侍拉麵

太子呢间入型入格充满住工业风嘅拉面店，成间店劲型。佢地唔止净系食拉面，居然仲有冷粹饮品同甜品，几难得一间咁正宗嘅拉面店会有埋甜品食。到底系一间被拉面耽误嘅甜品店，定系被甜品埋没嘅拉面店，答案系拉面同甜品都系完美！！🤩😍🦐浓虾汤拉面 $98店家只有三款拉面，但虾汤呢碗真系令到成间拉面店都好香。佢地个碗用左黄铜钢黎装拉面，成个感觉几正之余，就算食得慢少少都仲系好够热。汤底较浓同杰身。一大片嘅叉烧搭配两粒手打猪肉丸，肥瘦适中，肉丸仲有D软骨几特别。炸鸡两件 $28就连炸鸡都炸得好好食，炸皮唔厚咬落好脆皮，肉好厚好大件，虽然有少少油腻但系肉汁好多，蛋黄酱加埋一齐食系劲正🍮焦糖布甸 $40布甸够结实，蛋味好香之余仲见到唔少云尼拿籽，食落滑得黎好香云尼拿嘅香。焦糖都好够多，至少系包晒成个布甸，整体都非常之香。🍰Tiramisu巴斯克 $65又点会谂到拉面店都有巴斯克食，而且仲要咁出色。表示洒左咖啡粉，中间层系棉滑嘅芝士蛋糕，底层系好香嘅tiramisu乳酪蛋糕层，仲食到D好浓咖啡味嘅饼干碎，呢个甜品比起一般甜品店更加值得去食🍵冷泡八女煎茶 $45绿茶茶味清香，慢慢细味下有种甜香绿茶味，饮落舒服，食过拉面同甜品后饮起上黎就更加解腻如果香港有拉面店排行榜，我会将佢排系第一位，下次会再战食埋其余两款拉面同其他甜品…查看更多

早两日已经好想食拉面🍜星期五去太子附近 食左地铁站隔离嘅拉面店餐厅Menu贵精不贵多 网上睇食评啲人仲盛赞佢个甜品鸡蛋布甸🍮 老实讲我都系冲住佢而黎🤣⭕️ 浓虾汤拉面 $98先生叫咗佢最钟意嘅虾汤拉面🦐汤头好浓郁 饮落去完全系鲜甜虾膏爆晒出嚟 唔系𠮶种假虾味拉面亦十分挂汤 面底偏爽⭕️ 熟成鸡白汤拉面 $98我就要左鸡白汤🐓 上枱见到成碗起哂泡🤤好creamy 先饮啖仔好真材实料除左片肉 仲有两粒肉丸 唔会好斋⭕️ samurai炸鸡🍗 $28外皮炸到金黄超脆搣开鸡皮净食肉🤣好嫩口juicy呈微粉红刚熟状态 高手👏🏻黎到甜品环节 系我今日想试嘅主角⭕️ 焦糖布甸🍮 $4090分 只系我自己钟意食再硬身啲嘅质地甜度啱啱好 布甸亦好幼滑其实都算大旧⭕️ 开心果巴斯克 $60第一啖食都有开心果味未算流心状态 但亦唔会干争争好硬所有嘢都几平均去开附近真系可以一试🫶🏻…查看更多

早两日先黎过太子花墟，呢日临时朋友又约黎太子食饭，朋友拣左呢间拉面店，好方便，一出地铁站已经见到。 餐厅装修都几靓，系工业风，环境都几舒服，职员有笑容。点餐可以用手机落单。 浓虾汤拉面餐厅只卖3款拉面，虾汤拉面的汤底非常浓郁，汤底比较杰身，很挂汁，面身弹牙有咬口，而且配搭两粒丸，很弹牙。叉烧口感柔软。 Samurai 酱油拉面 2.0呢款系朋友点的，朋友话呢碗拉面酱油味道啱啱好，不会过咸，食完亦不觉油腻。 炸鸡（两件）我地点左炸鸡share黎食，一向都好钟意食炸鸡，呢度嘅炸鸡外脆内嫩，肉质juicy，最紧要炸粉够薄，啱哂我，仲可配搭沙律酱好滋味。 焦糖布甸上网望左几眼，见原来呢度除左出名拉面，仲出名甜品，所以就叫左，焦糖布甸很滑身，奶味香浓，焦糖不会太甜。 开心果巴斯克开心果大热，都未试过开心果嘅巴斯克，有少少开心果碎点缀，增加口感，而且芝士和开心果配搭好香，口感轻盈，食完也不会很腻。 冷泡八女煎茶呢款冷泡茶清新爽口，茶香浓郁，配蛋糕真系好适合。…查看更多

