影片
营业时间
今日营业
11:30 - 21:00
星期一至日
11:30 - 21:00
以上资料只供参考，请与餐厅确认详情
喺东涌行完outlet之后揾食，拣咗呢间拉面店，价钱都几平，六点左右入座唔使等，两个人可以坐卡位。拉面方面都几多选择，我哋叫咗一个俺流熟成浓汤拉面，俺流男盛拉面同一份俺流饺子。呢两碗拉面嘅汤底差唔多，都系豚骨汤底，熟成浓汤拉面只系得一片叉烧同埋冇蛋，所以我哋另外加钱叫咗一份玉子。面质硬度可以自己选择，呢样嘢加分，因为好多出边嘅拉面店而家都未必有得拣。男盛拉面有两件叉烧同埋两件大炸鸡，肉嘅份量好多，好满足。饺子而家做紧特价， $28有六件，都几抵食，味道都唔差。佢枱面上仲有好多调味料可以配搭，令到口味可以更加丰富，冇咁单一，比较推荐嘅系柚子胡椒酱同埋黑蒜油。
继续阅读
评分： ★☆☆☆☆（俾半粒星都嫌多！）谂住试下呢间拉面店，点知中晒伏！最大问题就系——咸！咸到黐线！咸到反胃！饮第一啖汤，成阵死咸味冲上嚟，好似直接饮豉油沟盐水咁🤢！啲汤完全冇层次，得个死咸字，啲所谓「骨汤」淡茂茂，但咸味就浓到痺，饮完喉咙都痛埋！勉强食咗一啖面，点知啲面吸晒啲咸汤，好似咬紧盐砖咁😵💫！啲叉烧同配菜本身都已经系雪味，仲要俾个咸汤浸到得返阵咸苦味，真系嘥料！有几咸？• 饮完成杯冰水都仲系口干舌燥，成晚都要不断饮水；• 啲汤咸到唔敢饮第二啖，惊食完要即度血压；• 成餐饭净系挂住灌水，食到一肚气！如果话系「重口味」，呢啲直头系调味失冲啦！唔通师傅打泻咗成樽盐落去？定系想帮客悭豉油钱？🙄俾钱食饭唔系嚟虐待自己㗎！汤底控成咁，真系唔该返去厨房再练过啦。各位想食正常拉面嘅朋友，千祈要避开呢间，除非你想挑战一日盐分摄取量上限啦⋯⋯😭💣
继续阅读
😵💫大东山徒步被「大风吹」摧残后，🍜很想食热辣辣的面条，在东荟城选左li间拉面店🌶辛辣熟成浓汤拉面-汤有d咸但够浓👍大阪烧饺子-好特别，咸咸甜甜的环境比较open, 所以唔太静。年初三多人在东桶附近徒步，晚饭时间人比较多但地方不大所以要等每人平均百几蚊，钟意浓汤的值得试😀
继续阅读
服务员态度极其恶劣，不想做生意可以不做。一个跑堂的叫你三四次没反应，看见有人招呼你，居然头一扬就过去了？就差面对面去一把拽住你了。我点单点好了还要自己把单子送还给你们？递到收银台，收银台的也是个木头，连管都不管的。我寻思也不是什么饭点高峰期，还能碰到这种服务，店老板要是看见这评论，快特么换掉你家这几个货吧上餐极慢。根本不是什么高峰，先上一碗面条，面条都吃完了，一个米饭上不来。等上来，再加上你家那两个棒槌服务的态度，一口都不想吃了劝大家不想被恶心的话，快别去这店了
继续阅读
寻日去咗间拉面店！我点咗一碗熟成浓汤拉面，朋友试咗盐味拉面，仲加多一碗白饭分享。熟成浓汤拉面真系不得了，汤底浓郁香醇，一啖饮落满口胶质感，浓汤味道层次丰富但唔会过腻。面条有弹性，挂汤力一流，每条面都沾满汤汁。叉烧入口即化，脂香四溢，仲有流心溏心蛋，完美配搭！至于盐味拉面就走一个清新路线，汤底清澈但唔简单，入口带咸香，有一丝猪骨味，令人食完好舒服。呢款特别啱清淡派嘅朋友，但又唔失层次感。白饭就啱啱好平衡浓汤嘅厚重感，点埋叉烧汤汁食，真系满足！环境唔算大，店员服务亲切。无论你钟意浓汤定清汤，呢间店都唔错。
继续阅读