俺流塩らーめん (新都會廣場)

营业中

休息中

俺流塩らーめん來自東京涉谷，在2010年由從事拉麵業多年的小林先生創業。葵芳的分店位於新都會地下，經常都有顧客排隊等候入座。等候期間，侍應會遞上餐牌及點菜紙，有13款拉麵，麵的軟硬程度、蔥荀都可以自己選擇。湯底基本上有兩款，一款是熟成鹽湯，利用壓力鍋，將大量的雞骨及青蔥煮成白白的濃湯，看似是豆漿。第二款湯底材料都是一樣，慢煮而成，故湯底清徹。各款的拉麵除了基本的湯底，分別加上辛辣、味僧、黑蒜等口味。店鋪會定期推出一些新口味限定，近期推出的是蕃茄海鮮拉麵。我第一次來的時候選的是柚子拉麵，味道很清新。今次來，想試濃味的，所以選了黑蒜油熟成濃湯拉麵。濃濃的蒜香撲鼻而來，為濃湯點睛。豚肉也很軟熟。雖然不是柚子拉麵，但湯麵上都會有少許柚子白蔥作為點綴及提味。菠菜和流心多也是隨湯附上。喜歡蔬菜多點的朋友可追加多一碟菠菜。也可選擇柚子椰菜。流心蛋真的有在流。以香港的日本拉麵的價格來說，已算是比較大眾化，可以接受。

今日去新都會行街買衫，行到攰啦就諗住喺度食埋野，好多餐廳都唔知揀邊間好，跟住見下面果層一間拉麵鋪唔使等位就二話不說走咗入去環境就真係麻麻啦，佢其實都唔算係一間鋪頭，佢係喺正扶手電梯下邊夾出嚟嘅一間店，兩條扶手電梯嘅中間所以一想一落嘅人全部都睇到你食野！我就叫咗個黑蒜濃湯拉麵有張紙落單嘅咁可以揀麵既軟硬度，走唔走蔥，要唔要筍咁我就面就揀咗普通，要蔥要筍好快都已經有得食湯嘅黑蒜味唔算重如果開濃返少少就比較好夠叉燒係厚身，得一片我比較鍾意食薄身多啲我加咗啲類似XO醬咁嘅嘢，都幾好食最後佢個流心蛋，唔錯～味道就普普通通，但係$73都算抵食但環境就麻麻～好處係唔洗等位～

新年新開始，先祝大家有個愉快順心的 2019年！首文來個好意頭，襯冷天氣和大家吃暖𥅈𥅈拉麵，怎麼樣？ 來自東京澀谷的「俺流塩らーめん」，在港的幾間分店都不乏捧場客，看來已站穩住腳，說真它的出品質素不錯，定位也不算貴。加上不停有新產品作「期間限定」，都幾 match 香港的「潮流」效應，keep 住有新鮮感也。 而咁啱，「俺流」的意思就是「我的潮流」。創辦人小林先生首作「熟成鹽湯」，用超高壓壓鍋將豬肉、雞骨及香蔥等材料餚成精華湯底，以此揚名。 今次是我第三回來吃，此期間有限定的海老系列： 小吃「海老餃子」$42 外型不似一般平放打橫煎的日式餃子，比較似圓邊鍋貼，脆底的。 每隻餃子有兩隻爽彈蝦仁，沾酸汁吃，好提味，也可去油膩感，頭炮幾開胃。 「玉子大版燒」$18 似章魚小丸子 x 大版燒，味道也相近： 因為賣得很平宜，有估不到是這樣大碟。小丸子其實是玉子燒，有幾粒，軟綿綿，配木魚絲和大版燒酸汁也好吃；而且堂食只是賣 $18 啊，街頭小食價。 「味噌海老拉麵」$89 店內無論甚麼拉麵，都可以有不同個性選擇，例如麵質軟硬、湯底濃淡、 配菜追加等。我點的這個是原汁原味，所有設

和朋友簡單地食了一餐拉面，我叫左俺流男盛拉麵，選了辣湯底送餐不算太熱，相信扮左一段時間湯底不算太辣，只是一般的辣油，整體味道較淡，但麵質有咬口，炸雞在湯中已經稍為浸琳，口感大打折扣，份量足夠，味道尚算可以接受

