家嘅臭臭鍋變到勁鹹，真心想食返以前嘅偶遇台北，希望餐廳老闆同師傅睇到可以收到顧客嘅意見最重要係我想食返以前嘅滷肉飯同臭臭鍋🤣🤣🤣🤣🤣🤣🤣🤣…查看更多

今日喺荃灣廣場買咗戲飛，見未夠鐘就醫肚先。試咗碗台式紅燒半筋半肉麵，真係要大力推介！一上枱已經聞到濃濃嘅紅燒香味，令人流晒口水。首先講吓個主角——半筋半肉，牛筋同牛肉都炆得超級淋，入口即化嘅感覺正到爆！牛肉鬆化得嚟唔會散開，牛筋又滑又糯，吸盡咗湯汁精華，味道濃郁得嚟唔會死鹹，滷水功夫絕對滿分！配菜都絕唔馬虎，蟲草花爽口得嚟帶啲咬勁，仲有清甜嘅紅蘿蔔同白蘿蔔，炆到透心又入味，同濃湯出奇地夾。個麵底更加要讚，台灣麵煮得啱啱好，夠晒彈牙，掛湯能力一流，每啖都食到湯汁同麵香。整體嚟講，由湯底到配料都做得相當出色，一碗落肚大滿足！如果鍾意食台式牛肉麵嘅朋友，呢碗半筋半肉絕對值得試，保證食過返尋味！…查看更多

諗住食台灣嘢試下新嘢, 叫咗個紅燒牛肉麵, 啲份量少得可憐, 小朋友都唔會食得飽, 唔會有下次, 咁大個仔都未見過一碗麵可以咁少份量, 今時今日咁嘅做生意手法, 祝佢好運, 斷估做一張租約玩完..…查看更多

我之前唔吃台灣嘢，因為鹹爆，食完都覺得要洗腎。但依家嘢唔同，D嘢唔鹹，環境舒服，價錢大約50幾左右，唔算太貴，服務態度又好。個日同D friend 去左依到食lunch, 叫左個牛肉麵，然後額外加了地瓜條同鹽酥雞，表面脆又不油，超~好吃！！！食個陣時仲係脆嘅同熱嘅。最最最重要的是食物不鹹！不用擔心自己有腎病…查看更多

Lunch一班同事叫左個花鵰麻油雞湯面麻油好香， 鴛鴦腸同鹽酥雞，香口好味， 大腸滷肉飯入味。飲品好多樣都好飲， 尤其是推介手打檸檬茶，唔太甜，推介。職員服務好好，我地問左好多野都詳細解釋，下次會再幫襯…查看更多

❣️偶遇台北 (荃灣)荃灣大壩街4-30號荃灣廣場4樓432號舖☎️台式紅燒牛肉麵$78牛肉已經切成方便入口嘅size🤤落肉質紮實，配埋牛肉湯就更加夾👍🏻而牛肉麵都好彈牙煙靭😍值得一試～夜市小食大拼盤$98因為樣樣都想試吓，所以就決定咗叫呢個小食拼盤🤣拼盤有齊台灣腸、地瓜球、地瓜條同埋鹽酥雞，邪惡嘅配搭，滿足晒我樣樣都想試食嘅心🙆‍♀️小食永遠都係唔會令人失望的，有啲掛住台灣了😜椰汁仙草紅豆芋圓$48甜品有滿滿嘅配料🤤 Q彈煙靭嘅芋圓配上粒粒紅豆🫘係一個最好嘅配搭！夏天食仙草涷，真係消暑既好選擇😛#荃灣 #荃灣美食篇 #荃灣西 #荃灣廣場 #荃灣美食 #荃灣西美食 #台式美食 #地瓜球 #地瓜條 #鹽酥雞 #炸雞 #香港 #香港美食…查看更多

嘩！偶遇台北，是台灣正宗味道！餐廳環境乾淨企理！好似去咗台灣夜市咁～服務非常好偶遇台北，味蕾瞬間甦醒！滷肉飯油香撲鼻，肉燥鹹甜入味，配上軟糯米飯，一口就上癮；食堂臭臭鍋湯頭濃郁，食材豐富，丸、菇、鴨血和枝竹吸飽精華；還有鬆脆的蜜汁地瓜條，每樣都讓人驚艷！更別說手搖飲，愛玉Q彈、茶香清新，完美解膩，配埋甜品，簡直一流。台北嘅食物，唔單止填飽肚，更係一種幸福嘅記憶，令人想一再回頭！…查看更多

