信記避風塘海鮮美食

在銅鑼灣避風塘碼頭 有接駁小船送你到海中央體驗感十足 幸好當天風浪不大 船不會搖搖晃晃但每一次丫姨上菜的時候 船也會側傾 每一隻船都有獨立廁所 但沖廁所水要自己用筒在海上拿回來沖真的很獨特的體驗白灼虾 當天的不新鮮有點霉D花螺正常的水準沒有什麼太特別辣炒蜆 很多很多沙影響口感 而且辣椒味道太濃烈不適合廣東人的辣度蒜蓉蒸蛏子王 蒸得過火變得太老，太有咬口l豉油王蟹油炒面很有鑊氣但亦都變相有很多焦份量挺很多避風塘炒蟹 有驚喜炸得剛剛好而且肉質厚實很鮮甜…查看更多

之前睇cotton啲片，見到佢地去食，所以6月頭去咗試！睇openrice啲評價好壞參半，所以想平反少少。我地食8點嗰轉，嗌咗2人餐，啲蝦俾我想像中彈牙，嚟到仲係熱辣辣，之後炒蜆同蟹都食得出係新鮮。只係個炒麵乾咗少少之外，其他全部都好好食，俾想像中好。本身諗住佢呢個價錢都係食個景，但啲野食都同樣高質。見啲人cm話服務態度差，自問真係唔覺，全部姐姐都好nice，佢地見我俾咁俾蚊咬，都主動拎咗支蚊怕水俾我。揸艇個uncle都好nice，因為我唔食辣，問佢攞多一碟豉油佢都冇西面，好好態度。佢見我哋掛住影相，都同我地講啲蟶子凍咗就唔好食㗎啦！…查看更多

當日係女兒生日，囡話係母親受難日，所以個女話帶我去食海鮮。事前故作神秘沒講黎哩度吃，總之話好貴。6:00 到達海傍，先坐駁船去避風塘，大約1分鐘到達，然後每枱一架小船，可能當日係黃雨，個天黑得好快，間中有風吹到架船好搖，小船內沒有冷氣有兩把封晒塵的風扇，場內頗為焗促。講返食物，我地3人，套餐有灼蝦，避風塘炒蟹，炒蜆，蒸勝子，蟹油炒面，螺(忘記影相)，外加一個蝦腐皮卷(好似$15X一碟)。份量小不得只 ，味道都係麻麻地，蟹有小小"梅"，蜆好細隻，有小小凍凍地唔覺得佢哋喺現場到煮，似係煮好之後先係架船到回鑊但炒得唔夠。蝦腐皮卷應該係買現製品再翻炸的。唯一好食竟然係碟油菜。哩餐埋單大約$1500，事後先知原來要加二服務，完全不值咁KE 價。唯一係體驗一下漁船上吃飯的風味，不過No More Next Time。就算有外國朋友來也不會帶佢地黎，去西貢或屯門食應該都好過哩度。…查看更多

今次來到這間有啲老香港feel嘅食肆，食到一啲懷舊味道，真係有一種回到童年嘅感覺。首先，啲食物賣相已經贏晒，好似招牌菜避風塘炒蟹，啲蟹肉飽滿，脫殼後彈牙嘅肉質夾埋那香辣醬汁，一口咬落去，哇塞😋！簡直係瞬間爆炸嘅口感，啲香味喺口腔四溢。又試咗個炸兩，外皮炸到香脆，入口即溶，豬腸粉滑嘅不得了，咸香豬肉靚絕！真係會令你一試愛上，無啦啦就掃咗三件。飲料方面就點咗樽凍檸茶，解渴又消脂，喺大快朵頤之餘，提提神仲可以解解膩。食物之外，嘅服務態度都幾有親切感，員工做事麻利，面帶微笑，真係令人加分。有種好似去咗親戚屋企食飯嘅溫馨。整體黎講，呢個飯局，從味道到氣氛，都係正宗香港style，平民都玩得起嘅樂趣。插班生都很容易融入。至於會唔會再黎？答案係必須嘅啦！👍🏼🍽️🚤…查看更多