新開張嘅時候，日日夜夜長龍不斷。隔咗一段時間冇响新都會逛街，最近行街見唔駛排隊馬上衝入去，點知中伏了 要試吓間拉麵店得唔得，最好試食佢嘅叉燒拉麵。最普通最平嘅拉麵，最簡單嘅食材，可以試出師父嘅基本功。如果連最基本既嘢都做唔好，其他嘢就唔駛試喇！相反，如果連最平最簡單嘅拉麵都有用心去做，咁其他食品就可以放心喇！今次點嘅叉燒拉麵揀咗味噌濃湯底，拉麵上枱時只見到啲湯（真係好多湯），完全見唔到拉麵同塊叉燒。撈咗一陣終於撈到筍絲，一塊叉燒，大蔥，仲有一隻冇蛋黃嘅流心蛋 賣相唔得唔緊要，咁味道呢？湯底方面 - 明明揀咗濃湯，但味道就好淡，同普通拉麵一樣！拉麵方面 - 軟硬適中，可惜分量太少，食完都唔飽 ！叉燒方面 - 食得出係日本豚肉，肉味好濃，鹵得入味軟爛，但得一塊咁多，想追加一塊加$13 ！配料方面 - 筍太少，但蔥絲好多，所以湯底幾香。但個流心蛋就變咗"走心蛋" ，蛋黃全走，得返個蛋白殼 服務方面，完全本地化，冇日本拉麵店嘅貼心，食完馬上收碗抹枱，催埋單趕客 以全店最平$59 （＋10％）嘅叉燒拉麵嚟講，我唔推介 ！

之前新開就日日排曬長龍，又好早截單，愛食拉麵既我一直都試唔到🙈果日早左去到見到咩旺場，諗住一試啦⋯⋯點知⋯失望而回啦🍜😟·俺流柚子拉麵💰HKD73柚子湯底幾重柚子香，飲落都好清新既柚子味👍🏻不過就偏油左啲🙈拉麵我揀左硬麵，質感煮得幾好，溏心蛋都正常水準🥚但係！！！！！那一千零一塊叉燒超級勁勁勁鞋拾拾😑失望到一個點🤦🏼‍♀️·唐揚炸雞飯💰HKD42呢個價錢都算幾平，都無咩大期望，有三件炸雞、質素普通，略嫌佢炸粉過厚🙊·明太子芝士燒餃子（6件）💰HKD38細細隻既餃子鋪滿芝士碎同埋明太子醬，味道無特別，芝士同明太子味都無乜，而且煎得偏油😟🥟·難怪而家人龍不再，我覺得都係試過就算👋🏻👋🏻

食拉麵通常都係食連鎖式大集團，想試下新野就黎左葵芳呢間拉麵店試下，順路可以行埋葵涌廣場仲叫埋明太子餃子，又係超濃味、香口！溫馨提示，晚上經常都大排長龍，晏就食會小人啲！

在葵芳站鄰近的新都會廣場有很多食市，不同cuisines都有，如果行程緊逼，可以一試下Oreryushio嘅拉麵，店舖位於商場地下電梯上落位置，所以不是一處給客人坐得舒舒服服嘅地方，就是在鄰近Broadway準備看電影，還有半小時開場，吃過拉麵總好過又吃Mc當當，由下單至用餐15分鐘可完成，但繁忙時間會排長龍。言歸正傳，在香港吃拉麵，總難找到真正日本風味，但在香港眾多拉麵店內，這店的黑蒜熟成濃湯拉麵的濃湯底還原度比較高，但有時品質不太穩定，分量足，已配了叉燒及流心蛋，平過分散order㗎！但餃子就非常細，有點中服嘅感覺，整體食品滿意，由於自己去到日、韓到處都愛找拉麵吃，所以此店子常來。

呢間拉麵鋪成日有人排隊，今日經過就試下有咩咁好食叫左個$59蚊嘅熟成濃湯拉麵，話係用雞同豬煲出黎。🐖🐔黎到第一時間飲啖湯，果然鮮味，飲得出有豬骨同雞嘅味，有d 似早幾個月食嘅東京嘅無敵家拉麵。件叉燒好厚，幾淋幾好味。拉麵就軟硬適中。 整體黎講做得好出色。仲有各種特別配料可以加，有黑蒜油，柚子胡椒同梅子醬，可以增加拉麵嘅風味。其他拉麵店好少有。但唯一要彈嘅係位置唔太好，坐係扶手電梯底或者旁邊，好多人行黎行去。

去到排一陣間唔算等好耐然後又張菜單可以自己TICK如果有唔明可以問職員解釋態度好好解釋好詳細我地3個人點左3碗拉麵+一碟炸雞3碗麵都唔同味道本人覺得 湯底濃郁拉麵本身夠霖 而且好彈牙豚肉好好味吃起來 很有日本風味最緊要係 碗麵好大碗而且拉麵份量超多所以一定夠曬飽而且唔覺油膩食完之後唔多點飲水應該無咩味精碟炸雞好酥脆調味啱啱好 可以同拉麵一起食非常夾大家不妨可以試試 價錢方面 我覺得合理因為碗麵真係好大 好好夠飽碗麵真係大過塊面