前幾日喺度叫左個牛肉麵，其實個牛肉麵都唔錯嘅，牛肉都炆得淋，但麵嘅份量真係少，食唔飽。但唔憤氣就係成間餐廳已經冇咩服務，埋單又要自己出去櫃枱埋 ，都要收加一服務費，仲要收錢果時個男服務員態度又差，粗聲粗氣咁，埋單嘅時候真係好不爽，唔會再黎食再中伏。…查看更多

荃灣廣場食到呢間「偶遇台北」，環境算幾舒服乾淨，以綠色主調，座位之間唔會太迫，坐得舒服，適合同朋友輕鬆食飯。餐廳唔算大，但感覺好寬敞。柯仔麵線入口滑溜，麵線夠幼身，湯底有淡淡台灣味，唔會太鹹，兩三口已經覺得幾開胃。紅燒牛肉麵嘅湯底帶有一點藥材香，但唔會過重，牛肉炆得軟腍且帶筋，麵條煙韌，整體味道令我諗起喺台北食過嘅紅燒牛肉麵，質素OK但唔算突出。滷水拼盤方面，有多款滷水小食，鹵味味道算入味，肉類同滷蛋鹹香。…查看更多

呢間餐廳提供多款台灣特色美食，其中酥炸魷魚鬚、夜市鹽酥雞、滷水大腸麵線同台南牛肉沙茶鍋係佢哋嘅招牌菜式。我地就試咗佢哋嘅酥炸魷魚鬚同夜市鹽酥雞。首先講下酥炸魷魚鬚，呢個菜式外皮酥脆，內裡鮮嫩多汁，每一啖都充滿咗魷魚嘅原汁原味。再嚟就係夜市鹽酥雞，呢款小食外皮酥脆，內裡鮮嫩多汁，每一啖都充滿咗雞肉嘅原汁原味。不過要提醒大家，因為呢兩份小食同其他枱分量差好遠，我地個份好散，可能唔夠食。除此之外，我仲試咗佢哋嘅滷水大腸麵線同台南牛肉沙茶鍋。滷水大腸麵線嘅湯底濃鬱，大腸經過滷製處理後更加香口，配上彈牙嘅麵線，真係好味。而台南牛肉沙茶鍋則係一款熱辣辣嘅火鍋，牛肉鮮嫩，沙茶醬味道獨特，令人回味無窮。最後，因為我係生日會員，所以送咗一份黑糖愛玉冷珠芋圓。呢款甜品口感Q彈，但好甜。總括嚟講，偶遇台北嘅食物質素唔錯，而且價錢都算合理。如果你鍾意食台灣菜，又或者想試下新口味，不妨嚟呢度試下。不過要提醒大家，可能要等一陣先有位。…查看更多

平日都會經過，見人少少試下冇咩特別一定都係返台灣食仲好特別係杏飽菇，勁細舊縮晒水，都唔知有冇半條加塊葉就$38 衰過香香雞仲要唔係特別好味冇野講食埋滷肉飯，Ok啦個人黎講太咸or太多汁至少應該唔會記得其他未試過有機會先😂…查看更多

因為想食蛋餅所以揀咗呢間，最後失望收場5:30pm一入去嘅時候個經理講限時75分鐘，但其實個場唔係好多人，有啲奇怪點解要咁樣安排，不過因為仲有個半鐘就睇戲咁唔緊要啦落完單之後啲嘢食嚟得幾快，可能因為份量好少鹽酥雞嚟到好似少咗半碟咁，仲要係鹽酥雞粒，有啲似喺街都買得到嘅鹽酥雞，普通又唔特別好食個滷肉飯最快到，面頭隻溫泉蛋幾靚，但啲飯好腍好濕（睇相都睇得出），唔係平時正常質素嘅飯，滷肉唔係特別好食，性價比低唔似正宗台式嗰啲蛋餅，佢係蛋喺面，仲要肉鬆少到以為冇，淨係食到沙律醬同甜甜地嘅麻糬仲有少少沙律菜，唔掂蜜汁地瓜條($38)同牛肉麵($82-88)就正正常常，都叫做符合個價錢侍應唔會自動自覺refill水，要等佢經過嗰時要求佢加先加總括嚟講唔得，唔會再嚟…查看更多