佳記

失望的經歷重新開返之後，上星期諗住出黎TST食個*靚早*點知大失所望而回🙄 沙爹牛肉麵，得個鹹字，無咗之前既香煎味，牛肉亦非常*鞋*口,天氣咁熱跟餐當然飲凍奶茶，點知上枱嗰陣已經有啲化水，變左凍奶茶溝冰水🙂味變左唔夠茶香，到底係天氣熱到啲冰咁快溶，定係放咗喺到一陣，先拎杯沖好既飲品上枱呢🤨🤨，總之就搞到杯凍奶茶失色晒😔。裝修之後其實個衛生環境同以前差唔多，仲要突然間見到有米奇行過，之後即刻埋單走人😭…查看更多

🇭🇰 #佳記ღ 沙嗲牛肉脆麵 $56 🌟🌟🌟已經食過好多次呢個脆麵了！麵底脆卜卜，好得意。沙嗲牛肉汁唔似平時嘅好香濃花生醬味，但又好惹味，牛肉份量又多又軟腍，而醬汁都足夠撈勻成個面，唔會話好乾/唔夠汁👍🏻╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟮/𝟭𝟬ღ 沙嗲牛肉西多士 $36 🌟🌟🌟呢個都好好食toooo 🙌🏻 西多士外脆內軟，裏面嘅沙嗲牛肉餡料剛剛好，最好就當小食同朋友share食😛╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 蔥油雞扒撈公仔麵 $54雞扒煎到外脆內嫩，幾juicy，不過略嫌蔥油真係有少少油膩，食到中段會好膩，整體不過不失。╰┈➤ 𝘁𝗮𝘀𝘁𝗲: 𝟳/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟲.𝟴/𝟭𝟬…查看更多

我都幾鍾意咖喱。經開依頭試下依間小店。佢有別於平時食果啲港式咖喱。佢話係古法巴基斯坦咖喱。睇落見佢落左好多香料。食落都有點辣。又幾好味喎。油又多左小小。不過佢個味都幾香濃。見到有啲洋蔥、香葉、八角⋯⋯落足香料。食落有啲層次。汁同飯另外上。唔會整到啲飯同豬扒淋哂。另外，個豬扒應該係炸過。外熟內軟。唔會死實實。依個街市好似間間都差唔多茶記野食。依個咖喱很出色，值得再特登翻轉頭再幫襯。還有佢個奶茶的茶葉應該都係有獨特的配方，有一種獨特的香味。幾特別。…查看更多

好幾年前去海防道熟食中心食野既時候都仲係好舊式熟食中心既裝修，估唔到今年再去既時候已經翻新左，大家都幾該坐得舒服啲，係咁多間舖頭當中，今次就揀左「佳記」。聽親去海防道熟食中心搵食既朋友仔都會搵豬扒黎食，所以今次揀既麵餐order左腸仔配秘製豬扒米粉配凍茶走。腸仔都係正正常常茶餐廳食到既腸仔，反而米粉略嫌唔夠爽口彈牙，個湯都比較淡。主角秘製豬扒味道就算唔錯，醃得夠入味，豬扒都唔會話硬倔倔，所以整體黎講只可以話不過不失。另外野飲，自己去茶餐廳或者一啲比較地道啲既地方都中意嗌奶茶飲，依杯茶走茶味都夠香，又唔會太甜👍🏻個人評分（滿分為5）味道：😉😉😉環境：😉😉😉員工友善度：😉😉😉😉CP值：😉😉😉…查看更多

海防道街市對於香港人應該都唔陌生，今次lunch time 無乜時間坐底食，所以只係買個快飯算。豬扒醃得入味，但沒有死咸，食落有少許果仁香味，唔知落咗咩去醃，我覺得幾好味，有別於一般只有豉油味，而且炸得乾身不油膩，不過豬扒偏瘦沒有肥膏，可能配合番港人口味，但都鬆軟，沒有變柴皮，隻蛋就普通煎蛋。最欣賞佢個蔥油，香、但沒有過生有青味，連我不太喜歡吃蔥既人都覺得ok, 可見應該有特別調製；另一個要讚既係飯，好怕煮得太腍太爛的飯，簡直是食不下嚥，這裏粒粒分明，乾身但未至於硬，再加上淋了蔥油都無變得糊口，不錯👍🏻…查看更多