第一次在艇上吃海鮮🦐🐟🐚6:00pm準時到達銅鑼灣避風塘，就可以致電店家駛小艇到小碼頭，接我哋去「水上大排檔」😃沿途還可以欣賞下避風塘日落🌇海鮮好夠鮮味😋好夠鑊氣🔥尤其避風塘炒肉蟹🦀更加是必點之選😙用上大量蒜粒、香茅、豆豉、乾葱及辣椒等調味料，香味十足🤤從小都吃不少避風塘的料理，但這樣坐在避風塘的船上🛥️吃避風塘炒肉蟹還是第一次，感覺特別有風味😁最後，在艇上當然要吃碗艇仔粥😜用料非常豐富，有鮮蝦、魷魚、還有飽片，味道夠晒鮮味🤤回程在艇上還可以欣賞中環夜景🌃很好的海上用餐體驗🤗…查看更多

從來絕對唔會寫食評，今次真係忍唔到。信記。第一次忍唔住要寫小時候都冇去過呢個地方，諗住帶埋一家人去食吓佢嘅風味。套餐真係唔平，食物真係差到爆二千幾蚊食嘅海鮮份量又少，豉椒炒蜆得個甜味，大部份食物都係凍嘅，份量少味道好唔緊要，但係份量少味道又差。真係好似喺出面買返嚟。咁嘅水準極度失望我出去鵝頸橋底炒蟹嘅地方仲好食過佢。屋企人極度不滿，唯有係咁講唔好預佢好食，淨係食風味，淨係食佢風味，係咁同自己洗腦，唔好令自己咁難受，總之一定唔會再去…查看更多

有朋友嚟香港，諗住帶佢哋試啲新嘢。見到避風塘好似幾新鮮，想帶佢哋體驗一下。一開始駁船，揸船嗰位阿叔已經好冇禮貌，呼呼喝喝。去到坐低之後，一開始上基圍蝦，我哋八個人得兩碟辣椒豉油，問個阿姐可唔可以比多兩碟，佢黑面話淨係可以比多一碟。都算啦，之後所有嘢食都係凍哂，完全唔覺得佢哋喺現場都煮，好似出去食外賣咁樣。我哋已經6:30到，對佢6:00pm開始已經算早。都唔知係咪一早煮好之後慢慢上菜。雖然菜單大部份都係套餐，但係完全覺得冇心機，上菜阿姐禮貌又麻麻地。去完之後覺得自己好戇居，用咁嘅價錢食到一啲咁差嘅食物。唯一好處就係可以影下相，不過完全諗唔到有任何原因要去多一次。😤平時都未試過打食評，但係今次太嬲所以一定要打，希望唔好咁多人好似我咁失望。…查看更多

朋友生日🎂初次嘗試上船食飯🍚我哋喺怡東酒店停車場隧道行過去銅鑼灣避風塘,喺海邊行過去幾分鐘就到,坐一架接駁艇仔去目的地,幾分鐘就到達,我哋當日點咗10人餐$3980,嘢食方面有手撕雞,白灼基圍蝦,白灼東風螺,清蒸沙巴龍躉,避風塘豉椒炒蜆,避風塘炒肉蟹,蒜蓉蒸蟶子王,香炸花姿腐皮卷,油菜一碟,韭菜花一碟,招牌蟹油炒麵,我哋另外仲叫咗招牌燒鵝粥,海鮮整體嚟講都好食,招牌燒鵝粥反而有啲失望,整體嚟講環境食物都ok🤤…查看更多

咁大個女未試過係避風塘食飯 覺得食海鮮可以揀流浮山 三聖村 西貢 鋰魚門….大把選擇但咁岩親戚回港探我地 就一於去試下呢啲特色野記得要預先WhatsApp船家訂位 講明食幾多人餐（船家講左 到時想加人頭都加唔到 ）老闆已預早比左清晰指示 係邊度行去上船位置到時會有艇仔去碼頭接我哋 出發當日 路線易搵既 （提醒最好去埋廁所先上船）佢格局係一連十多隻細艇既 每架就一張枱咁 可以容納8個人左右我地一行8人都覺得幾迫。架船搖下搖下咁因全程得兩個呀姐 招呼咁多枱客 佢不停咁係你船頭行黎行去 佢全部海鮮正常水準。因為我覺得新鮮海鮮都幾難整得難食 但最好味係佢既手撕雞同埋炒蟹 同蟹油炒面但佢唔好既地方係 真係想加單都加唔到即係我表弟覺得唔夠飽 想加碗白飯都冇個隻所以建議真係去前睇好想食咩 預返好個份量😎嚴格黎講 未去過既 去下無妨會暈船浪者 要諗清楚…查看更多