今日同媽咪出荃灣拜山，本身媽咪想食味千（佢係忠實fans😂，好難迫到佢食其他拉麵)。但因為巴士係葵芳站落，所以就係番呢頭搵野食。係新都會行左陣街，睇水牌見到呢間鋪係日文名，就諗應該都有拉麵食，所以就決定食呢間。午市黎講都唔算等好耐，等兩三張檯就有。等入座既同時，侍應會比menu同order紙我地睇定、剔定要食啲咩。佢地既拉麵都有十零款可以揀，麵質、蔥、筍都可以選擇，但就唯獨得男盛拉麵可以揀熟成／辣塩湯。入座之後，第一眼就留意到檯面啲調味料🤔。除左有一般既辣油、胡椒粉個啲，最特別係有三樽野，分別係黑蒜油、梅子醬同柚子胡椒。我估係要黎加落湯到，等湯底既味濃啲，所以我加左最大路既黑蒜。另外試左少少個柚子胡椒，覺得太鹽，都係乖乖地食番黑蒜油🤣。媽咪嗌左「黑蒜熟成濃湯拉麵」，我就揀左「俺流男盛拉麵」，因為見佢最多料。湯底好香濃，麵都好彈牙🍜。最感動既係溏心蛋係一隻，唔係半隻🤩，平時啲拉麵都係得半隻。至於啲叉燒都ok，不過我本身就麻麻地叉燒，唔鐘意食到肥肉。碗麵仲有兩大舊炸雞，真係好大塊。啲色有啲淺，唔太似唐揚炸雞。不過因為上菜個陣直接浸左落湯到，個皮已經唔脆😭，啲雞另上會好啲！整體黎講係中上水平

睇戲前， 見到門口排隊， 咪諗住一試睇住muen同整容d 字， 感覺都吾錯點知碗麵一黎到， 見到個樣已經扣晒分隻蛋點解吾砌開， 即刻開返openrice 睇下d 相問心， 如果有做功課， 我真係吾會食食落d 味道真係好一般， 收$73蚊真係吾值可能有一半係舖租啦但一定冇下次

成日都要排隊嘅拉麵鋪。。。。次次同老公見到到咁多人都會走，今日老公遲左收工，所以我排隊先。排到了我啦，老公就岩岩趕到，very good yeah ~~座位唔太舒服，比較迫，如果坐電梯口的話就真係慘啦！其實坐得舒唔舒服都好重要，如果坐得辛苦的話，食都食得唔輕鬆。第一次食，拉麵黎講價錢算低。味道方面係ok嘅， 合格中上的，份量也足夠，大衆化價錢。不過哩到其實唔係好岩我口味。。。老公食，辛辣鹽味拉麵。10蚊加多樽梳打我食嘅係男盛拉麵仲有餃子，都幾好食

成日經過新都會廣場都會見到呢間拉麵店排曬隊，今次係友人話一起食拉麵，所以我地都成爲排隊的一份子la！排左大概25mins，就可以入座la，排隊的時間有凳提供，感覺上都唔會等太耐。入到去，看左餐牌選擇都幾多，最後我地一起都食辛辣拉麵，本生我係一個唔多好拉麵的人。所以無抱太大的期望，因爲拉麵比我的感覺就是咸同濃味。食完呢個拉麵之後，我覺得拉麵都唔係太差！麵質我選擇左偏軟，偏軟的麵質很對我的胃口。加上湯底唔咸加上有點辛辣，感覺就很開胃，好快就食曬。

見到呢間拉麵店有唔少人排隊，就排埋一份試下。排隊期間已經俾定menu我地揀定食咩。拉麵選擇都算多，最後友人揀咗俺流熟成濃湯拉麵，我就揀黑蒜油熟成濃湯拉麵。再加$10 檸檬茶同蜜瓜梳打。蜜瓜梳打似糖水，好伏俺流熟成濃湯拉麵湯好濃，但唔油膩。黑蒜油熟成濃湯拉麵加上黑蒜，味道較俺流熟成濃湯拉麵濃郁，加上有少量檸檬絲同蔥絲中和，唔算太油膩，不過鍾意食清淡啲嘅我較鍾意俺流熟成濃湯拉麵，友人亦好快食完麵揀咗普通硬度，入口彈牙。流心蛋夠暖又夠流心最怕食到外暖內凍嘅流心蛋豚肉鬆軟，不過份量亦較少。豚肉應該放返係面，沈底，差啲以為無肉食。