一大早七點幾，返工前路過海防道熟食市場，就入嚟食個早餐。裏面有好多唔同嘅店舖，佳記未食過，有位女士好熱情咁猛叫我坐低，我就問佢有冇沒有粉面的早餐，佢話有，我就坐底咗。叫咗個豬扒蛋多士早餐，飲熱奶茶。奶茶先到，顏色對板，味道亦都唔錯。豬扒唔算厚，亦都唔大塊，煎蛋比較多油。分量對我來講係啱啱好，因為時間尚早，返工前通常都未開胃口。30幾蚊，正常發揮，無彈無讚。係行入去海防道熟食市場嗰條路要經過街市，會見到一隻隻生豬，感覺麻麻地，但係入到去其實環境又唔錯。都算乾淨衛生。…查看更多

今早特別想食一個給讚的地方食早餐，故意搭車往尖沙咀海防道臨時街市熟食檔！早已聽聞這裏的熟食檔聞名，揭開OpenRice食評，跟着指示，可從北京道入口；我們則從海防道入口，要行到尾較難找，一入去裏面已有幾檔老闆招呼了，每張枱也有標示其餐廳名字。我從OpenRice揀了評語不錯的佳記，往佳記的細圓枱子坐下，這裏沒有冷氣，只是舊式風扇吹吹吹，坐張膠櫈仔， 70年代的感覺！點了其聞名的熱奶茶🧋和沙嗲牛肉脆脆公仔麵。一食第一啖，係弊家伙！中伏！不得不即刻寫返評語，原來OpenRice的食評不可盡信！先說熱奶茶，有茶香但苦澀味濃d，不知是否不夠奶！最差係溫度不夠熱度，不熱又不凍！而沙嗲牛肉脆脆公仔麵則是一個未煮透嘅公仔麵，即是煎生公仔麵，不熟但卻不脆！牛肉片都算多，但沙嗲味唔夠，只是得個鹹味，鹹到根本食唔到，想搵啲滾水沖淡，但沒有！所以成碟食咗3啖！一太清早可想而知那份被破壞了的極失落失望的感覺⋯⋯😂😭老公就食咗個沙嗲米粉三文治，冇乜特別！所以環境一般，沒有冷氣，食物質素一般，價錢又不便宜，這裏就不值得推介了！一句講晒，總之OpenRice食評只可作參考😂…查看更多

好耐之前已經想黎架喇沙嗲牛肉脆脆麵🍝好似幾吸引好可惜佢逢星期日唔開唯有等我星期六放假先有得黎因為上過d雜誌介紹好怕好多人要等位所以決定早d黎11點未到就到達😛所以完全唔洗等仲要無人咁滯🤣🥢沙嗲牛肉脆脆麵($56)一坐低就叫左先因為佢寫明要d時間整都等左一陣先有得食真係見到大廚慢慢煎香個麵餅係要d心機架沙嗲牛肉係兒時嘅味道🤟🏻牛肉又唔會太淋個麵黎講呢有8成都係脆嘅😎之但係又食到條條分明唔會煮淋晒先黎煎炸而且份量都算多一個男人都夠食唔錯👍🏻🥢椒鹽豬扒飯($50)豬扒雖然好深色不過味道唔會太咸而且豬扒鬆軟唔會煎炸完就死實咁出面食到好好味嘅豬扒都唔易架上次食隔離豬扒就唔ok喇😅豉油就似係自己較嘅唔會得個鹹字🥢沙嗲牛肉西多士($36)初頭諗住實唔夠食所以叫多個西多士沙嗲牛肉西多士應該係獨有？所以試下先係明物應該唔會唔好食嘅d牛肉好足料就算角落頭都食到呢個配搭係唔錯嘅不過可能太多食到有d漏😅熟食中心仲有其他舖都幾吸引下次可以再黎🤗…查看更多