讚1 環境係有氣氛 坐係船上面 好似拍緊戲咁2 唔算貴 平均四五百一個人左右3 免酒水費 好啱一班人去食飯想飲勁彈1 菜式味道實在麻麻 炒蝦 炒蜆 蒸魚既功夫都過火2 上菜時間控制得差 等等等等餐飽 3 船一經過就好大浪 暈船浪唔好搏…查看更多

對上一次book信記已經係一月嘅事，之後就因為疫情禁堂食所以擱置，差唔多成年之後終於成事💃🏻晚市分6-8pm / 8-10pm 兩個時段，我地放咗工去所以揀後者。套餐唔包飲品，可以自攜飲品唔收開瓶費，我地一行四人預早少少約左去買嘢飲之後就去到銅鑼灣避風塘碼頭等接駁艇家載我地去信記～短短幾分鐘嘅船程我哋已經雀躍萬分，好似去旅行咁，海風吹埋好chill好舒服，相都未影完就已經到左信記。我地一早已經預訂咗四人餐$1680，首先登場嘅就係白灼基圍蝦同白灼東風螺，正常發揮，冇乜大驚喜。跟住就係蒜蓉蒸蟶子王，另外加蒜蓉粉絲蒸大扇貝。蟶子王同大扇貝個size其實唔係好大，蟶子王有少少沙，扇貝未完全離殼，不過蒜蓉豉油熟油同粉絲夠晒香，都OK。跟住灼油菜一碟，清清味蕾再食濃味嘢唔錯。壓軸嘅係避風塘炒肉蟹、避風塘豉椒炒蜆、招牌蟹油炒麵，係成餐飯嘅highlight。避風塘炒肉蟹有水準，叫咗小辣唔係好辣，蟹肉滑嫩又多，重點係佢d炸蒜好正，真係可以空口食佢d邪惡脆脆，攞嚟撈蟹油炒麵簡直一流！避風塘豉椒炒蜆比炒肉蟹辣，豉椒汁比較濃味，係重口味之選，不過嚟到船上食就係食呢種風味！食物一般，炒肉蟹比較出色，但係有幾可會去船上邊食晚飯，適逢就嚟聖誕節沿岸有好多聖誕燈飾，望住個海同好朋友吹吓水敘舊係好chill好過癮嘅體驗，值得一試！姐姐喺船頭逐隻逐隻船跨過將d餸送到去唔同船都幾特別，每經過一次船身都會搖晃，有時都幾暈😂不過都係一個有趣嘅體驗～夏天應該會幾熱，開始入秋呢段時間嚟係一個唔錯嘅選擇！同行有朋友生日，喺船上食蛋糕慶祝生日真係一個特別而難忘嘅經歷💃🏻💃🏻…查看更多

睇咗YouTube 介紹，銅鑼灣避風塘有間海鮮飯店睇咗評價都幾好，WhatsApp俾佢哋預留咗日期時間，都要預先落埋單喺銅鑼灣避風塘天橋底度，有架艇仔會接客上海中心嘅船排開餐天公做美，雖然今日有些少雨，上船嘅時候已經停雨。搭艇仔上細艇度食嘢，有種懷舊風味諗住上船，會有靚景可以睇吓誰不知，上到船係冇景觀可言的😅😅😅算啦，叫做體驗吓接駁船仔嘅視角睇出去係咁嘅樣而上到船係除咗搖吓搖吓係冇咩特別，怕暈嘅人唔好去食，唯有期待啲餸係好食啦😅😅😅今次我哋4個大人，同一個小朋友食飯叫咗個4人套餐同兩碗瀨粉，事先叫埋兩碗白飯入面枱面放咗紙巾、醬汁，同旁邊掛住咗包飲管，船內面空間夠6-8個人坐，有個廁所仔要留意返兩邊人數重量，會側埋一邊（啲餸都好危）如果要嘢飲、手套嗰啲就要提早自備啦上菜時，姐姐會走過一架架船，將餸菜送上枱基圍蝦，白灼都好鮮甜，蝦頭有膏，好食東風螺都係白灼，點少少汁都好食蟶子呢個蒜蓉汁係好味，可以撈飯，蟶子大大隻好咬，冇沙蟹係用一堆爆蒜炒出嚟好味，估係一隻半蟹份量菜都鮮甜好味嘅，份量就少咗啲最後係蟹油炒麵，幾好味叉燒同鴨瀨，正常發揮船上食嘢有限時，8點去食，嘢食唔係上得好快，9點45分左右，姐姐已經催我哋要走嗰吓都幾趕頭趕命，唱完生日歌影咗幾張相，蛋糕都未切，已經俾姐姐趕搭船唔建議任何慶祝活動喺呢度搞😅😅觀感好差總結：要景觀冇景觀，嘢食係好味，未至於要俾咁嘅價錢上船食慶祝千萬唔好上船，真係純體驗一次就夠😅…查看更多

