但馬屋 (V City)

俾个名古屋poster𠮶只鸡翼吸引咗，令我谂起之前去名古屋机场转机返香港嘅时候当地的名物鸡翼，虽然唔太好食，但系就系回忆啰！所以见到张post就入嚟试吓佢只鸡翼，点知……唉……，其实就系普通炸鸡翼，炸得外型唔似，我都原谅佢，但系连个味道，样都唔系𠮶回事，真正名物系鸡中翼加鸡翼尖，佢得只鸡中翼，颜色就唔再讲，煮得又唔够人干🙄，总之就系要颜色冇颜色，要味道又唔系𠮶啲味道，要质感又唔系𠮶啲质感，有点挂羊头卖狗肉的感觉😮‍💨，究竟有冇认真做事！我食个套餐系北海道豚肉，讲真啲肉真系冇特别，就系打边炉的肉，牛猪味都唔太够，另外点的小食冇特别。…查看更多

今日两个人享用嘅自助打边炉体验，每人一个自选汤底，呢点非常贴心又丰富，先讲汤底——选咗甘露锅，汤底比较似寿喜烧汤底，甜豉油味道浓郁香醇，甜甜咸咸嘅酱汁味道渗入每块食材，好有层次感。我地点左日本北海道梦之大地豚肉套餐，主角之一嘅日本北海道梦之大地豚肉质真系一绝！肉色粉嫩带点浅粉红，脂肪分布均匀，白色油花细密且透亮，质感柔软之余入口即化带自然清甜，风味丰富、无猪膻味，啱用嚟涮火锅，轻轻一涮即熟，肉味甘美温润，令人回味无穷。配合甘露锅汁底更突出豚肉嘅鲜甜。另一重点是澳洲产长期谷饲牛，牛肉色泽红润，油花细腻，口感嫩滑带微微嚼劲，牛肉香气浓郁，适合喜欢牛肉原味嘅朋友。而精选牛肉则较厚身，油脂丰富，涮完后肉汁饱满，鲜嫩多汁，食落口感丰富饱满。自助蔬菜选择十分健康多元，有羽衣甘蓝、海带结、虫草花、莴笋、金菇、冬菇等等，多汁又保留鲜味；虫草花特别爽脆香甜，而海带结弹牙很有嚼劲，仲有金菇滑滑出汁，非常赞。丸类自助区款式多样，墨鱼丸弹牙有咬口，海胆丸和牛肉丸都唔错，午餐肉片与芝士肠都系小朋友同大人最爱，陪衬汤底非常夹。自助酱料枱多款自家酱料供应，有橘子酱油、利尻昆布酱油、芝麻酱、柑橘醋等等，可以自由配搭，提升火锅味道层次。今期仲有个完熟蕃茄芝士酱，蕃茄控值得一试。饮品区种类齐全，包括汽水、果汁、茶饮等等，方便随时解渴。水果区有应季新鲜水果，清甜多汁作为饭后甜品好清新；最后仲有自助哈根达斯雪糕，浓香滑顺，系完美甜品句号，甜而不腻，非常满足。整体嚟讲，呢次单人自助火锅体验汤底滋味出众，食材新鲜优质，特别喜欢北海道梦之大地豚肉嘅鲜甜柔嫩，牛肉同丸类都表现不俗，多元化嘅蔬菜同主食选择同自助区设计都非常贴心，适合一个人轻松慢慢享受，不论暖身又或味觉，都有好丰富嘅满足感。推荐钟意尝新同钟意自助火锅嘅你，试吓呢个组合，肯定唔会失望！…查看更多

星期五的下午二时和朋友去试这间,拣了经济$179(90分钟)menu方便倾偈,入去时侍应招呼有礼,装修和摆位都不挤迫,出去拿什菜及丸类,种类适中,但质素不错,豆腐,芝心丸,菜和蕃茄但最钟意陈列得很清洁整齐,另外亦推介美容鸡汤,真有鸡件在内,味道很鲜,肉类方面,牛肉和猪肉质素真系超出期望,猪肉松软牛肉味浓最后不得不提服务,服务员真系睇住你需要,你要匙即比,筷子比完自己吾小心跌了又再给你,不给你黑面或変忙,加汤吾使出声,有个哥仔真系值得赞,他非常勤力,虽然人不多,清洁执台不用急,但佢好落力,我哋离开时又多声多谢,今次用餐完全是110分…查看更多

每次想食日式火锅放题，首选一定会系但马屋！因为佢哋嘅牛肉品质有保证，而且加单上菜速度都好快，出边仲有其他火锅料可以攞，每次都食得好满足，而且又唔算好贵，唔错唔错！…查看更多

V city虽然餐厅好多但令我真正想一再encore的就系呢间但马屋火锅～我基本上每次都系点佢地最平（有猪同牛）的套餐食，就算唔系贵餐我觉得肉质都算好唔错！而出面拎的蔬菜及配料种类都算丰富！仲有水果及哈根大师雪糕可以食既～我最爱就系羽衣甘蓝🥬每次都食得好满足！ 而且今次去服务都好好，职员都好贴心好密执碟，值得不断再encore! 唯一一点系觉得环境较逼，桌与桌的距离太近，桌子又太细，不过除咗呢样都满意！…查看更多