今次黎到尖沙咀既街市揾野食，呢個位又真係幾偏幾難揾，要係街市邊揾位入去，但入到去原來又幾乾淨企理，仲有唔少好食既餐廳tin，有間叫佳記既就專埋茶記下午茶小品，味道唔錯，價錢又夠大眾。睇門面就覺得好有香港老情調，夠曬香港特色風味，仲有用英文沙既餐牌，ABC餐，真係特別有回憶既。餐牌選擇都幾多，真係睇到眼花繚亂，最後都係擇返d大路野，試一試佢。油脾，色水就夠曬光澤，見到都皮薄肉厚，岩曬鐘意健康既朋友，食落醃得夠曬入味，咬落夠嫩口，唔會太柴，又保留到雞味，唔會比醃味搶過曬。炸脾，大件就唔算好大件，但生炸黎講熟度處理昝3岩岩好，唔會太乾身太柴，食落幾香口美味，夠曬惹味。豬仔飽，大大件，奶油夠多，味道好足，而且食落夠乾身，唔係軟軟咁，證明夠新鮮。小店黎講，係香港真係買少見少，呢個街市呢間佳記，仲保留到香港特色，去慣商場既朋隶，真係值得黎試下。…查看更多

近日我喺臉書睇到沙嗲牛肉關注組，有人介紹咗呢間👉🏻佳記，必食兩款沙嗲牛肉嘅美食！等我貓大人帶埋朋友去品嘗下先🍜沙嗲牛肉脆脆麵一碟炸過嘅公仔麵，鋪滿香濃而且顏色鮮艷嘅沙嗲牛肉🤤沙嗲牛肉入口軟腍，味道又唔會鹹，而且勁惹味👍🏻而公仔麵外圍炸得特別香脆，配上沙嗲汁，真係令人一試難忘🤩🍞沙嗲牛肉西多士望落去好似一件普通西多士，但一切開就有好多塊沙嗲牛肉湧出嚟！一入口覺得沙嗲牛肉反而無咁濃，可能俾西多士吸哂啲沙嗲味？我食完後總係覺得呢個味道唔係我想像中嘅味，我想要甜中帶鹹味😅可能同朋友share食，因為咁我就無加糖漿，所以欠缺咗一啲甜味！下次再食吓加咗糖漿嘅沙嗲牛肉西多士先！呢個籍口都唔錯呀😂🧋鴛鴦紅豆冰喺餐牌上面係無呢款紅豆冰㗎！事源我煩住個亞姐問佢奶茶紅豆冰好飲啲呀？定係咖啡呀？亞姐二話不說就話鴛鴦紅豆冰啦！我望極個餐牌都無，佢話特別為我調配，亞姐真係勁Nice😚鴛鴦夠香濃，奶味又唔重，勁好飲！而紅豆粒粒都好大粒，咬落有𡁻口，又唔會太粉，勁好食😋呢杯鴛鴦紅豆冰令人回味無窮😋🥤紅豆冰同樣紅豆都係好大粒，奶香又唔會過甜或太淡，味道恰到好處👍🏻…查看更多

最近都成日落雨🌦天氣無咁熱就算去無冷氣嘅海防道熟食街市食嘢都唔會點岀汗今次食咗佳記新推出嘅No.1 沙嗲牛肉西多士 （💰36) 8.8/10作為西多士控 最鍾意食到外脆內軟麵包索滿蛋液既西多士🥰🥰🥰估唔到鹹味沙嗲牛肉 配埋糖漿會咁好食有驚喜 牛肉份量又多 抵食🤩下次可以試埋咖吔西多士No.2 沙嗲牛肉脆脆麵 （💰56) 8.9/10輕輕煎過嘅公仔麵底有少少汁 又保持到香脆口感 👍🏻一啲都唔乾 好惹味👅 食唔停口問咗店主 menu上其他嘅嘢食都可以加錢轉脆脆麵底👏🏻👏🏻 No.3 秘製豬扒包 （💰40) 7.2/10店主另推介依個脆卜卜豬扒包豬扒肉質嫩滑 但個包略嫌太乾身 下次食要叫多汁…查看更多