一直都好想試吓避風塘出海喺艇仔上面食海鮮，朋友生日咁啱佢話想食海鮮就上網搵到依間餐廳會分6-8pm同埋8-10pm嘅時段，而我哋就book咗8-10pm既時段，餐廳會預先安排約客人8點喺指定地方等候艇仔接送到用餐既艇，用餐嘅艇大概有5-6架由於訂位時會預先提供餐牌給食客依人數訂餐，所以上船後只要等食便可以了。另外，飲品可自己攜帶不會另作收費，餐廳上都有供應但價錢比較貴我地訂左一個二人餐炒蜆同蒸蟶子都蒸過龍，口感偏韌避風塘炒蟹同炒麵都炒過火，炸蒜會有焦燶味，而炒麵都係會有焦燶嘅味道其實仲有烚蝦，叫做最正常，因為冇乜技術可言服務：正常環境：可以邊食邊欣賞維港夜景，但船上設施比較簡陋，洗手間冇燈總括：真係純粹體驗一次便夠，主要係食風味…查看更多

我們一行五人，表哥出發前已在網上看過信記的餐牌，決定選一個四人套餐($20xx)，另外就補錢加多一位。 我哋個日想早d去到，因爲我地想做少少佈置去慶祝表哥結結週年紀念，俾驚喜表嫂。🥳我哋個日就食第一輪(18:00-20:00pm )我就打電話去問佢可唔可以提早半個鐘去到？佢話唔得。😔⋯⋯甘好啦，我哋6點準時去到，已經見到船上有兩枱客飲紅酒睇日落😅阿姐見到我兩個人上船，🧟‍♀️黑臉問我，仲有三個人呢？我就話佢地遲少少到。當我哋佈置期間，佢就嚟咗兩碟餸，手撕雞同蝦。半個鐘鐘之後就同佢講可以上菜，因為時間緊迫，八點鐘就要交場俾佢哋。點知佢話：小姐，你啲朋友未到齊，點上菜？🤢當表哥表嫂嚟到，其他小菜都未嚟，又再吹下佢啦，因為驚食唔切，趕頭趕命😪⋯⋯之前以為船上係有廚師煮食物，點知原來唔係，係由鋪頭煮好晒，再由艇仔送上嚟，真係失望，食海鮮一定要趁熱先好食嫁，點知……..七點半先嚟避風塘炒蟹同豉油王炒麵，甘遲先嚟，心諗仲有個蛋糕未食，唉😮‍💨⋯⋯仲問我地加唔加魚肉春卷？😖成餐飯根本無點享受過，全程趕頭趕命食嘢😑我建議大家唔好買蛋糕上去，因為佢無雪櫃幫你放。另外佢有個半開放式洗手間係船尾，感覺好唔衛生同簡陋，只係有塊布遮住😌⋯⋯二千幾蚊，覺得不如去屯門三聖買海鮮加工食仲好😅…查看更多

同大家分享一下第一次到避風塘食飯體驗。講咗好耐，終於訂了唯一一間在銅鑼灣避風塘的信記食海鮮。一開始我哋係WhatsApp 溝通，用餐分兩個時間，6時和8時，確認了日子和人數之後，佢哋會給你不同人數的餐單和單點選擇，還有給你上船位置的指示和地圖，約好去到就可以打電話叫船家接我哋到用餐處，去到眼見一共有六首船（六張枱）連在一起，不過大家要預咗要一邊食一邊浮下浮下😂。講返食物，我哋係五人餐，有手撕雞、白灼蝦、東風螺丶炒蜆、時菜丶蒸蟶子、避風塘炒蟹、炒麵和另加的香炸花姿腐皮卷，其實樣樣味道都不錯，不過除了避風塘炒蟹之外，其他的都是非常普通的海鮮，感覺有點貴，所以大家不要主力放在食物上，感受下避風塘的環境，和在船上用餐的體驗，那會好一些😅，而且感覺避風塘也比以前乾淨得多，船家也有善。總括來說，如果未去過避風塘的話，可以一試，都是一個幾特別的體驗。…查看更多