餐厅嘅装修都有少少cyber punk沟工业风嘅感觉，主要都系行型格路线。我自己都冇谂过食拉面，竟然可以配咖啡食Basque cake，成件事都几fushion。我觉得拉面就贯彻始终一样都系咁好食，反而令到我真系好有惊喜嘅系个炸鸡同埋布丁。‣ 浓虾汤拉面 $98如果钟意食重口味嘅人，一定要叫虾汤，真系超级浓郁。佢未上枱嘅时候，离远都闻到虾个阵味，而面底相当之挂汤汁。平时食完拉面我都冇话特别想饮埋个汤，但系呢一个我真系饮唔住饮晒，但系同时我又觉得餐厅做得好好，佢个面嘅份量同埋个汤都啱啱好，相信我，你一定唔会嘥咗啲食材。‣ 熟成鸡白汤拉面 $98鸡白汤调返转就主打一个舒服，饮落去嘅时候，一样都系好浓郁，但鸡汤嘅鲜甜同海鲜𠮶种鲜甜，我觉得系两回事嚟。饮落去嘅时候真系觉得喉咙好舒服，整体感觉都清新好多。佢仲有一个小巧思，放咗粒蕃茄仔喺鸡白汤入面，但系虾汤系冇嘅，我自己觉得个味道出嚟都几正，所以话好fushion。‣ 炸鸡两件 +$28虽然有啲夸张，但系咬落去第一啖真系忍唔住「哗」咗出一声，俾我想像中好食太多。啲鸡肉系劲！嫩！滑，你谂吓夸张到我忍唔住用咁多感叹号你就知。作为一个好钟意食炸嘢嘅人，拉面舖嘅炸鸡嚟讲，佢都算令到我印象深刻，钟意佢个炸皮，同一般嘅唐扬皮唔一样，而且个皮唔厚。‣ 升级套餐 +$60套餐包一个布丁同一杯野饮，可以拣煎茶或者咖啡。咁套餐我就拣咗一杯冷萃咖啡，我觉得咖啡佢哋真系好细心拣过，呢一杯饮得出系酸味比较重嘅豆，但同时间过果味好出，系一杯细心挑选过嘅咖啡。我觉得搭配甜品一齐食简直一流，苦混甜更加饮到咖啡豆本身嘅香味。不得不提就系个布丁，我见到好多食客一个人嚟食都好，佢都会加餐同埋食个布丁。虽然真系好打手，但系佢个布丁真系俾我之前喺其他Cafe食过嘅布丁好食太多。个蛋味超浓，唔呃你望个布丁嘅颜色就会知。你唔好以为佢叫硬布丁，个口感就真系好硬，食落去我觉得有啲似panna cotta，口感软滑绵密，值得一试。‣ 冷泡八女煎茶 $45本身八女煎茶都好出名，所以我觉得舖头系好有心思设计过个Menu，甘甜但我觉得个茶香都几鲜爽。‣ Tiramisu巴斯克 $65本身自己都好钟意食Tiramisu，所以见到已经忍唔住点样都要嗌返个，可惜冇得跟餐，但系我觉得好值得。口感绵密，我觉得入口够湿润同软心，本身餐厅嘅咖啡已经好出色，用埋系Tiramisu上面够晒香醇浓郁，真系冇得弹，我下次应该会过嚟食个开心果巴斯克。…查看更多

侍拉面 Ramen Samurai 新开于太子, 由「悄悄食堂」同「顶立拉面」联手新开. 悄悄之前去过, 好喜欢佢地氛围同甜点. 今次黎到侍拉面, 最欣赏都系呢两样. 水泥风和尼龙灯, 楼底高. 内里有好多店主收藏, posters 好可爱, 令人会心微笑. 坐窗边位, 自然光加装潢好有悠闲感觉Samurai 酱油拉面2.0 $98双重汤头以沙甸鱼煮干同鸡骨混合而成, 汤头清澈富鲜香又唔会太咸、 有2粒脆骨鸡丸子几有爽脆口感.面唔会太腍, 爽口挂汤. 喜欢上面仲有风干小茄, 味道更浓缩咬落酸甜爆汁. 油封玻璃豚肉, 店社交平台写系用左瑛夏农场出品 三元猪玻璃肉部位, 半肥瘦得黎肉爽带油香, 几好食. 溏心蛋入味熟成鸡白汤拉面 $98奶白色汤底, 唔知点解觉得呢碗肉鞋d 但店员话系一样嘅肉. 其他配料相约, 较喜欢酱油Samurai炸鸡 $28/两件炸得外金黄香脆内嫩, 炸粉唔会好厚. 放耐左都保持到放久香脆 焦糖布甸 $40好香滑~比起比时食pudding 滑嫩动L 感, 呢款食落更似法式flan, 口感比较扎实富vanilla香.焦糖酱香甜中带微苦, 味道balance 刚好, 送啡一流. Tiramisu巴斯克 $65Tiramisu sponge cake 加左mascarpone, 香滑creamy. 食到rum 同可可香味. 底部coffee Basque cheese cake 真系好香浓啡香, 而个只啡味唔系平时常见三合一啡, 而系好似SOE靓啡, 啡香中又会品尝到一丝酸味. 喜欢品啡嘅朋友应该都会钟意Cold Brew/冷泡八女煎茶 $48/45有大粒方形冰, 可keep 冻温度又无咁快溶稀释味道. cold Brew 饮落顺滑偏向nutty 较少酸度, 而冷泡茶就较清爽. 太子运动场道3号地舖…查看更多