經過尖沙咀海防道街市見佢啱啱裝修好，除咗以前嘅食肆之外亦都新加左唔同嘅檔口，環境比以前乾淨以及光猛，作為食客嘅我感覺更加舒服，今次搵咗一間裝修前冇乜印象嘅餐廳試一試🧐——————🐽 沙嗲牛肉脆脆麵 聽老闆娘講呢個脆脆麵係成間鋪嘅鎮店之寶，喺出邊亦真係好少見類似嘅菜式，鍾意食沙嗲牛肉嘅我更加唔會錯過🤣沙嗲牛肉本身同麵已經好夾，脆脆麵令到食落更加有咬口，驚喜十足🐽 蔥油豬扒煎蛋飯一上枱已經聞到啲蔥油好香，蛋黃撈埋特製嘅甜豉油加豬扒一齊食真係好正，蔥油佢係另上，所以唔會搞到成碟飯好油膩，好貼心🐽 滷水腩肉牛肚聽老闆娘講呢度嘅滷水係每朝自己滷，牛肚滷水得好入味，味道啱啱好，唔會太鹹或者太甜，食落都無食到味精味，建議大家嚟到一定要叫🤤…查看更多

平日下午三點同友人去食下午茶 去到就有位仲有得揀位坐 叫咗個沙嗲牛肉脆脆麵同埋沙嗲牛肉西多士 一杯凍奶茶同奶茶紅豆冰 啲沙嗲牛肉係鹹到.. 完全食唔到入口.. 食咗兩啖已經頂唔順 但又唔想做大晒鬼 夾硬食咗一半 然後杯野飲已經飲哂.. 投降.. 我地都覺得其實塊西多士係整得好食嘅 如果無咗啲沙嗲牛肉嘅話…. 唔太夾 又好鹹又甜咁.. 雖然係咁 反而我地要特登落多啲糖漿去覆蓋咗啲過鹹嘅味 先覺得比較易入口.. 奶茶紅豆冰係唔錯嘅 紅豆夠淋 成杯野甜度適中睇其他食評 可能叫豬扒包會開心啲..…查看更多

佳記 － 尖沙咀海防道熟食中心海防道熟食中心翻身之後真係乾淨左好多而家耐唔耐都會去食LUNCH今次突登去食佳記既沙嗲牛肉脆脆麵😝今次ORDER左：🔸沙嗲牛肉脆脆麵呢個沙嗲牛肉脆脆麵真係好正麵底似係煎過 所以脆卜卜麵既上面就鋪上大量既沙嗲牛 牛肉份量唔會太小而沙嗲汁亦都夠濃味😋🔸沙嗲牛西多士100%推介 食完你也會感到驚訝啊～沙嗲擺入麵包內炸 整成西多士原本怕點完糖漿會又咸又甜唔好食 所以無點到糖漿就咁食已經好多沙嗲味食到一半先再有點糖漿 真心哇左出黎 原來糖漿先係呢個西多士既精粹🔸豬扒包塊豬扒好JUICY，個包脆得黎又唔會太乾都好值得一試整體黎講沙嗲牛真係好出色 聽老闆講脆脆麵底可以加錢轉咖哩汁岩哂唔同人既需要去開尖沙咀區 又想食平啲去海防道熟食中心真係唔會有錯！————————🚩佳記尖沙咀海防道熟食中心————————…查看更多

近期好Hit嘅沙嗲牛脆麵，咁樣嘅配搭，的確幾好味，不過有啲咸個沙嗲牛，之前上網睇人哋講話要排隊，小編星期六日大约3-4點去都未需要排隊㗎😅，另外個西多士就有啲唔係好夾，下次都係轉返普通西多士😊…查看更多