佐賀燒肉谷 (屯門市廣場1期)

上个周末同朋友一齐去屯市食「佐贺烧肉谷」，第一次食，试吓佢哋嘅烧肉放题，估唔到咁有惊喜😳我哋夜晚9点先入座，原来8点半后入座有$40折扣优惠(level 1-3)已经即刻觉得几抵食！原本我哋打算拣Level 1嘅套餐，但经理好热情咁推介我哋试Level 2嘅美国和牛海鲜放题（每人$418-$40=$378）另收加一，仲特别提到烟熏壶渍封门柳系必试之选，话好新鲜又好味。见经理咁有诚意，我哋就决定试吓Level 2，结果真系冇失望！烟熏壶渍封门柳肉质好新鲜，店员仲帮我哋烧好，技术一流。咬落去完全唔韧，肉质松化，入口即溶，味道浓郁，我觉得绝对系今晚嘅MVP！美国和牛肩胛肉眼肉片切得好薄，好入味，烧完仲保留到肉汁，食落真是一个「嫩」字！新鲜度同质感都好有水准。牛舌 牛舌烧得啱啱好，爽脆又唔会太韧，简单调味已经好够味，系烧肉迷嘅必点之选。安格斯牛小排依款牛小排油花分布均匀，烧完后外层微焦，内里保持嫩滑，肉汁锁得好实，每一口都充满牛肉嘅浓香。虽然唔及和牛肩胛肉眼咁入口即化，但味道同口感都好有水准，值得一试！澳洲壳饲原块牛板健牛板健切得厚实，肉质结实有咬口，烧到七成熟时，肉汁同牛肉嘅原味好突出，带点嚼劲但唔会韧。调味简单但好能突显肉质嘅鲜甜，特别适合钟意食厚切牛肉嘅朋友。另外，饮品同雪糕都系任食，饮品选择多！雪糕可以加上唔同既配料，甜品控既我真系好满足。服务方面真是一个大加分！经理同员工都好有礼，仲好贴心咁教我哋点样烧肉会更好食，仲帮手烧，确保每件肉都烧得完美。环境方面，餐厅坐位宽敞，坐得舒服，通风又做得好，食完烧肉都唔会成身油烟味，呢点真是一个大赞！下次仲想再试吓其他款式，强烈推介俾钟意烧肉嘅你！…查看更多

好少写食评 但系服务同食物质素真的要推介一下👍🏻👍🏻👍🏻👍🏻今日朋友约我到屯门佐贺烧肉谷食饭 店内差不多坐满乘客，全店卡坐，感觉好阔落，虽然多人，但完全冇压迫感最主要有个职员戴眼镜肥哥哥会介绍环境，又会主动推介边款级数适合我哋，唔会好似逼你一定要食最贵（但系我哋都拣咗最贵😂）因为个职员介绍得好详尽 俾佢吸引到🤣🤩野食上咗枱，会主动帮手烧肉，又会细心讲解注意事项，亦会主动帮手处理部分难处理的食材，见到客人越来越多，都没有缺乏招呼缺乏同服务，个人觉得十分真系可以比一百分，个人认为系一次唔错既体验❤️会在二访的餐厅🥰…查看更多

午餐时间选择了这间烧肉谷吃半自助烧肉午市套餐，选了牛2品烧牛肉盛盒，牛肉份量足够，牛肉质素ok, 自助bar 有热食及白饭，萝卜牛腩够淋，可乐鸡翼，炸弹烧卖，也有蔬菜菇类等可烧烤，前菜有中华沙律、螺肉，甜品有数款mochi, 味道不太甜，饮品有多款罐装选择，茶类、汽水、凉茶等，也有自助咖啡，及雪糕，雪糕糯米糍，水果等等。职员服务态度非常友善，坐位也舒适，适合聚餐，虽然是75分钟，也没有好像其他店催促埋单，耐心教导做会员储分，价钱也大众化！…查看更多

入座后，店员会解释几个餐嘅特色，真正落单先开始计时，好公道。拣咗Lv 4 120m 日本佐贺A4和牛海鲜放题, 绝对唔平，但系值得！和牛当然系重点啦，第一round，餐厅会用靓靓木盒将各款佐贺和牛以每人一片份量送上，presentation加分。母亲节正日，仲会加咗decoration喺部份摆盘。怪不得上第一round之前需要啲时间。上菜前可以喺自助bar拣小食、沙律、饮品，生果，甜品… 仲有可以烧嘅蔬菜，望落好新鲜就拣咗秋葵同冬菇，都好好食。等和牛同海鲜嘅时候，试咗一啲，职员好亲切咁同我哋讲记得留肚食靓牛呀！食放题好多时都好心急，特别系烧肉烧海鲜要时间，虽然自助吧啲食物都OK，但真心下次真系要留肚食更多靓牛😉职员好主动更换烧烤网，另外值得一赞系餐厅空气流通，本身好抗拒烧烤，食紧同食完BBQ味总系挥之不去，但依度冇咁嘅情况。…查看更多

佐贺烧肉谷的午餐定量半自助，我叫的是V2餐，加上自助吧上的不限量白饭，完全足够一个成年人食量。自助吧的雪柜有大约20款饮品，也有即冲咖啡和热茶，总有一款适合你。同时亦有数款前菜和小食，让你在等上菜时不用呆坐。最开心的是有数款雪米糍和雪糕机，今天是牛奶和草莓味，已知还有抹茶味。枱上还有多款配料diy雪糕。餐厅内的环境十分舒服，因为都是卡座十分舒适。店员也十分好客、热情，枱面上的空碗碟也会及时清理。餐厅适合各个年龄层人士，十分满意…查看更多